ନାଗପୁର: ମହାରାଷ୍ଟ୍ର ନାଗପୁରରେ ଭୟଙ୍କର ବିସ୍ଫୋରଣ । ଏକ ସୋଲାର କମ୍ପାନିରେ ବିସ୍ଫୋରଣ ଘଟିବା ଯୋଗୁ ୯ ଜଣ ପ୍ରାଣ ହରାଇଛନ୍ତି । ଅନେକ ଆହତ ହୋଇଥିବା ସୂଚନା ମିଳିଛି । ଆଜି ସକାଳ ସାଢ଼େ ୯ଟାରେ ନାଗପୁରର ବଜରଗାଁସ୍ଥିତ ସୋଲାର ଇଣ୍ଡଷ୍ଟ୍ରିଜ ଇଣ୍ଡିଆ ଲିମିଟେଡ କାରଖାନାରେ ବିସ୍ଫୋରଣ ଘଟିଛି । ବିସ୍ଫୋରଣରେ କେତେକ କର୍ମଚାରୀ ଗୁରୁତର ହୋଇଥିବା ସୂଚନା ମିଳିଛି । ଘଟଣାସ୍ଥଳରେ ପୋଲିସ ମୁତୟନ ହୋଇଛନ୍ତି । ଉଦ୍ଧାରକାର୍ଯ୍ୟ ଜାରି ରହିଛି । କୋଇଲା ବ୍ଲାଷ୍ଟିଂ ଲାଗି ବିସ୍ଫୋରକ ପ୍ୟାକିଂ ଚାଲିଥିବାବେଳେ ଏହି ବିସ୍ଫୋରଣ ଘଟିଥିଲା । ଦେଶର ପ୍ରତିରକ୍ଷା ବିଭାଗ ଲାଗି ଆବଶ୍ୟକ ହେଉଥିବା ବିସ୍ଫୋରକ ଓ ଅନ୍ୟାନ୍ୟ ପ୍ରତିରକ୍ଷା ସାମଗ୍ରୀ ଯୋଗାଣ କରିଥାଏ ।
ପଞ୍ଜାବ ଜେଲରେ ବିକ୍ରି ହେଉଛି ନିଶାଦ୍ରବ୍ଯ, ଏ ଖବର ମିଛ ଥିଲେ ଆଉ ରାଜନୀତି କରିବେନି କହିଲେ ସିଦ୍ଧୁ
ଚଣ୍ଡିଗଡ଼: ପଞ୍ଜାବର ଜେଲ ଭିତରେ ବିକ୍ରି ହେଉଛି ନିଶାଦ୍ରବ୍ଯ । ମାନ୍ ସରକାର ବିରୋଧରେ ଗୁରୁତର ଅଭିଯୋଗ ଆଣିଛନ୍ତି ପଞ୍ଜାବର ପୂର୍ବତନ କଂଗ୍ରେସ ମୁଖ୍ଯ ନବଜୋତ ସିଂ ସିଦ୍ଧୁ । ବଡକଥା ହେଉଛି ଯଦି ଏହି ଅଭିଯୋଗ ମିଥ୍ଯା ସାବ୍ଯସ୍ତ ହୁଏ ତେବେ ସେ ରାଜନୀତିରୁ ସନ୍ନ୍ଯାସ ନେବେ ବୋଲି କହିଛନ୍ତି ସିଦ୍ଧୁ । ଜେଲ୍ ଭିତରେ ନିଶାଦ୍ରବ୍ଯ ବିକ୍ରି ହେଉଥିଲେ ବି ସରକାର କୌଣସି ପଦକ୍ଷେପ ନେଉନାହାନ୍ତି ବୋଲି ମୁଖ୍ଯମନ୍ତ୍ରୀ ଭଗଓ୍ବନ୍ତ ମାନଙ୍କୁ ସେ ଟାର୍ଗେଟ କରିଛନ୍ତି ।
ମୁଖ୍ଯମନ୍ତ୍ରୀଙ୍କ ହାତରେ ଜେଲ୍ ବିଭାଗ ଥିଲେ ବି କିପରି ଜେଲରେ ଡ୍ରଗ୍ସ ବିକ୍ରି ହେଉଛି ବୋଲି ସେ ପ୍ରଶ୍ନ କରିଛନ୍ତି । 1988ରେ ରୋଡରେଜ୍ ମାମଲାରେ ସୁପ୍ରିମକୋର୍ଟ ନିର୍ଦ୍ଦେଶରେ 10 ମାସ ଜେଲଦଣ୍ଡ ଭୋଗିଥିବା ସିଦ୍ଧୁଙ୍କ ବୟାନ ଚାଞ୍ଚଲ୍ଯ ସୃଷ୍ଟି କରିଛି । 1988ର ରୋଡରେଜ ଘଟଣାରେ ପାଟିଆଲାରେ ଗୁରନାମ ସିଂଙ୍କ ମୃତ୍ଯୁ ହୋଇଥିଲା । ନିଶାଦ୍ରବ୍ୟ ସେବନ ସମ୍ପର୍କରେ ସବିଶେଷ ବିବରଣୀ ଦେବା ଲାଗି ନାର୍କୋଟିକ୍ସ କଣ୍ଟ୍ରୋଲ ବ୍ୟୁରୋକୁ ପଞ୍ଜାବ ଓ ହରିଆଣା ହାଇକୋର୍ଟ ନିର୍ଦ୍ଦେଶ ଦେବାର କିଛି ଦିନ ପରେ ସିଦ୍ଧୁଙ୍କ ବିସ୍ଫୋରକ ବୟାନ ରାଜ୍ୟ ସରକାରଙ୍କ ପ୍ରତି ଚାଲେଞ୍ଜ ସୃଷ୍ଟିକରିଛି ।
ପୁଣି ଚିନ୍ତା ବଢ଼ାଇଲା କରୋନା, ଜଣେ ମହିଳାଙ୍କ ଦେହରେ ଭୂତାଣୁ ଠାବ
ଥିରୁଅନନ୍ତପୁରମ: ଦେଶରେ ପୁଣି ଚିନ୍ତା ବଢାଇଲା କରୋନା ଭାଇରସ । କେରଳ କରାକୁଲମରୁ ଠାବ ହୋଇଛି କୋଭିଡ-19 ସବଭାରିଆଣ୍ଟ JN.1 । ଜଣେ ୭୯ ବର୍ଷ ବୟସ୍କା ମହିଳାଙ୍କ ଆରଟି-ପିସିଆର ଟେଷ୍ଟ ପରେ ଏହି ଭୂତାଣୁ ଠାବ ହୋଇଛି । ତାଙ୍କ ନିକଟରେ ଇନଫ୍ଲୁଏଞ୍ଜା ଧରଣର ସକ୍ଷଣ ପ୍ରକାଶ ପାଇଥିଲା । ପୂର୍ବରୁ ତାମିଲନାଡୁର ତିରୁଚିରାପଲ୍ଲୀରେ ବି ଜେଏନ-1 ସବଭାରିଆଣ୍ଟ ମିଳିଥିବା ସୂଚନା ମିଳିଛି । ତେବେ ତିରୁଚିରାପଲ୍ଲୀରେ ସଂକ୍ରମିତ ଅଧିକ ହୋଇଥିବା ସୂଚନା ମିଳିନାହିଁ ।
ବର୍ତ୍ତମାନ ଦେଶରେ ଚିହ୍ନଟ ହେଉଥିବା କୋଭିଡ ମାମଲା ମଧ୍ଯରୁ ୯୦ ପ୍ରତିଶତ ମାମୁଲି । ସେପଟେ କେରଳରେ ନୂଆ ଭୂତାଣୁ ଠାବ ହେବା ପରେ କର୍ଣ୍ଣାଟକ ସରକାର କୋଭିଡ ମୁକାବିଲା ଲାଗି ପଦକ୍ଷେପ ନେଇଛନ୍ତି ଏବଂ ହସ୍ପିଟାଲଗୁଡିକୁ ପ୍ରସ୍ତୁତ ରଖିଛନ୍ତି । ବିଭିନ୍ନ ସ୍ଥାନରେ ମକଡ୍ରିଲ ବି ହୋଇଛି । ଆରଟିପିସିଆର, ରାପିଡ ଆଣ୍ଟିଜେନ ଟେଷ୍ଟ, ଭିଟିଏମ ଆଦିକୁ ପ୍ରସ୍ତୁତ କରାଯାଇଛି ବୋଲି କହିଛନ୍ତି କର୍ଣ୍ଣାଟକ ସ୍ବାସ୍ଥ୍ୟ ମନ୍ତ୍ରୀ ଦିନେଶ ଗୁଣ୍ଡୁ ରାଓ । ପ୍ରଥମ ଥର ଲାଗି ଜେଏନ-1 ସବଭାରିଆଣ୍ଟ ଲକ୍ସେମବର୍ଗରେ ଠାବ ହୋଇଥିଲା । ପରେ ଏହା ଅନ୍ଯାନ୍ଯ ଦେଶକୁ ସଂକ୍ରମିତ କରିଥିଲା । ଜେଏନ-1 ସବଭାରିଆଣ୍ଟ ପିରୋଲା ଭାରିଆଣ୍ଟ BA.2.86ରୁ ଉତ୍ପତ୍ତି ଲାଭ କରିଛି ବୋଲି ସୂଚନା ମିଳିଛି । ଉପଯୁକ୍ତ ଚିକିତ୍ସା ଓ ଟିକାକରଣ ଜରିଆରେ ଜେଏନ-1ର ମୁକାବିଲା କରାଯାଇପାରିବ ବୋଲି କୁହାଯାଇଛି । ତେବେ କେନ୍ଦ୍ର ସରକାର ଏଥିଲାଗି ସତର୍କ ଦୃଷ୍ଟି ରଖିଥିବା କହିଛନ୍ତି ଇଣ୍ଡିଆନ ସାର୍ସ-କୋଭିଡ ଜେନୋମିକ୍ସ କନସର୍ଟିୟମ ମୁଖ୍ଯ ଡାକ୍ତର ଏନ.କେ. ଅରୋରା । ବିଶ୍ବରେ ବର୍ତ୍ତମାନ ସୁଦ୍ଧା 3,608 ଜଣ BA.2.86 ସଂକ୍ରମିତ ଚିହ୍ନଟ ହୋଇଛନ୍ତି ।
ସୁରକ୍ଷାକର୍ମୀ ଏବଂ ମାଓବାଦୀଙ୍କ ମଧ୍ୟରେ ଗୁଳିବିନିମୟ, ସିଆରପିଏଫ୍ ଆଡିସନାଲ ସବ୍-ଇନସ୍ପେକ୍ଟର ସହିଦ
ମାଲକାନଗିରି: ମାଓବାଦୀଙ୍କ ଗୁଳିରେ ଜଣେ ସିଆରପିଏଫ୍ ଆଡିସନାଲ ସବ୍-ଇନସ୍ପେକ୍ଟର ସହିଦ, ଜଣେ ଯବାନ ଗୁରୁତର । ୪ ମାଓବାଦୀ ଗିରଫ । ମାଲକାନଗିରି ଜିଲ୍ଲା ସୀମାନ୍ତ ଛତିଶଗଡ଼ ସୁକମା ଜିଲ୍ଲାର ବେଦରେ ସିଆରପିଏଫ୍ କ୍ୟାମ୍ପ ନିକଟରେ ସୁରକ୍ଷାକର୍ମୀ ଏବଂ ମାଓବାଦୀଙ୍କ ମଧ୍ୟରେ ଗୁଳିବିନିମୟ ହୋଇଥିଲା । ମାଓବାଦୀ ଗୁଳିରେ ସିଆରପିଏଫ୍ ଏ.ଏସ.ଆଇ ସୁଧାକର ରେଡ୍ଡୀ ସହିଦ ହୋଇଛନ୍ତି । ଗୁରୁତର ଯବାନଙ୍କ ନାଁ ରାମୁ । ତାଙ୍କୁ ଚିକିତ୍ସା ପାଇଁ ରାୟପୁର ସ୍ଥାନାନ୍ତର କରାଯାଇଛି । ସିଆରପିଏଫ୍ କ୍ୟାମ୍ପରୁ ସାପ୍ତାହିକ ହାଟକୁ ଯିବାବେଳେ ମାଓବାଦୀ ଓ ସୁରକ୍ଷାକର୍ମୀଙ୍କ ମଧ୍ୟରେ ଗୁଳିବିନିମୟ ହୋଇଥିଲା । ଘଟଣାସ୍ଥଳରେ ସୁରକ୍ଷାକର୍ମୀଙ୍କ ପକ୍ଷରୁ ସର୍ଚ୍ଚ ଅପରେସନ ଜାରି ରହିଛି । ଚାରିଜଣ ମାଓବାଦୀଙ୍କୁ ସୁରକ୍ଷାକର୍ମୀ ଗିରଫ କରିଛନ୍ତି ।
ଯାଜପୁରରୁ ଆତଙ୍କବାଦୀ ମିଳିବା ଘଟଣାରେ ତଦନ୍ତ କରିବ ନ୍ୟାସନାଲ ଇନଭେଷ୍ଟିଗେସନ ଏଜେନ୍ସି
ଭୁବନେଶ୍ବର: କିଏ ଏହି ଆତଙ୍କବାଦୀ ? ସୟଦ ଇଶାନ ବୁଖାରୀ ଧରା ପଡିବା ଘଟଣାରେ ତନାଘନା । ଖୁବଶୀଘ୍ର ତଦନ୍ତରେ ସହଯୋଗ କରିବ ନ୍ୟାସନାଲ ଇନଭେଷ୍ଟିଗେସନ ଏଜେନ୍ସି । ଅଭିଯୁକୁ ଜେରା କରିବେ କେରଳ, ପଞ୍ଜାବ, ମହାରାଷ୍ଟ୍ର ପୋଲିସ । କାଶ୍ମୀରର ଏକାଧିକ ପୋଲିସ ଅଧିକାରୀଙ୍କ ସମ୍ପର୍କରେ ଥିଲା ସୟଦ । ପିଏମଓରେ ଚାକିରି କରିଥିବା କହି ପୋଲିସ ଅଧିକାରୀଙ୍କ ସହ ରଖୁଥିଲା ସମ୍ପର୍କ । ପୋଷ୍ଟିଂ ଓ ଟ୍ରାନ୍ସଫର ପାଇଁ ପୋଲିସ ଅଧିକାରୀଙ୍କୁ ମଧ୍ୟ ଲଗାଇଛି ଚୁନା । ଆଇଏସଆଇ ଲିଙ୍କ ନେଇ ଏସଟିଏଫ ହାତରେ ଲାଗିଛି ଗୁରୁତ୍ୱପୂର୍ଣ୍ଣ ତଥ୍ୟ ।
ବିଭିନ୍ନ ରାଜ୍ୟରେ ପ୍ରେମିକାଙ୍କୁ ଢାଲ କରି ଶତ୍ରୁ ପକ୍ଷକୁ ପଠାଉଥିଲା ଗୋପନୀୟ ତଥ୍ୟ । ୭ ଜଣ ମହିଳାଙ୍କୁ ସେ ବିବାହ କରିଥିବା ନେଇ ମିଳିଛି ସୂଚନା । ଖୁବଶୀଘ୍ର ଏହି ୭ ଜଣ ମହିଳାଙ୍କୁ ମଧ୍ୟ ତଦନ୍ତ ପରିସର ଭୁକ୍ତ କରାଯିବ । ପାକିସ୍ତାନର ଦୁଇ ସନ୍ଦିଗ୍ଧଙ୍କ ସହ ସୋସିଆଲ ମିଡିଆରେ କଥା ହେଉଥିଲା ଅଭିଯୁକ୍ତ । କେରଳର କିଛି ମୌଳବାଦୀଙ୍କ ସମ୍ପର୍କରେ ଥିଲା ଇଶାନ । ପୂର୍ବରୁ ଠକେଇ ସହ ନିଶା କାରବାରରେ ସମ୍ପୃକ୍ତ ଥିବା STF ପକ୍ଷରୁ ସୂଚନା ମିଳିଛି । ଗତକାଲି ଅଭିଯୁକ୍ତକୁ ଯାଜପୁର ନେଉଳପୁରରୁ ଗିରଫ କରାଯାଇଛି । ଜାମିନ ନାମଞ୍ଜୁର ହେବା ପରେ ରଗଡି ସ୍ଥିତ ଉପକାରାଗାରକୁ ପଠାଯାଇଛି । ଆସନ୍ତାକାଲି ସୟଦକୁ ରିମାଣ୍ଡରେ ନେବା ପାଇଁ ଆବେଦନ କରିପାରେ STF ।
ସମ୍ବଲପୁରରେ IT ରେଡ୍ ଘଟଣାର ମୁମ୍ବାଇ ଲିଙ୍କ୍, ଏବିଡି କମ୍ପାନୀରୁ କମ୍ପୋଜିସନ୍ ଆସି ଓଡ଼ିଶାରେ ହେଉଥିଲା ବଟଲିଂ
ସମ୍ବଲପୁର: ସମ୍ବଲପୁରରେ ଆୟକର ରେଡ୍ ଘଟଣାର ମୁମ୍ବାଇ ଲିଙ୍କ୍ । ମୁମ୍ବାଇ ଏବିଡି କମ୍ପାନୀରୁ କମ୍ପୋଜିସନ୍ ଆସି ଓଡ଼ିଶାରେ ବଟଲିଂ ହେଉଥିଲା । ମୁମ୍ବାଇର ଏହି କମ୍ପାନୀ ସହ ସମ୍ବଲପୁର କମ୍ପାନୀର ଆର୍ଥିକ କାରବାର ହେଉଥିବା ସନ୍ଦେହ ଉପୁଜିଛି । ମୁମ୍ବାଇର ଏହି କମ୍ପାନୀକୁ ପ୍ରଥମେ ଯାଞ୍ଚ୍ ପରେ ସେହି ଲିଙ୍କରେ ସମ୍ବଲପୁର ଆସି ଯାଞ୍ଚ ଆରମ୍ଭ କରିଛି ମୁମ୍ବାଇ ଆୟକର ବିଭାଗ ।
ସମ୍ବଲପୁର ଓ ଢେଙ୍କାନାଳର ଦୁଇଟି ଜାଗାରେ ଚାଲିଥିଲା ରେଡ୍ । ମିଳିଥିବା ବିପୁଳ ଟଙ୍କା ଓ କିଛି ବିଲ୍କୁ ଯାଞ୍ଚ୍ କରିବ ମୁମ୍ବାଇ ଆୟକର ବିଭାଗ । ରେଡ୍ ବେଳେ ମୁମ୍ବାଇ ଆୟକର ବିଭାଗକୁ ସହଯୋଗ କରିଛିଲା ଓଡ଼ିଶା ଆୟକର ବିଭାଗ । ମୁମ୍ବାଇସ୍ଥିତ ଆଲାଏଡ ବ୍ଲେଣ୍ଡର ଆଣ୍ଡ ଡିଷ୍ଟିଲର୍ ଉପରେ ମୁମ୍ବାଇ ଆୟକର ବିଭାଗ ରେଡ୍ କରିଥିଲା
ଛତ୍ରପୁର ସୁନ୍ଦରେଶ୍ବର ମନ୍ଦିର ବିକାଶ କାର୍ଯ୍ୟର ଅନୁଧ୍ୟାନ କଲେ 5T ଅଧ୍ୟକ୍ଷ
ଗଞ୍ଜାମ: ଗଞ୍ଜାମ ଗସ୍ତରେ ଯାଇ ଉନ୍ନୟନ କାର୍ଯ୍ୟର ସମୀକ୍ଷା କଲେ 5T ଅଧ୍ୟକ୍ଷ କାର୍ତ୍ତିକ ପାଣ୍ଡିଆନ୍ । ଏହି କ୍ରମରେ ଛତ୍ରପୁର ସୁନ୍ଦରେଶ୍ବର ମନ୍ଦିରରେ ପହଞ୍ଚି ଜାରି ରହିଥିବା ବିକାଶ କାର୍ଯ୍ୟର ଅନୁଧ୍ୟାନ କରିଛନ୍ତି । ଏହାସହ ମନ୍ଦିର କମିଟି ଓ ସେବାୟତଙ୍କ ସହ ଆଲୋଚନା କରିଛନ୍ତି 5T ଅଧ୍ୟକ୍ଷ ।
ସେହିପରି ବ୍ରହ୍ମପୁର ଏମକେସିଜି ଓ କୁସୁମୀ ରିଂ ରୋଡର ସମୀକ୍ଷା କରିବା ପରେ ରଙ୍ଗେଇଲୁଣ୍ଡା ଧବଳେଶ୍ବର ମନ୍ଦିରରେ ବିକାଶ କାର୍ଯ୍ୟର ଅନୁଧ୍ୟାନ କରିଛନ୍ତି 5T ଅଧ୍ୟକ୍ଷ କାର୍ତ୍ତିକ ପାଣ୍ଡିଆନ । ମନ୍ଦିରରେ ଚାଲିଥିବା ରୂପାନ୍ତରଣ କାର୍ଯ୍ୟର ଅନୁଧ୍ୟାନ କରିବା ସହ ମନ୍ଦିର କମିଟି ଓ ସେବାୟତଙ୍କ ସହ ଆଲୋଚନା କରିଛନ୍ତି ।
ଧବଳେଶ୍ବର ମନ୍ଦିର ପାଇଁ ୧ କୋଟି ୨୦ ଲକ୍ଷ ଟଙ୍କା ମଞ୍ଜୁର ହୋଇଛି । ଲୋକଙ୍କ ଠାରୁ ଦାବିପତ୍ର ଗ୍ରହଣ କରିବା ସହ ସମସ୍ୟାର ତୁରନ୍ତ ସମାଧାନ କରାଯିବ ବୋଲି କହିଛନ୍ତି 5T ଅଧ୍ୟକ୍ଷ । ସେହିପରି ମନ୍ଦିର, ମସଜିଦ୍ ସହ ବିଭିନ୍ନ ଧର୍ମାନୁଷ୍ଠାନର ରୂପାନ୍ତରୀକରଣ କରାଯାଉଛି । ସମସ୍ତଙ୍କ ସହଯୋଗରେ ନୂଆ ଓଡ଼ିଶା ଗଠନ ହେବ ବୋଲି କହିଛନ୍ତି କାର୍ତ୍ତିକ ପାଣ୍ଡିଆନ୍ ।
ପ୍ରଥମେ ଏମକେସିଜି ମେଡିକାଲ କଲେଜରେ ପହଞ୍ଚି କଲେଜ କର୍ତ୍ତୃପକ୍ଷ ଓ ଛାତ୍ରଛାତ୍ରୀଙ୍କ ସହ ଆଲୋଚନା କରିଥିଲେ । ଏହି ଅବସରରେ ଉଦବୋଧନ ଦେଇ କହିଥିଲେ- ଏମକେସିଜିକୁ ସଶକ୍ତ କରାଯିବ । ଏଠାରେ ସବୁ ସୁବିଧା ଉପଲବ୍ଧ ହେବ । ଆଉ ବାହାରକୁ ଯିବାକୁ ପଡ଼ିବନି । ଏମକେସିଜିରେ ସବୁ ବ୍ୟବସ୍ଥା କରାଯିବ । କ୍ୟାମ୍ପସରେ ଶାନ୍ତିଶୃଙ୍ଖଳା ରକ୍ଷା କରିବାକୁ ମେଡିକାଲ କର୍ତ୍ତୃପକ୍ଷ ଓ ଛାତ୍ରଛାତ୍ରୀ ଆହ୍ବାନ ଦେଇଥିଲେ ।
ଏହାପରେ କୁସୁମୀରେ ପହଞ୍ଚି ସ୍ଥାନୀୟ ଲୋକଙ୍କୁ ଭେଟିଥିଲେ । କୁସୁମୀ ରିଂ ରୋଡ ନକ୍ସା ଦେଖିବା ସହ କାମର ସମୀକ୍ଷା କରିଥିଲେ 5T ଅଧ୍ୟକ୍ଷ ।
ସ୍ଥାନୀୟ ଲୋକଙ୍କୁ ଉଦବୋଧନ ଦେଇ 5T ଅଧ୍ୟକ୍ଷ କହିଥିଲେ, ରିଂ ରୋଡ କାମ ଆରମ୍ଭ ହୋଇ ସାରିଛି । ଏଥିପାଇଁ ମୁଖ୍ୟମନ୍ତ୍ରୀ ୨୨୫ କୋଟି ଟଙ୍କା ଅନୁମୋଦନ କରିଛନ୍ତି । ଦୁଇ ବର୍ଷ ଭିତରେ କାମ ସାରିବାକୁ ଲକ୍ଷ୍ୟ ଧାର୍ଯ୍ୟ ହୋଇଛି । ହେଲେ ଦେଢ଼ ବର୍ଷ ଭିତରେ କାମ ସାରିବାକୁ ବିଭାଗୀୟ ଅଧିକାରୀଙ୍କୁ ନିର୍ଦ୍ଦେଶ ଦେଇଛି । ଏହି ରାସ୍ତା ହୋଇଯିବା ପରେ ଟ୍ରାଫିକ ସମସ୍ୟା ଦୂର ହେବା ସହ ଅଞ୍ଚଳର ଉନ୍ନତି ହେବ । ଲୋକଙ୍କୁ ରେଜଗାର ମିଳିବ । ରାସ୍ତା ପାଖରେ ଥିବା ସରକାରୀ ଜମି ଚିହ୍ନଟ କରି ଇଣ୍ଡଷ୍ଟ୍ରିଆଲ ପାର୍କ କରାଯିବ ।
ସାପକୁ ଅପରାଧିକ ଅସ୍ତ୍ର ଭାବେ ବ୍ୟବହାର ବନ୍ଦ କର
ଭୁବନେଶ୍ବର: ଏମ୍ସ ଭୁବନେଶ୍ବରର ଫୋରେନସିକ ମେଡ଼ିସିନ ବିଭାଗ ତରଫରୁ ସାପକୁ ଅପରାଧର ଅସ୍ତ୍ର ଭାବେ ବ୍ୟବହାର ବନ୍ଦ କରିବାକୁ ସ୍ନେକ ହେଲ୍ପ ଲାଇନ ସହଯୋଗିତାରେ ଦିନିକିଆ କର୍ମଶାଳା । ରାଜ୍ୟର ବିଭିନ୍ନ ପ୍ରାନ୍ତରୁ ୮୦ ଜଣ ସାପ ଉଦ୍ଧାରକାରୀ ଏଇ କର୍ମଶାଳାରେ ଯୋଗ ଦେଇଥିଲେ । ସିଟି ଫରେଷ୍ଟ ଡିଭିଜନର ଜଣେ ଏସିଏଫ, ଜଣେ ରେଞ୍ଜରଙ୍କ ସମେତ ମୋଟ ୧୦ ଜଣ ଅଧିକାରୀ କର୍ମଶାଳାରେ ହୋଇଥିଲେ ସାମିଲ । ବିଜୁ ପଟ୍ଟନାୟକ ରାଜ୍ୟ ପୁଲିସ ଏକାଡ଼େମୀର କିଛି ପୁଲିସ ଅଧିକାରୀ ମଧ୍ୟ ଏଇ କର୍ମଶାଳାରେ ଯୋଗ ଦେଇଥିଲେ । ଏମ୍ସ ଭୁବନେଶ୍ବରର ଫୋରେନସିକ ବିଶେଷଜ୍ଞ ମାନେ ମଧ୍ୟ କର୍ମଶାଳାରେ ଯୋଗ ଦେଇଥିଲେ ।
ମୁଖ୍ୟଅତିଥି ଭାବେ ଯୋଗଦେଇ ବିଜୁ ପଟ୍ଟନାୟକ ରାଜ୍ୟ ପୋଲିସ ଏକାଡ଼େମୀର ଆଇଜି ପୋଲିସ ଏସ. ସାଇନି ସାପ ଉଦ୍ଧାରକାରୀଙ୍କୁ ନିଜ ଅଞ୍ଚଳରେ ସାପ ଦ୍ଵାରା ଯଦି କେହି କିଛି ଅପରାଧ ଘଟେଇଥିବାର ସୂଚନା ମିଳେ ତୁରନ୍ତ ଖବର ଦେବାକୁ କହିଥିଲେ ।
ଚଳିତବର୍ଷ ଓଡ଼ିଶାରେ ଦୁଇଟି ଜଘନ୍ୟ ଅପରାଧ ଘଟିଥିଲା । ଗଞ୍ଜାମ କବିସୂର୍ଯ୍ୟନଗର ଅଞ୍ଚଳରେ ୨୩ ବର୍ଷୀୟା ସ୍ତ୍ରୀ ଏବଂ ଦୁଇ ବର୍ଷୀୟା ଝିଅଙ୍କୁ ନାଗ ସାପ କାମୁଡେଇ ହତ୍ୟା କରିଥିଲା ସ୍ୱାମୀ । ନୟାଗଡ ଓଡଗାଁ ଅଞ୍ଚଳରେ ଜଣେ ଯୁବକ ଜଣେ ନାବାଳିକାଙ୍କ ଘରେ ନାଗ ସାପ ଛାଡି ଭୟଭୀତ କରିବା ସହିତ ଅତ୍ୟାଚାର କରି ପୋକସୋ ଆଇନ ବଳରେ ଗିରଫ ହେଇଥିଲା । ଅଧିକାଂଶ ମାମଲାରେ ପ୍ରମାଣ ଅଭାବରୁ ମାମଲା ଦୁର୍ବଳ ହୋଇଯାଉଥିବା ବେଳେ ଅଭିଯୁକ୍ତ ଖସି ଯିବାକୁ ସୁଯୋଗ ପାଉଛନ୍ତି ।
ରାଉରକେଲା ଝାଡ଼ାବାନ୍ତିରେ ଆଉ ଜଣଙ୍କ ମୃତ୍ୟୁ, ଚାଲିଛି କାରଣ ଖୋଜା
ରାଉରକେଲା: ରାଉରକେଲା ସହରରେ ଝାଡ଼ାବାନ୍ତିରେ ଆଉ ଜଣଙ୍କ ମୃତ୍ୟୁ ହୋଇଛି । ମୃତକ ହେଲେ ଗାନ୍ଧି ରୋଡ ଅଞ୍ଚଳର ତୁଲ କିଷାନ । ଏହାକୁ ମିଶାଇ ଝାଡାବାନ୍ତିରେ ମୃତ୍ୟୁ ସଂଖ୍ୟା ୫ରେ ପହଞ୍ଚିଛି । ଏଥିସହ ୧୧୧ ଜଣଙ୍କର ରାଉରକେଲା ସରକାରୀ ଡାକ୍ତରଖାନାରେ ଚିକିତ୍ସା କରାଯାଉଛି । ଅଧିକାଂଶ ଆକ୍ରାନ୍ତ ସୁସ୍ଥ ହେଉଥିବା ଜଣାପଡିଛି ।
ଏପଟେ ଝାଡ଼ାବାନ୍ତି ଆକ୍ରାନ୍ତଙ୍କ ସଂଖ୍ୟା ବୃଦ୍ଧି ପରେ ଚାଲିଛି କାରଣ ଖୋଜା । ସୁନ୍ଦରଗଡ଼ ମେଡ଼ିକାଲ୍ କଲେଜର ୪ ଜଣିଆ ଡାକ୍ତରୀ ଦଳ ଆରଜିଏଚରେ ପହଞ୍ଚି ଝାଡ଼ାବାନ୍ତିରେ ଆକ୍ରାନ୍ତଙ୍କ ଚିକିତ୍ସା ଆରମ୍ଭ କରିଛନ୍ତି । ରାଜ୍ୟ ସ୍ବାସ୍ଥ୍ୟ ବିଭାଗର ଏକ ସ୍ବତନ୍ତ୍ର ଟିମ ରାଉରକେଲାରେ ପହଞ୍ଚିଛନ୍ତି । ରାଉରକେଲାରେ ସ୍ଥିତି ଅନୁଧ୍ୟାନ ପାଇଁ ଡକ୍ଟର ଅଶୋକ ପାଇକରାୟଙ୍କ ନେତୃତ୍ୱରେ ରାଜ୍ୟ ସ୍ବାସ୍ଥ୍ୟ ବିଭାଗର ଏକ ଟିମ ଆସିଛନ୍ତି ।
ଆରଏମସି ସ୍ଵାସ୍ଥ୍ୟ ବିଭାଗ ଓ ସହରର ଜଳ ଯୋଗାଣ ବିଭାଗ ପକ୍ଷରୁ ହୋଇଥିବା ପାନୀୟ ଜଳ ପରୀକ୍ଷାରେ କୌଣସି ସଂକ୍ରମଣ ନଥିବା ଜଣାପଡ଼ିଛି । ପାନୀୟ ଜଳ ପିଇ ଝାଡାବାନ୍ତି ହୋଇ ନଥିବା ପାନୀୟ ଜଳ ଟେଷ୍ଟ ରିପୋର୍ଟରୁ ଜଣାପଡିଛି । ଝାଡାବାନ୍ତି ବଢିବାର କାରଣ ସମ୍ପର୍କରେ ଆରଏମସି ସ୍ବାସ୍ଥ୍ୟ ବିଭାଗ ପକ୍ଷରୁ ଅନୁସନ୍ଧାନ ଜାରି ରହିଛି ।
ରଙ୍ଗେଇଲୁଣ୍ଡା ଧବଳେଶ୍ବର ମନ୍ଦିରର ବିକାଶ କାର୍ଯ୍ୟ ସମୀକ୍ଷା କଲେ 5T ଅଧ୍ୟକ୍ଷ
ରଙ୍ଗେଇଲୁଣ୍ଡା: ବ୍ରହ୍ମପୁର ଏମକେସିଜି ଓ କୁସୁମୀ ରିଂ ରୋଡର ସମୀକ୍ଷା କରିବା ପରେ ରଙ୍ଗେଇଲୁଣ୍ଡା ଧବଳେଶ୍ବର ମନ୍ଦିରରେ ବିକାଶ କାର୍ଯ୍ୟର ଅନୁଧ୍ୟାନ କଲେ 5T ଅଧ୍ୟକ୍ଷ କାର୍ତ୍ତିକ ପାଣ୍ଡିଆନ । ମନ୍ଦିରରେ ଚାଲିଥିବା ରୂପାନ୍ତରଣ କାର୍ଯ୍ୟର ଅନୁଧ୍ୟାନ କରିବା ସହ ମନ୍ଦିର କମିଟି ଓ ସେବାୟତଙ୍କ ସହ ଆଲୋଚନା କରିଛନ୍ତି ।
ଧବଳେଶ୍ବର ମନ୍ଦିର ପାଇଁ ୧ କୋଟି ୨୦ ଲକ୍ଷ ଟଙ୍କା ମଞ୍ଜୁର ହୋଇଛି । ଲୋକଙ୍କ ଠାରୁ ଦାବିପତ୍ର ଗ୍ରହଣ କରିବା ସହ ସମସ୍ୟାର ତୁରନ୍ତ ସମାଧାନ କରାଯିବ ବୋଲି କହିଛନ୍ତି 5T ଅଧ୍ୟକ୍ଷ । ସେହିପରି ମନ୍ଦିର, ମସଜିଦ୍ ସହ ବିଭିନ୍ନ ଧର୍ମାନୁଷ୍ଠାନର ରୂପାନ୍ତରୀକରଣ କରାଯାଉଛି । ସମସ୍ତଙ୍କ ସହଯୋଗରେ ନୂଆ ଓଡ଼ିଶା ଗଠନ ହେବ ବୋଲି କହିଛନ୍ତି କାର୍ତ୍ତିକ ପାଣ୍ଡିଆନ୍ ।
ପ୍ରଥମେ ଏମକେସିଜି ମେଡିକାଲ କଲେଜରେ ପହଞ୍ଚି କଲେଜ କର୍ତ୍ତୃପକ୍ଷ ଓ ଛାତ୍ରଛାତ୍ରୀଙ୍କ ସହ ଆଲୋଚନା କରିଥିଲେ । ଏହି ଅବସରରେ ଉଦବୋଧନ ଦେଇ କହିଥିଲେ- ଏମକେସିଜିକୁ ସଶକ୍ତ କରାଯିବ । ଏଠାରେ ସବୁ ସୁବିଧା ଉପଲବ୍ଧ ହେବ । ଆଉ ବାହାରକୁ ଯିବାକୁ ପଡ଼ିବନି । ଏମକେସିଜିରେ ସବୁ ବ୍ୟବସ୍ଥା କରାଯିବ । କ୍ୟାମ୍ପସରେ ଶାନ୍ତିଶୃଙ୍ଖଳା ରକ୍ଷା କରିବାକୁ ମେଡିକାଲ କର୍ତ୍ତୃପକ୍ଷ ଓ ଛାତ୍ରଛାତ୍ରୀ ଆହ୍ବାନ ଦେଇଥିଲେ ।
ଏହାପରେ କୁସୁମୀରେ ପହଞ୍ଚି ସ୍ଥାନୀୟ ଲୋକଙ୍କୁ ଭେଟିଥିଲେ । କୁସୁମୀ ରିଂ ରୋଡ ନକ୍ସା ଦେଖିବା ସହ କାମର ସମୀକ୍ଷା କରିଥିଲେ 5T ଅଧ୍ୟକ୍ଷ ।
ସ୍ଥାନୀୟ ଲୋକଙ୍କୁ ଉଦବୋଧନ ଦେଇ 5T ଅଧ୍ୟକ୍ଷ କହିଥିଲେ, ରିଂ ରୋଡ କାମ ଆରମ୍ଭ ହୋଇ ସାରିଛି । ଏଥିପାଇଁ ମୁଖ୍ୟମନ୍ତ୍ରୀ ୨୨୫ କୋଟି ଟଙ୍କା ଅନୁମୋଦନ କରିଛନ୍ତି । ଦୁଇ ବର୍ଷ ଭିତରେ କାମ ସାରିବାକୁ ଲକ୍ଷ୍ୟ ଧାର୍ଯ୍ୟ ହୋଇଛି । ହେଲେ ଦେଢ଼ ବର୍ଷ ଭିତରେ କାମ ସାରିବାକୁ ବିଭାଗୀୟ ଅଧିକାରୀଙ୍କୁ ନିର୍ଦ୍ଦେଶ ଦେଇଛି । ଏହି ରାସ୍ତା ହୋଇଯିବା ପରେ ଟ୍ରାଫିକ ସମସ୍ୟା ଦୂର ହେବା ସହ ଅଞ୍ଚଳର ଉନ୍ନତି ହେବ । ଲୋକଙ୍କୁ ରେଜଗାର ମିଳିବ । ରାସ୍ତା ପାଖରେ ଥିବା ସରକାରୀ ଜମି ଚିହ୍ନଟ କରି ଇଣ୍ଡଷ୍ଟ୍ରିଆଲ ପାର୍କ କରାଯିବ ।