ଭୁବନେଶ୍ବର: ଘରୋଇ ବସ୍ ମାଲିକ ସଂଘର ମନମାନି । ଅନିର୍ଦ୍ଦିଷ୍ଟ କାଳ ପର୍ଯ୍ୟନ୍ତ ଧର୍ମଘଟ ଯୋଗୁ ଯାତ୍ରୀ ହଇରାଣ ହୋଇଛନ୍ତି । ଦଶହରା ସମୟରେ ବସ୍ ଧର୍ମଘଟ ଯାତ୍ରୀଙ୍କୁ ସମସ୍ୟାରେ ପକାଇଛି । ତେବେ ଯାତ୍ରୀଙ୍କ ସୁବିଧା ଲାଗି କଟକ- ଭୁବନେଶ୍ଵର ମଧ୍ୟରେ ଓଏସଆରଟିସି ତରଫରୁ ସ୍ବତନ୍ତ୍ର ବସ୍ ଚଳାଚଳ ବ୍ୟବସ୍ଥା କରାଯାଇଛି ।
ବାଲେଶ୍ୱର ଓ ନୟାଗଡ଼କୁ ମଧ୍ୟ ବରମୁଣ୍ଡା ବସଷ୍ଟାଣ୍ଡରୁ OSRTC ବସ ଚଳାଚଳ କରୁଛି । ବରମୁଣ୍ଡା ବସଷ୍ଟାଣ୍ଡରେ ବି ଫସିଛନ୍ତି ଯାତ୍ରୀ । ରାଜ୍ୟ ତଥା ରାଜ୍ୟ ବାହାରୁ ଓଡ଼ିଶା ଆସିଥିବା ଛାତ୍ରଛାତ୍ରୀ ଓ ଯାତ୍ରୀ ହନ୍ତସନ୍ତ ହେଉଛନ୍ତି । ପୂଜା ଛୁଟିରେ ଘରକୁ ଯିବା ପାଇଁ ଥିବା ଯାତ୍ରୀମାନେ ବସ ଧର୍ମଘଟ ଯୋଗୁ ବରମୁଣ୍ଡା ବସଷ୍ଟାଣ୍ଡ ରେ ଅଟକି ରହିଛନ୍ତି ।
