ରାଜଧାନୀ ରାସ୍ତାରେ ହାଇଡ୍ରାମା, ସ୍ୱାମୀ ପାଇଁ ଦୁଇ ମହିଳାଙ୍କ ଟଣା ଓଟରା

ଭୁବନେଶ୍ୱର: ସ୍ବାମୀ ପାଇଁ ଦୁଇ ମହିଳାଙ୍କ ଟଣା ଓଟରା । ସ୍ବାମୀ କାହାର ? ପତ୍ନୀର ନାଁ ପ୍ରେମିକାର । ଏଭଳି ପ୍ରଶ୍ନକୁ ନେଇ ରାଜଧାନୀ ରାସ୍ତାରେ ହାଇଡ୍ରାମା । କଳିଙ୍ଗ ବିହାର K4 ଅଞ୍ଚଳରେ ଦେଖିବାକୁ ମହିଳିଥିଲା ପତ୍ନୀ ଓ ପ୍ରେମିକାଙ୍କ ମଧ୍ୟରେ ଜୋରଦାର ଯୁକ୍ତିତର୍କ । ବିଧବା ମହିଳାଙ୍କୁ ମାଟ୍ରିମୋନି ସାଇଟରେ ପାଇ ସମ୍ପର୍କ ସ୍ଥାପନ କରିଥିଲେ କଟକର ସ୍ବାଗତ ମହାରଣା । ହେଲେ ସ୍ବାଗତ ପୂର୍ବରୁ ବିବାହିତ ଥିବା ବେଳେ ତାଙ୍କର ଗୋଟିଏ 5 ବର୍ଷର ପୁଅ ଅଛି । କିନ୍ତୁ ବିଧବା ପ୍ରେମିକାଙ୍କ ସହ ତାଙ୍କର ନିବିଡ଼ ହୋଇଥିଲା ପ୍ରେମ ସମ୍ପର୍କ । ଲୁଚାଛୁପାରେ ଉଭୟ ଦେଖା ହେଉଥିବାବେଳେ ଶେଷରେ ପତ୍ନୀଙ୍କ ନଜରରେ ପଡିଯାଇଥିଲେ ।

ଏନେଇ ପ୍ରେମିକାଙ୍କ ଘରେ ପହଁଚିଥିଲେ ସ୍ବାଗତଙ୍କ ପତ୍ନୀ । ସେଠାରେ ଉଭୟ ମହିଳାଙ୍କ ମଧ୍ୟରେ ପାଟିତୁଣ୍ଡ ହୋଇଥିଲା । ପ୍ରେମିକାଙ୍କୁ ଗାଳିଗୁଲଜ କରିଥିଲେ ସ୍ବାଗତଙ୍କ ପତ୍ନୀ । ହେଲେ ସ୍ବାଗତଙ୍କୁ ୧୭ ଲକ୍ଷ ଟଙ୍କା ଦେଇଥିବା କହି ପାଲଟା ଗାଳିଗୁଲଜ କରିଥିଲେ ପ୍ରେମିକା । ପରିସ୍ଥିତି ଅଣାୟତ୍ତ ହେବାରୁ ସତ୍ୟ ନଗର ଲେଡ଼ିଜ୍ ଫୋରମ୍ ଏବଂ ଶତାକ୍ଷି ଲେଡିଜ ଆସୋସିଏସନ ସଦସ୍ୟ ଘଟଣା ସ୍ଥଳରେ ପହଞ୍ଚି ଉଭୟ ମହିଳାଙ୍କୁ ବୁଝା ସୁଝା କରିଥିଲେ । ପ୍ରେମିକା ଠାରୁ ଏକ ହାତ ଲେଖା କପି ରଖିଛନ୍ତି ଲେଡିସ ଫୋରମ । ଉଭୟ ମହିଳା ତମାଣ୍ଡୋ ଥାନାରେ ଅଭିଯୋଗ କରିବେ ବୋଲି କହିଛନ୍ତି ।