ନନ୍ଦିଘୋଷ ବ୍ୟୁରୋ: କୁକୁର ଆକ୍ରମଣର ଖବର ଗତ କିଛି ଦିନ ହେବ ଦେଶରେ ଚର୍ଚ୍ଚାର ବିଷୟ ପାଲଟିଛି। ଏହି ଆକ୍ରମଣ ଯୋଗୁଁ ପ୍ରତିଦିନ କିଛି ଜୀବନ ଅକାଳରେ ଯାଉଛି । ଏହାକୁ ଦୃଷ୍ଟିରେ ରଖି କେନ୍ଦ୍ର ସରକାର ପ୍ରାୟ ୨୩ ବିପଜ୍ଜନକ ପ୍ରଜାତିର କୁକୁର ଆମଦାନୀ ଉପରେ ପ୍ରତିବନ୍ଧକ ଲଗାଇଛନ୍ତି ।

ଆମେରିକୀୟ ବୁଲଡଗ୍, ରୋଟୱିଲର୍, ପିଟବୁଲ୍ ସହିତ ଅନ୍ୟ କୁକୁରମାନଙ୍କ ପାଇଁ ଲାଇସେନ୍ସ ଆଉ ଉପଲବ୍ଧ ହେବ ନାହିଁ । ଏମାନେ ଆଉ ଗୃହପାଳିତ ହୋଇ ରହିପାରିବେ ନାହିଁ। ସମସ୍ତ ମିଶ୍ରିତ ଏବଂ କ୍ରସ୍ ପ୍ରଜାତି ପାଇଁ ଏହି ନିୟମ ଲାଗୁ ହେବ ବୋଲି ପଶୁପାଳନ ମନ୍ତ୍ରଣାଳୟ କହିଛି। ବିଦେଶୀ ପ୍ରଜାତିର କୁକୁର ବିକ୍ରି, ପ୍ରଜନନ ଓ ଗୃହପାଳିତକୁ ବାରଣ କରିବାକୁ ମନ୍ତ୍ରଣାଳୟ ନିର୍ଦ୍ଦେଶ ଦେଇଛି।

କୁକୁରମାନେ ଆମ ମାନବଙ୍କର ସର୍ବୋତ୍ତମ ବନ୍ଧୁ ଭାବରେ ବିବେଚିତ ହୋଇଥିଲେ । କିନ୍ତୁ ଏବେ ଚିନ୍ତାର ବିଷୟ ହେଉଛି ଯେ ଆମର ଏହି ବନ୍ଧୁମାନେ କିପରି ହଠାତ୍ ଆମର ଶତ୍ରୁ ପାଲଟିଗଲେ । ଏହାର କାରଣ ହେଲା ଜଙ୍ଗଲୀ କୁକୁରଙ୍କୁ ଘରେ ପୋଷିବା । ଫଳରେ କ୍ରସ୍ ପ୍ରଜନନ ହୋଇ ବିଭିନ୍ନ ପ୍ରଜାତିର କୁକୁର ଉତ୍ପାଦନ ଆରମ୍ଭ ହୋଇଥିଲା । ଯେଉଁ କୁକୁରଙ୍କ ଠାରେ ଉଭୟ ଜଙ୍ଗଲୀ ଏବଂ ଘରୋଇ ଗୁଣ ଥିଲା । ମଣିଷମାନେ ଗୋଟିଏ କୁକୁର ଠାରେ ଉଭୟ ଶିକାରୀ ଏବଂ ବନ୍ଧୁ ଖୋଜିବା ଆରମ୍ଭ କଲେ ।

ନିକଟରେ କେନ୍ଦ୍ର ସରକାରଙ୍କ ବ୍ୟାନ କରିଥିବା ଏହି କୁକୁରମାନେ ଜନଗହଳିପୂର୍ଣ୍ଣ ସ୍ଥାନରେ ରହିବା ପାଇଁ ଅଭ୍ୟସ୍ତ ନୁହନ୍ତି । ସେମାନେ ଖାଲି ସ୍ଥାନରେ ରହିବାକୁ ପସନ୍ଦ କରନ୍ତି । ହେଲେ ଆଜିର ଦୈନନ୍ଦିନ କାର୍ଯ୍ୟରେ ଲୋକେ ଏପରି ବିପଜ୍ଜନକ ପ୍ରଜାତିର କୁକୁରମାନଙ୍କୁ କେବଳ ସ୍ଥିତିର ପ୍ରତୀକ ଭାବରେ ବ୍ୟବହାର କରନ୍ତି ।ଫଳରେ  ଏହି ପ୍ରଜାତିର କୁକୁର ମାନେ ପାଣିପାଗ ଯୋଗୁଁ ଅନେକ ସମୟରେ ଅସୁସ୍ଥ ହୋଇପଡନ୍ତି ।

ଏଭଳି ସମସ୍ୟାର ସମାଧାନ କଣ ? ସର୍ବପ୍ରଥମେ, ଆପଣ ଯେକୌଣସି ପ୍ରାଣୀ କିଣୁଛନ୍ତି, ସେ କୁକୁର ହେଉ କିମ୍ବା ଅନ୍ୟ କୌଣସି ପ୍ରାଣୀ ପ୍ରଥମେ ଏହାର ପ୍ରଜାତି ଜାଣି ନିଅନ୍ତୁ । ଏହା ଆପଣଙ୍କ ଘରେ ରହିବା ପାଇଁ ଉପଯୁକ୍ତ କି ନୁହେଁ ।  ଏହା ବ୍ୟତୀତ କୁକୁରଙ୍କୁ ତାଲିମ ମଧ୍ୟ ଦେବା ଅତ୍ୟନ୍ତ ଗୁରୁତ୍ୱପୂର୍ଣ୍ଣ ଅଟେ । ଯାହା ଦ୍ବାରା ଆପଣଙ୍କର କୁକୁର କିପରି ବ୍ୟବହାର କରିବେ ଜାଣନପାରିବେ। ତାଙ୍କୁ ବାହ୍ୟ ଜଗତ ଏବଂ ଅନ୍ୟ ମଣିଷ ସହିତ ପରିଚିତ କରାଇବା ଜରୁରୀ ଅଟେ। ଯାହା ଦ୍ବାରା ସେମାନେ ଭୟଭୀତ ନ ହୋଇ ସାମନା ଲୋକକୁ ବିପଦ ଭାବିବେ।

ଯେଉଁମାନଙ୍କର ଏହି ପ୍ରଜାତିର କୁକୁର ଅଛନ୍ତି ସେମାନେ କ’ଣ କରିବେ?

କେନ୍ଦ୍ର ସରକାରଙ୍କ ଏହି ନିଷ୍ପତ୍ତି ପରେ, ଏହି ପ୍ରଜାତିର କୁକୁର ଥିବା ଲୋକଙ୍କ ମଧ୍ୟରେ ଭୟ ଖେଳିଯାଇଛି। କାରଣ ଯଦି ସରକାର ଏହି କୁକୁରମାନଙ୍କୁ ହଟାଇବାକୁ ନିଷ୍ପତ୍ତି ନିଅନ୍ତି, ତେବେ ଏହା ସେହି କୁକୁର ମାନଙ୍କ ପାଇଁ ଅନ୍ୟାୟ ହେବ।ତେଣୁ ସେମାନଙ୍କୁ ନିଜ ପରିବାରଠାରୁ ଅଲଗା କରିବା ଅର୍ଥାତ ସେମାନଙ୍କର ମାନସିକ ଅବସ୍ଥା ଉପରେ ଗଭୀର ପ୍ରଭାବ ପକାଇବ । ଏହା ମଧ୍ୟ ସମ୍ଭବ ଯେ ସେମାନେ ଅଧିକ ଭୟଙ୍କର ହୋଇପାରନ୍ତି । ତେବେ  ଏତେ ସଂଖ୍ୟକ କୁକୁର ରଖିବା ପାଇଁ ଦେଶରେ ପର୍ଯ୍ୟାପ୍ତ ପଶୁ ଆଶ୍ରୟ ଗୃହ ନାହିଁ । ଏଭଳି ପରିସ୍ଥିତିରେ ସରକାରଙ୍କୁ ମଧ୍ୟ ଏହି ଦିଗରେ ଗଭୀର ଭାବରେ ଚିନ୍ତା କରିବାକୁ ପଡ଼ିବ।