ଜୟପୁର: ଏହି ରାଜ୍ୟରେ ବ୍ୟାନ ହେଲା ସିଙ୍ଗଡ଼ା ଏବଂ କଚୋଡ଼ି  । ଆପଣ ଭାବୁଥିବେ ଏହାକୁ ବ୍ୟାନ କରିବା କାହିଁକି ଆବଶ୍ୟକ ପଡ଼ିଲା । ଏହା ତ ଏତେ ଖରାପ ଖାଦ୍ୟ ନୁହେଁ । ଆମ ଦେଶର କୋଣ ଅନୁକୋଣରେ ଏହି ସିଙ୍ଗଡ଼ା ଏବଂ କଚୋଡ଼ି ଲୋକେ ପେଟ ପୁରାଇ ଖାଇଥାନ୍ତି । ସ୍କୁଲ କଲେଜ, ଅଫିସ ଏବଂ ଯେ କୌଣସି ଅନୁଷ୍ଠାନରେ କିଛି ଗୋଟେ କାର୍ଯ୍ୟକ୍ରମ ହେଲେ ଖାଇବାରେ ଆଗ ସିଙ୍ଗଡ଼ା କଚୋଡ଼ି ଦିଆଯାଏ । କିନ୍ତୁ ଏବେ ସରକାର ଏହାକୁ ବ୍ୟାନ୍ କରିଛନ୍ତି । ଜୟପୁରରେ ସରକାରୀ ମିଟିଂରେ ଏବେ ଆଉ ତେଲ ଛଣା ଜିନିଷ ଦିଆଯିବ ନାହିଁ । ଏଥିପାଇଁ ମେନ୍ୟୁ ତିଆରି କରାଯାଇଛି । ଏହି ଖବର ଜଣାପଡ଼ିବା ପରେ ସୋସିଆଲ ମିଡିଆରେ ଏହାର ମେନ୍ୟୁ ଭାଇରାଲ ହେବାରେ ଲାଗିଛି । ସିଙ୍ଗଡ଼ା କଚୋଡ଼ି ଏବଂ ଜିଲାପି ବଦଳରେ ରେଷ୍ଟେଡ ଜିନିଷ ମିଳିବ ଯାହା ସ୍ବାସ୍ଥ୍ୟ ପାଇଁ ଭଲ ହୋଇଥିବ ।

ତେଲ ଜିନିଷ ଖାଉଥିବାରୁ ସରକାରୀ କର୍ମଚାରୀଙ୍କ ସ୍ବାସ୍ଥ୍ୟ ଉପରେ ଖରାପ ପ୍ରଭାବ ପଡ଼ୁଛି ଏଥିପାଇଁ ସେମାନଙ୍କୁ ଆଉ ତେଲ ଛଣା ଜିନିଷ ଦିଆଯିବ ନାହିଁ । ମିଟିଂ ବେଳେ ଏବେ ରୋଷ୍ଟେଡ ଚଣା, ରୋଷ୍ଟେଡ ବାଦାମ, ମଲଟି ଗ୍ରୀନ୍ ଥିବା ଖାଦ୍ୟ ଇତ୍ୟାଦି ଦିଆଯିବ । ପିଇବା ପାଣିକୁ ନେଇ ବି ନିଷ୍ପତ୍ତି ନିଆଯାଇଛି । ଏବେ ପ୍ଲାଷ୍ଟିକ୍ ବଟଲ ବଦଳରେ କାଚ ଗ୍ଲାସରେ ପାଣି ଦିଆଯିବ । ବଦଳିଥିବା ଏହି ସବୁ ଜିନିଷ ଏବେ ସଚିବାଳୟର ବିଭିନ୍ନ ବୈଠକରେ ଦେଖାଯିବ । ଏଥିପାଇଁ ଅର୍ଡର ପାସ୍ ହୋଇସାରିଛି ।

ନୂଆଦିଲ୍ଲୀ: ଆଜି ଭାରତ ପାଳୁଛି ୭୫ତମ ଗଣତନ୍ତ୍ର ଦିବସ। ଏହି ପବିତ୍ର ଉତ୍ସବରେ ରାଷ୍ଟ୍ରପତି ଦ୍ରୋପଦୀ ମୁର୍ମୁ ଜାତୀୟ ପତାକା ଉତ୍ତୋଳନ କରିଛନ୍ତି। ଦିଲ୍ଲୀର କର୍ତ୍ତବ୍ୟ ପଥରେ ଆୟୋଜିତ ଭବ୍ୟ କାର୍ଯ୍ୟକ୍ରମରେ ପତାକା ଉତ୍ତୋଳନ କରିଛନ୍ତି ରାଷ୍ଟ୍ରପତି ମୁର୍ମୁ।

ଏହି ସମୟରେ ରାଷ୍ଟ୍ରପତିଙ୍କ ସମେତ ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ଏବଂ ଚଳିତ ବର୍ଷର ମୁଖ୍ୟ ଅତିଥି ଫ୍ରାନ୍ସ ରାଷ୍ଟ୍ରପତି ଏମାନୁଏଲ ମାକ୍ରନ ଉପସ୍ଥିତ ଥିଲେ। ଏଥିସହ କେନ୍ଦ୍ର ମନ୍ତ୍ରୀମଣ୍ଡଳର ସଦସ୍ୟ, ତିନି ସେନାର ମୁଖ୍ୟ ଏବଂ କମାଣ୍ଡରମାନେ ମଧ୍ୟ କର୍ତ୍ତବ୍ୟ ପଥରେ ଆୟୋଜିତ ଗଣତନ୍ତ୍ର ଦିବସରେ ଉପସ୍ଥିତ ରହିଥିଲେ।

ଏହି ଅବସରରେ ଦିଲ୍ଲୀ କର୍ତ୍ତବ୍ୟ ପଥରେ ଭବ୍ୟ ପରେଡ ସମାରୋହ ଅନୁଷ୍ଠିତ ହେଉଛି। ଭାରତୀୟ ସେନର ୩ ବାହିନୀ, ଅର୍ଦ୍ଧସାମରିକ ବାହିନୀ, ଏନସିସି ସମେତ ବିଭିନ୍ନ ଦଳ ପକ୍ଷରୁ ଚାଲିଛି ପରେଡ ପ୍ରଦର୍ଶନ। ପରେଡ ଅଭିବାଦନ ଗ୍ରହଣ କରୁଛନ୍ତି ରାଷ୍ଟ୍ରପତି ଦ୍ରୌପଦୀ ମୁର୍ମୁ । ଉତ୍ସବରେ ଯୋଗ ଦେଇଛନ୍ତି ପ୍ରଧାନମନ୍ତ୍ରୀ ନରେନ୍ଦ୍ର ମୋଦି। ସମାରୋହର ମୁଖ୍ଯ ଅତିଥି ଭାବେ ଫ୍ରାନ୍ସ ରାଷ୍ଟ୍ରପତି ଇମାନୁଏଲ ମାକ୍ରନ ଯୋଗ ଦେଇଛନ୍ତି । ବିଭିନ୍ନ ରାଜ୍ୟ ଓ ଅନୁଷ୍ଠାନ ପକ୍ଷରୁ ପ୍ରଜ୍ଞାପନ ମେଢ ପ୍ରଦର୍ଶିତ କରାଯାଉଛି। ଓଡ଼ିଶାର କଳା ଓ ସଂସ୍କୃତିର ଝଲକ ଦେଖୁଛି ସାରା ବିଶ୍ବ । କର୍ତ୍ତବ୍ୟପଥରେ ଚମକିଛି ଓଡ଼ିଶାର ପ୍ରଜ୍ଞାପନ ମେଢ । ବିଭିନ୍ନ ପ୍ରଜ୍ଞାପନ ମେଢରେ ଭାରତୀୟ କଳା ଓ ସଂସ୍କୃତିର ଝଲକ ଦେଖିବାକୁ ମିଳିଛି। ପରେଡରେ ସାମିଲ ହୋଇଛନ୍ତି ଫ୍ରାନ୍ସ ସେନାର କଣ୍ଟିଜେଣ୍ଟ । ଏଥିରେ ୯୫ ଜଣିଆ ମାର୍ଚିଂ କଣ୍ଟିଜେଣ୍ଟ ସହ ୩୩ ସଦସ୍ୟ ବିଶିଷ୍ଟ ଫ୍ରାନ୍ସ ବ୍ୟାଣ୍ଡ୍ ସାମିଲ ହୋଇଛନ୍ତି । ୨୦୨୩ ଫ୍ରାନ୍ସର ବାଷ୍ଟାଇଲ୍ ଡେ ପରେଡରେ ଭାରତୀୟ ସେନାର କଣ୍ଟିଜେଣ୍ଟ ସାମିଲ ହୋଇଥିଲା ।