ନୂଆଦିଲ୍ଲୀ: ଦକ୍ଷିଣଆଫ୍ରିକା ସିରିଜ ପରେ ଆଫଗାନିସ୍ତାନ ବିପକ୍ଷରେ ଟି-୨୦ ସିରିଜ ଖେଳିବ ଭାରତ। ୩ ମ୍ୟାଚ ବିଶିଷ୍ଟ ଏହି ସିରିଜ ଖେଳାଯିବାକୁ ଥିବାବେଳେ ଭାରତୀୟ ଦଳ କେବେ ଘୋଷଣା ହେବ ତାକୁ ନେଇ ଆରମ୍ଭ ହୋଇଛି ଚର୍ଚ୍ଚା। ତେବେ ଦଳରେ କେଉଁମାନେ ସ୍ଥାନ ପାଇବେ ତାହା ବେଶ ଗୁରୁତ୍ବବହନ କରୁଛି । ୨୦୨୪ରେ ଟି-୨୦ ବିଶ୍ବକପ ଅନୁଷ୍ଠିତ ହେବାକୁଥିବାବେଳେ ଏହା ଶେଷ ଟି-୨୦ ସିରିଜ । ଏଣୁ ବିଶ୍ବକପ ପାଇଁ ଖେଳାଳିଙ୍କ ପ୍ରଦର୍ଶନ ବେଶ ଗୁରୁତ୍ବବହନ କରୁଛି । ଏହି ସିରିଜ ପରେ ଆଇପିଏଲ ଖେଳିବେ ଭାରତୀୟ ଖେଳାଳି । ଏଣୁ ଆଇପିଏଲ ସାଙ୍ଗକୁ ଏହି ଟି-୨୦ ସିରିଜ ବେଶ ଗୁଚରୁତ୍ବବହନ କରୁଛି । ହାର୍ଦ୍ଦିକ ପାଣ୍ଡ୍ୟା ଏବଂ ଋତୁରାଜ ଗାଏକ୍ବାଡ ଆହତ ରହିଥିବାବେଳେ ଏହି ସିରିଜରେ ନଖେଳି ପାରନ୍ତି । ସେପଟେ ଜାଡେଜା ଏବଂ ବୁମରାଙ୍କୁ ଏହି ସିରିଜରେ ବିଶ୍ରାମ ଦିଆଯାଇପାରେ । ସୂର୍ଯ୍ୟ କୁମାର ଯାଦବଙ୍କ ଗୋଡ଼ରେ ଆଘାତ ଲାଗିଥିବାରୁ ସେ ଏବେ ଦଳରୁ ବାଦ ପଡ଼ିଛନ୍ତି । ଏଣୁ ସେ ମଧ୍ୟ ଖେଳିପାରିବେ ନାହିଁ । ତେବେ ଆସନ୍ତା ସପ୍ତାହରେ ଭାରତୀୟ ଦଳ ଘୋଷଣା ହେବ ବୋଲି ଆଶା କରାଯାଉଛି ।
ଅଭିନେତା ତଥା DMDK ପାର୍ଟିର ମୁଖ୍ୟ ବିଜୟକାନ୍ତଙ୍କ ପରଲୋକ
ଚେନ୍ନାଇ: ଅଭିନେତା ତଥା DMDK ପାର୍ଟିର ମୁଖ୍ୟ ବିଜୟକାନ୍ତଙ୍କ ପରଲୋକ ହୋଇଛି । ସେ କରୋନା ସଂକ୍ରମିତ ଥିବାବେଳେ ମେଡିକାଲରେ ଚିକିତ୍ସିତ ହେଉଥିଲେ । ନିକଟରେ ମେଡିକାଲରେ ଭର୍ତ୍ତି ହୋଇଥିବାବେଳେ କରୋନା ପଜିଟିଭ୍ ଚିହ୍ନଟ ହୋଇ ଚିକିତ୍ସିତ ହେଉଥିଲେ । ନିଶ୍ବାସ ନେବାରେ ଅସୁବିଧା ହେଉଥିବାବେଳେ ଭେଣ୍ଟିଲେଟର ଲଗାଯାଇଥିଲା । ନଭେମ୍ବର ୨୦ ତାରିଖରେ ମେଡିକାଲରେ ଭର୍ତ୍ତି ହୋଇଥିଲେ । ମଙ୍ଗଳବାର ମେଡିକାଲ ପକ୍ଷରୁ ସୂଚନା ଦିଆଯାଇଥିଲା କି, ସେ ସୁସ୍ଥ ଅଛନ୍ତି ଶୀଘ୍ର ଘରକୁ ଫେରିବେ । ମାତ୍ର ଗୁରୁବାର ଏଭଳି ଖବର ସାମନାକୁ ଆସିଥିବାବେଳେ ଖେଳି ଯାଇଛି ଶୋକର ଛାୟା । ତାଙ୍କ ମୃତ୍ୟୁ ଖବର ପାଇଥିବାବେଳେ ବହୁ ରାଜନେତା ଏବଂ ଅଭିନେତାମାନେ ଟୁଇଟ କରି ଶୋକସନ୍ତପ ପରିବାରକୁ ସାନ୍ତ୍ବନା ଦେବା ସହ ଶ୍ରଦ୍ଧାଞ୍ଜଳି ଜଣାଇଛନ୍ତି ।
ବିଜୟକାନ୍ତ ଜଣେ ଜଣାଶୁଣା ସାଉଥ ଅଭିନେତା ଥିବାବେଳେ ତାଙ୍କର ଅନେକ ହିଟ୍ ଫିଲ୍ମ ରହିଛି । ୧୫୪ରୁ ଅଧିକ ଫିଲ୍ମରେ ଅଭିନୟ କରିଛନ୍ତି । ଏହାପରେ ରାଜନୀତିରେ ପ୍ରବେଶ କରି ଅନେକ ସଫଳତା ମଧ୍ୟ ହାସଲ କରିଛନ୍ତି । DMDK ପାର୍ଟି ଗଠନ କରି ଏକ ସ୍ବତନ୍ତ୍ର ପରିଚୟ ମଧ୍ୟ ରାଜନୀତିରେ ଛିଡ଼ା କରିଛନ୍ତି । ସେ ୨୦୧୧ର ୧୬ ତାମିଲନାଡ଼ୁ ବିଧାନସଭାରେ ବିରୋଧୀ ଦଳ ନେତାଭାବେ କାର୍ଯ୍ୟ ତୁଲାଇଛନ୍ତି । ନିକଟରେ ଅସୁସ୍ଥ ହୋଇଥିବାବେଳେ ବାରମ୍ବାର ମେଡିକାଲ ମଧ୍ୟ ଯିବାକୁ ପଡ଼ିଥିଲା ।
ଡିଏମଡିକେ ନେତା ତଥା ସିନେ ଅଭିନେତା ବିଜୟକାନ୍ତଙ୍କ ପରଲୋକ । କୋଭଡରେ ଆକ୍ରାନ୍ତ ହୋଇ ବିଜୟକାନ୍ତଙ୍କ ଦେହାନ୍ତ ଘଟିଛି । ୭୧ ବର୍ଷ ବୟସରେ ବିଜୟକାନ୍ତଙ୍କ ମୃତ୍ୟୁ ହୋଇଛି । ଦେଶୀୟା ମୁରପୋକୁ ଦ୍ରାବିଡ କଝଗମ DMDKର ପ୍ରତିଷ୍ଠାତା ତଥା ଅଧ୍ୟକ୍ଷ ବିଜୟକାନ୍ତ କୋଭିଡ ପଜିଟିଭ ପରେ ହସ୍ପିଟାଲରେ ଭର୍ତ୍ତି ହୋଇଥିଲେ । ଅବସ୍ଥା ଗୁରୁତର ହେବାରୁ ତାଙ୍କୁ ଭେଣ୍ଟିଲେଟର ସହାୟତାରେ ରଖାଯାଇଥିଲା ।ଶ୍ବାସଜନିତ ସମସ୍ୟାରୁ ତାଙ୍କର ମୃତ୍ୟୁ ହୋଇଛି । ବିଜୟକାନ୍ତ ପ୍ରଶଂସକଙ୍କ ମଧ୍ୟରେ କ୍ୟାପଟନେ ଭାବେ ବେଶ ଜଣାଶୁଣା । ତାମିଲ ସିନେ ଜଗତର ଜଣେ ଜଣାଶୁଣା ଅଭିନେତା ହେଉଛନ୍ତି ବିଜୟକାନ୍ତ । ନିଜର ଅଭିନୟ ବଳରେ ସେ ତାମିଲ ସିନେ ଜଗତରେ ଏକେ ସ୍ବତନ୍ତ୍ର ସ୍ଥାନ ହାସଲ କରିଛନ୍ତି ।ସେ ୧୫୪ରୁ ଅଧିକ ସିନେମାରେ ଅଭିନୟର ଛାପ ଛାଡି ଯାଇଛନ୍ତି ।
ସାଉଥ ଇଣ୍ଡିଆ ଆର୍ଟିଷ୍ଟ ଆସୋସିଏସନର ମଧ୍ୟ ସଦସ୍ୟ ଥିଲେ ବିଜୟକାନ୍ତ । ଦକ୍ଷିଣ ସିନେ ଜଗତରେ ବିଜୟକାନ୍ତ ଅନେକ ପରିବର୍ତ୍ତନ ଆଣିଥିଲେ । ୨୦୦୫ରେ DMDK ଦଳ ଗଠନ କରିଥିଲେ । ୨୦୦୬ରେ ତାମିଲନାଡୁ ନିର୍ବାଚନରେ ସମସ୍ତ ଆସନରେ ଦଳୀୟ ପ୍ରାର୍ଥୀ ଦେଇଥିଲା DMDK । ନିର୍ବାଚନରେ ୧୦ ପ୍ରତିଶତରୁ କମ ଭୋଟ ପାଇଥିଲା DMDK । ୨୦୧୧ରେ ଏଆଇଏଡ଼ିଏମକେ୍ ସହ ମେଣ୍ଟ କରି ବିଧାନସଭା ନିର୍ବାଚନ ଲଢିଥିଲା । ସେହି ସମୟରେ ୪୧ ଆସନରୁ ମୋଟ ୨୬ ଆନସରେ ଜିତିଥିଲେ DMDK ବିଧାୟକ । ବିଧାନସଭାରେ ମୁଖ୍ୟ ବିରୋଧୀ ଦଳର ଆଖ୍ୟା ପାଇଥିଲା ଡିଏମଡିକେ । ଦୁଇ ଦୁଇ ଥର ବିଧାୟକ ଭାବେ ନିର୍ବାଚିତ ହୋଇଛନ୍ତି ବିଜୟକାନ୍ତ । ବିରୁଧାଚଳମ ଏବଂ ରିଶିବନ୍ଦୀୟମ ଆସନରୁ ସେ ବିଧାୟକ ଭାବେ ନିର୍ବାଚିତ ହୋଇଥିଲେ । ୨୦୧୪ ନିର୍ବାଚନରେ DMDK ଲୋକସଭା ନିର୍ବାଚନ ଲଢିଥିଲା ।….
ଉତ୍ତର ଭାରତରେ ଜାରି ରହିଛି ଥଣ୍ଡା ସହ କୁହୁଡ଼ି
ନନ୍ଦିଘୋଷ ବ୍ୟୁରୋ: ସମଗ୍ର ଉତ୍ତର ଭାରତରେ ପ୍ରବଳ ଥଣ୍ଡା ସହ ଜାରି ରହିଛି କୁହୁଡି । ଥଣ୍ଡା ସାଙ୍ଗକୁ ଘନ କୁହୁଡ଼ି ଲୋକଙ୍କୁ କଲବଲ କରୁଛି । ଦିଲ୍ଲୀ ସମେତ ପୂରା ଏନ୍ସିଆର୍ରେ କୁହୁଡ଼ିର ମୋଟା ଚାଦାର ଢ଼ାଙ୍କି ରହିଛି । ଘନ କୁହୁଡ଼ି ଓ ଧୂଆଁ ଯୋଗୁ ରାସ୍ତା ଘାଟ ସ୍ପଷ୍ଟ ଭାବେ ଦେଖାଯାଉନି । ଦିଲ୍ଲୀର ବିଭିନ୍ନ ରାସ୍ତାରେ ଜିରୋ ଭିଜିଭିଲିଟି ସୃଷ୍ଟି ହୋଇଛି । ଏଥିଯୋଗୁ ଦୁର୍ଘଟଣା ଭୟ ମଧ୍ୟ ରହିଛି । ଘନ କୁହୁଡି ଯୋଗୁ ଯାତାୟତ ପ୍ରଭାବିତ ହୋଇଛି । ଗାଡ଼ି ମଟର ଚଳାଚଳରେ ବାଧା ଉପୁଜିଛି । ବିମାନ ଉଡାଣ ମଧ୍ୟ ପ୍ରଭାବିତ ହୋଇଛି । ଘନ କୁହୁଡ଼ି ଯୋଗୁ ଦିଲ୍ଲୀ ବିମାନବନ୍ଦରରେ ୧୩୨ରୁ ଅଧିକ ବିମାନ ପ୍ରଭାବିତ ହୋଇଛି । ଉଡାଣ ରଦ୍ଦ କରାଯାଇଛି । ଏଥିସହିତ ଦିଲ୍ଲୀ ଅଭିମୁଖେ ଯାଉଥିବା ୨୫ଟି ଟ୍ରେନ ବିଳମ୍ବରେ ଚାଲୁଛି । ଲୋକେ ବିଭିନ୍ନ ସମସ୍ୟାର ସମ୍ମୁଖୀନ ହୋଇଛନ୍ତି । ଘନ କୁହୁଡ଼ି ପାଇଁ ବହୁ ଦୁର୍ଘଟଣା ମଧ୍ୟ ଘଟୁଥିବା ଦେଖିବାକୁ ମିଳିଛି । ଜନଜୀବନ ଅସ୍ତବ୍ୟସ୍ତ ହୋଇପଡ଼ିଛି ।
ନିର୍ବାଚନ ଲଢ଼ିବେ କି ଧକଧକ ଗାର୍ଲ? ଜାଣନ୍ତୁ କଣ କହିଲେ ମାଧୁରୀ
ମୁମ୍ବାଇ: ଏହା ପ୍ରଥମ ନୁହେଁ, ପୂର୍ବରୁ ମଧ୍ୟ ଏଭଳି ଚର୍ଚ୍ଚା ହୋଇଛି । ନିର୍ବାଚନ ଲଢ଼ିବେ ବଲିଉଡର ଧକଧକ ଗାର୍ଲ ମାଧୁରୀ ଦିକ୍ଷିତ। ନିକଟରେ ଏକ ଜାତୀୟ ଗଣମାଧ୍ୟମର ଟକ ସୋ’ ମାଧୁରୀ ଏବଂ ତାଙ୍କ ସ୍ବାମୀ ଯୋଗ ଦେଇଥିବାବେଳେ ୨୦୨୪ ନିର୍ବାଚନୀ ମଇଦାନରେ ପାଦ ଦେବେ କି ନାହିଁ? ,ଭଳି ପ୍ରଶ୍ନ କରାଯାଇଥିଲା । ଯାହାର ଉତ୍ତରରେ ସିଧାସଳଖ ମନା କରିଛନ୍ତି ମାଧୁରୀ । ସେ କହିଛନ୍ତି କି, ମୋର ନିର୍ବାଚନ ଲଢ଼ିବାର ନାହିଁ । ନିର୍ବାଚନ ଆସିଲେ ଏଭଳି ଚର୍ଚ୍ଚା ହୋଇଥାଏ । ଏପରିକି ପ୍ରତି ନିର୍ବାଚନ ସମୟରେ ମଧ୍ୟ କିଛି ଦଳମାନେ ଲଢ଼ିବା ପାଇଁ ଅଫର ଦିଅନ୍ତି । ଅନେକ ବଡ଼ ବଡ଼ ଦଳ ପକ୍ଷରୁ ଅଫର ଦିଆଯାଇଥିଲେ ସୁଦ୍ଧା ମୁଁ କେବେ ରାଜି ହୋଇନାହିଁ । ସେପଟେ ମାଧୁରୀଙ୍କ ସ୍ବାମୀଙ୍କୁ ମଧ୍ୟ ସମାନ ପ୍ରଶ୍ନ କରାଯାଇଥିଲା । ସେ ମଧ୍ୟ ଏହାକୁ ପ୍ରତ୍ୟାଖ୍ୟାନ କରିଥିଲେ । କହିଥିଲେ ଆମର ରାଜନୀତିରେ ପସିବାର ନାହିଁ । ତେବେ ସେ ଯାହାବି ହେଉ ପୂର୍ବରୁ ଅନେକ ବଡ଼ ବଡ଼ ଅଭିନେତାମାନେ ରାଜନୀତି ମଇଦାନରେ ପାଦ ଦେଇ ସଫଳ ହୋଇଛନ୍ତି । ଓଡ଼ିଶାରେ ମଧ୍ୟ ଅନେକ ଅଭିନେତା ରାଜନେତା ପାଲଟିଛନ୍ତି । ଏଣୁ ନିର୍ବାଚନ ସମୟ ଆସିଲେ ଏଭଳି ଚର୍ଚ୍ଚା ହୋଇଥାଏ ।
ଟୁରିଷ୍ଟ ବସକୁ ପିଟିଲା ଡ୍ରମ୍ଫର, ୨୦ ଆହତ
ଆନନ୍ଦପୁର: କେନ୍ଦୁଝର ୨୦ ନମ୍ବର ଜାତୀୟ ରାଜପଥ ଘସିପୁରା ଥାନା ଭାଲୁକୁମା ନିକଟରେ ଡ୍ରମ୍ଫରକୁ ବାଡେଇଲା ଟୁରିଷ୍ଟ ବସ । ୨ ଗୁରୁତର ୨୦ରୁ ଅଧିକ ଆହତ । ସମସ୍ତେ ଆନନ୍ଦପୁର ଡାକ୍ତରଖାନାରେ ଭର୍ତ୍ତି । ପିକନିକ ସାରି ସମ୍ବଲପୁରରୁ ସୋର ଫେରୁଥିଲେ ବ୍ରହ୍ମଶ୍ମି ଟିଉଟୋରିଆଲର ଛାତ୍ରଛାତ୍ରୀ ଓ ଶିକ୍ଷକ । ଫେରିବା ସମୟରେ ଭାଲୁକୁମା ଛକ ଠାରେ ଏକ ଟ୍ରକ୍ ପଛ ପଟେ ଧ୍କକା ଦେଲା ବସ୍ । ଦୁର୍ଘଟଣାରେ ପ୍ରାୟ ୨୦ ଜଣ ଆହତ ହୋଇଥିବାବେଳେ ଡ୍ରାଇଭର ଓ ଜଣେ ଶିକ୍ଷକ ଗୁରୁତର ରହିଛନ୍ତି । ଘଷିପୁରା ପୋଲିସ ଘଟଣା ସ୍ଥଳରେ ପହଞ୍ଚି ତଦନ୍ତ କରିଛି ।
ଦକ୍ଷିଣଆଫ୍ରିକାରେ କୋହଲିଙ୍କ କୁନି ଫ୍ୟାନ, ଭାଇରାଲ ହେଉଛି ଭିଡିଓ
ନନ୍ଦିଘୋଷ ବ୍ୟୁରୋ: ଦକ୍ଷିଣ ଆଫ୍ରିକା ବିପକ୍ଷରେ ପ୍ରଥମ ଟେଷ୍ଟ ମ୍ୟାଚ ଖେଳୁଛି ଭାରତ । ତେବେ ଏହି ସମୟରେ ବିରାଟଙ୍କ କୁନି ଫ୍ୟାନଙ୍କ ସହ ଏକ ଭିଡିଓ ସୋସିଆଲ ମିଡିଆରେ ବେଶ ଭାଇରାଲ ହେବା ସହ ୟୁଜର୍ସମାନେ ଏହାକୁ ଲାଇକ, କମେଣ୍ଟ କରିବା ସହ ସେୟାର କରୁଛନ୍ତି । କୁନି ପ୍ରଶଂସକ ଜଣକ କୋହଲିଙ୍କ ପାଖକୁ ଆସିଥିବାବେଳେ ଅଟୋଗ୍ରାଫ ନେଇଛନ୍ତି । ଏହାପରେ ସେ ଏକ ଫଟୋ ମଧ୍ୟ ଉଠାଇଛନ୍ତି । ସବୁଠାରୁ ଗୁରୁତ୍ବପୂର୍ଣ୍ଣ କଥା ହେଉଛି କି, କୁନି ଫ୍ୟାନ ଦକ୍ଷିଣ ଆଫ୍ରିକାର ହୋଇଥିଲେ ସୁଦ୍ଧା ଆଇପିଏଲ ଦଳ ରୟାଲ ଚ୍ୟାଲେଞ୍ଜର ବାଙ୍ଗାଲୋରର ପ୍ରଶଂସକ । ଏଣୁ ଆରସିବି ଟିସାର୍ଟରେ ଅଟୋଗ୍ରାଫ ନେଇଛନ୍ତି । ବେଶ ଖୁସିର ସହ କୋହଲିଙ୍କ ସହ ଫଟୋ ମଧ୍ୟ ଉଠାଇଛନ୍ତି ।
ಕಣ ಕಣದಲ್ಲೂ ಕೆಂಪು 😍@imVkohli #SAvIND #Bangalore #KingKohli pic.twitter.com/oSMbjvGr6E
— Star Sports Kannada (@StarSportsKan) December 27, 2023
ବିଶ୍ବକପରେ କୋହଲି ମଇଦାନକୁ ଓହ୍ଲାଇଛନ୍ତି । ବିଶ୍ବକପ ପରେ ଅଷ୍ଟ୍ରେଲିଆ ବିପକ୍ଷରେ ଟି-୨୦ କିମ୍ବା ଦକ୍ଷିଣ ଆଫ୍ରିକା ବିପକ୍ଷ ଟି-୨୦ ଏବଂ ଦିନିକିଆ ସିରିଜରେ କୋହଲି ଖେଳିନଥିବାବେଳେ ଟେଷ୍ଟରେ ଖେଳିଛନ୍ତି । ପ୍ରଥମ ପାଳିରେ ୩୮ ରନ କରିଛନ୍ତି କୋହଲି । ତେବେ ବିରାଟ ଦ୍ବିତୀୟ ପାଳିରେ କମାଲ କରିବେ ବୋଲି ଆଶା ରଖିଛନ୍ତି ଭାରତୀୟ କ୍ରିକେଟପ୍ରେମୀ । ଦ୍ବିତୀୟ ଦିନର ଖେଳ ଶେଷସୁଦ୍ଧା ଭାରତକୁ ୧୧ ରନର ଲିଡ୍ ଦେଇଛି ଦକ୍ଷିଣଆଫ୍ରିକା । ତେବେ ୫ ଓ୍ବିକେଟ ହରାଇ ଦକ୍ଷିଣଆଫ୍ରିକା ଖେଳୁଥିବାବେଳେ ଏକ ବଡ଼ ସ୍କୋର କରିବା ଲକ୍ଷ୍ୟରେ ରହିବ ନିଶ୍ଚୟ ।
ନୂଆ ବର୍ଷରେ ରିଲିଜ ହେବ ଓଡ଼ିଆ ଫିଲ୍ମ ’ ସମୟ କହିବ କିଏ କାହାର’?
ଭୁବନେଶ୍ବର: ନୂଆ ବର୍ଷରେ ରିଲିଜ ହେବାକୁ ଯାଉଛି ଓଡିଆ ଫିଲ୍ମ ସମୟ କହିବ କିଏ କାହାର । ଏହାପୂର୍ବରୁ ସିନେମାର ଅଡିଓ ରିଲିଜ୍ ହୋଇଯାଇଛି । ଅନନ୍ୟା ଏଣ୍ଟରଟେଣ୍ଟମେଣ୍ଟ ବ୍ୟାନରରେ ଏହି ସିନେମାଟି ପ୍ରସ୍ତୁତ ହେଉଥିବାବେଳେ ଏହାର ପ୍ରଯୋଜକ ରହିଛନ୍ତି ରମେଶ ସିଂ । ପ୍ରଥମ ଥର ପାଇଁ ନିର୍ଦ୍ଦେଶନା ଭାର ସମ୍ଭାଳିଛନ୍ତି ବରିଷ୍ଠ ହାସ୍ୟ ଅଭିନେତା ବ୍ରଜ ସିଂ । ସିନେମାରେ ଅମ୍ଳାନ ଓ ଓମଙ୍କାର ଅଧିନାୟକ ଭୁମିକାରେ ରହିଥିବାବେଳେ ତୃପ୍ତି ଓ ସୋନମ ଅଭିନେତ୍ରୀ ଅଛନ୍ତି । ଦେବୁ ବ୍ରହ୍ମା,ପ୍ରଜ୍ଞା,ଅନବିନ୍ଦଙ୍କ ଭଳି ଅନେକ ହାସ୍ୟ ଅଭିନେତାଙ୍କ କମେଡି ଦର୍ଶକ ଉପଭୋଗ କରିପାରିବେ । ଜାନୁଆରୀ ପାଞ୍ଚ ତାରିଖରେ ଓଡ଼ିଶାର ସମସ୍ତ ହଲରେ ସିନେମା ରିଲିଜ୍ କରିବାକୁ ପ୍ରଯୋଜନା ସଂସ୍ଥା ଲକ୍ଷ୍ୟ ରଖିଛି ।
ଆଜିଠୁ ରାଉରକେଲାରୁ କୋଲକାତାକୁ ଉଡ଼ିବ ବିମାନ
ରାଉରକେଲା: ଏଣିକି ଦେଢ ଘଣ୍ଟାରେ ରାଉରକେଲାରୁ ଯାଇହେବ କୋଲକତା । ରାଜ୍ୟ ସରକାରଙ୍କ ସହଯୋଗରେ ଆଜିଠୁ ରାଉରକେଲାରୁ କୋଲକତାକୁ ଆରମ୍ଭ ହେବ ବିମାନ ସେବା । ଅପରାହ୍ନ ସାଢେ ୩ଟା ସମୟରେ ରାଉରକେଲା ଵିମାନ ବନ୍ଦରରୁ କୋଲକାତା ଵିମାନ ଚଳାଚଳ ଆରମ୍ଭ ହେଵ । ସପ୍ତାହରେ ୩ ଦିନ ମଙ୍ଗଳବାର, ଗୁରୁବାର, ଶନିବାର ବିମାନ ସେବା ମିଳିବ । ଆଲାଏନ୍ସ ଏୟାର ବିମାନସେବା ଯୋଗାଇଦେବ । ଏହାଦ୍ବାରା ଯାତ୍ରୀମାନେ ମାତ୍ର ୧ ଘଣ୍ଟା ୩୦ ମିନିଟରେ ରାଉରକେଲାରୁ କୋଲକତା ଯାତ୍ରା କରି ପାରିବେ । ରାଜ୍ୟ ସରକାର ଭାୟାବିଲିଟି ଗ୍ୟାପ ଫଣ୍ଡିଙ୍ଗ ଜରିଆରେ ଯୋଗାଇ ଦେଇଛନ୍ତି ବିମାନ ସେବା । ୩୫ଟି ଆସନ ପାଇଁ VGF ବ୍ୟବସ୍ଥା କରାଯାଇଛି । ରାଉରକେଲାରୁ କୋଲକାତା ଵିମାନ ସେଵା ପାଇଁ ପ୍ରାରମ୍ଭିକ ବିମାନ ଦେୟ ୧ ହଜାର ୯୯୯ ଟଙ୍କା ରହିଛି । ଏହାଦ୍ବାର ସହରର ବ୍ୟବସାୟୀ ଅଧିକ ଉପକୃତ ହେବେ ବୋଲି କହିଛନ୍ତି ।
ରାଜଧାନୀରେ କୁଖ୍ୟାତ ଅପରାଧୀ ରଘୁ ବିଶ୍ଵାଳକୁ ଏନକାଉଣ୍ଟର
ଭୁବନେଶ୍ବର: ରାଜଧାନୀରେ ଫୁଟିଲା ଗୁଳି । କୁଖ୍ୟାତ ଅପରାଧୀ ରଘୁ ବିଶ୍ଵାଳକୁ ଏନକାଉଣ୍ଟର । ଭୁବନେଶ୍ୱର କମିଶନରେଟ୍ ପୋଲିସ କଲା ଏନକାଉଣ୍ଟର । କୁଖ୍ୟାତ ରବି ରାଓ ଗ୍ୟାଙ୍ଗର ସଦସ୍ୟ ହେଉଛି ରଘୁ । ରଘୁ ନାମରେ ବିଭିନ୍ନ ଥାନାରେ ୧୫ ଥାନାରେ ଡକାୟତି ସହ ରାହାଜାନୀ ମାମଲା ରହିଛି । ସେଥିମଧ୍ୟରୁ ବନ୍ଧୁକ ମାମଲା ରହିଛି ୮ ଟି । ବୁଧବାର ବିଳମ୍ବିତ ରାତିରେ ମଞ୍ଚେଶ୍ଵର୍ ଥାନା ପୋଲିସ ଓ ସ୍ପେସାଲ୍ ସ୍କ୍ୱାର୍ଡ ମିଳିତ ଭାବେ ପାଟ୍ରୋଲିଂ କରୁଥିବା ବେଳେ ରଘୁ ଓ ତାହାର ସାଙ୍ଗ ପୁନିଆ ନାୟକ ଏକ କେଟିଏମ୍ ବାଇକରେ ଭୁବନେଶ୍ୱର ବାଲିଯାତ୍ରା ପଡିଆ ରାସ୍ତା ଦେଇ ଯାଉଥିଲେ । ଏହି ସମୟରେ ଏମାନଙ୍କୁ ପୋଲିସ ଅଟକାଇବା ରୁ ହଠାତ୍ ରଘୁ ନିଜ ମାଉଜର ବାହାର କରି ପୋଲିସ ଉପରକୁ ଗୁଳି ଚଳାଇଥିଲା ।
୩ ରାଉଣ୍ଡ ଗୁଳି ମାଡ କରିବା ପରେ ପୋଲିସ ପକ୍ଷରୁ ପାଲଟା ଗୁଳି ଚଲାଯାଇଥିଲା । ରଘୁର ବାମ ଗୋଡ଼ରେ ଗୁଳି ବାଜିଥିବା ବେଳେ ଘଟଣା ସ୍ଥଳରେ ପଡ଼ି ଯାଇଥିଲା । ପୁନିଆ ଫେରାର ହୋଇଯାଇଥିଲା । ପୋଲିସ ରଘୁକୁ କାବୁ କରିଥିବା ବେଳେ ତା ନିକଟରୁ 7.5 mm ର ଏକ ପିସ୍ତଲ ଜବତ କରିଛି । ଆହତ ଅବସ୍ଥାରେ ରଘୁକୁ ପ୍ରଥମେ କ୍ୟାପିଟାଲ ହସ୍ପିଟାଲରେ ଚିକିତ୍ସା ପାଇଁ ଭର୍ତ୍ତି କରାଯାଇଥିଲା । ପରେ କଟକ ବଡ଼ ମେଡ଼ିକାଲକୁ ସ୍ଥାନାନ୍ତର କରାଯାଇଛି ।
କ’ଣ ଭାରତ ଉପରେ ଆକ୍ରମଣ ପାଇଁ ପାକିସ୍ତାନ ଯୋଜନା କରୁଛି ?
ଇସଲାମାବାଦ: ପାକିସ୍ତାନ ତିଆରି କରିଛି ନୂଆ ଏୟାର ଫିଲ୍ଡ । ଭାରତ ପାଇଁ ବିପଦ ସୃଷ୍ଟି କରିପାରେ ଏହି ଏୟାରଫିଲ୍ଡ । ଭାରତ ସୀମା ଠାରୁ ପ୍ରାୟ ୨୦ କିଲୋମିଟର ଦୂରରେ ପାକିସ୍ତାନ ଏକ ନୂତନ ଏୟାର ଫିଲଡ୍ ତିଆରି କରିଛି । ଏୟାରଫିଲ୍ଡ୍ ର ଲାହୋର ନିକଟରେ ଅବସ୍ଥିତ ଅଛି । ବିମାନଘାଟୀରେ ଚୀନ ଠାରୁ ଆଣିଥିବା SH-15SP ହାଓ୍ବିଜର ତୋପକୁ ଲଗେଇଛି ।
ବର୍ତ୍ତମାନ ସୁଦ୍ଧା ଏହି ବିମାନଘାଟି ବେସାମରିକ ଉଡାଣ ପାଇଁ ବ୍ୟବହୃତ ହେବ କି ସୈନବାହିନୀ ଙ୍କ ବ୍ୟବହାରରେ ଲାଗିବ ତାହା ଜଣା ପଡି ନାହିଁ । ପାକିସ୍ତାନର ଏହି ଦୁଇଟି କାମ ଭାରତ ପାଇଁ ଚିନ୍ତାର ବିଷୟ ଅଟେ । ଏହା ଭାରତର ସୁରକ୍ଷା ପାଇଁ ବିପଦ ସୃଷ୍ଟି କରିପାରେ । ପାକିସ୍ତାନର କୌଣସି ଅଧିକାରୀ ଏବଂ ସୈନବାହିନୀ ଏହି ବାବଦରେ କୌଣସି ବୟାନ୍ ଦେଇନାହାନ୍ତି । କିଛି ଲୋକଙ୍କ କହିବା ଅନୁସାରେ , ଏଠି ପାକିସ୍ତାନି ସୈନ୍ୟବାହିନୀଙ୍କ ବ୍ୟବହାର ପାଇଁ ପାଇଲଟ୍ ଟ୍ରେନିଂ ସ୍କୁଲ୍ ତିଆରି କରାଯାଉଛି ।
ଏହା ମଧ୍ୟ କୁହାଯାଉଛି କି, ଏହି ଏୟାରଫିଲ୍ଡ ର ବ୍ୟବହାର ହେଲିକପ୍ଟର , ଡ୍ରୋନ୍ ଏବଂ ଅନ୍ୟ ବିମାନ ଗୁଡିକର ଉଡାଣ ପାଇଁ କରାଯିବ । ସବୁଠାରୁ ଚିନ୍ତାର ବିଷୟ ଏହା କି ଏହି ଏୟାର ଫିଲ୍ଡ୍ ର ବ୍ୟବହାର ଚୀନ୍ ଏବଂ ତୁର୍କୀରୁ ଆସିଥିବା ଆକ୍ରମଣକାରୀ ଡ୍ରୋନ୍ ର ଉଡାଣ ପାଇଁ କରାଯାଇଛି । କାରଣ ଏହା ଭାରତୀୟ ସୀମା ଠାରୁ ୨୦ କିଲୋମିଟର ଦୂରରେ ଥିବାରୁ ଏଠାରୁ ଏହି ଡ୍ରୋନ୍ ଲଞ୍ଚ କରିବା ସହଜ ହେବ ।
ପାକିସ୍ତାନୀ ସେନା ନିଜର ୨୮ ଏବଂ ୩୨ତମ ଆର୍ଟିଲରୀ ରେଜିମେଣ୍ଟସ୍ କୁ ଚୀନ୍ ଠାରୁ ମଗେଇଥିବା ତୋପ ଦ୍ୱାରା ସଜିତ କରିଛି । ପାକିସ୍ତାନ ଚୀନ୍ ଠାରୁ SH-15 ତୋପ କିଣିଛି । ଚୀନ୍ ପାକିସ୍ତାନକୁ ଶସ୍ତା ଦାମରେ ତୋପ ଦେଇଛି । SH-15SP ହେଉଛି ଚୀନ୍ ଦ୍ବାରା ନିର୍ମିତ ଅତ୍ୟାଧୁନିକ ହାଓ୍ବିଜର ବନ୍ଧୁକ । ୨୦୧୯ ରେ ପାକିସ୍ତାନ ଚୀନ୍ କୁ ୨୩୬ଟି ବନ୍ଧୁକ ମାଗିଥିଲା । ବର୍ତ୍ତମାନ ପାକିସ୍ତାନ ପାଖରେ ୪୨ଟି ତୋପ ଅଛି । ଏହି ତୋପ ଗୁଡିକୁ ପାକିସ୍ତାନ ତାର ଆର୍ମି ଡେ ପରେଡ୍ ରେ ସାମିଲ୍ କରି ନିଜର ଶକ୍ତି ପ୍ରଦର୍ଶନ କରିଥିଲା । ଚୀନ୍ ର ଏହି ତୋପର ଓଜନ ୨୫ ଟନ୍ । ଯାହାର ଲମ୍ବ ୨୧.୪ ଫୁଟ୍ , ମୋଟେଇ ୮.୯ ଫୁଟ୍ ଏବଂ ଉଚ୍ଚତା ୧୧.୧୦ ଫୁଟ୍ । ଏହି ତୋପକୁ ଚଲେଇବା ପାଇଁ ୬ ଜଣ ଆବଶ୍ୟକ। ଏହା ୧୫୫*୫୨ କ୍ୟାଲିଭରି ର ତୋପ ଅଟେ । ଏହି ତୋପ ୯୦ କିଲୋମିଟର ପ୍ରତି ଘଣ୍ଟା ରେ ଚାଲିପାରେ