ଭୁବନେଶ୍ବର: ଚାଲିଛି ପାର୍ବଣ ଋତୁ । ଚାରିଆଡେ ପୂଜା ମହୋଲ । କର୍ମକ୍ଷେତ୍ରରୁ ମିଳିଛି ଛୁଟି । ପୂଜା ବୋନସ ବି ମିଳିଛି । ତେଣୁ ଏବେ ମାର୍କେଟରେ ଚାଲିଛି ବମ୍ପର ଅଫର । ଟିଭି, ଫ୍ରିଜ୍ ଠାରୁ ଆରମ୍ଭ କରି ମୋବାଇଲ ଏବଂ ଫର୍ଣ୍ଣିଚରରେ ଲାଗିଛି ବଡ ଅଫର । କିଏ ବାଏ ଓ୍ବାନ୍ ଗେଟ୍ ଟୁ ଅଫର ଦେଉଛନ୍ତି ତ କିଏ ବାଏ ଓ୍ବାନ୍ ଗେଟ୍ ଫାଇଭ୍ ଅଫର ଲଗାଇଛନ୍ତି । ଆଉ କିଏ ଦେଉଛନ୍ତି ୭୦ ପ୍ରତିଶତ ପର୍ଯ୍ୟନ୍ତ ଛାଡ଼ର ଅଫର । ଫାଇନାନ୍ସ କମ୍ପାନୀ ବି ହାତ ଖୋଲି ଦେଉଛନ୍ତି ଇଏମ୍ଆଇ ଅଫର । ଏହି ଅଫର ସମୟକୁ ଅପେକ୍ଷା କରି ରହିଥିବା ଗ୍ରାହକ ଏବେ କିଣାକିଣିରେ ଲାଗିପଡିଛନ୍ତି ।

ପାର୍ବଣରେ ବମ୍ପର ଅଫର । ବାଏ ଓ୍ବାନ୍ ଗେଟ୍ ଫାଇଭ୍ ଫ୍ରି । ଟିଭି, ଫ୍ରିଜ୍, ଓ୍ବାସିଙ୍ଗମେସିନ୍ ଓ ମୋବାଇଲରେ ନୋ କଷ୍ଟ ଇଏମ୍ଆଇ । ଫାଇନାନ୍ସ କମ୍ପାନୀ ଦେଇଛନ୍ତି ହାତ ଖୋଲା ରିହାତି । ଜିରୋ ଡାଉନ୍ପେମେଣ୍ଟରେ ୩୦ ମାସର କିସ୍ତି । ଫର୍ଣ୍ଣିଚର ଦୋକାନରେ ଲାଗିଲା ୭୦ ପ୍ରତିଶତ ପର୍ଯ୍ୟନ୍ତ ଅଫ୍ । ଦୋକାନରେ ଲାଗିଛି ଗ୍ରାହକଙ୍କ ଭିଡ଼ । କିଏ ଝିଅ ବାହାଘର ପାଇଁ ତ କିଏ ନିଜ ଘର ସଜାଇବା ପାଇଁ ବୋହି ନେଉଛନ୍ତି ସାମଗ୍ରୀ । ମୋବାଇଲ ବେପାରରେ ଲାଗିଛି ଜବରଦସ୍ତ ବୋନାଞ୍ଜା । ଦଶହରାରେ ରାଜଧାନୀ ଭୁବନେଶ୍ବରରେ ଦେଖିବାକୁ ମିଳିଛି ଏଭଳି ଦୃଶ୍ୟ । ପ୍ରତି ଇଲେକ୍ଟ୍ରୋନିକ୍ସ ଦୋକାନରେ ଗ୍ରାହାକମାନଙ୍କ ଭିଡ ଦେଖିବାକୁ ମିଳିଛି । ଦଶହରା ଏବଂ ଦୀପାବଳୀ ସମୟରେ ଅଫର ଲାଗୁଥିବାରୁ କିଣିବାକୁ ଆସିଥିବା ଗ୍ରାହକମାନେ କହିଛନ୍ତି ।

କମ୍ପାନୀମାନେ ବି ଭଲ ବ୍ୟବସାୟ ନେଇ ପୂଜା ସମୟକୁ ଅପେକ୍ଷା କରିଥାନ୍ତି । କିଛି କମ୍ପାନୀ ଓ୍ବାରେଣ୍ଟି ଏକ ବର୍ଷରୁ ୩ ବର୍ଷ ଅଫର ଦେଉଥିବା ବେଳେ କିଛି କମ୍ପାନୀ ଗ୍ରାହକମାନଙ୍କ ପାଇଁ କରିଛନ୍ତି ଅନ୍ଲାଇନ୍ ଲକି ଡ୍ର ବ୍ୟବସ୍ଥା । କିଛି ଟିଭି କମ୍ପାନୀ ଗୋଟିଏ ଟିଭି କିଣିଲେ ଆଉ ଗୋଟିଏ ଟିଭି ଫ୍ରି ଦେଉଥିବା ବେଳେ କିଛି କମ୍ପାନୀ ଗୋଟିଏ ଓ୍ବାସିଂମେସିନ୍ କିଣିଲେ ଆଉ ଏକ ଓ୍ବାସିଂ ମେସିନ୍ ମାଗଣା ନେଇ ଅଫର ଦେଇଛନ୍ତି । ସେପଟେ ଫର୍ଣ୍ଣିଚର ବ୍ୟବସାୟୀ ବି ପଛରେ ପଡି ନାହାନ୍ତି । ବିଭିନ୍ନ ନାମୀ ଦାମୀ ଫର୍ଣ୍ଣିରର ସୋଫା ସେଟ୍, ଡାଇନିଂ ସେଟ୍, ବେଡ୍, କଫି ଟେବୁଲ୍, ଆଉଡୋର ସେଟ୍ରେ ଦେଇଛନ୍ତି ୭୦ ପ୍ରତିଶତ ପର୍ଯ୍ୟନ୍ତ ଅଫର ।