spot_img
Home Blog Page 2539

ଦୁନିଆର ଚତୁର୍ଥ ବଡ଼ ଶେୟାର ବଜାର ବନିଲା ଭାରତ, ଏହି ଦେଶକୁ ପକାଇଲା ପଛରେ…

ନୂଆଦିଲ୍ଲୀ: ଭାରତର ଶେୟାର ବଜାର ବିଶ୍ୱର ଚତୁର୍ଥ ବୃହତ୍ତମ ଷ୍ଟକ୍ ମାର୍କେଟରେ ପରିଣତ ହୋଇଛି । ହଂକଂ ଷ୍ଟକ୍ ମାର୍କେଟକୁ ପଛରେ ପକାଇ ଭାରତ ଏହି ଖ୍ୟାତି ଅର୍ଜନ କରିଛି। ଭାରତୀୟ ଷ୍ଟକ୍ ମାର୍କେଟ୍ ପ୍ରଥମ ଥର ପାଇଁ ହଂକଂ ଷ୍ଟକ୍ ମାର୍କେଟକୁ ଅତିକ୍ରମ କରିଛି ।

ସୋମବାର ସନ୍ଧ୍ୟାରେ ମାର୍କେଟ ବନ୍ଦ ସମୟରେ ହଂକଂ ଏକ୍ସଚେଞ୍ଜରେ ତାଲିକାଭୁକ୍ତ ସେୟାରଗୁଡ଼ିକର ମୋଟ ମୂଲ୍ୟ ୪.୨୯ ଲକ୍ଷ କୋଟି ଡଲାର ଥିଲା। ଯେତେବେଳେ କି ଭାରତୀୟ ଷ୍ଟକ୍ ଏକ୍ସଚେଞ୍ଜରେ ତାଲିକାଭୁକ୍ତ ସେୟାରଗୁଡିକର ମୋଟ ମୂଲ୍ୟ ୪.୩୩ ଲକ୍ଷ କୋଟି ଡ଼ଲାର୍ ଥିଲା।

ଭାରତରେ  ଷ୍ଟକ୍ ମାର୍କେଟ୍ କ୍ରମାଗତ ଭାବେ ବୃଦ୍ଧି ପାଉଛି । ରିପୋର୍ଟ ଅନୁଯାୟୀ ଖୁଚୁରା ନିବେଶକାରୀ ବେସର ଦ୍ରୁତ ଅଭିବୃଦ୍ଧି ଏବଂ ଷ୍ଟ୍ରଙ୍ଗ୍ କର୍ପୋରେଟ୍ ଅର୍ଣ୍ଣିଂସ୍ ପାଇଁ ଏହା ଘଟୁଛି । ଦୁନିଆର ବଡ ବଡ କମ୍ପାନୀଗୁଡିକ ବର୍ତ୍ତମାନ ଚୀନର +1  ନୀତି ଆପଣାଉଛନ୍ତି। ଏଥିପାଇଁ ଏହି କମ୍ପାନୀଗୁଡିକର ପ୍ରିୟ ପାଲଟିଛି ଭାରତ ।  ସ୍ଥିର ସରକାର ଏବଂ ନୀତି ସଂସ୍କାର ହେତୁ ନିକଟ ଅତୀତରେ ଭାରତରେ  ମ୍ୟାନୁଫାକ୍ଟରିଙ୍ଗ୍ ଅଧିକ ବୃଦ୍ଧି ପାଇଛି। ଆହୁରି ମଧ୍ୟ ବିଶ୍ୱର ପ୍ରମୁଖ ଦେଶମାନଙ୍କ ମଧ୍ୟରେ ଭାରତ ଦ୍ରୁତ ଅଭିବୃଦ୍ଧିଶୀଳ ଅର୍ଥବ୍ୟବସ୍ଥା ବନିପାରିଛି ।

 

ପ୍ରଭୁ ରାମଙ୍କୁ ଦେଖି ଭାବବିହ୍ୱଳ ହେଲେ ସୁପରଷ୍ଟାର ରଜନୀକାନ୍ତ, କହିଲେ ମୁଁ ଅଯୋଧ୍ୟା…

ଅଯୋଧ୍ୟା: ୫୦୦ ବର୍ଷର ଅପେକ୍ଷା ପରେ ଜାନୁଆରୀ ୨୨ ତାରିଖରେ ଅଯୋଧ୍ୟାରେ ପ୍ରତିଷ୍ଠା ହୋଇଛନ୍ତି ପ୍ରଭୁ ରାମ । ଭବ୍ୟ ମନ୍ଦିରରେ ଶୋଭା ପାଉଛନ୍ତି ରାମ ଲଲ୍ଲା। ୧୧ ହଜାର ଅତିଥିଙ୍କ ଗହଣରେ ସମାପନ ହୋଇଥିଲା ଏହି ଉତ୍ସବ । ଏହି ଅବସରରେ ବଲିଉଡ ଏବଂ ସାଉଥ୍ ସିନେମାର ବହୁ ଭେଟେରାନ ଅଭିନେତା ମାନେ ସାମିଲ ହୋଇଥିଲେ।

ଅମିତାଭ ବଚ୍ଚନ, କଙ୍ଗନା ରଣାୱତ, ଆଲିଆ ଭଟ୍ଟ, ବିକି କୌଶଲ, ରାମଚରଣ, ଚିରଞ୍ଜୀବୀଙ୍କ ସମେତ ଅନେକ ତାରକା ଅଯୋଧ୍ୟାରେ ପହଞ୍ଚିଥିଲେ। ଏମାନଙ୍କ ବ୍ୟତୀତ ୭୩ ବର୍ଷୀୟ ସୁପରଷ୍ଟାର ରଜନୀକାନ୍ତ ମଧ୍ୟ ପହଞ୍ଚିଥିଲେ । ସ୍ୱଚକ୍ଷୁରେ ଭଗବାନଙ୍କୁ ଦେଖି ଭାବପ୍ରବଣ ହୋଇପଡିଥିଲେ ରଜନୀକାନ୍ତ ।

ଏହି ଅବସରରେ ସେ କହିଥିଲେ ଯେ, ଏହି ଉତ୍ସବ ଖୁବ୍ ସୁନ୍ଦର ଥିଲା । ଏହା ଏକ ଐତିହାସିକ ଘଟଣା ଏବଂ ମୁଁ ଏହି ଅବସରରେ ଏଠାରେ ଉପସ୍ଥିତ ରହି ବହୁତ ଭାଗ୍ୟବାନ ମନେକରୁଛି । ମୁଁ ପ୍ରତିବର୍ଷ ଏଠାକୁ ଆସିବି…

ମିଜୋରାମରେ ମିଆଁମାରର ସେନା ବିମାନ ଦୁର୍ଘଟଣାଗ୍ରସ୍ତ, ୪ ଗୁରୁତର

ଗୌହାଟୀ: ମିଜୋରାମର ଲେଙ୍ଗପୁଇ ବିମାନବନ୍ଦରର ରନୱେରେ ଦୁର୍ଘଟଣାଗସ୍ତ ହୋଇଛି ମିଆଁମାରର ସେନା ବିମାନ। ମଙ୍ଗଳବାର ସକାଳେ ଏହି ବିମାନ ୧୪ ଜଣ କ୍ରୁ-ମେମ୍ବରଙ୍କୁ ଧରି ଉଡାଣ ଭରି ଥିଲା ।

ତେବେ ଦୁର୍ଘଟଣାରେ ୪ ଜଣ କ୍ରୁ ସଦସ୍ୟ ଗୁରୁତର ଆହତ ହୋଇଥିବା ବେଳେ ସେମାନଙ୍କୁ ଲେଙ୍ଗପୁଇ ଡାକ୍ତରଖାନାରେ ଭର୍ତ୍ତି କରାଯାଇଛି ।

ବିଦ୍ରୋହୀ ଓ ମିଆଁମାର୍‌ ସେନାଙ୍କ ମଧ୍ୟରେ ଲାଗି ରହିଥିବା ସଂଘର୍ଷ ଭିତରେ ପ୍ରାୟ ୧୦୦ରୁ ଅଧିକ ସୈନିକ ସେଠାରୁ ପଳାୟନ କରି ମିଜୋରାମର ଲାଙ୍ଗତୋଲାଇ ଜିଲ୍ଲାରେ ଆଶ୍ରୟ ନେଇଥିଲେ।  ଏହି ବିମାନ ସେମାନଙ୍କୁ ଫେରାଇନେବାକୁ ଆସିଥିଲା ।

ଲେଙ୍ଗପୁଇ ବିମାନବନ୍ଦରରୁ ମୋଟ ୨୭୬ ମିଆଁମାର ସେନାଙ୍କୁ ଅଜୱଲ୍ ଅଣାଯାଇଥିଲା, ଯେଉଁମାନେକି ଘରକୁ ପ୍ରତ୍ୟାବର୍ତ୍ତନ କରିଥାନ୍ତେ। ମିଆଁମାର ବିମାନ ସେନାବାହିନୀକୁ ପର୍ଯ୍ୟାୟକ୍ରମେ ନେବା ପାଇଁ ଯୋଜନା କରିଥିଲା। ଏହାପୂର୍ବରୁ ଗତ ବର୍ଷ ମିଆଁମାରର ୧୦୪ ସେନା କର୍ମଚାରୀଙ୍କୁ ଭାରତୀୟ ବାୟୁସେନା ହେଲିକପ୍ଟର ଯୋଗେ ମିଜୋରାମର ବିଭିନ୍ନ ସ୍ଥାନରୁ ମଣିପୁରର ମୋରେହକୁ ନିଆଯାଇଥିଲା ଏବଂ ପରେ ସେମାନଙ୍କୁ ଫେରାଇ ଦିଆଯାଇଥିଲା।

ଗୌହାଟିରେ ରାହୁଲଙ୍କ ଭାରତ ଯୋଡ଼ୋ ନ୍ୟାୟ ଯାତ୍ରାକୁ ମିଳିଲାନି ଅନୁମତି ; ବ୍ୟାରିକେଡ୍ ଭାଙ୍ଗିଲେ ସମର୍ଥକ

ନନ୍ଦିଘୋଷ ବ୍ୟୁରୋ : ଗୌହାଟିରେ ରାହୁଲଙ୍କ ଗର୍ଜନ । ବରିଷ୍ଠ କଂଗ୍ରେସ ନେତା ରାହୁଲ ଗାନ୍ଧିଙ୍କ ଭାରତ ଯୋଡ଼ୋ ନ୍ୟାୟ ଯାତ୍ରାରେ ସାମିଲ ହେଲେ ୫ ହଜାରରୁ ଅଧିକ କର୍ମୀ ଓ ସମର୍ଥକ । ଗୌହାଟି ଦେଇ ଯାଉଛି ଏହି ନ୍ୟାୟ ଯାତ୍ରା। ତେବେ ରାହୁଲଙ୍କ ଏହି ଯାତ୍ରାକୁ ଗୌହାଟି ସହର ମଧ୍ୟ ଦେଇ ଯିବାକୁ ଅନୁମତି ଦେଇନଥିଲେ ମୁଖ୍ୟମନ୍ତ୍ରୀ ହିମନ୍ତ ବିଶ୍ବଶର୍ମାଙ୍କ ସରକାର । ଏହାକୁ ନେଇ ଉତ୍ତେଜନାମୂଳକ ସ୍ଥିତି ସୃଷ୍ଟି ହୋଇଥିଲା ।

କଂଗ୍ରେସ କର୍ମୀ ଓ ସମର୍ଥକ ଗୌହାଟି ସହର ମଧ୍ୟ ଦେଇ ଯିବାକୁ ଜିଦ୍ ଧରି ବସିଥିଲେ । ପୋଲିସ ଲଗାଇଥିବା ବ୍ୟାରିକେଡକୁ ଭାଂଗିବାକୁ ଉଦ୍ୟମ କରିଥିଲେ କଂଗ୍ରେସ କର୍ମୀ । ଏହାକୁ ନେଇ ପୋଲିସ ଓ କଂଗ୍ରେସ କର୍ମୀଙ୍କ ମଧ୍ୟରେ ମୁହାଁମୁହିଁ ସ୍ଥିତି ଦେଖାଦେଇଥିଲା । କଂଗ୍ରେସ ନେତା ରାହୁଲ ଗାନ୍ଧିଙ୍କ ଏହି ଯାତ୍ରା ମେଘାଳୟ ଦେଇ ପୁଣି ଆସାମ ଭିତରକୁ ପ୍ରବେଶ କରୁଥିଲା । ତେବେ ରାହୁଲଙ୍କ ଯାତ୍ରାକୁ ଗୌହାଟିର ମୁଖ୍ୟ ସଡ଼କ ଦେଇ ଯିବାକୁ ଅନୁମତି ଦେଇନଥିଲେ ସେଠାକାର ସରକାର ।

ରାହୁଲଙ୍କ ଯାତ୍ରାରେ ଆସାମ ମୁଖ୍ୟମନ୍ତ୍ରୀ ହିମନ୍ତ ବିଶ୍ବଶର୍ମା ବାଧା ସୃଷ୍ଟି କରୁଥିବା ଅଭିଯୋଗ କରିଛନ୍ତି କଂଗ୍ରେସର ଅନେକ ନେତା । ଗତକାଲି ମଧ୍ୟ ଅଯୋଧ୍ୟାରେ ରାମ ମନ୍ଦିର ପ୍ରାଣ ପ୍ରତିଷ୍ଠା କାର୍ଯ୍ୟକ୍ରମ ଥିବାବେଳେ ଆସାମରେ ସନ୍ଥ ଶଙ୍କରଦେବଙ୍କ ମନ୍ଦିରକୁ ଯିବାକୁ ଆସାମ ସରକାର ଅନୁମତି ଦେଇନଥିଲେ ।ଏହାକୁ ନେଇ ଗତକାଲି ମଧ୍ୟ ଅସ୍ଥିରତା ସୃଷ୍ଟି ହୋଇଥିଲା ।

ମହମ୍ମଦ ମୋକିମ, ଚିରଞ୍ଜୀବ ବିଶ୍ବାଳ ଓ କୃଷ୍ଣ ସଗରିଆଙ୍କ ଉପରୁ ଉଠିଲା କଂଗ୍ରେସର ନିଲମ୍ବନ

ଭୁବନେଶ୍ୱର : ତିନି କଂଗ୍ରେସ ନେତାଙ୍କ ଉପରୁ ହଟିଲା ଦଳୀୟ ନିଲମ୍ବନ । ମହମ୍ମଦ ମୋକିମ, ଚିରଞ୍ଜୀବ ବିଶ୍ବାଳ ଓ କୃଷ୍ଣ ସଗରିଆଙ୍କ ଉପରୁ ନିଲମ୍ବନ ଉଠିଛି । ପିସିସି ପ୍ରଭାରୀ ଅଜୟ କୁମାର ଏହି ସୂଚନା ଦେଇଛନ୍ତି । ୨୦୨୩ ଜୁଲାଇ ୧୫ ତାରିଖରେ କଟକ- ବାରବାଟୀ ବିଧାୟକ ମହମ୍ମଦ ମୋକିମ ଓ ବରିଷ୍ଠ ନେତା ଚିରଞ୍ଜୀବ ବିଶ୍ବାଳଙ୍କୁ କଂଗ୍ରେସ ନିଲମ୍ବନ କରିଥିଲା ।

ଜାନକୀ- ବସନ୍ତ ଯୋଡ଼ି, ଓଡ଼ିଶା ରାଜନୀତିର ସୁବର୍ଣ୍ଣ ଯୁଗ ଶୀର୍ଷକ ଆଲୋଚନାରେ ଯୋଗଦେଇ ଉଭୟ ନେତା ଦଳ ବିରୋଧୀ ମନ୍ତବ୍ୟ ଦେଇଥିବା ଅଭିଯୋଗ ହୋଇଥିଲା । ଯେଉଁଥି ପାଇଁ କଂଗ୍ରେସ ଶୃଙ୍ଖଳା କମିଟି ମୋକିମ ଓ ଚିରଞ୍ଜୀବଙ୍କୁ ନିଲମ୍ବନ କରିଥିଲା । ସେହିପରି କୋରାପୁଟର ପୂର୍ବତନ ବିଧାୟକ କୃଷ୍ଣଚନ୍ଦ୍ର ସଗରିଆଙ୍କୁ ୨୦୧୯ ଜାନୁଆରୀ ୧୯ରେ ଦଳ ନିଲମ୍ବିତ କରିଥିଲା ।

ଆଗକୁ ନିର୍ବାଚନ ଥିବାରୁ ଦଳ ଏହି ତିନି ବରିଷ୍ଠ ନେତାଙ୍କ ଉପରୁ ନିଲମ୍ବନ ଆଦେଶ ପ୍ରତ୍ୟାହାର କରିଛି । ଗତକାଲି ପ୍ରଭାରୀ ଅଜୟ କୁମାରଙ୍କୁ ରାଜ୍ୟ ଅତିଥି ଭବନରେ ମୋକିମ ଓ ଚିରଞ୍ଜୀବ ସାକ୍ଷାତ କରିଥିଲେ । ସାଂଗଠନିକ ଆଲୋଚନା ହୋଇଥିଲା ବୋଲି ସୂଚନା ଦେଇଥିଲେ । ଆଜି ତିନି ନେତା ମହମ୍ମଦ ମୋକିମ, ଚିରଞ୍ଜୀବ ବିଶ୍ବାଳ ଓ କୃଷ୍ଣ ସଗରିଆଙ୍କ ଉପରୁ କଂଗ୍ରେସ ନିଲମ୍ବନ ଆଦେଶ ପ୍ରତ୍ୟାହାର କରିଛି ।

କାଶୀନଗରରେ ବିକାଶର ହିସାବ ଦେଲେ 5T ଅଧ୍ୟକ୍ଷ

ଗଜପତି : ୭ ମାସ ଭିତରେ ଗଜପତି ଜିଲ୍ଲାକୁ ମିଳିଛି ପ୍ରାୟ ୧୨୦ କୋଟି ଟଙ୍କା। କାଶୀନଗର ନୀଳମଣି ଦୁର୍ଗା ମନ୍ଦିର ପଡ଼ିଆରେ ବିକାଶର ହିସାବ ରଖିଛନ୍ତି 5T ଅଧ୍ୟକ୍ଷ କାର୍ତ୍ତିକ ପାଣ୍ଡିଆନ। ଗତ ମେ ୧୦ତାରିଖରେ ସେ ଆସି ୩୮୦ ଦରଖାସ୍ତ ପାଇଥିଲେ। ଏହା ମଧ୍ୟରୁ ୩୫୦ଟି ଦରଖାସ୍ତ ସମାଧାନ ହୋଇଛି। ଗୁମ୍ମାରେ ନୂଆ ସରକାରୀ ଡିଗ୍ରୀ କଲେଜକୁ ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ ଅନୁମୋଦନ କରିଛନ୍ତି।

ଗୁମ୍ମା ହାଇସ୍କୁଲକୁ ହାୟର ସେକେଣ୍ଡାରୀ ସ୍କୁଲ କରିବାକୁ ମଂଜୁରୀ ମିଳିଛି। ପାରଳାଖେମୁଣ୍ଡିରେ ୪ଲେନ୍ ବିଶିଷ୍ଟ ବାଇପାସ୍ ରାସ୍ତା ପାଇଁ ୫୦କୋଟି ଟଙ୍କା, ପାରଳାଖେମୁଣ୍ଡି ଏସକେସିଜି କଲେଜର ଉନ୍ନତିକରଣ ପାଇଁ ୨କୋଟି ୨୫ଲକ୍ଷ ଟଙ୍କା, କାଶୀନଗର ଶ୍ରୀରାମ ଡିଗ୍ରୀ କଲେଜର ଫାଇଭ୍-ଟି ରୂପାନ୍ତରଣ ଲାଗି ୫୦ଲକ୍ଷ ଟଙ୍କା, ଗୁମ୍ମା ଏସସି ଏସଟି ବିଭାଗର ତୁମୁଲ ହାଇସ୍କୁଲ ପାଇଁ ୫୦ଲକ୍ଷ, କୃଷ୍ଣସାଗର ପାଇଁ ୩କୋଟି ୧୦ଲକ୍ଷ, ରାମସାଗର ପାଇଁ ୩କୋଟି ୫୦ ଲକ୍ଷ, ଗଜପତି ସାଗର ଉନ୍ନତିକରଣ ପାଇଁ କୋଟିଏ ୪୦ଲକ୍ଷ ଟଙ୍କା ମଂଜୁର କରାଯାଇଛି। ଗୁମ୍ମାରେ ମଡେଲ୍ ବସଷ୍ଟାଣ୍ଡ କାମ ସରିଛି। ପିଇବା ପାଣି ପ୍ରତି ଘରେ ପାଇପ୍ ଯୋଗେ ପହଞ୍ଚାଇବାକୁ କାମ ଆରମ୍ଭ ହେବ। ୭ମାସ ଭିତରେ ପାରଳାଖେମୁଣ୍ଡି ନିର୍ବାଚନମଣ୍ଡଳୀ ପାଇଁ ୧୧୮ କୋଟି ୩୦ଲକ୍ଷ ମଂଜୁର କରାଯାଇଛି। ମନ୍ଦିର, ମସଜିଦ୍, ଚର୍ଚ୍ଚ, କମ୍ୟୁନିଟି ସେଣ୍ଟର ସଂପର୍କିତ ଦରଖାସ୍ତ ନେଇ ୧୦ଦିନ ଭିତରେ ଖୁସି ଖବର ପାଇବେ। ସ୍ବଚ୍ଛତାର ସହ ସରକାରୀ ଅନୁଦାନ ଖର୍ଚ୍ଚ କରିବାକୁ ଆହ୍ବାନ ଦେଇଛନ୍ତି କାର୍ତ୍ତିକ ପାଣ୍ଡିଆନ।

ଗଜପତି ଜିଲ୍ଲାରେ ଲକ୍ଷ୍ମୀ ଯୋଜନାରେ ବସ୍ ଚାଲିଛି। ଖୁବ୍ ଶୀଘ୍ର ଭତ୍ତା ସହ ଆଶା, ଅଙ୍ଗନବାଡ଼ି ଦିଦି, ସ୍ବଚ୍ଛ ସାଥୀଙ୍କ ଦରମା ବୃଦ୍ଧି ନେଇ ଖୁସି ଖବର ଦେବେ ମୁଖ୍ୟମନ୍ତ୍ରୀ। ପ୍ରତି ପଞ୍ଚାୟତରେ ମିଳିବ ବ୍ୟାଙ୍କସେବା ସୁବିଧା । ଗ୍ରାମାଞ୍ଚଳରେ ବିଜୁ ସ୍ବାସ୍ଥ୍ୟ କଲ୍ୟାଣ କାର୍ଡ ନଥିବା ଲୋକଙ୍କୁ ବିଏସକେଓ୍ବାଇ ନବୀନ କାର୍ଡ ପାଇଁ ଆବେଦନ କରିବାକୁ କହିଛନ୍ତି 5T ଅଧ୍ୟକ୍ଷ। ଗାଁର ପ୍ରତି ପରିବାରକୁ ମିଳିବ ସ୍ବାସ୍ଥ୍ୟକାର୍ଡ। ଗରିବ ଜନତାଙ୍କ ପରିବାରରେ ବଡ଼ ରୋଗ ଆସିଲେ ଦୃଢ ଇଚ୍ଛାଶକ୍ତି ସହ ମୁକାବିଲା କରିବାକୁ ମୁଖ୍ୟମନ୍ତ୍ରୀ ସମସ୍ତଙ୍କୁ ସଶକ୍ତ କରୁଛନ୍ତି। ଏହି ସରକାର ଲୋକଙ୍କ ସରକାର । ଭଲ କାମ କରି ନୂଆ ଓଡ଼ିଶା ଗଠନ କରିବାକୁ ଆହ୍ବାନ ଦେଇଛନ୍ତି କାର୍ତ୍ତିକ ପାଣ୍ଡିଆନ ।

କଠିନ ପରିଶ୍ରମ ଦ୍ବାରା ହିଁ ମିଳିବ ସଫଳତା: ନୂଆ-ଓ କାର୍ଯ୍ୟକ୍ରମରେ ଛାତ୍ରଛାତ୍ରୀଙ୍କୁ ସଫଳତାର ଟିପ୍ସ

ଗଜପତି : ଗଜପତି ଜିଲ୍ଲା ଗସ୍ତରେ  5T ଅଧ୍ୟକ୍ଷ କାର୍ତ୍ତିକ ପାଣ୍ଡିଆନ । ଜିଲ୍ଲା ମୁଖ୍ୟାଳୟ ପାରଳାଖେମୁଣ୍ଡି ସ୍ଥିତ ଗଜପତି ଷ୍ଟାଡିୟମରେ ନୂଆ-ଓ କାର୍ଯ୍ୟକ୍ରମରେ ଯୋଗ ଦେଇଥିଲେ 5T ଅଧ୍ୟକ୍ଷ କାର୍ତ୍ତିକ ପାଣ୍ଡିଆନ। ଏଠାରେ ଛାତ୍ରଛାତ୍ରୀଙ୍କୁ ସଫଳତାର ଟିପ୍ସ ଦେଇଛନ୍ତି 5T କାର୍ତ୍ତିକ ପାଣ୍ଡିଆନ । ଛାତ୍ରଛାତ୍ରୀଙ୍କୁ ଜୀବନରେ ସଫଳ ହେବାକୁ ଦେଇଛନ୍ତି ସକସେସ୍ ଟିପ୍ସ। ପାଠପଢା ସହ ଛାତ୍ରଛାତ୍ରୀଙ୍କ ମଧ୍ୟରେ ଥିବା ଅନ୍ତର୍ନିହିତ ପ୍ରତିଭାର ବିକାଶ ଉପରେ ଗୁରୁତ୍ବାରୋପ କରିଛନ୍ତି 5T ଅଧ୍ୟକ୍ଷ କାର୍ତ୍ତିକ ପାଣ୍ଡିଆନ ।

ପାଠପଢା ସହ ଅନ୍ତର୍ନିହିତ ପ୍ରତିଭାର ବିକାଶ ହୋଇପାରିଲେ ଛାତ୍ରଛାତ୍ରୀଙ୍କ ମଧ୍ୟରେ ବ୍ୟକ୍ତିତ୍ବର ବିକାଶ ହେବ। ଆଉ ଏହି ବ୍ୟକ୍ତିତ୍ବ ବୃଦ୍ଧି କରିବାକୁ ଏହି ନୂଆ ଓ କାର୍ଯ୍ୟକ୍ରମ ବୋଲି କହିଛନ୍ତି ଫାଇଭ ଟି ଅଧ୍ୟକ୍ଷ 5T ଅଧ୍ୟକ୍ଷ କାର୍ତ୍ତିକ ପାଣ୍ଡିଆନ। କୌଣସି ପ୍ରତିଯୋଗିତାରେ ଜିତିବା ଅପେକ୍ଷା ଅଂଶଗ୍ରହଣ ଅତି ଗୁରୁତ୍ବପୂର୍ଣ୍ଣ । ଏହା ଛାତ୍ରଛାତ୍ରୀଙ୍କ ମଧ୍ୟରେ ସାମଗ୍ରିକ ବ୍ୟକ୍ତିତ୍ବର ବିକାଶ କରିବାରେ ସହାୟକ ହେବ। ଏହାଦ୍ବାରା ଛାତ୍ରଛାତ୍ରୀଙ୍କ ମଧ୍ୟରେ ବ୍ୟକ୍ତିତ୍ବର ବିକାଶ ସହ ଆତ୍ମବିଶ୍ବାସ ବୃଦ୍ଧି ପାଇବ । ଛାତ୍ରଛାତ୍ରୀ ସଫଳତା ହାସଲ କରିବାକୁ ଫିଟ୍ ରହିବା ଉପରେ ଗୁରୁତ୍ବ ଦେଇଛନ୍ତି । ଏଥିଲାଗି ପ୍ରତିଦିନ ୩୦ ମିନିଟ ଶାରିରୀକ ବ୍ୟାୟାମ କରିବାକୁ ପରାମର୍ଶ ଦେଇଛନ୍ତି ।

ଶାରିରୀକ ବ୍ୟାୟାମ ସହ ଦୈନିକ ମାନସିକ ୧୫ ମିନିଟ ଧ୍ୟାନ କରିବାକୁ ମଧ୍ୟ କହିଛନ୍ତି ଫାଇଭ ଟି ଅଧ୍ୟକ୍ଷ କାର୍ତ୍ତିକ ପାଣ୍ଡିଆନ । ଦିନରାତି ଯିଏ ଏକା କରି ଖଟିବ ସିଏ ଉପରକୁ ଯିବ । ସଫଳତାର ମୂଳ ମନ୍ତ୍ର କଠିନ ପରିଶ୍ରମ, ଏହାର କୌଣସି ବିକଳ୍ପ ନାହିଁ ବୋଲି କହିଛନ୍ତି ଫାଇଭ-ଟି ଅଧ୍ୟକ୍ଷ । ୫ ବର୍ଷ ପରିଶ୍ରମ କଲେ ୫୦ ବର୍ଷ ଖୁସିରେ ରହିବେ । ଆପଣମାନଙ୍କର ଭବିଷ୍ୟତ ଉଜ୍ଜଳ ହେଲେ ଓଡ଼ିଶାର ଭବିଷ୍ୟତ ଉଜ୍ଜଳ ହେବ ବୋଲି କହିଛନ୍ତି ଫାଇଭ-ଟି ଅଧ୍ୟକ୍ଷ କାର୍ତ୍ତିକ ପାଣ୍ଡିଆନ ।

ଏମ୍ସରୁ ପରୀକ୍ଷାମୂଳକ ଡ୍ରୋନ ସେବା ଆରମ୍ଭ; ୩୫ ମିନଟରେ ୭୦କିମି ଦୂର ମେଡିକାଲରେ ପହଞ୍ଚିଲା ରକ୍ତ

ଭୁବନେଶ୍ୱର : ଡ୍ରୋନ୍ ଯୋଗେ ମେଡିକାଲରେ ପହଞ୍ଚିଲା ରକ୍ତ । ଭୁବନେଶ୍ୱର ଏମ୍ସରୁ ପରୀକ୍ଷାମୂଳକ ଡ୍ରୋନ ସେବା ଆରମ୍ଭ ହୋଇଛି । ଏମ୍ସରୁ ଖୋର୍ଦ୍ଧା ଜିଲ୍ଲା ଟାଙ୍ଗୀ ଗୋଷ୍ଠୀ ସ୍ୱାସ୍ଥ୍ୟକେନ୍ଦ୍ରରେ ପହଞ୍ଚିଛି ଡ୍ରୋନ୍‌ । ଗୁରୁତର ରୋଗୀଙ୍କୁ ରକ୍ତ ଯୋଗାଣ ସହ ରକ୍ତ ନମୁନା ସଂଗ୍ରହ କରି ଅଣାଯାଇଛି । ଡ୍ରୋନ୍ ଯୋଗେ ଅତି ଜରୁରୀ ଇଞ୍ଜେକ୍ସନ ଏବଂ ଔଷଧ ଯୋଗାଣ ପ୍ରକ୍ରିୟା ଆରମ୍ଭ ହୋଇଛି । ଏମ୍ସ ପକ୍ଷରୁ ଓଡ଼ିଶାରେ ଏହି ସେବା ପ୍ରଥମ । ୭୦ କିଲୋମିଟର ଦୂରକୁ ୩୫ ମିନଟ ସମୟ ଲାଗିଛି । ଦିନ ୧୨ଟାରେ ଏମ୍‌ସରୁ ବାହାରି ୧୨ଟା ୩୫ ମିନିଟରେ ଖୋର୍ଦ୍ଧା ଜିଲ୍ଲା ଟାଙ୍ଗୀ ଗୋଷ୍ଠୀ ସ୍ବାସ୍ଥ୍ୟକେନ୍ଦ୍ରରେ ଡ୍ରୋନ୍‌ ପହଞ୍ଚିଥିଲା ।

କୁନୋ ଜାତୀୟ ଉଦ୍ୟାନରେ ଜନ୍ମ ନେଲେ ୩ ଚିତା ଶାବକ

ନୂଆଦିଲ୍ଲୀ: ମଧ୍ୟପ୍ରଦେଶର କୁନୋ ଜାତୀୟ ଉଦ୍ୟାନରେ ନାମିବିଆରୁ ଆସିଥିବା ଚିତା ବାଘ ୩ ଶାବକ ଜନ୍ମ ଦେଇଛି। ଏଥିସହିତ ଚିତା ବାଘ ସଂଖ୍ୟା ମଧ୍ୟ ବୃଦ୍ଧି ପାଇଛି।

ତେବେ ଏନେଇ ସୋସିଆଲ୍ ମିଡିଆ ପ୍ଲାଟଫର୍ମ ‘X’ରେ ପରିବେଶ ମନ୍ତ୍ରୀ ଭୁପେନ୍ଦ୍ର ଯାଦବ ସୂଚନା ଦେଇ ବନ୍ୟଜନ୍ତୁ ପ୍ରେମୀଙ୍କୁ ଅଭିନନ୍ଦନ ଜଣାଇଛନ୍ତି। କ୍ୟାପସନରେ ସେ ଲେଖିଛନ୍ତି ଯେ, ‘‘କୁନୋରେ ନୂତନ ଛୁଆ! ଜ୍ୱାଳା ନାମକ ନାମିବିୟା ଚିତା ୩ ଶାବକ ଜନ୍ମ ଦେଇଛି। ଦେଶର ସମସ୍ତ ବନ୍ୟଜନ୍ତୁ ସୁରକ୍ଷାକର୍ମୀ ଏବଂ ବନ୍ୟଜନ୍ତୁ ପ୍ରେମୀଙ୍କୁ ଅଭିନନ୍ଦନ’’ ।

ଅପରପକ୍ଷେ କିଛି ଦିନ ପୂର୍ବରୁ ଅନ୍ୟ ଏକ ଚିତା ‘ଆଶା’ ମଧ୍ୟ ଛୁଆ ଜନ୍ମ କରିଥିଲା। ତେବେ ୧୯୫୨ ମସିହାରେ ଚିତାଙ୍କୁ ଭାରତରେ ବିଲୁପ୍ତ ଘୋଷିତ କରାଯାଇଥିଲା। ୨୦୨୨  ମସିହାରେ ଅନ୍ୟଏକ ପ୍ରକଳ୍ପ ମାଧ୍ୟମରେ ଚିତାର ସଂଖ୍ୟା ବୃଦ୍ଧି କରିବାକୁ ଯୋଜନା କରାଯାଇଥିଲା। ଗତ ସପ୍ତାହରେ ନାମିବିଆରୁ ଆସିଥିବା ଏକ ଚିତା କୁନୋ ଜାତୀୟ ଉଦ୍ୟାନରେ ମୃତ୍ୟୁ ବରଣ କରିଥିଲା। ମାର୍ଚ୍ଚ ୨୦୨୩ ପରଠାରୁ ଭାରତରେ ଜନ୍ମ ହୋଇଥିବା ୭ ବୟସ୍କ ଚିତା ଏବଂ ୩ ଛୁଆଙ୍କର ମୃତ୍ୟୁ ଘଟିଛି।

 

ଟଙ୍କା ଗଣତି ବେଳେ ମା’ ସମଲେଶ୍ବରୀଙ୍କ ହୁଣ୍ଡିରୁ ବାହାରିଲା ପ୍ରେମ ପତ୍ର

ସମ୍ବଲପୁର : ମା’ ସମଲେଶ୍ବରୀଙ୍କ ହୁଣ୍ଡିରୁ ବାହାରିଲା ପ୍ରେମ ପତ୍ର । ଟଙ୍କା ଗଣତି ସମୟରେ ବାହାରିଲା ପ୍ରେମ ସଫଳ ପାଇଁ ମା’ଙ୍କୁ ଲେଖାଯାଇଥିବା ପ୍ରେମପତ୍ର । ସେଥିରେ ନିଜର ପ୍ରେମ କିପରି ସଫଳ ହେବ ସେନେଇ ଯୁବତୀ ଜଣକ ଏହି ପ୍ରେମପତ୍ର ଲେଖିଛନ୍ତି ।

ଯୁବତୀଙ୍କ ନାଁ ବର୍ଷା ହୋଇଥିବା ବେଳେ, ସେ ତାଙ୍କ ପ୍ରେମିକ କାହ୍ନା ପାଇଁ ଏହି ପ୍ରେମପତ୍ର ଲେଖିଛନ୍ତି । କାହ୍ନା ସହ ତାଙ୍କର ବାହାଘର ହୋଇଯାଉ ଓ ଉଭୟେ ଏକା ସାଙ୍ଗରେ ବିବାହ ପରେ ମାଙ୍କ ଦର୍ଶନ ପାଇଁ ଆସିବେ ବୋଲି ପ୍ରେମପତ୍ରରେ ଲେଖିଛନ୍ତି ବର୍ଷା । ଏହା ସହ ସେ କାହ୍ନାକୁ କେତେ ଭଲ ପାଆନ୍ତି ତାହା ବି ପ୍ରେମପତ୍ରରେ ଉଲ୍ଲେଖ ରହିଛି ।