ଭୁବନେଶ୍ବର: ରାଜଧାନୀରେ ମାତିଛନ୍ତି ଫୋରଟ୍ବେଣ୍ଟି ବଣ୍ଟି, ବବଲୀ ଯୋଡ଼ି। OLX ରେ କାର୍ ବିକିବାକୁ ବିଜ୍ଞାପନ ଦେଇ ଲୋକଙ୍କୁ ଲଗାଉଛନ୍ତି ଚୁନ । ଗୋଟିଏ ଗାଡିକୁ ବିକ୍ରି କରିବା ନାଁ ରେ ଏକାଧିକ ଲୋକଙ୍କ ଠାରୁ ନେଇଛନ୍ତି ଆଡ଼ଭାନ୍ସ । ଆଡ଼ଭାନ୍ସ ଟଙ୍କା ନେଇଯିବା ପରେ ଆଉ ଦେଉ ନାହାନ୍ତି ଧରାଛୁଆଁ । ଆଡ଼ଭାନ୍ସ ଟଙ୍କା ନେଇ ଅଏସ କରୁଥିଲେ ଏହି ଯୋଡ଼ି। ଠକେଇ ଟଙ୍କାରେ ଗାଡ଼ି ଧରି ବୁଲୁଥିଲେ, ପୁଣି ଖୋଜୁଥିଲେ ନୂଆ ଶିକାର। ଗାଡ଼ି ବିକ୍ରି କରିବେ ବୋଲି ପ୍ରଥମେ OLX ରେ ଗାଡ଼ି ଫଟୋ ସାଙ୍ଗକୁ କମ୍ ଟଙ୍କା ପ୍ରାଇସ ରଖି ବିଜ୍ଞାପନ ଦେଉଥିଲେ। ଗାଡ଼ି କିଣିବାକୁ ଇଚ୍ଛୁକ ଲୋକ ଦିଆ ଯାଇଥିବା ମୋବାଇଲ ନମ୍ବରରେ କଲ କରି ଯୋଗାଯୋଗ କରୁଥିଲେ। କଲ କରି କଥା ହେବା ପରେ ଗ୍ରାହକଙ୍କୁ ଗାଡ଼ି ମଧ୍ୟ ଦେଖାଉଥିଲେ। ଗ୍ରାହକଙ୍କୁ ଗାଡ଼ି ପସନ୍ଦ ହେବା ପରେ ଅଗ୍ରୀମ ଟଙ୍କା ନେଇଯାଉଥିଲେ ଓ ଫେରାର ହୋଇଯାଉଥିଲେ । ଫେରାର ହେବା ପରେ ପୁଣି ସେଇ ସମାନ ଗାଡିକୁ ବିକ୍ରି କରିବାର ବିଜ୍ଞାପନ ଦେଉଥିଲେ । ଠକାମୀର ଶିକାର ହେବା ପରେ ଏହି ଠକ ଯୋଡିକୁ ଧରିବା ପାଇଁ ଯୋଜନା କରିଥିଲେ ଲୋକ। ଠକ ଯୋଡିଙ୍କୁ କାବୁ କରି ବଡ଼ଗଡ଼ ପୋଲିସକୁ ଜିମା ଦେଲେ ଠକାମୀର ଶିକାର ଲୋକ।
କଂଗ୍ରେସରେ ସାମିଲ ହେଲେ ଦାନିଶ ଅଲ୍ଲୀ
ନନ୍ଦିଘୋଷ ବ୍ୟୁରୋ: ନିର୍ବାଚନ ତାରିଖ ଯେତିକି ପାଖଉଛି ନେତାଙ୍କ ଦଳ ବଦଳ ସେତିକି ଘନଉଛି । କିଏ କେଉଁ ଦଳ ଛାଡୁଛି ତ ଆଉ କିଏ କେଉଁ ଦଳରେ ସାମିଲ ହେଉଛି । ତେବେ ଏହି କ୍ରମରେ କଂଗ୍ରେସରେ ସାମିଲ ହୋଇଛନ୍ତି ଅମରୋହାର ଲୋକସଭା ସାଂସଦ ଦାନିଶ ଅଲ୍ଲୀ କଂଗ୍ରେସରେ ସାମିଲ ହୋଇଛନ୍ତି । ଦାନିଶଙ୍କୁ ଗତ ବର୍ଷ ବହୁଜନ ସମାଜ ପାର୍ଟି ଦଳରୁ ବହିସ୍କାର କରିଥିଲା । ତେବେ ସେ କଂଗ୍ରେସରେ ସାମିଲ ହେବେ ବୋଲି ପୂର୍ବରୁ ଅନୁମାନ କରାଯାଉଥିବାବେଳେ ଏବେ ସେ ଦଳରେ ସାମିଲ ହୋଇଛନ୍ତି ।
ଅଦିନିଆ ବର୍ଷାରେ ବେହାଲ ଚାଷୀକୂଳ
ବାଲେଶ୍ବର: ବର୍ଷା ଧୋଇନେଲା ଚାଷୀର ଖୁସି। ଲଘୁଚାପ ଜନିତ ୩ ଦିନ ଧରି ଲଗାଣ ବର୍ଷାରେ ଚାଷୀ କୂଳ ହତାଶ। ବାଲେଶ୍ଵର ଜିଲ୍ଲା ଔପଦା ବ୍ଲକ ତଳକିଆ ପଞ୍ଚାୟତ ମାଟିଗଡା ଓ ପ୍ରତାପପୁର ଗାଁରେ ୧୩ରୁ ଅଧିକ ଚାଷୀ ଚିନ୍ତାରେ। ଋଣ ଆଣି କରିଥିଲେ ଚାଷ। ସରକାରୀ ସହାୟତା ଲୋଡିଛନ୍ତି ଚାଷୀ।
ବର୍ଷା ଧୋଇନେଲା ଚାଷୀର ଖୁସି । ଅଦିନିଆ ବର୍ଷାରେ ବେହାଲ ଚାଷୀକୂଳ । ୩ ଦିନ ଧରି ଚାଲିଥିବା ଲଗାଣ ବର୍ଷାରେ ବ୍ଯାପକ ଫସଲ କ୍ଷୟକ୍ଷତି। ବାଲେଶ୍ଵର ଜିଲ୍ଲା ଔପଦା ବ୍ଲକ ତଳକିଆ ପଞ୍ଚାୟତ ମାଟିଗଡା ଓ ପ୍ରତାପପୁର ଗାଁର ୧୩ରୁ ଅଧିକ ଚାଷୀ ଚିନ୍ତାରେ। ଲଗାଣ ବର୍ଷାରେ ଉଜୁଡିଯାଇଛି କଲରା ,ଜହ୍ନି ,ମକା, କ୍ଯାପସିକମ, ପୋଟଳ ,ମକା ଓ ଟମାଟ ଭଳି ପନିପରିବା। ଋଣ ଆଣି କରିଥିଲେ ଚାଷ। ଏବେ ପରିବାର କିପରି ପ୍ରତିପୋଷଣ କରିବେ ଏବଂ ଋଣ କିପରି ସୁଝିବେ ସେ ନେଇ ଚିନ୍ତାରେ ଚାଷୀକୂଳ।
ଗାଁରେ ଚାଷୀମାନେ ପ୍ରତିବର୍ଷ ପରି କ୍ଷେତରେ ବିଭିନ୍ନ ପନିପରିବା ଚାଷ କରି ନିଜର ପରିବାର ପ୍ରତିପୋଷଣ କରିଥାନ୍ତି । ହେଲେ ଏବେ ଅଦିନିଆ ବର୍ଷାରେ ଫସଲ ଉଜୁଡିଯାଇଛି । ଲଗାଣ ବର୍ଷା ଯୋଗୁଁ କ୍ଷେତରେ ପାଣି ଜମି ରହିଥିବାରୁ ପନିପରିବା ପଚି ନଷ୍ଟ ହେବାକୁ ଲାଗିଛି । ପନିପରିବା ମଧ୍ଯ ବଜାରରେ ବିକ୍ରି ହେଇପାରୁନାହିଁ ।
ଢେଙ୍କାନାଳରେ ଆତଙ୍କ ଖେଳାଇଛି ରେଡ ବ୍ଯାଣ୍ଡ ପୋକ
ଢେଙ୍କାନାଳ: ଢେଙ୍କାନାଳରେ ଆତଙ୍କ ଖେଳାଇଛି ଅଷ୍ଟ୍ରେଲିଆନ ବା ରେଡ ବ୍ଯାଣ୍ଡ ପୋକ। ଚାଷୀଙ୍କ ମୁଣ୍ଡରେ ପଡିଛି ଚଡକ। ଶହ ଶହ ହେକ୍ଟରର ଆମ୍ବ ଚାଷ ନଷ୍ଟ ହେଉଛି। ଆମ୍ବ ଗଛ ଡାଳରୁ ମାଟି ତଳକୁ ଖସିପଡୁଛି। ଔଷଧ ସିଞ୍ଚନ ପରେ ବି ଚାଷୀଙ୍କୁ ମିଳୁନି ସୁଫଳ।
ପୁଣି ଚାଷୀ ମୁଣ୍ଡରେ ଚଡକ। ଆମ୍ବ ଚାଷୀଙ୍କୁ ଘାରିଛି ଅଷ୍ଟ୍ରେଲିଆନ ବା ରେଡ ବ୍ଯାଣ୍ଡ ପୋକ ଭୟ । ଢେଙ୍କାନାଳ ଜିଲ୍ଲାର ଚାଷୀ ହତାଷ। ଶହ ଶହ ହେକ୍ଟର ଆମ୍ବ ଚାଷ ନଷ୍ଟ । ଆରମ୍ଭରୁ ଆମ୍ବ ହେଉଛି ନଷ୍ଟ , ଭିତରୁ ପଚିଯାଉଛି । ନହେଲେ ଆମ୍ବ ଗଛ ଡାଳରୁ ମାଟି ତଳକୁ ଖସିପଡୁଛି ଅବା ହଳଦିଆ ପଡି ଶୁଖିଯାଉଛି । ଔଷଧ ସିଞ୍ଚନ ପରେ ବି ଚାଷୀଙ୍କୁ ମିଳୁନି ସୁଫଳ । ୨୦୨୨ ମସିହାରେ ଉତ୍ତରପ୍ରଦେଶ ଓ ବିହାରରେ ଏହି ପୋକର ସଂକ୍ରମଣ ଦେଖିବାକୁ ମିଳିଥିଲା। ଚଳିତ ବର୍ଷ ଢେଙ୍କାନାଳରେ ପୋକର ସଂକ୍ରମଣ ବ୍ଯାପିବାରେ ଲାଗିଛି । ଯାହାକୁ ଦେଖି ଚାଷୀ ଆତଙ୍କିତ।
ଢେଙ୍କାନାଳ ଜିଲ୍ଲା ଆମ୍ବର ବିଦେଶର ରହିଛି ସ୍ଵତନ୍ତ୍ର ଚାହିଦା । ୧୦ ହେକ୍ଟର ଜମିରେ ଉତ୍ପାଦିତ ହୋଇଥାଏ ୫୦ ମେଟ୍ରିକ ଟନ ଆମ୍ବ । ବିନା ସାର ଓ କୀଟନାଶକ ପ୍ରୟୋଗରେ ଉତ୍ପାଦିତ ଆମ୍ବର ରହିଥାଏ ବେଶ ଚାହିଦା । ଆମ୍ବ ଗୁଡିକୁ ସ୍ଵତନ୍ତ୍ର ପ୍ଯାକେଜ କରି ଦିଲ୍ଲୀ, ଛତିଶଗଡ, କଲିକତା, ବିହାର ,ଉତ୍ତର ପ୍ରଦେଶ ସମେତ ବାହାର ଦେଶ ଦୁବାଇ, ବାଂଲାଦେଶ, ଆମେରିକାକୁ ହୋଇଥାଏ ରପ୍ତାନୀ । ହେଲେ ରେଡ ବ୍ଯାଣ୍ଡ ପୋକ ଚାଷୀଙ୍କ ନିଦ ହଜେଇଦେଇଛି । ଜିଲ୍ଲାରେ ସଂକ୍ରମଣ ରୋକିବା ପାଇଁ ବୈଜ୍ଞାନିକ ମାନଙ୍କ ସହ ଆଲୋଚନା କରିଛନ୍ତି ଜିଲ୍ଲା ଉଦ୍ଯାନ କୃଷି ଉପ ନିର୍ଦ୍ଦେଶକ।
ପ୍ରେମିକ ସହ ମିଶି ବାପା ଓ ଭାଇଙ୍କୁ ହତ୍ୟା କଲା ନାବାଳିକ ଝିଅ
ନନ୍ଦିଘୋଷ ବ୍ୟୁରୋ: ଜବଲପୁର ରେଲଓ୍ବେ କଲୋନୀରେ ଡବଲ ମର୍ଡର ଘଟଣାରେ ଗୋଟିଏ ପରେ ଗୋଟିଏ ସତ ସାମନାକୁ ଆସୁଛି । ରାଜକୁମାର ବିଶ୍ବକର୍ମା ଏବଂ ତାଙ୍କ ପୁଅ ହତ୍ୟା ଘଟଣାରେ ନିଜ ଝିଅ କାଭ୍ୟା ସାମିଲ ଥିବା ପୋଲିସ ସୂତ୍ରରୁ ଅନୁମାନ କରାଯାଉଛି । ତେବେ ପ୍ରେମ ବ୍ୟାପାରୁ ଏହି ହତ୍ୟା ଘଟଣାର ପରିକଳ୍ପନା କରାଯାଇଥିବା କୁହାଯାଉଛି । ମୁକୁଲ ନାମକ ଯୁବକଙ୍କୁ କାଭ୍ୟା ଭଲ ପାଉଥିବାବେଳେ ଉଭୟ ନେପାଳ ଫେରାର ହୋଇଯାଇଥିଲେ । ଯାହାକୁ ନେଇ ରାଜକୁମାର ଥାନାରେ ଏତଲା ଦେବା ସହ ମୁକୁଲ ନାମରେ ମାମଲା ମଧ୍ୟ ରିଲିଜ ହୋଇଥିଲା । ତେବେ ନିକଟରେ ମାଟ୍ରିକ ପରୀକ୍ଷା ଦେଇଥିବା କାଭ୍ୟା ମୁକୁଲଙ୍କ ସହ ଫୋନରେ କଥା ହେବା ସହ ସମ୍ପର୍କ ଅଧକ ଆଗେଇଥିଲେ । ତେବେ ପରିବାର ଲୋକେ ଏହାକୁ ବାରଣ କରୁଥିବାବେଳେ ଝିଅ ବାପା ଏବଂ ଭାଇଙ୍କୁ ମାରିବା ପାଇଁ ୬ ମାସ ହେବ ଯୋଜନା ପ୍ରସ୍ତୁତ କରିଥିଲା ।
ସିସିଟିଭି ଯାଞ୍ଚ ପରେ ଜଣା ପଡ଼ିଛି କି, ମୁକୁଲ ଏକ ଗ୍ୟାସ କଟର ଧରି ରାତିରେ ରେଲଓ୍ବେ କଲୋନୀରେ ରାତିରେ ବୁଲୁଥିଲା । ଏବଂ ଘରର ଝରକା ମଧ୍ୟ ଗ୍ୟାସ କଟରରେ କଟା ଯାଇଛି । ଉଭୟ ନିଜର ମୋବାଇଲ ଘରେ ଛାଡ଼ି ପଳାଇଥିଲେ । କାହିଁକି ନାଁ ପୋଲିସ ସେମାନଙ୍କୁ ଯେପରି ଟ୍ରାକ୍ କରିନପାରେ । ମାତ୍ର ସେମାନେ ଅନ୍ୟ ଏକ ମୋବାଇଲରୁ ରେଣ୍ଟୁରାଣ୍ଟରେ ଖାଇଥିବାବେଳେ ସେଠାରେ ପେମେଣ୍ଟ କରିଥିଲେ । ଏବଂ ସିସିଟିଭିରେ ମଧ୍ୟ କଏଦ ହୋଇଛି କି ଉଭୟ ପ୍ରଥମେ ସ୍କୁଟିରେ ଘରୁ ଯାଇଥିଲେ । ପୋଲିସ ସେମାନଙ୍କୁ ଖୋଜୁଥିବାବେଳେ ଏଯାବତ ପତ୍ତା ମିଳିନାହିଁ ।
ହାଜିପୁର ଆସନରେ ହେବ ଦାଦା-ପୁତୁରା ଲଢ଼େଇ!
ନନ୍ଦିଘୋଷ ବ୍ୟୁରୋ: ବିହାରର ହାଜିପୁର ଲୋକସଭା ଆସନରୁ ନିର୍ବାଚନ ଲଢ଼ିବେ ଚିରାଗ ପାଶଓ୍ବାନ । ସେ ଏନେଇ ଘୋଷଣା କରିବା ପରେ ବିହାର ରାଜନୀତିରେ ଆରମ୍ଭ ହୋଇଛି ହଟଚମଟ । କାହିଁକି ନାଁ ହାଜିପୁର ଆସନରେ ଏବେ ସାଂସଦ ଅଛନ୍ତି ଚିରାଗଙ୍କ ଦାଦା ପଶୁପତି ପାରସ । ବିହାରରେ ବିଜେପିର ଆସନ ଭାଗବଣ୍ଟା ସରିଥିବାବେଳେ ଚିରାଗଙ୍କ ଦଳକୁ ୫ଟି ଆସନ ମିଳିଥିବାବେଳେ ପଶୁପତିଙ୍କୁ ଗୋଟିଏ ମଧ୍ୟ ଆସନ ମିଳିନାହିଁ । ଯାହାକୁ ନେଇ ପଶୁପତି ରାଗିଥିବା କୁହାଯାଉଛି । ଏଣୁ ସେ ଇଣ୍ଡିଆ ମେଣ୍ଟରେ ସାମିଲ ହୋଇପାରନ୍ତି । ଯଦି ଏହି ଆସନରୁ ନିର୍ବାଚନ ଲଢ଼ନ୍ତି ତାହେଲେ ଦାଦା ପୁତୁରାଙ୍କ ମଧ୍ୟରେ ହେବ ଲଢ଼େଇ ।
ତେବେ ପଶୁପତିଙ୍କୁ ନେଇ ଏକ ପ୍ରତିକ୍ରିୟାରେ ଚିରାଗ କହିଛନ୍ତି କି, ସେ (ପଶୁପତି) କହିଛନ୍ତି କି, ମୁଁ ପ୍ରଧାନମନ୍ତ୍ରୀ ନରେନ୍ଦ୍ର ମୋଦିଙ୍କ ସହ ରହିବି । ଏଣୁ ଏଭଳି ଏକ ସମୟରେ ସେ ନିଷ୍ପତ୍ତି ନେବା ଦରକାର କି, ୪୦୦ ପାର ଲଢ଼େଇରେ ଏନଡିଏକୁ ସମର୍ଥନ କରିବା ଉଚିତ । ମୋର କୌଣସି ସ୍ଥାନରେ କିଛି ଅସୁବିଧା ନାହିଁ । ହାଜିପୁର ମୋ ପିତାଙ୍କ ଆସନ ଅଟେ । ସେ ଏଠାକାର ଲୋକଙ୍କ ପାଇଁ ଅନେକ ସ୍ବପ୍ନ ଦେଖିଛନ୍ତି । ଯାହାକୁ ପୂରଣ କରିବା ମୋର କର୍ତ୍ତବ୍ୟ । ଚିରାଗଙ୍କ ପିତା ରାମ ଭିଲାସ ପାଶଓ୍ବାନ ହାଜିପୁର ଆସନରୁ ୯ଥର ସାଂସଦ ହୋଇଛନ୍ତି । ହାଜିପୁର ଆସନ ପାଶଓ୍ବାନ ପରିବାରର ଗଡ଼ଭାବେ ପରିଚିତ । ତେବେ ପଶୁପତି ମୋଦି ସରକାରଙ୍କ ମନ୍ତ୍ରୀ ମଣ୍ଡଳରୁ ଇସ୍ତଫା ଦେବେ ବୋଲି ଚର୍ଚ୍ଚା ହେଉଛି ।
ଜଙ୍ଗଲ ଭିତରୁ ମଣିଷ ଖପୁରି ଓ କଙ୍କାଳ ଉଦ୍ଧାର
ବାଙ୍କୀ: ଜଙ୍ଗଲ ଭିତରୁ ମଣିଷ ଖପୁରି ଓ କଙ୍କାଳ ଉଦ୍ଧାର। ବାଙ୍କୀ ଥାନା ଅନ୍ତର୍ଗତ ଡମପଡା ଅଗ୍ନିଶମ ବିଭାଗ ପଛପଟ କାଜୁ ଜଙ୍ଗଲରୁ କଙ୍କାଳ ଜବତ କରିଛି ପୋଲିସ । କିଛି ବ୍ଯକ୍ତି ଜଙ୍ଗଲ ଜଗିବାକୁ ଯାଇଥିବାବେଳେ ଖପୁରି ଓ କଙ୍କାଳ ଦେଖିବାକୁ ପାଇ ପୋଲିସକୁ ଖବର ଦେଇଥିଲେ। କଙ୍କାଳ ନିକଟରୁ ଗୋଟିଏ ବ୍ୟାଗ, କିଛି ଚିରା କପଡା ଓ ଜଣେ ଯୁବତୀଙ୍କର ପରିଚୟ ପତ୍ର ଜବତ ହୋଇଛି । ପରିଚୟ ପତ୍ରଟି ସ୍ଥାନୀୟ ଡମପଡ଼ା ଗାଁର ନିଖୋଜ ଯୁବତୀ ଝୁନା ଜେନାଙ୍କର ବୋଲି ସୂଚନା ମିଳିଛି। କଙ୍କାଳ ଓ ଖପୁରି ସେହି ଯୁବତୀଙ୍କର ହୋଇଥିବା ସନ୍ଦେହ କରାଯାଉଛି। ଯୁବତୀ ଜଣଙ୍କ ନିକଟସ୍ଥ ଏକ ଘରୋଇ ମସଲା କମ୍ପାନୀରେ କାର୍ଯ୍ୟ କରୁଥିଲେ । ମାତ୍ର ବର୍ଷେ ତଳୁ ସେ ନିଖୋଜ ହୋଇଥିବା ନେଇ ଥାନାରେ ପରିବାର ଲୋକ ଅଭିଯୋଗ କରିଥିଲେ । ମାତ୍ର ଏଯାଏଁ ତାଙ୍କର ପତ୍ତା ମିଳିନାହିଁ । ଯୁବତୀଙ୍କୁ କେହି ଅପହରଣ ପରେ ହତ୍ଯା କରିଥିବା ଅଭିଯୋଗ ହୋଇଛି। କଙ୍କାଳକୁ ଜବତ କରି ପୋଲିସ ତଦନ୍ତ ଜାରି ରଖିଛି।
ଯଦି ବିଜେପି ଟିକେଟ୍ ନଦିଏ, ଏହି ଦଳରୁ ନିର୍ବାଚନ ଲଢ଼ିପାରନ୍ତି ବରୁଣ ଗାନ୍ଧୀ
ନନ୍ଦିଘୋଷ ବ୍ୟୁରୋ: ବିଜେପି ୨ଟି ପର୍ଯ୍ୟାୟରେ ନିଜର ପ୍ରାର୍ଥୀ ତାଲିକା ଘୋଷଣା କରିଛି । କିନ୍ତୁ ଏଯାବତ ପିଲିଭିତ ଆସନରୁ ବରୁଣ ଗାନ୍ଧୀଙ୍କ ନାମ ଘୋଷଣା କରାଯାଇନାହିଁ । ସେପଟେ ଚଳିତ ନିର୍ବାଚନରେ ବିଜେପି ବରୁଣ ଗାନ୍ଧୀଙ୍କୁ ଟିକେଟ ଦେଇନପାରେ ବୋଲି ଚର୍ଚ୍ଚା ହେଉଛି । ଯାହାକୁ ନେଇ ଏବେ ଗଣମାଧ୍ୟମରେ ଖବରର ଶିରୋନାମା ପାଲଟିଛି । ତେବେ ବରୁଣ ଗାନ୍ଧୀଙ୍କୁ ଯଦି ବିଜେପି ଟିକେଟ ନଦିଏ ସେ ସମାଜବାଦୀ ପାର୍ଟିରୁ ନିର୍ବାଚନ ଲଢ଼ିବେ ବୋଲି କୁହାଯାଉଛି । ମାତ୍ର ଏଯାବତ ବରୁଣ କୌଣସି ପ୍ରତିକ୍ରିୟା ରଖିନାହାନ୍ତି । ଅନ୍ୟପଟେ ସମାଜବାଦୀ ପାର୍ଟି ମୁଖ୍ୟ ଅଖିଳେଶ ଯାଦବ କହିଛନ୍ତି କି, ସେମିତି କୌଣସି ଆଲୋଚନା ହୋଇନାହିଁ । ଆମେ ତାଙ୍କ ସହ ସମ୍ପର୍କରେ ନାହୁଁ । ଦିଲ୍ଲୀର ସମାଜ ପାର୍ଟି ମୁଖ୍ୟ ରାମ ଗୋପାଲ ଯାଦବ କହିଛନ୍ତି କି, ବିଜେପି ତାଙ୍କ ଟିକେଟ କାଟିଲେ ଆମେ ବିଚାର କରିବୁ ।
କହି ରଖୁଛୁ କି, ଦଳ ବିରୋଧୀ ମନ୍ତବ୍ୟ ପାଇଁ ସର୍ବଦା ଚର୍ଚ୍ଚାରେ ରହିଥାନ୍ତି ବରୁଣ । ଏଣୁ କୁହାଯାଉଛି କି, ଚଳିତ ନିର୍ବାଚନରେ ତାଙ୍କୁ ଦଳ ଟିକେଟ ଦେଇନପାରେ । ବରୁଣଙ୍କ ମା’ ଏବେ ବିଜେପି ସାଂସଦ ରହିଛନ୍ତି । ୧୯୮୦ ମାର୍ଚ୍ଚ ୧୩ ତାରିଖରେ ଜନ୍ମିତ ବରୁଣ ଗାନ୍ଧୀ ସଞ୍ଜୟ ଗାନ୍ଧୀଙ୍କ ପୁଅ । ୧୯୯୯ ସାଧାରଣ ନିର୍ବାଚନରେ ବରୁଣ ଗାନ୍ଧୀ ପଲିଭିତରେ ଲୋକଙ୍କ ସହ ପରିଚିତ ହୋଇଥିଲେ । ୨୦୦୪ ମସିହାରେ ସେ ବିଜେପିରେ ସାମିଲ ହୋଇଥିଲେ । କିନ୍ତୁ ୨୦୦୯ରେ ସେ ପ୍ରଥମଥର ପାଇଁ ପ୍ରାର୍ଥୀ ହୋଇଥିଲେ । ପରେ ୨୦୧୪ ଏବଂ ୨୦୧୯ରେ ନିର୍ବାଚନ ଲଢ଼ି ବିଜୟୀ ହୋଇଥିଲେ । ସେପଟେ ୨୦୧୩ ମସିହାରେ ବରୁଣ ଗାନ୍ଧୀ ରାଷ୍ଟ୍ରୀୟ ମହାସଚିବ ନିଯୁକ୍ତି ପାଇଥିଲେ । କମ ବୟସରେ ସେ ଏହି ପଦବୀ ପାଇଥିଲେ ।
ରିଙ୍କୁ ମାରିଲେ ଛକା, ଷ୍ଟାର୍କଙ୍କୁ ନେଇ ଉଠିଲା ପ୍ରଶ୍ନ
ନନ୍ଦିଘୋଷ ବ୍ୟୁରୋ: ଆଇପିଏଲରେ ଅଧିକ ଟଙ୍କାରେ ବିକ୍ରି ହୋଇଥିବା ଖେଳାଳି ମିଚେଲ ଷ୍ଟାର୍କଙ୍କୁ ଧୋଇଲେ ରିଙ୍କୁ ସିଂ । ଅଭ୍ୟାସ ଜାରି ରଖିଥିବା କେକେଆର ଦୁଇଟି ଟିମ କରି ଅଭ୍ୟାସ ମ୍ୟାଚ ଖେଳୁଛି । ସୋସିଆଲ ମିଡିଆରେ ଏବେ ଏକ ଭିଡିଓ ଭାଇରାଲ ହେବାରେ ଲାଗିଛି । ଯେଉଁଥିରେ ମିଚେଲ ଷ୍ଟାର୍କଙ୍କ ବଲକୁ ଏକ ବଡ଼ ଛକା ମାରିଛନ୍ତି ରିଙ୍କୁ । ଯାହାକୁ ୟୁଜର୍ସମାନେ ସେୟାର କରିବା ସହ ରିଙ୍କୁଙ୍କୁ ପ୍ରଶଂସା କରିଛନ୍ତି । ସେପଟେ ଷ୍ଟାର୍କ ୨୪ କୋଟି ୭୫ ଲକ୍ଷ ଟଙ୍କାରେ କିଣା ହୋଇଥିବାବେଳେ ରିଙ୍କୁ ମାତ୍ର ୫୫ ଲକ୍ଷ ଟଙ୍କାରେ କିଣା ହୋଇଛନ୍ତି । ଯାହାକୁ ନେଇ ଷ୍ଟାର୍କଙ୍କୁ ଟ୍ରୋଲ କରୁଥିବା ଦେଖିବାକୁ ମିଳିଛି ।
Rinku Singh smashed a SIX to Mitchell Starc 🍿💥
This is Cinema!! pic.twitter.com/zQNhfPrqSR
— कट्टर INDIA समर्थक 🦁🇮🇳 ™ (@KKRWeRule) March 19, 2024
ରିଙ୍କୁ ସିଂ ଗତ ସିଜିନରେ ଦମଦାର ପ୍ରଦର୍ଶନ କରି କ୍ରିକେଟ ପ୍ରେମୀଙ୍କ ମନ ଜିଣିଛନ୍ତି । ତେବେ ଚଳିତ ସିଜିନରେ ମଧ୍ୟ ଦମଦାର ପ୍ରଦର୍ଶନ କରିା ସହ ଦଳକୁ ବିଜୟ କରିବେ ବୋଲି ପ୍ରଶଂସକମାନେ ଆଶା ରଖିଛନ୍ତି । ଆସନ୍ତା ବର୍ଷକୁ ରିଙ୍କୁ ଅଧିକ ଟଙ୍କାରେ ବିକ୍ରି ହେବେ ବୋଲି କୁହାଯାଉଛି ।
ରାଜ୍ୟର ବିଭିନ୍ନ ସ୍ଥାନରେ ପଖାଳ ଦିବସ ପାଳିତ, ବିଦେଶରେ ମଧ୍ୟ ଦେଖିବାକୁ ମିଳିଲା ପଖାଳର କ୍ରେଜ୍
ନନ୍ଦିଘୋଷ ବ୍ୟୁରୋ: ପଖାଳ । ଓଡ଼ିଆଙ୍କ ସ୍ବତନ୍ତ୍ର ପରିଚୟ । ରାଜ୍ୟର ବିଭିନ୍ନ ସ୍ଥାନରେ ପଖାଳ ଦିବସ ପାଳିତ । ସହିଦନଗର ଦୁର୍ଗାପୂଜା ସମିତି ପକ୍ଷରୁ ବିଶ୍ବ ପଖାଳ ଦିବସ ପାଳିତ ହୋଇଛି। ଦହି ପଖାଳ ସହ ପୂଜା ମଣ୍ଡପରେ ବିନା ପିଆଜ ରସୁଣରେ ବିଭିନ୍ନ ପ୍ରକାର ବ୍ୟଞ୍ଜନ ପ୍ରସ୍ତୁତ କରାଯାଇ ଲୋକଙ୍କୁ ପରସା ଯାଇଥିଲା। ଓଡ଼ିଆ ଅସ୍ମିତାର ପରିଚୟ ଏବଂ ପଖାଳକୁ ଘରେ ଘରେ ପହଞ୍ଚାଇବା ପାଇଁ ଏଭଳି ଉଦ୍ୟମ କରାଯାଇଛି ବୋଲି ପୂଜା କମିଟି ପକ୍ଷରୁ କୁହାଯାଇଛି। ପଖାଳ ସହ ଆଳୁ ବାଇଗଣ ଭରତା, ବଡିଚୁରା, ବାଇଗଣ ଚପ୍, କଦଳୀ ଭଜା, ସଜନା ଛୁଇଁ ଆଳୁ ବେସର, ସାଗମୁଗ, ପାମ୍ପଡ, କାକୁଡ଼ି ଭଳି ୧୫ରୁ ୧୬ ପ୍ରକାର ବ୍ୟଞ୍ଜନ କରାଯାଇଥିଲା। ଏନେଇ ଅଧିକ ସୂଚନା ଦେଉଛନ୍ତି ଆମ ପ୍ରତିନିଧି ଶତ୍ରୁଘ୍ନ ବିଶ୍ବାଳ ।
ବିଶ୍ବ ପଖାଳ ଦିବସରେ ଆଜି ଗାଁରୁ ସହର ସବୁଠି ପଖାଳ ଖାଇ ମଜା ନେଇଛନ୍ତି ଲୋକେ । ଲୋପ ପାଉଥିବା କଂସା ପିତଳ ବେଲାକୁ ୩୮ ବର୍ଷ ହେଲା ସଂଗ୍ରହ କରି ସୁନ୍ଦର ସଂଗ୍ରହାଳୟ ନିର୍ମାଣ କରିଛନ୍ତି ଭୁବନେଶ୍ୱର ଜାଗମରା ତୁଳସୀ ବିହାର ଅଞ୍ଚଳର ସୁଦର୍ଶନ ସାହୁ। ଐତିହ ଗବେଷକ ଏବଂ ସଂଗ୍ରାହକ ଭାବରେ ବେଶ ପରିଚିତ ସୁଦର୍ଶନ । ପେଶାରେ ସେ ଥିଲେ ଜଣେ ବ୍ୟାଙ୍କ ମ୍ୟାନେଜର କିନ୍ତୁ ନିଶା ତାଙ୍କର କଂସା ପିତଳ ବେଲା ସଂଗ୍ରହ କରିବା । ତାଙ୍କ ପଖାଳ କଂସା ଗ୍ୟାଲେରୀରେ ୧୫୦ ବର୍ଷ ପୁରୁଣା କଂସା ପଖାଳ ବେଲା ରହିଛି। ପ୍ରାୟ ୩୦ ପ୍ରକାର ବେଲା ରଖିଛନ୍ତି ସୁଦର୍ଶନ । ମାଟୁ କଂସା ବେଲା , ଅଣ୍ଟା ଭଙ୍ଗା, ପୋଚ, ମାଟିଆ କେଳା, ରାମ ସାଇ, ଅଟକାଳି, ଛାତି ପୁଲାଣିଆ, ଓଉଖମା, ଟଭା ଫାଳିଆ, ଗୋଲ ବେଲା, ବାଲେସେରୀ, ରେକାବି, ଲହରି ବେଲା ଭଳି ଅନେକ ପ୍ରକାର ବେଲା ରହିଛି ତାଙ୍କ ସଂଗ୍ରହାଳୟରେ।
ବିଶ୍ବ ପଖାଳ ଦିବସରେ ଆଜି ଗାଁରୁ ସହର ସବୁଠି ପଖାଳ ଖାଇ ମଜା ନେଇଛନ୍ତି ଲୋକେ । ଲୋପ ପାଉଥିବା କଂସା ପିତଳ ବେଲାକୁ ୩୮ ବର୍ଷ ହେଲା ସଂଗ୍ରହ କରି ସୁନ୍ଦର ସଂଗ୍ରହାଳୟ ନିର୍ମାଣ କରିଛନ୍ତି ଭୁବନେଶ୍ୱର ଜାଗମରା ତୁଳସୀ ବିହାର ଅଞ୍ଚଳର ସୁଦର୍ଶନ ସାହୁ। ଐତିହ ଗବେଷକ ଏବଂ ସଂଗ୍ରାହକ ଭାବରେ ବେଶ ପରିଚିତ ସୁଦର୍ଶନ । ପେଶାରେ ସେ ଥିଲେ ଜଣେ ବ୍ୟାଙ୍କ ମ୍ୟାନେଜର କିନ୍ତୁ ନିଶା ତାଙ୍କର କଂସା ପିତଳ ବେଲା ସଂଗ୍ରହ କରିବା । ତାଙ୍କ ପଖାଳ କଂସା ଗ୍ୟାଲେରୀରେ ୧୫୦ ବର୍ଷ ପୁରୁଣା କଂସା ପଖାଳ ବେଲା ରହିଛି। ପ୍ରାୟ ୩୦ ପ୍ରକାର ବେଲା ରଖିଛନ୍ତି ସୁଦର୍ଶନ । ମାଟୁ କଂସା ବେଲା , ଅଣ୍ଟା ଭଙ୍ଗା, ପୋଚ, ମାଟିଆ କେଳା, ରାମ ସାଇ, ଅଟକାଳି, ଛାତି ପୁଲାଣିଆ, ଓଉଖମା, ଟଭା ଫାଳିଆ, ଗୋଲ ବେଲା, ବାଲେସେରୀ, ରେକାବି, ଲହରି ବେଲା ଭଳି ଅନେକ ପ୍ରକାର ବେଲା ରହିଛି ତାଙ୍କ ସଂଗ୍ରହାଳୟରେ।