ନନ୍ଦିଘୋଷ ବ୍ୟୁରୋ: ଇଂଲଣ୍ଡ ବିପକ୍ଷ ଦ୍ବିତୀୟ ଟେଷ୍ଟ ମ୍ୟାଚକୁ ଭାରତ ଜିତିବା ସହ ସିରିଜକୁ ୧-୧ରେ ବରାବର କରିଛି । ୫ ମ୍ୟାଚ ବିଶିଷ୍ଟ ଟେଷ୍ଟ ସିରିଜ ଖେଳିବେ ଭାରତ-ଇଂଲଣ୍ଡ । ପ୍ରଥମ ୨ଟି ମ୍ୟାଚ ପାଇଁ ଦଳ ଘୋଷଣା ହୋଇଥିଲା । ଏବେ ବାକି ୩ ମ୍ୟାଚ ପାଇଁ ଦଳ ଘୋଷଣା ହୋଇନାହିଁ । ଏଣୁ ଏହି ତିନି ମ୍ୟାଚରେ କାହାକୁ ସ୍ଥାନ ମିଳିବ ତାକୁ ନେଇ ଚର୍ଚ୍ଚା ହେଉଛି । ବିଜୟ ପରେ ମଧ୍ୟ ଦ୍ରାବିଡ ଖେଳାଳିଙ୍କୁ ଚେତାବନୀ ଦେଇଛନ୍ତି । ଯୁବ ଖେଳାଳିଙ୍କୁ କହିଛନ୍ତି କି, ଯେଭଳି ସେମାନେ ବାକି ୩ ଟେଷ୍ଟ ପାଇଁ ସିଲେକ୍ସନ ହୁଅନ୍ତି । ସେପଟେ ବିଜୟ ପରେ ଅନୁଷ୍ଠିତ ହୋଇଥିବା ପ୍ରେସମିଟରେ ଗଣମାଧ୍ୟମ ପ୍ରତିନିଧିମାନେ ଇଶାନଙ୍କ ବିଷୟରେ ପଚାରିଥିଲେ । ଦଳକୁ ସେ ପୁଣିଥରେ ଫେରିବେ କି? ଏହାର ଉତ୍ତରରେ ଦ୍ରାବିଡ କହିଥିଲେ କି, ସେ ଦଳକୁ ଫେରିବା ପାଇଁ ହେଲେ ପ୍ରଥମେ ଘରୋଇ କ୍ରିକେଟରେ ପରୀକ୍ଷା ଦେବାକୁ ପଡ଼ିବ । ବିସିସିଆଇ ତାଙ୍କ ଉପରେ ନଜର ରଖିଛି । ସେ ଛୁଟି ମାଗିଥିଲେ ତାଙ୍କୁ ଦିଆ ହୋଇଛି । ମାତ୍ର ଯଦି ସେ ଦଳକୁ ଫେରିବାକୁ ଚାହିଁବେ ତାହେଲେ ଘରୋଇ କ୍ରିକେଟ ଖେଳିବାକୁ ପଡ଼ିବ ।

ଏବେ ରଜଜୀ ଟ୍ରଫି ଚାଲିଥିବାବେଳେ ଇଶାନ ଝାଡ଼ଖଣ୍ଡ ପକ୍ଷରୁ କୌଣସି ମ୍ୟାଚ ଖେଳିନାହାନ୍ତି । ପୂର୍ବରୁ ମଧ୍ୟ ସମାନ କଥା କହିଥିଲେ ଦ୍ରାବିଡ । ତେବେ ଇଶାନ କଣ ପୁଣିଥରେ ରଣଜୀ ଖେଳିବେ କି? ତାକୁ ନେଇ ମଧ୍ୟ ଚର୍ଚ୍ଚା ହେଉଛି । କହି ରଖୁଛୁ କି, ଦକ୍ଷିଣ ଆଫ୍ରିକା ବିପକ୍ଷ ଅନ୍ତିମ ଟେଷ୍ଟ ପୂର୍ବରୁ ନିମ ନାମକୁ ପ୍ରତ୍ୟାହାର କରିଥିଲେ ଇଶାନ । ବାରମ୍ବାର ଦଳରେ ସ୍ଥାନ ପାଉଥିଲେ ସୁଦ୍ଧା ଖେଳିବାର ସୁଯୋଗ ନମିଳିବାରୁ ସେ ଜାଣିଶୁଣି ଫେରିଆସିଥିଲେ ବୋଲି କୁହାଯାଉଛି । ଯାହାକୁ ନେଇ ଦ୍ରାବିଡ ତାଙ୍କ ଉପରେ ରାଗିଥିଲେ । ନିକଟରେ ଆଫଗାନିସ୍ତାନ ବିପକ୍ଷ ଟି-୨୦ ଏବଂ ଇଂଲଣ୍ଡ ବିପକ୍ଷ ପ୍ରଥମ ୨ଟି ଟେଷ୍ଟ ପାଇଁ ତାଙ୍କୁ ଟିମରେ ସାମିଲ କରାଯାଇନଥିଲା ।