ନନ୍ଦିଘୋଷ ବ୍ୟୁରୋ: ଆଇପିଏଲକୁ ନେଇ ବଡ ଖବର ସାମ୍ନାକୁ ଆସିଛି । ନିକଟରେ ସରିଛି IPL 2024ର ମିନି ଅକ୍ସନ । ଏମିତିରେ ବର୍ତ୍ତମାନ ସୋସିଆଲ ମିଡିଆରେ ଭାଇରାଲ ହେଉଛି ଚଳିତ ବର୍ଷର IPL କୁ ନେଇ ଏକ ପୋଷ୍ଟ। ହାର୍ଦ୍ଦିକ ପାଣ୍ଡ୍ୟାଙ୍କ ଅଧିନରେ ଖେଳିବାକୁ ଚାହୁଁନାହାନ୍ତି ସୂର୍ଯ୍ୟ କୁମାର ଏବଂ ବୁମରାହା ! ଏଠାରେ କହି ରଖୁଛୁ, ଗୁଜୁରାଟ ଟାଇଟନ୍ସର ପୂର୍ବତନ ଅଧିନାୟକ ହାର୍ଦ୍ଦିକ ପାଣ୍ଡ୍ୟା ମୁମ୍ବାଇ ଇଣ୍ଡିଆନ୍ସକୁ ଚାଲିଯିବା ଖବର ସମସ୍ତଙ୍କୁ ଆଶ୍ଚର୍ଯ୍ୟ କରିଥିଲା। ଅନ୍ୟପଟେ ଆଇପିଏଲର ବିଜୟୀ ଦଳ ମୁମ୍ବାଇ ଇଣ୍ଡିଆନ୍ସରେ ୧୦ ବର୍ଷ ଧରି କ୍ୟାପଟେନ ଦାୟିତ୍ବରେ ଥିବା ରୋହିତ ଶର୍ମାଙ୍କ ବଦଳରେ ହାର୍ଦ୍ଦିକ ପାଣ୍ଡ୍ୟା ମୁମ୍ବାଇ ଇଣ୍ଡିଆନ୍ସର କ୍ୟାପଟେନ ହେବା ନିଷ୍ପତ୍ତି କ୍ରିକେଟ ଫ୍ୟାନ୍ସଙ୍କୁ ସବୁଠୁ ବଡ ଝଟକା ଲାଗିଥିଲା। ଏଥର ରୋହିତଙ୍କ ବଦଳରେ ପାଣ୍ଡ୍ୟା ଦଳର ଅଧିନାୟକ ପଦ ଭାର ସମ୍ଭାଳିବାକୁ ଯାଉଥିବାବେଳେ ସୋସିଆଲ ମିଡିଆରେ ଅନେକ ଚର୍ଚ୍ଚା ହେବାରେ ଲାଗିଛି। ଏମିତିରେ ପୁଣି ଏବେ ହାର୍ଦ୍ଦିକ ପାଣ୍ଡ୍ୟାଙ୍କ ଅଧିନାୟକ ପଦ ଘୋଷଣା ହେବାକୁ ନେଇ ବଡ ଖବର ଚର୍ଚ୍ଚା ସାଉଁଟୁଛି।
କୁହାଯାଉଛି ଯେ, ପୂର୍ବତନ ଅଧିନାୟକ ରୋହିତ ଶର୍ମାଙ୍କ ସପକ୍ଷରେ ବାହାରିଛନ୍ତି ସୂର୍ଯ୍ୟକୁମାର ଯାଦବ, ଯଶପ୍ରୀତ ବୁମରାହ। ପାଣ୍ଡ୍ୟାଙ୍କ ଅଧିନରେ ଖେଳିବାକୁ ଚାହୁଁନଥିବା ନେଇ ଦୁଇ ଖେଳାଳୀ ମୁମ୍ବାଇ ଇଣ୍ଡିଆନ୍ସର ଖେଳାଳୀ ମ୍ୟାନେଜମେଣ୍ଟଙ୍କୁ ପତ୍ର ଲେଖିଛନ୍ତି। ସୋସିଆଲ ମିଡିଆରେ ଭାଇରାଲ ହେଉଥିବା ଏହି ଘଟଣାର ପ୍ରକୃତ ସତ୍ୟ କଣ ଜାଣନ୍ତୁ ।
ବୁମରାହ ଏବଂ ସୂର୍ଯ୍ୟ କୁମାର ଏକ ଇମେଲ ପଠାଇଛନ୍ତି। ଯେଉଁଥିରେ ଲେଖାଯାଇଛି, ପାଣ୍ଡ୍ୟାଙ୍କ ଅଧିନରେ ଆମେ ଖେଳିବାକୁ ଚାହୁଁନୁ।ଏବଂ ରୋହିତ ଶର୍ମା ହିଁ ଆମର କ୍ୟାପଟେନ ରହିବେ, ରୋହିତ ମୁମ୍ବାଇ ଇଣ୍ଡିଆନ୍ସ ଠାରୁ ବଡ । ଏଭଳି କିଛି ଖବର ଆମେ କହୁନୁ, ଏଭଳି କିଛି ଲେଖାଥିବା ଟ୍ବିଟର ପୋଷ୍ଟ ସୋସିଆଲ ମିଡିଆରେ ଭାଇରାଲ ହେବାରେ ଲାଗିଛି। ବର୍ତମାନର ପରିସ୍ଥିତି ଅନୁଯାୟୀ କ୍ରିକେଟ ଫ୍ୟାନ୍ସ ଏଭଳି ଏକ ପୋଷ୍ଟକୁ ସତ୍ୟ ଭାବିବାକୁ ବାଧ୍ୟ ହୋଇଛନ୍ତି। କାରଣ ନିକଟରେ ମୁମ୍ବାଇ ଇଣ୍ଡିଆନ୍ସର ଅଧିନାୟକ ପଦରୁ ରୋହିତଙ୍କ ବଦଳି ପରେ ସୋସିଆଲ ମିଡିଆ ସାଇଟ୍ ଏକ୍ସ ବା ଟ୍ବିଟରରେ ସୂର୍ଯ୍ୟକୁମାର ଯାଦବ ଏକ ଇମୋସନାଲ ଇମୋଜୀ ସେୟାର କରିଥିଲେ। ଯେଉଁଥିରୁ ତାଙ୍କର ରୋହିତ ସପକ୍ଷରେ ଥିବା ଦୁଃଖ ସ୍ପଷ୍ଟ ଜଣାପଡିଥିଲା। ଏହା ସହିତ ଯଶପ୍ରୀତ ବୁମରାହ ମଧ୍ୟ ଏପରି କିଛି ସେୟାର କରିଥିବା ନଜର ଆସିଥିଲା।
ସୂଚନା ଅନୁଯାୟୀ IPL 2024ର ମିନି ଅକ୍ସନର କିଛି ଦିନ ପୂର୍ବରୁ ହିଁ ମୁମ୍ବାଇ ଇଣ୍ଡିଆନ୍ସ ରୋହିତଙ୍କ ଯାଗାରେ ପାଣ୍ଡ୍ୟାଙ୍କୁ ଫ୍ରାଞ୍ଚାଇଜ୍ ଅଧିନାୟକ ଘୋଷଣା କରିଥିଲା। ଯାହା ପରଠୁ ଦଳରେ ଅସନ୍ତୋଷ ସହ ଫାଟ ଆସିଥିବା ନେଇ ଅନେକ କଥା ଶୁଣିବାକୁ ମିଳୁଛି। ଏବାବଦରେ ଲଗାତାର ଭାବେ ସୋସିଆଲ ମିଡିଆରେ MI ଏବଂ ରୋହିତଙ୍କ ପ୍ରଶଂସକଙ୍କ ଅସନ୍ତୋଷ ଦେଖିବାକୁ ମିଳିଥିଲା। ଏହାପରେ ପୁଣି ଏବେ ଏକ ଖବର ସୋସିଆଲ ମିଡିଆରେ ଭାଇରାଲ ହେବାରେ ଲାଗିଛି । ସୂର୍ଯ୍ୟକୁମାର ଏବଂ ବୁମରାହ MIର ପରିଚାଳନା କମିଟି ଏବଂ ମାଲିକଙ୍କୁ ଇମେଲ ଏବଂ ଚିଠି ଦ୍ବାରା ପାଣ୍ଡ୍ୟାଙ୍କ ଅଧିନରେ ଖେଳିବା ପାଇଁ ଚାହୁଁ ନଥିବା ଜଣାଇଛନ୍ତି ।
ଏଠାରେ ଆମେ କହି ରଖୁଛୁ ସୋସିଆଲ ମିଡିଆରେ ଭାଇରାଲ ହେଉଥିବା ଏହି ସମସ୍ତ ଟ୍ବିଟର ପୋଷ୍ଟ ଗୁଡିକ ସଂପୂର୍ଣ୍ଣ ଫେକ୍ ତଥା ମିଥ୍ୟା ଖବର ଅଟେ। ମୁମ୍ବାଇ ଇଣ୍ଡିଆନ୍ସର କୌଣସି ଖେଳାଳୀ ଟିମ୍ ମ୍ୟାନେଜମେଣ୍ଟକୁ ଏମିତି କୌଣସି ଇମେଲ କରିନାହାନ୍ତି କି ଦାବି ରଖିନାହାନ୍ତି । ସୋସିଆଲ ମଡିଆରେ ଯାହାକିଛି ପୋଷ୍ଟ ହେଉଛି ତାହା ମିଥ୍ୟା ଅଟେ ।
ହାର୍ଦ୍ଦିକ ପାଣ୍ଡ୍ୟା ମୁମ୍ବାଇ ଇଣ୍ଡିଆନ୍ସକୁ ଆସିବାର ୨୦ ଦିନ ମଧ୍ୟରେ ହିଁ ପ୍ରାଞ୍ଚାଇଜ୍ ପାଣ୍ଡ୍ୟାଙ୍କୁ କ୍ୟାପଟେନ ଭାବେ ଘୋଷଣା କରିଛି। ୩୬ ବର୍ଷୀୟ ରୋହିତ ଶର୍ମା ନିଜର ୧୦ ବର୍ଷ ଦଳକୁ ଦେଇଥିବା ବେଳେ ତାଙ୍କ ପାଖରୁ ଫ୍ରାଞ୍ଚଇଜ ଅଧିନାୟକ ପଦ ଛଡାଇ ନେଇଛି। ଏହା ଛଡା MIକୁ ୫ଥର IPL ଜିତାଇଛନ୍ତି ରୋହିତ । ଅନ୍ୟପଟେ ହାର୍ଦ୍ଦିକ ପାଣ୍ଡ୍ୟା ମଧ୍ୟ ଗୁଜୁରାଟ ଟାଇଟନ୍ସର ଅଧିନାୟକ ଥିବାବେଳେ ଦଳ ଥରେ ଟ୍ରଫି ହାତେଇଥିଲା ଏବଂ ଥରେ ରନର୍ସଅଫ ରହିସାରିଛି। ଯେଉଁଥିପାଇଁ ଏକ୍ସର @ImHydro45 ନାମକ ୟୁଜର ନିଜର ଏକ ପୋଷ୍ଟରେ ଦାବି କରିଛନ୍ତି ଯେ, ମୁମ୍ବାଇ ଇଣ୍ଡିଆନ୍ସର ଟିମ ପାଣ୍ଡ୍ୟାଙ୍କ ଅଧିନରେ ଖେଳିବାକୁ ଇଚ୍ଛୁକ ନୁହଁନ୍ତି।
