ମହାକାଳପଡ଼ା: ଇଫତାର ପାର୍ଟିରେ ଯୋଗଦେଲେ ମନ୍ତ୍ରୀ ଅତନୁ ସବ୍ୟସାଚୀ ନାୟକ। କେନ୍ଦ୍ରାପଡା ମହାକାଳପଡା ରାଜଗଡ଼ ଗାଁରେ ବସବାସ କରୁଥିବା ମୁସଲିମ ସମ୍ପ୍ରଦାୟର ଲୋକ କରିଥିଲେ ନିମନ୍ତ୍ରଣ। ରମଜାନ ମାସ ଚାଲିଥିବାରୁ ରାଜଗଡ଼ରେ ଥିବା ସୁନି ମସଜିଦରେ ଇଫତାର ପାର୍ଟିର ଆୟୋଜନ କରାଯାଇଥିଲା। ଏହି ଅବସରରେ ଅତନୁ ସବ୍ୟସାଚୀ ନାୟକ ରାଜଗଡ଼ ସୁନି ମସଜିଦରେ ପହଞ୍ଚି ମୁସଲିମ ସମ୍ପ୍ରଦାୟର ଭାଇ ମାନଙ୍କୁ ଭେଟି ଭଲ ମନ୍ଦ ପଚାରି ବୁଝିଥିଲେ l ଛୋଟରୁ ବଡ ପର୍ଯ୍ୟନ୍ତ ସମସ୍ତେ ଉପସ୍ଥିତ ରହି ଅତନୁ ସବ୍ୟସାଚୀଙ୍କୁ ସମ୍ବର୍ଦ୍ଧିତ କରିଥିଲେ।
ଭୁବନେଶ୍ବରରେ ପୁଣି ହିଟ୍ ଆଣ୍ଡ ରନ୍ ମାମଲା
ଭୁବନେଶ୍ବର: ରାଜଧାନୀ ଭୁବନେଶ୍ବରରେ ହିଟ୍ ଆଣ୍ଡ ରନ୍। ୪ ଜଣଙ୍କୁ ଧକ୍କା ଦେଲା କଣ୍ଟେନର। ବାଣୀବିହାର ସତସଙ୍ଗ ବିହାର ନିକଟରେ ଏହି ଦୁର୍ଘଟଣା ଘଟିଛି । ୪ ଜଣ ଆହତ ହୋଇଥିବା ବେଳେ ଦୁଇ ଜଣଙ୍କ ଅବସ୍ଥା ସଙ୍କଟାପନ୍ନ ଥିବାରୁ ସେମାନଙ୍କୁ କଟକ ବଡ଼ ମେଡିକାଲକୁ ସ୍ଥାନାନ୍ତର କରାଯାଇଛି। ରାସ୍ତା ପାର୍ ହେଉଥିବା ବେଳେ ୪ ଜଣଙ୍କୁ ଧକ୍କା ଦେଇ ଫେରାର ହୋଇଯାଉଥିଲା କଣ୍ଟେନର। ପଳାଶୁଣୀ ଛକରୁ କଣ୍ଟେନରକୁ ସହିଦନଗର ଥାନା ପୋଲିସ ଜବତ କରିଛି। ଡ୍ରାଇଭରକୁ ଅଟକ ରଖି ପଚରାଉଚରା କରୁଛି ପୋଲିସ।
ଲ୍ୟାବ୍କୁ ଗଲା ଏଲଭିସ୍ ଯାଦବଙ୍କ ଫୋନ୍, ଏଥର ଖୋଲିପାରେ ବହୁ ଗୁମର
ନନ୍ଦିଘୋଷ ବ୍ୟୁରୋ: ସାପ ବିଷ ମାମଲାରେ ଫସିଥିବା ଜଣାଶୁଣା ୟୁଟ୍ୟୁବର ଏଲଭିସ୍ ଯାଦବଙ୍କୁ ନେଇ ପୁଣି ସାମନାକୁ ଆସିଛି ବଡ଼ ଖବର । ଏଲଭିସଙ୍କ ମୋବାଇଲ ପୋଲିସ ଜବତ କରିଥିବାବେଳେ ଅନେକ ଚାର୍ଟ ଡିଲେଟ୍ ହୋଇଥିବା ପୋଲିସ ସୂତ୍ରରୁ କୁହାଯାଇଛି । ତେବେ ଏଲଭିସଙ୍କ ସହ ତାଙ୍କର ଦୁଇ ବନ୍ଧୁଙ୍କ ମୋବାଇଲ ଫୋନ୍ ମଧ୍ୟ ଜବତ କରିଛି ପୋଲିସ । ଏଲଭିସଙ୍କ ଚାର୍ଟ ଡିଲେଟ୍ ହୋଇଥିବାବେଳେ ଲ୍ୟାବକୁ ତାଙ୍କ ମୋବାଇଲ ପଠାଯାଇଛି । ଏଥିରୁ ବହୁ ଗୁମର ଖୋଲିବ ବୋଲି ଜଣାପଡ଼ିଛି । ଏଲଭିସଙ୍କ ଦୁଇ ବନ୍ଧୁ ବିନୟ ଏବଂ ଇଶ୍ବର ମଧ୍ୟ ଏହି ସାପ ବିଷ ଯୋଗାଉଥିବା ମାମଲାରେ ଫସିଥିବାବେଳେ ସେମାନେ ଜାମିନ ପାଇଛନ୍ତି । ଏଲଭିସ୍ ମଧ୍ୟ ଜାମିନ ପାଇଛନ୍ତି । ତେବେ ମାମଲାରେ ଏବେ ବିଚାରାଧିନ ରହିଥିବାବେଳେ ଏଥୀରେ ଆଉ କେଉଁମାନଙ୍କ ସମ୍ପୃକ୍ତି ରହିଛି ସେ ସମ୍ପର୍କରେ ତଦନ୍ତ ଜାରି ରହିଛି ।
ରାଇରଙ୍ଗପୁରରେ ବିଜେଡିର ନିର୍ବାଚନୀ ପ୍ରସ୍ତୁତି ବୈଠକ
କରଞ୍ଜିଆ: ରାଇରଙ୍ଗପୁରରେ ବିଜେଡିର ନିର୍ବାଚନୀ ପ୍ରସ୍ତୁତି ବୈଠକ। ରାଇସେନ ମୁର୍ମୁଙ୍କୁ ପ୍ରାର୍ଥୀ କରିଛି ବିଜେଡି। ରାଇରଙ୍ଗପୁର ଉପଖଣ୍ଡରେ ଗାଁ ଗହଳିଠାରୁ ଆରମ୍ଭ କରି ସହର ପର୍ଯ୍ୟନ୍ତ ସବୁଠି ବିକାଶର ଛବି ଦେଖିବାକୁ ମିଳେ। ରାଇରଙ୍ଗପୁର ପୌରଧକ୍ଷଙ୍କ ନେତୃତ୍ୱରେ ରାଇରଙ୍ଗପୁରଠାରେ ନିର୍ବାଚନୀ ବୈଠକ ଅନୁଷ୍ଠିତ ହୋଇଯାଇଛି। ବୈଠକରେ ଲୋକସଭା ପ୍ରାର୍ଥୀ ତଥା ପୂର୍ବତନ ମନ୍ତ୍ରୀ ସୁଦାମ ମାରାଣ୍ଡି, ବିଧାନ ସଭା ପ୍ରାର୍ଥୀ ରାଇସେନ ମୁର୍ମୁ, ରାଇରଙ୍ଗପୁର ପୌରlଧ୍ଯକ୍ଷ ଅଭିଷେକ ପଟ୍ଟନାୟକ ଏବଂ ରାଇରଙ୍ଗପୁର ଉପଖଣ୍ଡର ପଞ୍ଚାୟତସ୍ତରର କର୍ମୀ ମାନେ ଯୋଗ ଦେଇଥିଲେ। ଆଗାମୀ ନିର୍ବାଚନରେ କିଭଳି ନବୀନ ପଟ୍ଟନାୟକଙ୍କ ହାତ ମୁଠାକୁ ଟାଣ କରିବେ ସେଥିପାଇଁ ହୋଇଥିଲା ଆଲୋଚନା।
ଭାରସାମ୍ଯ ହରାଇ କେନାଲ ଭିତରକୁ ଖସି ପଡିଲେ ଇ-ସ୍କୁଟର ଚାଳକ
ବାଙ୍କୀ: ବାରଙ୍ଗ ପୁରୀ କେନାଲରେ ପୁଣି ଅଘଟଣ। ଭାରସାମ୍ଯ ହରାଇ କେନାଲ ଭିତରକୁ ଖସି ପଡିଲେ ଇ-ସ୍କୁଟର ଚାଳକ। ସ୍କୁଟର ଚାଳକ ନିଖୋଜ। ପାଣି ଭତରୁ ସ୍କୁଟର ଓ ମୋବାଇଲ ଜବତ। ବିଳମ୍ବିତ ରାତିରେ ଘଟିଛି ଘଟଣା। ନଖରାର ରାକେଶ କୁମାର ସାହୁ ଗତକାଲି ରାତିରେ ନରାଜ ନିକଟସ୍ଥ ଏକ ପ୍ରତିଷ୍ଠିତ ଦୁଗ୍ଧ କମ୍ପାନୀରେ କାର୍ଯ୍ୟସାରି ଫେରୁଥିଲେ। ଭାରସାମ୍ଯ ହରାଇ କାନପୁର ନିକଟସ୍ଥ ପୁରୀ କେନାଲକୁ ଖସିପଡିଥିଲେ। କେନାଲରୁ ଯୁବକଙ୍କ ଇ-ସ୍କୁଟର ଓ ମୋବାଇଲ ଜବତ କରିଛି ବାରଙ୍ଗ ପୋଲିସ।
ଜନ୍ମଦିନ ପାଳିବା ହେଲା କାଳ
କଟକ: ଜନ୍ମଦିନ ପାଳିବା ହେଲା କାଳ। ସଟ ସର୍କିଟ ଯୋଗୁଁ ଚାଲିଗଲା ଜୀବନ। ମୃତକ ଜଣକ ହେଲେ କଟକ ଷ୍ଟୁଆଟ ପାଟଣା ଅଞ୍ଚଳର ଆଲୋକ ପ୍ରଧାନ। ଅଲୋକଙ୍କ ବୟସ ୨୩ ବର୍ଷ। ଆଲୋକ ତାଙ୍କ ସାଙ୍ଗ ଆକାଶଙ୍କ ଜନ୍ମଦିନ ପାଳିବା ପାଇଁ କଟକ ତୁଳସୀପୁର ସ୍ଥିତ ମଧୁକୁଞ୍ଜ ପାର୍କ ଯାଇଥିଲେ। ଆଲୋକ ଓ ତାଙ୍କ ସାଙ୍ଗ ଉଦିତ କେକ୍ କାଟି ଫେରିବା ବେଳେ ପାର୍କ ସମ୍ନାରେ ଥିବା ଏକ ଇଲେକ୍ଟ୍ରି ଖୁଣ୍ଟିରେ ସଂଯୋଗ ହେବାରୁ ଦୁଇ ଜଣଙ୍କୁ କରେଣ୍ଟ ଆଘାତ ହୋଇଥିଲା। ଘଟଣା ସ୍ଥଳରେ ଆଲୋକଙ୍କର ମୃତ୍ୟ ହୋଇଥିଲା। ଉଦିତ ଗୁରୁତର ଭାବେ ଆହତ ହୋଇଥିଲେ। ଦୁଇ ସାଙ୍ଗଙ୍କୁ ଏସସିବି ମେଡିକାଲକୁ ସ୍ଥାନାନ୍ତର କରାଯାଇଥିଲା। ଡାକ୍ତର ଆଲୋକଙ୍କୁ ମୃତ ଘୋଷଣା କରିଥିବା ବେଳେ ଉଦିତଙ୍କର ଚାଲିଛି ଚିକିତ୍ସା।
ଆଜି ଏହିସବୁ ଜିଲ୍ଲାରେ କାଳବୈଶାଖୀ ପ୍ରଭାବରେ ହୋଇପାରେ ବର୍ଷା
ଭୁବନେଶ୍ବର: ରାଜ୍ୟରେ ବଦଳିଛି ପାଗ, ତାତିରୁ ମିଳିଛି ଅସ୍ବସ୍ତି । ସ୍ବାଭାବିକ ଠାରୁ ୨ ରୁ ୪ ଡିଗ୍ରୀ ପର୍ଯ୍ୟନ୍ତ ତାପମାତ୍ରା କମିଛି। ଏକ ପଶ୍ଚିମା ଝଡ ସକ୍ରିୟ ହୋଇଥିବା ବେଳେ ବାୟୁମଣ୍ଡଳର ଉପରିଭାଗରେ ଏକ ନିମ୍ନଚାପରେଖା ସୃଷ୍ଟି ହୋଇଛି। ଏହାସହ ଉପକୂଳ ଓଡ଼ିଶାରେ ଏକ ଗୁରୁଚାପବଳୟ ସକ୍ରିୟ ରହିଛି । ଫଳରେ ରାଜ୍ୟକୁ ପ୍ରଚୁର ମାତ୍ରାରେ ଜଳୀୟବାଷ୍ପ ପୂର୍ଣ୍ଣ ବାୟୁ ପ୍ରବେଶ କରୁଛି । ୩ଟି ଯାକ ପାଣିପାଗ ପ୍ରତିକ୍ରିୟାଶୀଳ ହୋଇ ଘଡଘଡି ବିଜୁଳି ସହ ରାଜ୍ୟରେ ଝଡବର୍ଷା ସୃଷ୍ଟି କରିବାରେ ସହାୟକ ହେଉଛି । ଆଜି ବି କେତେକ ଜିଲ୍ଲାରେ କାଳବୈଶାଖୀ ବର୍ଷା ହେବ । ୧୦ ତାରିଖରୁ ପାଗ ବଦଳିବା ସମ୍ଭାବନା ରହିଛି।
ଘାଟିରୁ ଓଲଟିଲା ପର୍ଯ୍ୟଟକ ବସ
ବାରିପଦା: ବାଙ୍ଗିରିପୋଷି ଘାଟିରେ ଦୁର୍ଘଟଣା। ଭାରସାମ୍ୟ ହରାଇ ଘାଟିରୁ ଓଲଟିଲା ପର୍ଯ୍ୟଟକ ବସ। ଦୁର୍ଘଟଣାରେ ବସର ଡ୍ରାଇଭର ସମେତ ୨୦ ଜଣ ଯାତ୍ରୀ ଆହତ ହୋଇଛନ୍ତି। ସମସ୍ତ ଆହତଙ୍କୁ ନିକଟସ୍ଥ ବାଙ୍ଗିରିପୋଷି ଡାକ୍ତରଖାନାକୁ ସ୍ଥାନାନ୍ତର କରାଯାଇଛି। ଅଗ୍ନିଶମ ବାହିନୀର କର୍ମଚାରୀମାନେ ବସ୍ କାଟି ଡ୍ରାଇଭରକୁ ଉଦ୍ଧାର କରିଥିଲେ। ଘଟଣାସ୍ଥଳରେ ପୋଲିସ ପହଞ୍ଚି ତଦନ୍ତ ଆରମ୍ଭ କରିଛି। ପଶ୍ଚିମବଙ୍ଗ ରେଜିଷ୍ଟ୍ରେସନ ନମ୍ବର ଥିବା ବସଟି ପର୍ଯ୍ୟଟକଙ୍କୁ ନେଇ ଆସୁଥିବା ବେଳେ ଘାଟିରେ ଭାରସାମ୍ୟ ହରାଇ ଓଲଟଇ ପଡ଼ିଥିଲା।
ରାଜ୍ୟ ବିଜେପିରେ ପ୍ରାର୍ଥୀ ଚୟନକୁ ନେଇ ତୀବ୍ର ହେଉଛି କନ୍ଦଳ
ଭୁବନେଶ୍ବର: ରାଜ୍ୟ ବିଜେପିକୁ ଶନିଦଶା। ରାଜ୍ୟରେ ସରକାର ଗଢିବାର ସ୍ବପ୍ନ ଦେଖୁଥିବା ବିଜେପି ପାଇଁ ସ୍ଥିତି ଅନୁକୂଳ ନୁହେଁ । ବିଜେପିର ବିଧାନସଭା ପ୍ରାର୍ଥୀ ଘୋଷଣା ପରଠାରୁ ଦଳରେ ବିବାଦ ଥମୁନାହିଁ। ଦିନକୁ ଦିନ ତେଜିବାରେ ଲାଗିଛି ଅସନ୍ତୋଷ । ଦଳ ବିରୋଧରେ ବିଦ୍ରୋହ ବ୍ୟାପିବାରେ ଲାଗିଛି । ଦଳରୁ ବରିଷ୍ଠ ନେତା ଓ କର୍ମୀଙ୍କ ଇସ୍ତଫାର ସୁଅ ଜାରି ରହିଛି । ମହିଳାଙ୍କୁ ଅସମ୍ମାନ, ଟିକେଟ ବିକ୍ରି, ପକ୍ଷପାତିତା, ପ୍ରାର୍ଥୀ ଚୟନରେ ଅଣଦେଖା ଭଳି ଅଭିଯୋଗ ଦଳକୁ ଅଧିକ କ୍ଷତାକ୍ତ କରୁଛି। ରାଜ୍ୟ ବିଜେପିରେ ପ୍ରାର୍ଥୀ ଚୟନକୁ ନେଇ ତୀବ୍ର ହେଉଛି କନ୍ଦଳ। ଦକ୍ଷତା ନୁହଁ ଟଙ୍କାରେ ଟିକେଟ ମିଳୁଥିବା ସାଂଘାତିକ ଅଭିଯୋଗ । ଦଳର ରାଜ୍ୟ ଉପସଭାପତି ଭୃଗୁ ବକ୍ସିପାତ୍ର, ଅନ୍ୟତମ ଉପସଭାପତି ଲେଖାଶ୍ରୀ ସାମନ୍ତସିଂହାର, ମହିଳା ମୁଖପାତ୍ର ସୋନାଲି ସାହୁ, ନାରୀ ନେତ୍ରୀ ଇରାନୀ ରାୟ ଦଳକୁ ବାଏ ବାଏ କରିଛନ୍ତି । ସେହିଭଳି କଟକ ଜିଲ୍ଲା ସଭାପତି ପ୍ରକାଶ ବେହେରା, ବିଧାୟକ ସୁକାନ୍ତ ନାୟକ, ପୂର୍ବତନ ମନ୍ତ୍ରୀ ତଥା ବାଲେଶ୍ବର ଜିଲ୍ଲାର ଟାଣୁଆ ନେତା ରଘୁନାଥ ମହାନ୍ତିଙ୍କ ସମେତ ଦଳର ଅନେକ କର୍ମକର୍ତ୍ତା ଏହା ଭିତରେ ବିଜେପି ଛାଡିଛନ୍ତି । ଦଳ ଛାଡ଼ିବା ବେଳେ ନେତା ନେତ୍ରୀମାନେ ମହିଳାଙ୍କୁ ଅସମ୍ମାନ, ବିଚାରଧାରାରେ ସାଲିସ, ଆମଦାନୀ ନେତାଙ୍କୁ ଗୁରୁତ୍ବ ଦେଇ ପୁରୁଖା ସଙ୍ଗଠକମାନଙ୍କୁ ଅଣଦେଖା କରିବା ଭଳି ଅଭିଯୋଗ ଆଣିଛନ୍ତି । ଦଳରୁ କର୍ମୀ ଓ ନେତାଙ୍କ ସାମୁହିକ ଇସ୍ତଫା ଦଳରେ ବିଭ୍ରାଟ ଚାଲିଛି ଏବଂ ଏହା ନିୟନ୍ତ୍ରଣ ବାହାରେ ବୋଲି ବିଶେଷଜ୍ଞ କହିଛନ୍ତି।
ଅନୁଗୁଳରୁ ମୟୂରଭଞ୍ଜ, ବରଗଡ଼ରୁ ବାଲେଶ୍ବର, ଯାଜପୁରରୁ ଜଗତସିଂହପୁର, କେନ୍ଦ୍ରାପଡ଼ାରୁ ନୂଆପଡ଼ା, ଭଦ୍ରକରୁ କେନ୍ଦୁଝର ସବୁଠି ତେଜୁଛି ବିଜେପିର ଅନ୍ତଃକନ୍ଦଳ। ବିଧାନସଭା ପ୍ରାର୍ଥୀ ଚୟନକୁ ନେଇ ବଢୁଛି ଅସନ୍ତୋଷ। ରବିବାର ବି ରାଜ୍ୟ କାର୍ଯ୍ୟାଳୟରେ କଟକ ଜିଲ୍ଲା ବାଙ୍କୀ ଅଞ୍ଚଳରୁ ଦଳୀୟ କର୍ମୀ ଓ ନେତାମାନେ ପ୍ରାର୍ଥୀ ଚୟନକୁ ନେଇ ଅସନ୍ତୋଷ ଜାହିର କରିଛନ୍ତି । ଏପଟେ ସିଟିଂ ବିଧାୟକମାନଙ୍କୁ ଦଳ ଟିକେଟ ଦେବ କି ନାହିଁ ତାହା ବି ସନ୍ଦେହ ସୃଷ୍ଟି କରିଛି । ମୟୂରଭଞ୍ଜ ଜିଲ୍ଲାର ସାରସକଣା ଆସନରେ ବିଧାୟକ ଡ଼. ବୁଦାନ ମୁର୍ମୁ ଏବେ ଟିକେଟ ନେଇ ଆଶା ଆଶଙ୍କାରେ। କେନ୍ଦ୍ରମନ୍ତ୍ରୀ ବିଶ୍ବେଶ୍ବର ଟୁଡ଼ୁ ଏହି ଆସନ ଉପରେ ନଜର ପକାଇଥିବା ବେଳେ ବିଜେଡ଼ିରୁ ଆସିଥିବା ଆଉ ଜଣେ ପୂର୍ବତନ ବିଧାୟକ ବି ଟିକେଟ ଦୌଡ଼ରେ ଅଛନ୍ତି। ନିର୍ବାଚନ ପୂର୍ବରୁ ଅନେକ ନେତା ଦଳ ଛାଡ଼ିବା ବିଜେପି ଉପରେ କୁପ୍ରଭାବ ପକାଇବ ବୋଲି କହିଛନ୍ତି ବିଧାୟକ ବୁଦାନ ମୁର୍ମୁ।
କୋଟିଆରେ କ୍ଷେତରେ ଖେଳୁଛି ବିଦେଶୀ ଫଳ
ପଟାଙ୍ଗୀ: କୋଟିଆରେ ଲାଲ ଟହ ଟହ ଷ୍ଟ୍ରବେରୀ ଚାଷ। ସ୍ୱାବଲମ୍ବୀ ହେଉଛନ୍ତି ସ୍ୱୟଂ ସହାୟକ ଗୋଷ୍ଠୀର ମହିଳା । ଓଡ଼ିଶା ସରକାରଙ୍କ ନିର୍ଦ୍ଦେଶ କ୍ରମେ ବିଦେଶୀ ଫଳ କୁ କୋଟିଆରେ ଫଳେଇବାରେ ସଫଳ ହୋଇଛି କୋରାପୁଟ ପ୍ରଶାସନ। ଜାନୀଗୁଡା, ଡୋଳିଆମ୍ବ, ଏବଂ ନୂଆଗାଁ ପଞ୍ଚାୟତର ଗାଲିଗାବଡ଼ର ଗାଁରେ ଷ୍ଟ୍ରବେରୀ ଚାଷ। ଖୁସି ଅଛନ୍ତି ଅଞ୍ଚଳବାସୀ।
କ୍ଷେତରେ ଖେଳୁଛି ବିଦେଶୀ ଫଳ। ଲାଲ୍ ଟହ ଟହ ଷ୍ଟ୍ରବେରୀ ଚାଷରୁ ହେଉଛି ଭଲ ରୋଜଗାର। କୋଟିଆରେ ଷ୍ଟ୍ରବେରୀ ଚାଷ କରି ସ୍ବାବଳମ୍ବୀ ମହିଳା। ଜାନୀଗୁଡା, ଡୋଳିଆମ୍ବ ଏବଂ ନୂଆଗାଁ ପଞ୍ଚାୟତର ଗାଲିଗାବଡ଼ର ଗାଁରେ ବିପୁଳ ପରିମାଣରରେ ଷ୍ଟ୍ରବେରୀ ଚାଷ ହୋଇ ବିଦେଶକୁ ରପ୍ତାନି ହେଉଛି। କୋରାପୁଟ ପ୍ରଶାସନ ନିର୍ଦ୍ଦେଶରେ ଆଇଟିଡିଏ ଅଧିକାରୀ ଗାଁରେ ପହଁଚି ସ୍ଵୟଂ ସହାୟକ ଗୋଷ୍ଠୀର ମାଆ ମାନଙ୍କୁ ଷ୍ଟ୍ରବେରୀ ଚାଷ ପାଇଁ ପ୍ରଶିକ୍ଷଣ ଦେଇଥିଲେ। ୩ ଏକର ପାହାଡ଼ିଆ ଜମିରେ ଷ୍ଟ୍ରବେରୀ ଚାଷ କରାଯାଉଛି। ପାହାଡ଼ର ତଳ ସ୍ଥାନରେ ରହିଥିବା ଝରଣା ପାଣୀକୁ ମୋଟର ସାହାଯ୍ୟରେ ପାଣୀ ଟାଙ୍କିରେ ସଂରକ୍ଷଣ କରିବା ପରେ ସେଠାରୁ ବୁନ୍ଦା ଜଳ ସେଚନ ପଦ୍ଧତିରେ ସମସ୍ତ ଜମିକୁ ପାଣି ସଂଯୋଗ କରିବା ସହ ବିନା ସାରରେ ଜୈବିକ ପଦ୍ଧତିରେ ଚାଷ କରାଯାଇଛି।
ଗତ ବର୍ଷ ମଧ୍ଯ ଏଠାରେ ଷ୍ଟବେରୀ ଚାଷ କରାଯାଇଥିଲା। ଚଳିତ ବର୍ଷ କୋଟିଆର ବିଭିନ୍ନ ଗାଁର ମାଆ ମାନେ ଷ୍ଟ୍ରବେରୀ ଚାଷ ଦେଖି ନିଜେ କରିବା ନିମନ୍ତେ ଇଚ୍ଛା ପ୍ରକାଶ କରିଥିଲେ। ଆଜି ପର୍ଯ୍ୟନ୍ତ ଆଖପାଖ କୋରାପୁଟ ଜିଲ୍ଲାରେ ୧ ଲକ୍ଷ ୫୦ ହଜାର ଟଙ୍କାର ଷ୍ଟ୍ରବେରୀ ଫଳକୁ ପ୍ଲାଷ୍ଟିକ ଡ଼ବାରେ ଫ୍ଯାକିଂ କରି ବିକ୍ରୀ କରାଯାଇଛି।