ଭୁବନେଶ୍ବର: ୨୦ ମିନିଟରେ ରୋଗୀଙ୍କ ପାଖରେ ପହଞ୍ଚୁଛି ଆମ୍ବୁଲାନ୍ସ । ଏତେ କମ ସମୟରେ ସେବା ପ୍ରଦାନରେ ଏହା ଦେଶରେ ରେକର୍ଡ ବୋଲି କହିଛନ୍ତି ଜନସ୍ବାସ୍ଥ୍ଯ ନିର୍ଦ୍ଦେଶକ । ରୋଗୀ ସେବାରେ ୧୦୮ ଆମ୍ବୁଲାନ୍ସର ଭୂମିକା ଗୁରୁତ୍ୱପୂର୍ଣ୍ଣ ରହିଛି । ଜଣେ ରୋଗୀ ଚାରିଟି ସ୍ତରରେ ଖର୍ଚ୍ଚାନ୍ତ ହୁଅନ୍ତି । ଔଷଧ, ପରୀକ୍ଷା, ପରିବହନ ଓ ବଡ଼ ବଡ଼ ହସ୍ପିଟାଲରେ ଚିକିତ୍ସା । ଔଷଧ ମାଗଣାରେ ନିରାମୟରେ ମିଳୁଥିବାବେଳେ ନିଦାନରେ ମାଗଣା ପରୀକ୍ଷା କରାଯାଉଛି । ହେଲେ ଏଥିସବୁ ପାଇଁ ରୋଗୀ ପରିବହନ ଅନେକ ଗୁରୁତ୍ବ ରଖେ । ସେଥିପାଇଁ ୧୦୮ ଆମ୍ବୁଲାନ୍ସ ମାଗଣା ସେବା ସବୁ ଜିଲ୍ଲାରେ କାର୍ଯ୍ୟକାରୀ ହେଉଛି । କୌଣସି ରୋଗୀ ହଇରାଣ ନ ହେବା ପାଇଁ ବିଭିନ୍ନ ଜିଲ୍ଲା ଓ ବ୍ଲକରେ ALS ଓ BLS ଆମ୍ବୁଲାନ୍ସର ବ୍ୟବସ୍ଥା କରାଯାଇଛି । ପ୍ରତି ଜିଲ୍ଲାରେ ଆଡଭାନସ ଲାଇଫ ସପୋର୍ଟ-ଏଏଲଏସ ଆମ୍ବୁଲାନ୍ସ ରହିଛି । ଏଥିରେ ଦୁଇଟି ଲାଭ ହେଉଛି । ପ୍ରଥମଟି ହେଲା ଜରୁରିକାଳୀନ ସମୟରେ ଆମ୍ବୁଲାନ୍ସ ମିଳୁଛି । ଯେହେତୁ ଏହି ଆମ୍ବୁଲାନ୍ସ ଗୁଡ଼ିକୁ ମ୍ୟାପିଙ୍ଗ କରାଯାଇଛି, ଠିକରେଫେରାଲ ହସ୍ପିଟାଲକୁ ରୋଗୀ ଯାଇ ପାରୁଛି । ସମୟ ବି ବଞ୍ଚୁଛି । ନିଜସ୍ୱ ପାଣ୍ଠିରୁ ରାଜ୍ୟ ସରକାର ବିଭିନ୍ନ ଜିଲ୍ଲାକୁ ଆମ୍ବୁଲାନ୍ସ ଯୋଗାଇଛନ୍ତି ।

କଟକ: ଆସନ୍ତାକାଲିଠୁ ଆରମ୍ଭ ହେବ ମାଟ୍ରିକ ପରୀକ୍ଷା। ଫେବ୍ରୁଆରୀ ୨୦ରୁ ମାର୍ଚ୍ଚ ୪ ତାରିଖ ପର୍ଯ୍ୟନ୍ତ ପରୀକ୍ଷା ଚାଲିବ । ସିସିଟିଭି ନଜରରେ ରହିବ ପରୀକ୍ଷା କେନ୍ଦ୍ର ଓ ନୋଡାଲ ସେଣ୍ଟର। ବୋର୍ଡ ପକ୍ଷରୁ ପରୀକ୍ଷା କେନ୍ଦ୍ର ଓ ନୋଡାଲ ସେଣ୍ଟରରେ ତ୍ରିସ୍ତରୀୟ ସିସିଟିଭି କ୍ୟାମେରା ଲଗାଯାଇଛି। ଅତି ସମ୍ବେଦନଶୀଳ କେନ୍ଦ୍ରଗୁଡ଼ିକରେ ପ୍ରଥମ ଥର ପାଇଁ ଲଗାଯାଇଛି AI ବେସଡ ସିସିଟିଭି କ୍ୟାମେରା। ଯାହାର କମାଣ୍ଡ କଣ୍ଟ୍ରୋଲ ରୁମ ବୋର୍ଡ ମୁଖ୍ୟ କାର୍ଯ୍ୟାଳୟରେ ରହିଛି।  ୩ ହଜାର ୪୭ଟି ପରୀକ୍ଷା କେନ୍ଦ୍ରରେ ସିସିଟିଭି ଲଗା ଯାଇଛି । ଏଥି ମଧ୍ୟରୁ ୬୦୦ ଟି ସମ୍ବେଦନଶୀଳ ଓ ବିଶେଷ ସମ୍ବେଦନଶୀଳ କେନ୍ଦ୍ରମାନଙ୍କରେ ଏ ଆଇ କ୍ୟାମେରା ଲଗାଯାଇଛି । ଚଳିତ ବର୍ଷ ୫ ଲକ୍ଷ ୫୧ ହଜାର ୬୧୧ ଛାତ୍ରଛାତ୍ରୀ ୩ ହଜାର ୪୭ଟି ପରୀକ୍ଷା କେନ୍ଦ୍ରରେ ପରୀକ୍ଷା ଦେବେ। ପ୍ରଶ୍ନପତ୍ର ରଖିବା ପାଇଁ ୩୧୩ ନୋଡାଲ ସେଣ୍ଟର କରାଯାଇଛି । କପି ରୋକିବା ପାଇଁ ତ୍ରିସ୍ତରୀୟ ସ୍କ୍ୱାଡ୍ ବ୍ୟବସ୍ଥା କରାଯାଇଛି।…

ବଣାଇଁ: ବଣାଇଁରେ ରେଳ ଧାରଣାରୁ ୪ ଜଣଙ୍କ ମୃତଦେହ ମିଳିବା ଘଟଣା। ସାମ୍ନାକୁ ଆସିଲା ହତ୍ୟାକାଣ୍ଡର ସତ। ତେନ୍ତୁଳି ଗଛ ଭାଗବଣ୍ଟାରୁ ଜଘନ୍ୟ ହତ୍ୟାକାଣ୍ଡ ଘଟିଥିବା ଜଣାପଡିଛି। ଗତ ୧୭ ତାରିଖରେ ଦୁଇ ଶିଶୁଙ୍କ ସମେତ ଜଣେ ମହିଳାଙ୍କ ମୃତଦେହ କେନ୍ଦୁପୋଷି ରେଳଷ୍ଟେସନ ନିକଟରୁ ମିଳିଥିଲା। ଏହା ଏକ ସୁଚିନ୍ତିତ ହତ୍ୟାକାଣ୍ଡ ବୋଲି ସନ୍ଦେହ କରି ତଦନ୍ତ ଆରମ୍ଭ କରିଥିଲା ଝାରଖଣ୍ଡ ପୋଲିସ। ଏବେ ଘଟଣାର ପର୍ଦ୍ଦାଫାଶ କରିଛି ପୋଲିସ। ଏକ ତେନ୍ତୁଳି ଗଛର ଭାଗବଣ୍ଟାକୁ ନେଇ ୩ ଜଣଙ୍କୁ ହତ୍ୟା କରାଯାଇଥିଲା। ତେବେ ରେଳ ଧାରଣା ନିକଟରୁ ମିଳିଥିବା ଚତୁର୍ଥ ବ୍ୟକ୍ତିଙ୍କ ପରିଚୟ ମିଳିନାହିଁ। ଏହି ଜଘନ୍ୟ ହତ୍ୟା ଘଟଣାରେ ପୋଲିସ ୫ ଜଣଙ୍କୁ ଗିରଫ କରିଛି। ପଶ୍ଚିମ ସିଂଭୂମ ଏସପିଙ୍କ କହିବା ଅସୁନାରେ, ହତ୍ୟାକୁ ଆତ୍ମହତ୍ୟାର ରୂପ ଦେବାକୁ ଚେଷ୍ଟା କରିଥିଲେ ଅଭିଯୁକ୍ତ। ମୃତା ମହିଳାଙ୍କ ସ୍ଵାମୀ ବିନୁ ସିଂକୁ ଜୀବିତ ଥିବା ବେଳେ, ସେ ପୁଣେରେ କାମ କରୁଛନ୍ତି। ମୃତ ମହିଳାଙ୍କ ୧୫ ବର୍ଷର ଝିଅ ବର୍ତ୍ତୀ ଯାଇ ପୋଲିସକୁ ଜଣାଇବା ପରେ ଘଟଣାର ସତ୍ୟାସତ୍ୟ ଜଣାପଡିଥିଲ। ହତ୍ୟାକାରୀ ମଧ୍ୟରେ ମୃତ ମହିଳାଙ୍କ ଦିଅର, ଦେଢଶୁର, କକା ଶ୍ୱଶୁରଙ୍କ ସହ ଆଉ ଦୁଇ ଜଣ ସଂପୃକ୍ତ ଅଛନ୍ତି।

ସମ୍ବଲପୁର: ସମ୍ବଲପୁର ରେଳଷ୍ଟେସନରୁ ଆରମ୍ଭ ହେଲା ତୃତୀୟ ପର୍ଯ୍ୟାୟ ବରିଷ୍ଠ ନାଗରିକ ତୀର୍ଥଯାତ୍ରା ଯୋଜନା। ଆଜମେର ପୁଷ୍କରକୁ ତୀର୍ଥଯାତ୍ରl କରିବେ ବଶିଷ୍ଠ ନାଗରିକ । ପଶ୍ଚିମ ଓଡ଼ିଶାର ୮ ଜିଲ୍ଲାର ମୋଟ ୧୦୦୦ ଜଣ ଆଜି ତୀର୍ଥଯାତ୍ରା ଆରମ୍ଭ କରିବେ। ରାଜ୍ୟ ସରକାରଙ୍କ ତରଫରୁ ବରିଷ୍ଠ ନାଗରିକଙ୍କ ପାଇଁ ସମସ୍ତ ପ୍ରକାର ବ୍ୟବସ୍ଥା କରାଯାଇଛି। ସେମାନଙ୍କ ପାଇଁ ନିୟୋଜିତ ଅଛନ୍ତି ସ୍ଵତନ୍ତ୍ର ଡାକ୍ତରୀ ଟିମ୍ । ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ ଏହାକୁ ଉଦଘାଟନ କରିଛନ୍ତି ।

ବରିଷ୍ଠ ନାଗରିକମାନଙ୍କ ତୀର୍ଥଯାତ୍ରାର ସମସ୍ତ ଖର୍ଚ୍ଚ ରାଜ୍ୟ ସରକାର ବହନ କରୁଛନ୍ତି । ଯିବା ଆସିବା, ରହିବା ଓ ଭ୍ରମଣ ବ୍ୟବସ୍ଥା ବିନା ମୂଲ୍ୟରେ କରାଯାଇଛି । ଏହା ପୂର୍ବରୁ ବିଭିନ୍ନ ଜିଲ୍ଲାରେ ଆରମ୍ଭ ହୋଇଛି ତୀର୍ଥଯାତ୍ରା ଯୋଜନା । ଏହି ଯୋଜନାରେ ବରିଷ୍ଠ ନାଗରିକମାନେ ଖୁବ୍ ସହଜରେ ବିଭିନ୍ନ ତୀର୍ଥକ୍ଷେତ୍ର ବୁଲି ଆସୁଛନ୍ତି ।