ନୂଆଦିଲ୍ଲୀ: ନୂଆଦିଲ୍ଲୀସ୍ଥିତ କର୍ତ୍ତବ୍ୟ ପଥରେ ଅନୁଷ୍ଠିତ ଜାତୀୟସ୍ତରୀୟ ସାଧାରଣତନ୍ତ୍ର ଦିବସ ପ୍ୟାରେଡରେ ଓଡିଶାର ପ୍ରଜ୍ଞାପନ ମେଢ ସମଗ୍ର ଦେଶରେ ପ୍ରଥମ ସ୍ଥାନ ଅଧିକାର କରିଛି । ମଙ୍ଗଳବାର ନୂଆଦିଲ୍ଲୀରେ ଆୟୋଜିତ ଏକ ବର୍ଣ୍ଣାଢ୍ଯ କାର୍ଯ୍ୟକ୍ରମରେ ଓଡ଼ିଶା ସରକାରଙ୍କ ପକ୍ଷରୁ ସୂଚନା ଓ ଲୋକସମ୍ପର୍କ ବିଭାଗର ସହକାରୀ ସୂଚନା ଅଧିକାରୀ ହରପ୍ରସାଦ ମହାପାତ୍ର ଓ ପ୍ରଜ୍ଞାପନ ମେଢର ଶିଳ୍ପୀ କିର୍ତ୍ତୀ କିଶୋର ମହାରଣା ଭାରତ ସରକାରଙ୍କ ପ୍ରତିରକ୍ଷା ରାଷ୍ଟ୍ର ମନ୍ତ୍ରୀ ଅଜୟ ଭଟ୍ଟଙ୍କ ଠାରୁ ଟ୍ରଫି ଓ ପ୍ରମାଣପତ୍ର ଗ୍ରହଣ କରିଛନ୍ତି । 
ପୁରସ୍କାର ପାଇଲା ଓଡ଼ିଶା ପ୍ରଜ୍ଞାପନ ମେଢ଼
ଟିମ ଇଣ୍ଡିଆ ପାଇଁ ବଢ଼ିପାରେ ଚିନ୍ତା, ଦ୍ବିତୀୟ ଟେଷ୍ଟରେ ଇଂଲଣ୍ଡ ଆପଣାଇପାରେ ଏହି ରଣନୀତି
ନନ୍ଦିଘୋଷ ବ୍ୟୁରୋ: ଇଂଲଣ୍ଡ ବିପକ୍ଷ ପ୍ରଥମ ଟେଷ୍ଟ ହାରିବା ପରେ ଦ୍ବିତୀୟ ମ୍ୟାଚ ବିଜୟ ଲକ୍ଷ୍ୟରେ ରୋହିତ ବାହିନୀ । ତେବେ ଦ୍ବିତୀୟ ଟେଷ୍ଟରେ ଇଂଲଣ୍ଡ ୪ ଜଣ ସ୍ପିନରଙ୍କୁ ମଇଦାନକୁ ଓହ୍ଲାଇବ ବୋଲି ସୂଚନା ମିଳିଛି । ଇଂଲଣ୍ଡର ମୁଖ୍ୟ ପ୍ରଶିକ୍ଷକ ବ୍ରେଣ୍ଡମ ମ୍ୟାକୁଲମ ଏଭଳି ସୂଚନା ଦେଇଛନ୍ତି । ବିଶାଖାପାଟଣାମରେ ଅନୁଷ୍ଠିତ ହେବାକୁ ଥିବା ଏହି ମ୍ୟାଚରେ ଜୋ ରୁଟଙ୍କୁ ଛାଡ଼ି ବାକି ଚାରିଜଣ ସ୍ପିନର ଖେଳିବେ । ପ୍ରଥମ ଟେଷ୍ଟରେ ଜେକ୍ ଲିଚ୍, ଟମ ହାର୍ଟ ଲି ଏବଂ ରେହାନ ଅହମ୍ମଦ ଖେଳିଥିଲେ । ତେବେ ଦ୍ବିତୀୟ ଟେଷ୍ଟରେ ସୋଏବ ବଶିର ମଇଦାନକୁ ଓହ୍ଲାଇ ପାରନ୍ତି । ପ୍ରଥମ ଟେଷ୍ଟ ଖେଳିବା ପାଇଁ ଭିସା କାରଣରୁ ସେ ଆସି ପାରିନଥିଲେ । ମାତ୍ର ଦ୍ବିତୀୟ ଟେଷ୍ଟରେ ସେ ମଇଦାନୁ ଓହ୍ଲାଉଥିବାବେଳେ ଭାରତ ପାଇଁ ଅସୁବିଧାର କାରଣ ହୋଇପାରେ । ପ୍ରଥମ ମ୍ୟାଚରେ ଦୁଇ ପାଳିର ୨୦ ଓ୍ବିକେଟରୁ ଭାରତ ୧୮ ଓ୍ବିକେଟ କେବଳ ସ୍ପିନରଙ୍କ ହାତକୁ ଯାଇଥିଲା । ସେପଟେ ବାକି ୨ଟି ରନ ଆଉଟ ହୋଇଥିଲେ । ଏଣୁ ପେସରଙ୍କ ଅପେକ୍ଷା ସ୍ପିନରଙ୍କୁ ସୁଯୋଗ ଦେବ ଇଂଲଣ୍ଡ । ଭାରତ ପକ୍ଷରୁ କେବଳ ରୋହିତ ଶର୍ମା ସ୍ପିନରଙ୍କ ବିପକ୍ଷରେ ଭଲ ଖେଳନ୍ତି । ଶ୍ରେୟସ ଏବଂ ଗିଲ ଏବେ ଭଲ ଫର୍ମରେ ନାହାନ୍ତି । ଏଣୁ ସ୍ପିନରମାନେ ଦ୍ବିତୀୟ ଟେଷ୍ଟରେ ଭାରତ ପାଇଁ କାଳ ସାଜି ପାରନ୍ତି ।
ନୀତିଶ କୁମାରଙ୍କୁ ରାହୁଲ ଗାନ୍ଧୀଙ୍କ ସମାଲୋଚନା, କହିଲେ..
ପାଟନା: ବିହାରର ରାଜନୈତିକ ହାଇଡ୍ରାମାକୁ ନେଇ ସାରା ଦେଶରେ ଚର୍ଚ୍ଚା ଥମିବାର ନାଁ ନେଉନାହିଁ । ମୁଖ୍ୟମନ୍ତ୍ରୀ ନୀତିଶ କୁମାରଙ୍କ ପଲଟୁମାର ନୀତିକୁ ନେଇ ସମାଲୋଚନା କରୁଛନ୍ତି ବରିଷ୍ଠ ରାଜେନତାମାନେ । କିଏ ସ୍ବାର୍ଥବାଦୀ କହୁଛି ତ ଆଉ କିଏ ସୁବିଧାବାଦୀ । ଆଉ କିଏ ନୀତିଶଙ୍କ ନାଁ ନେଇ ଆୟାରାମ ଗେୟାରାମର ଉଦାରହରଣ ଦେଉଛନ୍ତି । ତେବେ ଇଣ୍ଡିଆ ଗଠବନ୍ଧନରେ ମୁଖ୍ୟ ପୁରୋଧାଭାବେ ଆଗକୁ ବାହାରିଥିବା ନୀତିଶଙ୍କ ପଛଘୁଞ୍ଚା ଏବଂ ଏନଡିଏକୁ ସମର୍ଥନ ସମାଲୋଚନାର ମୁଖ୍ୟ କାରଣ ବୋଲି କୁହାଯାଉଛି । ତେବେ ଏହାକୁ ନେଇ ନୀତିଶ କୁମାରଙ୍କୁ ଥଟ୍ଟା କରି ସମାଲୋଚନା କରିଛନ୍ତି ବରିଷ୍ଠ କଂଗ୍ରେସ ନେତା ରାହୁଲ ଗାନ୍ଧୀ ।
ରାହୁଲ ଗାନ୍ଧୀ ଭାରତ ଯୋଡ଼ୋ ନ୍ୟାୟ ଯାତ୍ରା ଏବେ ବିହାରରେ ପ୍ରବେଶ କରିଛି । ସାଧାରଣ ସଭାରେ ନୀତିଶଙ୍କୁ ନେଇ ଏକ ମଜାଳିଆ କାହାଣୀ ଶୁଣାଇଛନ୍ତି । ରାହୁଲ ନୀତିଶଙ୍କ ନାଁ ନେଇ କହିଛନ୍ତି କି, ଟିକେ ଚାପ ପଡ଼ିବାରୁ ସାଙ୍ଗେ ସାଙ୍ଗେ ଜାଣିଶୁଣି ୟୁଟର୍ଣ୍ଣ ମାରିଲେ । କାରଣ ସହଯୋଗୀ ଦଳ ଲୋକଙ୍କ ମଙ୍ଗଳ ପାଇଁ କାମ କରିବା ପାଇଁ କହିଥିଲା । ଏହାସହ ମଜାରେ କହିଥିଲେ କି, ମୁଖ୍ୟମନ୍ତ୍ରୀ ଶପଥ ନେଇ ରାଜଭବନରୁ ଫେରୁଥିଲେ । ହଠାତ କାରକୁ ଆସି ପହଞ୍ଚିବା ପରେ ନିଜର ସାଲ ଆଣିବାକୁ ଭୁଲି ଯାଇଥିଲେ । ଆଉ ଡ୍ରାଇଭର ଆଣିବା ପାଇଁ ପଠାଇଥିଲେ । ଯାହାକୁ ନେଇ ରାଜ୍ୟପାଳ କହିଥିଲେ କି, ତୁମେ ଏତେ ଶୀଘ୍ର ଫେରିଆସିଲ । ଏହାସହ ରାହୁଲ କହିଥିଲେ କି, ମୁଁ ନୀତିଶଙ୍କୁ କହିଥିଲି କି, ବିହାରରେ ଜାତୀୟ ଜନଗଣନା କରାଯିବା ପାଇଁ । ଆମ ସହ ଆରଜେଡି ମଧ୍ୟ ଏଥିରେ ରାଜି ହୋଇଥିଲା । କିନ୍ତୁ ନୀତିଶ ଏହା ବିରୋଧରେ ରହିଥିବାବେଳେ ସେ ପୁଣିଥରେ ବିଜେପିକୁ ଫେରିଯାଇଛନ୍ତି ।
ଚର୍ଚ୍ଚାରେ ଚଣ୍ଡିଗଡ଼ ମେୟର ନିର୍ବାଚନ, ଅଧିକ ଭୋଟ ପାଇ ମଧ୍ୟ ଇଣ୍ଡିଆ ମେଣ୍ଟକୁ ଲାଗିଲା ଝଟକା
ନନ୍ଦିଘୋଷ ବ୍ୟୁରୋ: ଚଣ୍ଡିଗଡ଼ ମେୟର ନିର୍ବାଚନରେ ଇଣ୍ଡିଆ ମେଣ୍ଟକୁ ଲାଗିଛି ଝଟକା । ୩୬ଟି ଭୋଟରୁ ଇଣ୍ଡିଆ ମେଣ୍ଟକୁ ୨୦ ଏବଂ ବିଜେପିକୁ ୧୬ ଭୋଟ ମିଳିଥିଲା । ମାତ୍ର ୮ଟି ଭୋଟ ନାକଚ ଘୋଷଣା ହେବା ପରେ ବିଜେପି ବିଜୟୀ ହୋଇଛି । ତେବେ ଆପ ପକ୍ଷରୁ କୋର୍ଟଙ୍କ ଦ୍ବାରସ୍ଥ ହେବାକୁ ସୂଚନା ଦିଆଯାଇଛି । କହି ରଖୁଛୁ କି, ଚଣ୍ଡିଗଡ଼ ମେୟର ନିର୍ବାଚନରେ ଆପ ଏବଂ କଂଗ୍ରେସ ମିଳିତଭାବେ କୁଳଦୀପ ସିଂଙ୍କୁ ଟିକେଟ ଦେଇଥିଲେ । ବିଜେପି ମନୋଜ କୁମାର ସୋନକରଙ୍କୁ ପ୍ରାର୍ଥୀ କରିଥିଲା । ତେବେ ମେଣ୍ଟ ୨୦ଟି ଭୋଟ ଭାଇଥିଲା ମାତ୍ର ୮ ନାଚକ ଘୋଷଣା କରାଯିବା ପରେ ବିଜେପି ପ୍ରାର୍ଥୀ ମନୋଜ କୁମାର ସୋନକର ବିଜୟୀ ହୋଇଛନ୍ତି । ଆସନ୍ତା ନିର୍ବାଚନ ପୂର୍ବରୁ ଏହା ସେମିଫାଇନାଲ ସଦୃଶ ରହିଥିବାବେଳେ ଇଣ୍ଡିଆ ମେଣ୍ଟକୁ ଝଟକା ଲାଗିଛି ।
ଚୋରି ମାମଲାରେ ବନ୍ଧାହେଲେ ଓ୍ବେବ ସାମ୍ବାଦିକ
ବାଲେଶ୍ବର: ପୋଲିସ କବଜାରେ ଓ୍ବେବ ସାମ୍ବାଦିକ । ଚୋରି ମାମଲାରେ ସମ୍ପୃକ୍ତି ଅଭିଯୋଗରେ ଗିରଫ କଲା ସୋର ପୋଲିସ । ଅଭିଯୁକ୍ତଙ୍କ ଠାରୁ ୧୬ଟି ଚୋରା ସ୍କୁଟି ଓ ୬ଟି ବାଇକ ଜବଦ କରିଛି ପୋଲିସ । ଓ୍ବେବ ମିଡିଆ ସାମ୍ବାଦିକ ଆନନ୍ଦ ପାଲ ସହ ଦୁଇ ସହଯୋଗୀ ଗିରଫ । ମାଷ୍ଟର ମାଇଣ୍ଡ ଆନନ୍ଦ ପାଲ ବାଇକରେ ପ୍ରେସ ଲେଖି ଚଳାଇ ଥିଲା ଚୋରା ସାମ୍ରାଜ୍ୟ । ଔପଦା ଥାନା ବଡ଼ପୋଖରୀ ଗାଁର ଶଶୀକାନ୍ତ ବେହେରାଙ୍କ ଘର ସମ୍ମୁଖରେ ୧୩ ସ୍କୁଟି ଓ ବାଇକ ଦେଖି ଲୋକ ସନ୍ଦେହ ବଢିଥିଲା । ଏନେଇ ଖବର ପାଇବା ପରେ ପୋଲିସ ପହଁଚି ବାଇକ ଓ ସ୍କୁଟିକୁ ଜବତ କରିଛି । ଘଟଣାର ତଦନ୍ତ ବେଳେ ଚୋରି ରାକେଟର ପଦ୍ଦାଫାସ କରିଛି ପୋଲିସ । ମୁଖ୍ୟ ଅଭିଯୁକ୍ତ ଆନନ୍ଦ ପାଲ ନାଁରେ ବାରିପଦା, ଲାଲବାଗ ଓ ସିଂଗଲା ଥାନାରେ ରହିଛି ଅନେକ ମାମଲା । ଅଭିଯୁକ୍ତଙ୍କ ଠାରୁ ଫେକ ଆଇଡିକାର୍ଡ, ଲାପଟପ,ପେନଡ୍ରାଇଭ ଜବତ କରାଯାଇଛି ।
ଡାକ୍ତରୀ ଛାତ୍ରଛାତ୍ରୀଙ୍କ ପାଇଁ ବଡ଼ ନିର୍ଦ୍ଦେଶନାମା
ନନ୍ଦିଘୋଷ ବ୍ୟୁରୋ: ୨ ବର୍ଷର ବଣ୍ଡ୍ ଅବଧି ପୂରଣ ନକଲେ ଦୁଇଗୁଣା ଜରିମାନା। ରାଜ୍ୟର ସରକାରୀ ମେଡିକାଲ୍ କଲେଜ କିମ୍ବା ଡେଣ୍ଟାଲ୍ କଲେଜରେ ପଢ଼ୁଥିବା ଛାତ୍ରଛାତ୍ରୀଙ୍କ ପାଇଁ ଲାଗୁ ହୋଇଥିବା ବଣ୍ଡ ନିୟମରେ ରାଜ୍ୟ ସରକାର ପରିବର୍ତ୍ତନ ଆଣିଛନ୍ତି । ୨ ବର୍ଷର ବଣ୍ଡ ଅବଧି ପୂରଣ କରୁ ନ ଥିବା ଛାତ୍ରଛାତ୍ରୀଙ୍କୁ ମିଳିଥିବା ଷ୍ଟାଇପେଣ୍ଡ କିମ୍ବା ଦରମାର ଦୁଇଗୁଣା ଜରିମାନା ଦେବାକୁ ପଡ଼ିବ। ରାଜ୍ୟରେ ଡାକ୍ତରଙ୍କ ଅଭାବ ରହିଛି। ମାତ୍ର ସରକାରୀ ଅର୍ଥରେ ରାଜ୍ୟର ବିଭିନ୍ନ ସରକାରୀ ମେଡିକାଲ କଳେଜରେ ପଢୁଥିବା ଛାତ୍ରଛାତ୍ରୀ ପରବର୍ତ୍ତୀ ସମୟରେ ରାଜ୍ୟ ସରକାରଙ୍କ ଅଧୀନରେ କାର୍ଯ୍ୟ କରିବା ଲାଗି ଅନିଚ୍ଛା ପ୍ରକାଶ କରୁଛନ୍ତି। ତେଣୁ ଏହି ଡାକ୍ତରମାନେ କିଭଳି ସେବା ଯୋଗାଇବେ, ସେଥିପାଇଁ ସ୍ବାସ୍ଥ୍ଯ ବିଭାଗ ପକ୍ଷରୁ ନିୟମରେ ପରିବର୍ତ୍ତନ କରାଯାଇଛି।
ଓଡ଼ିଶା କ୍ଲିନିକାଲ୍ ଏଷ୍ଟାବ୍ଲିସ୍ମେଣ୍ଟ ଅଇନ ଅନୁଯାୟୀ ପଞ୍ଜିକୃତ ଘରୋଇ ସ୍ବାସ୍ଥ୍ୟନୁଷ୍ଠାନଗୁଡ଼ିକ ମାଜିଷ୍ଟ୍ରେଟ୍ଙ୍କ ନିକଟରେ ସତ୍ୟପାଠ ବିନା ସଂପୃକ୍ତ ଡାକ୍ତରଙ୍କୁ ନିଯୁକ୍ତି ଦେବାକୁ ମନା କରାଯାଇଛି । ଯେଉଁ ଛାତ୍ରଛାତ୍ରୀମାନେ ପାଠ୍ୟକ୍ରମ ଶେଷ ହେବାପୂର୍ବରୁ ପାଠ ଛାଡ଼ିବେ ସେମାନଙ୍କୁ ୧୦ଲକ୍ଷ ଟଙ୍କା କିମ୍ବା ଷ୍ଟାଇପେଣ୍ଡ ବା ଦରମା ଆକାରରେ ମିଳିଥିବା ଅର୍ଥକୁ ଦେବାକୁ ପଡ଼ିବ । ଯଦି ଜରିମାନା ଅର୍ଥ ପ୍ରଦାନ ନ କରନ୍ତି, ତାହେଲେ ଓଡ଼ିଶା ପବ୍ଲିକ ଡିମାଣ୍ଡ ରିକଭରି ଆଇନ ଅନୁଯାୟୀ ସେମାନଙ୍କ ବିରୋଧରେ କାର୍ଯ୍ୟାନୁଷ୍ଠାନ ଗ୍ରହଣ କରାଯିବ । ଡିଏମଇଟି ଡାକ୍ତର ସଚ୍ଚିଦାନନ୍ଦ ମହାନ୍ତି କହିଛନ୍ତି , ଡାକ୍ତରଙ୍କ ପ୍ରତି ରାଜ୍ୟ ସରକାରଙ୍କ କଠୋର ମନୋଭାବ ନାହିଁ। ଦୁଇ ବର୍ଷ ବଣ୍ଡ ଆଗରୁ ଥିଲା। ଅନ୍ୟ ରାଜ୍ୟରେ ଏହା ୧୦ ବର୍ଷ ଯାଏ ଅଛି। ଖୁବ ଶୀଘ୍ର ଘରୋଇ ମେଡିକାଲ କଲେଜ ପାଇଁ ବି ଏହି ନିୟମ ଲାଗୁ ହେବ। ସମସ୍ତଙ୍କୁ ସ୍ୱାସ୍ଥ୍ୟସେବା ଯୋଗାଇବାକୁ ରାଜ୍ୟ ସରକାରଙ୍କ ଉଦ୍ଦେଶ୍ୟ ବୋଲି ଡିଏମଇଟି ଡାକ୍ତର ସଚ୍ଚିଦାନନ୍ଦ ମହାନ୍ତି କହିଛନ୍ତି ।
ବିହାର ସୀମାଞ୍ଚଳରେ ପହଞ୍ଚିଛି ରାହୁଲ ଗାନ୍ଧୀଙ୍କ ଭାରତ ଯୋଡ଼ୋ ନ୍ୟାୟ ଯାତ୍ରା
ପାଟନା: ବିହାର ସୀମାଞ୍ଚଳରେ ପହଞ୍ଚିଛି ରାହୁଲ ଗାନ୍ଧୀଙ୍କ ଭାରତ ଯୋଡ଼ୋ ନ୍ୟାୟ ଯାତ୍ରା। ସୀମାଞ୍ଚଳର ପୂର୍ଣ୍ଣିଆରେ ଦେଶୀ ଅନ୍ଦାଜରେ ନଜର ଆସିଛନ୍ତି ରାହୁଲ। ମୁଣ୍ଡରେ ଗାମୁଛା ବାନ୍ଧି ଖଟିଆରେ ବସି ଚାଷୀଙ୍କ ସହ ଆଲୋଚନା କରିଛନ୍ତି ରାହୁଲ। ଚାଷୀଙ୍କ ବିଭିନ୍ନ ସମସ୍ୟା ନେଇ କେନ୍ଦ୍ର ସରକାରଙ୍କୁ ଟାର୍ଗେଟ୍ କରିଛନ୍ତି ରାହୁଲ। ଚାରିଆଡୁ ସମସ୍ୟା ଘେରରେ ରହିଛନ୍ତି ଦେଶର ଚାଷୀ। ଚାଷୀଙ୍କଠାରୁ ଜମି ଛଡ଼ାଇ ନେଇ ଉଦ୍ୟୋଗପତିଙ୍କୁ ଦେଉଛନ୍ତି କେନ୍ଦ୍ର ସରକାର। ସାର ଓ ବିହନକୁ ନେଇ ଚାଷୀ ହଇରାଣ ହେଉଛନ୍ତି। ତିନି କଳା କୃଷି ଆଇନ ଆଣିଥିଲେ କେନ୍ଦ୍ରସରକାର। ଚାଷୀ ଏକାଠି ହୋଇ ବିରୋଧ କରିବାରୁ ଏହାକୁ କେନ୍ଦ୍ର ସରକାର ବାଧ୍ୟ ହୋଇ ପ୍ରତ୍ଯାହାର କରିଛନ୍ତି। ଦେଶର ମେରୁଦଣ୍ଡ ଚାଷୀ। ଉଦ୍ଯୋଗପତିଙ୍କ ୧୪ଲକ୍ଷ କୋଟି ଟଙ୍କା ମାଫ୍ କରାଯାଇଛି ହେଲେ ଚାଷୀଙ୍କ ଋଣ ମାଫ୍ ହେଉନି। କେନ୍ଦ୍ରର ଚାଷୀ ମାରଣ ନୀତି ଉପରେ ବର୍ଷିଛନ୍ତି ରାହୁଲ।
ପାକିସ୍ତାନ ପୂର୍ବତନ ପ୍ରଧାନମନ୍ତ୍ରୀ ଇମ୍ରାନ ଖାନଙ୍କୁ ୧୦ ବର୍ଷ ଜେଲ ଦଣ୍ଡ
ଇସଲାମବାଦ: ପାକିସ୍ତାନ ପୂର୍ବତନ ପ୍ରଧାନମନ୍ତ୍ରୀ ଇମ୍ରାନ ଖାନଙ୍କୁ ୧୦ ବର୍ଷ ଜେଲ ଦଣ୍ଡ । ସିଫର ମାମଲାରେ କୋର୍ଟ ୧୦ ବର୍ଷ ଜେଲଦଣ୍ଡ ଶୁଣାଇଛନ୍ତି । ଏହି ମାମଲାରେ ଇମ୍ରାନଙ୍କ ସହ ତାଙ୍କ ସହଯୋଗୀ ତଥା ପୂର୍ବତନ ବୈଦେଶିକ ମନ୍ତ୍ରୀ ଶାହ ମହମ୍ମଦ କ୍ୟୁରେସୀଙ୍କୁ ମଧ୍ୟ କୋର୍ଟ ୧୦ ବର୍ଷ ସଜା ଶୁଣାଇଛନ୍ତି । ଦେଶ ସୁରକ୍ଷାରେ ଜଡି଼ତ ସିଫର ମାମଲା ବେଶ ସମ୍ବେଦନଶୀଳ ବୋଲି କୁହାଯାଉଛି । ଯେଉଁଥିରେ ଇମ୍ରାନ ନିଜ ବ୍ୟକ୍ତିଗତ ଫାଇଦା ପାଇଁ ଦେଶର ଟପ ସିକ୍ରେଟକୁ ବ୍ୟବହାର କରିଥିବା ଅଭିଯୋଗ ହୋଇଥିଲା । କ୍ଷମତାରୁ ବେଦଖଲ ହେବା ପରେ ଇମ୍ରାନ ଆମେରିକାର ହାତ ଥିବା ସନ୍ଦେହ କରିଥିଲେ । ଆମେରିକାର ପ୍ରରୋଚନାରେ ତାଙ୍କୁ କ୍ଷମତାରୁ ବିତାଡିତ କରାଯାଇଛି ବୋଲି ଇମ୍ରାନ ଅଭିଯୋଗ ଆଣିଥିଲେ । ଏ ନେଇ ୱାଶିଂଟନସ୍ଥିତ ପାକ ରାଷ୍ଟ୍ରଦୂତ ଇମ୍ରାନଙ୍କୁ ଗୋଟିଏ ଗୁପ୍ତ କେବଲ ବା ଟେପ ପଠାଇଥିଲା । ଏହାପରେ ଇମ୍ରାନ ନିଜ ରାଜନୈତିକ ଫାଇଦା ପାଇଁ ଉକ୍ତ ଟେପକୁ ସାର୍ବଜନୀନ କରିଦେଇଥିଲେ । ଯାହାକୁ ସିଫର କୁହାଯାଉଛି ।
ଜଳଦସ୍ୟୁ କବଳରୁ ୧୯ ପାକିସ୍ତାନୀଙ୍କୁ ଉଦ୍ଧାର କଲା ଭାରତୀୟ ନୌସେନା
ନୂଆଦିଲ୍ଲୀ : ଆରବ ସାଗରରେ ପୁଣିଥରେ ପରାକ୍ରମ ଦେଖାଇଲା ଭାରତୀୟ ନୌସେନା । ଗତ ୨୪ ଘଣ୍ଟା ମଧ୍ୟରେ ଦୁଇଟି ମାଛଧରା ଡଙ୍ଗା ସହ ମତ୍ସ୍ୟଜୀବୀଙ୍କୁ ଜଳଦସ୍ୟୁ ବା ଲୁଟେରାଙ୍କ କବଳରୁ ରକ୍ଷା କରିଛି ଭାରତୀୟ ନୌସେନା ଜାହାଜ ‘ଆଇଏନଏସ ସୁମିତ୍ରା’ । ଗୋଟିଏ ଜାହାଜରୁ ୧୯ ଜଣ ପାକିସ୍ତାନୀ ଏବଂ ଅନ୍ୟ ଏକ ଜାହାଜରୁ ୧୭ ଜଣଙ୍କୁ ସୁମିତ୍ରା ଉଦ୍ଧାର କରିବାରେ ସଫଳ ହୋଇଛି ଭାରତୀୟ ନୌସେନା
ସୂଚନା ଅନୁଯାୟୀ ଆଇଏନଏସ ସୁମତ୍ରା ଇରାନୀୟ ଜାହଜକୁ ହାଇଜ୍ୟାକ୍ ହେବାରୁ ରକ୍ଷା କରିଥିଲା । ଏହାପରେ ପୁଣିଥିରେ ଆରବ ସାଗରରେ ସ୍ପେଶାଲ ଅପରେସନ ଦ୍ବାରା ସୋମାଲିଆ ଜଳଦସ୍ୟୁଙ୍କ କବଳରୁ ଏଲ ନୀମି ନାମକ ଏକ ଜାହାଜ ଏବଂ ମତ୍ସଜୀବୀଙ୍କୁ ଉଦ୍ଧାର କରିଛି । ଏହି ଅପରେସନରେ ୧୯ ଜଣ କ୍ରୁ ମେମ୍ବର ଏବଂ ଜାହାଜକୁ ସୋମାଲିଆ ଜଳଦସ୍ୟୁଙ୍କ କବଳରୁ ଉଦ୍ଧାର କରିଛି ।
ସୂଚନା ଅନୁସାରେ, ୧୧ ଜଣ ସଶସ୍ତ୍ର ବାହିନୀ ପାକିସ୍ତାନୀ କ୍ରୁ ସଦସ୍ୟ ରହିଥିବା ନୀମି ନାମକ ଏକ ମତ୍ସ୍ୟଜୀବୀ ଜାହାଜକୁ ହାଇଜାକ କରି ନେଇଥିଲେ । ଉକ୍ତ ଜାହାଜରେ ୧୯ଜଣ ପାକିସ୍ତାନୀ କ୍ରୁ ସଦସ୍ୟ ରହିଥିଲେ । ତେବେ ଜଳଦସ୍ୟୁମାନଙ୍କର ଅପହରଣ ଅଭିଯାନକୁ ଭଣ୍ଡୁର କରିଥିଲା ସୁମିତ୍ରା । ଭାରତୀୟ ନୌସେନା ଜାହାଜ ‘ଆଇଏନଏସ ସୁମିତ୍ରା’ ଉକ୍ତ ହାଇଜାକ ଜାହାଜକୁ ଅଟକାଇ ୧୯ ଜଣ କ୍ରୁ ସଦସ୍ୟଙ୍କୁ ମୁକ୍ତ କରିଛି । କେରଳର କୋଚି ଉପକୂଳ ଠାରୁ ୮୫୦ ମାଇଲ ଦୂରରେ ଏହି ଅପରେସନ କରି ମତ୍ସ୍ୟଜୀବୀଙ୍କୁ ଉଦ୍ଧାର କରିଛି ସୁମିତ୍ରା । ଜାହାଜରୁ ଉଦ୍ଧାର ହୋଇଥିବା ନାବିକମାନେ ଏବେ ସୁରକ୍ଷିତ ଅଛନ୍ତି। ଆରବ ସାଗରରେ ଜଳଦଶ୍ୟୁଙ୍କ ଏପରି କାଣ୍ତକୁ ଦେଖି ଭାରତୀୟ ନୌସେନା ସୁରକ୍ଷା ବ୍ୟବସ୍ଥାକୁ ବଢାଇ ଦେଇଛି।
ବ୍ରହ୍ମପୁର ଆମ୍ବପୁଆରେ ସଫଳତାର ଟିପ୍ସ ଦେଲେ 5T ଅଧ୍ୟକ୍ଷ
ବ୍ରହ୍ମପୁର : କଠିନ ପରିଶ୍ରମ ହିଁ ସଫଳତାର ଏକାମାତ୍ର ମାଧ୍ୟମ । ୫ ବର୍ଷ ପରିଶ୍ରମ କଲେ ୫୦ ର୍ବଷ ଖୁସିରେ କଟିବ ଜୀବନ । ବ୍ରହ୍ମପୁର ଆମ୍ବପୁଆରେ ଆୟୋଜିତ ନୂଆ-ଓ କାର୍ଯ୍ୟକ୍ରମରେ ଛାତ୍ରଛାତ୍ରୀଙ୍କ ସଫଳତାର ଗୁରୁମନ୍ତ୍ର ଦେଇଛନ୍ତି ଫାଇଭ-ଟି ଅଧ୍ୟକ୍ଷ କାର୍ତ୍ତିକ ପାଣ୍ଡିଆନ। ଗଞ୍ଜାମ ତାଙ୍କ ପ୍ରିୟ ଜିଲ୍ଲା ବୋଲି ସେ କହିଛନ୍ତି । ଜୀବନରେ ସଫଳ ହେବାକୁ ହେଲେ ୬ଟି ଦିଗ ପ୍ରତି ଧ୍ୟାନ ଦେବାକୁ ସେ ପରାମର୍ଶ ଦୋଇଛନ୍ତି । ଠାକୁର ଆମକୁ ସୁସ୍ଥ ଶରୀର ଉପହାର ଦେଇଛନ୍ତି। ଫିଜିକାଲ ଫିଟନେସ ପାଇଁ ଅଧଘଣ୍ଟା ବ୍ୟାୟାମ କରିବା ନିହାତି ଆବଶ୍ୟକ ବୋଲି ଛାତ୍ରଛାତ୍ରୀଙ୍କୁ ପରାର୍ମଶ ଦେଇଛନ୍ତି କାର୍ତ୍ତିକ ପାଣ୍ଡିଆନ । ନିଜ ବୁଦ୍ଧିକୁ ଶାନ୍ତିରେ ଉପଯୋଗ କଲେ ନିଶ୍ଚିତ ସଫଳତା ମିଳିବ ବୋଲି ସେ କହିଛନ୍ତି । ସେହିଭଳି ୧୫ ମିନିଟ ଯୋଗ କଲେ ଆପଣଙ୍କ ଏକାଗ୍ରତା ବଢିବ ବୋଲି ଛାତ୍ରଛାତ୍ରୀଙ୍କୁ ଉଚିତ ମାର୍ଗ ଦେଖାଇଛନ୍ତି କାର୍ତ୍ତିକ ପାଣ୍ଡିଆନ ।
ଦିନକୁ ୧୪ ଘଣ୍ଟା କଠିନ ପରିଶ୍ରମ କଲେ ନିଶ୍ଚିତ ରୂପେ ସଫଳତା ପାଦ ଚୁମିବ ବୋଲି ସେ କହିଛନ୍ତି । ସେ ଏହାର ଉଦାହରଣ ଦେବାକୁ ଯାଇ କ୍ରିକେଟ କିମ୍ବଦନ୍ତି ସଚିନ ତେନ୍ଦୁଲକରଙ୍କ ପରାମର୍ଶ ଦେଇଛନ୍ତି । ବିଶ୍ବ କପ ହକି ବେଳେ ଅତିଥିଭାବେ ଓଡ଼ିଶା ଆସିଥିବା ବେଳ ସଚିନ ତେନ୍ଦୁଲକରଙ୍କ ସହ ଆଲୋଚନା କରିବାକୁ ତାଙ୍କୁ ସୁଯୋଗ ମିଳିଥିଲା । ଏହି ସମୟରେ ସଫଳତା ପାଇଁ ଜୀବନରେ କଣ କରିବାକୁ ପଡିବ ବୋଲି ପଚାରିଥିବା ପ୍ରଶ୍ନର ଅତି ସରଳ ଉତ୍ତର ରଖିଥିଲ ସଚିନ । ସଫଳତା ପାଇଁ କଠିନ ପରିଶ୍ରମ ହିଁ ଏକ ମାତ୍ର ମାଧ୍ୟମ ସେ କହିଥିଲେ । ତେବେ ସୋସିଆଲ ମିଡ଼ିଆକୁ ଉପଯୁକ୍ତ କାର୍ଯ୍ୟରେ ବ୍ୟବହାର କରିବାକୁ ଛାତ୍ରଛାତ୍ରୀଙ୍କୁ ପରାମର୍ଶ ଦେଇଛନ୍ତି କାର୍ତ୍ତିକ ପାଣ୍ଡିଆନ ।
ସେହିଭଳି ବାପା, ମଆ ଓ ଗୁରୁଙ୍କୁ ସମ୍ମାନ ଜଣାଇବାକୁ ପାଣ୍ଡିଆନ ସମସ୍ତ ଛାତ୍ରଛାତ୍ରୀଙ୍କୁ ଅନୁରୋଧ କରିଛନ୍ତି । ସରକାରୀ ସ୍କୁଲରେ ବି ପାଠ ପଢି ଅନେକ ବ୍ୟକ୍ତି ସଫଳତା ସଡ଼ି ଚଢିପାରୁଥିବା କହିଛନ୍ତି କାର୍ତ୍ତିକ ପାଣ୍ଡିଆନ । ଗଞ୍ଜାମର ପାଞ୍ଚ ଜଣ ସଫଳ ବ୍ୟକ୍ତିଙ୍କ ଉଦାହାରଣ ଦେଇଛନ୍ତି । ବ୍ରହ୍ମପୁର ୟୁନିଭରସିଟରେ ପାଠ ପଢି ଓ୍ବାଲ୍ହ ଟପ ମୋଷ୍ଟ ମଲଟି ନ୍ୟାସନାଲ କମ୍ପାନୀର ସିଇଓ ଅଛନ୍ତି ରବି କୁମାର । ସେହିଭଳି କୈଳାଶା ଚନ୍ଦ୍ର ସାହୁ ବରହ୍ମପୁର ୟୁନିଭରସିଟରେ ପାଠ ପଢି ନାସାରେ ଇଞ୍ଜିନିୟର ଅଛନ୍ତି ।
ପଦ୍ମ ପୁରସ୍କାର ପାଇଥିବା କୋଟା ହରି ନାରାୟଣା ସିଟି ହାଇସ୍କୁଲରେ ପାଠ ପଢିଛନ୍ତି । ତାଙ୍କର ତେଜସ ର୍ନିମାଣ ପ୍ରମୁଖ ଭୂମିକା ରହିଛି । କମଲ ଓ୍ବେଲ୍ଥ ଗୋଲ୍ଡ ମେଡାଲିଷ୍ଟ ରବି କୁମାର ମଧ୍ୟ ସରକାରୀ ସ୍କୁଲରେ ଶିକ୍ଷା ଲାଭ କରି ଏବେ ଡିଏସପି ଅଛନ୍ତି । ପ୍ରତିର୍ବଷ ନୂଆ ଓ ର୍କାଯ୍ୟକ୍ରମ ଚାଲୁ ରଖିବାକୁ ମିଖୁମନ୍ତ୍ରୀଙ୍କୁ ଅନୁରୋଧ କରାଯିବ ବୋଲି କହିଛନ୍ତି କାର୍ତ୍ତିକ ପାଣ୍ଡିଆନ ।