ଭୁବନେଶ୍ବର: ଓଡ଼ିଶାରେ ଜୋରଦାର ପ୍ରଚାର କରିବ କଂଗ୍ରେସ । ରାଜ୍ଯରେ କ୍ୟାମ୍ପେନ କରିବେ କଂଗ୍ରେସ ଅଧ୍ଯକ୍ଷ ମଲ୍ଲିକାର୍ଜୁନ ଖଡଗେ, କଂଗ୍ରେସ ନେତା ରାହୁଲ ଗାନ୍ଧୀ ଓ ପ୍ରିୟଙ୍କା ଗାନ୍ଧୀ ।
ରାହୁଲ ଗାନ୍ଧୀ ଦୁଇ ଥର ଓଡ଼ିଶା ଆସିବା ନେଇ ସୂଚନା ମିଳିଛି । କଟକର ସାଲେପୁର ଓ ରାୟଗଡ଼ା ଆସିବେ ରାହୁଲ । ଏପ୍ରିଲ ୨୮ ଓ ମେ ୩ ତାରିଖରେ ରାହୁଲ ଓଡ଼ିଶା ଆସି ପ୍ରଚାର କରିପାରନ୍ତି । ସେହିପରି ମେ ୬ତାରିଖରେ ଓଡ଼ିଶା ଆସିପାରନ୍ତି ପ୍ରିୟଙ୍କା । ମେ ୭ରେ କଂଗ୍ରେସ ଅଧ୍ୟକ୍ଷ ଖଡଗେ ପ୍ରଚାର ପାଇଁ ଓଡ଼ିଶା ଆସିବା ସୂଚନା ମିଳିଛି । କେନ୍ଦ୍ରୀୟ ନେତାଙ୍କ ଗସ୍ତ ନେଇ କଂଗ୍ରେସ ସୂତ୍ରରୁ ସୂଚନା ମିଳିଛି ।
ଭୁବନେଶ୍ବର: ନିର୍ବାଚନ ଆଚରଣ ଵିଧି ଉଲଂଘନ ବିଜେପିର ଅଭ୍ୟାସ ହୋଇ ପଡ଼ିଲାଣି । ପିଲା ମାନଙ୍କୁ ନିର୍ବାଚନ କାମରେ ବ୍ୟବହାର କରିବା ହେଉ କି ସରକାରୀ ଅଧିକାରୀଙ୍କୁ ଧମାକାଇବା ପରି ଘଟଣା ନେଇ ଆମେ ପୂର୍ବରୁ ମୁଖ୍ୟ ନିର୍ବାଚନ ଅଧିକାରୀଙ୍କ ପାଖରେ ଫେରାଦ ହୋଇଥିଲା ।
ଗତ ୨୦ ତାରିଖରେ କେନ୍ଦୁଝର ସଦର ପଦମପୁର ଗ୍ରାମ ପଞ୍ଚାୟତର ସରସ୍ବତୀ ଶିଶୁ ବିଦ୍ୟା ମନ୍ଦିରରେ ନିର୍ବାଚନ ମିଟିଙ୍ଗ କରିଥିଲେ ବିଜେପି କେନ୍ଦୁଝର ବିଧାୟକ ପ୍ରାର୍ଥୀ ମୋହନ ମାଝୀ । ଶିକ୍ଷାନୁଷ୍ଠାନକୁ ନିର୍ବାଚନ କାମରେ ବ୍ୟବହାର କରିବା ହିଁ ଆଦର୍ଶ ଆଚରଣ ଵିଧିର ଉଲଂଘନ । ଏହା ବିରୋଧରେ ପଦକ୍ଷେପ ନେବାକୁ CEO ଙ୍କୁ ଅନୁରୋଧ କରିଛନ୍ତି ବିଜେଡିର ଏକ ପ୍ରତିନିଧି ମଣ୍ଡଳ ।
ବେଙ୍ଗାଲୁରୁ: କର୍ଣ୍ଣାଟକରେ ନେହା ହତ୍ୟାକାଣ୍ଡ ପରେ ଆହୁରି ଏକ ଲଜ୍ୟାଜନକ ଘଟଣା ସାମନାକୁ ଆସିଛି । ୨୮ ବର୍ଷୀୟା ବିବାହିତା ମହିଳାଙ୍କୁ ବ୍ଲାକମେଲ୍ କରି ଇସଲାମ ଧର୍ମ ଗ୍ରହଣ କରିବା ପାଇଁ ବାଧ୍ୟ କରାଯାଇଛି । ମହିଳାଙ୍କ ଅଭିଯୋଗ ପରେ ୭ ଜଣଙ୍କ ବିରୋଧରେ ମାମଲା ରୁଜୁ ହୋଇଛି । ମହିଳା ଅଭିଯୋଗ କରିଛନ୍ତି ଯେ ଅଭିଯୁକ୍ତ ଜଣକ ତାଙ୍କ ପତ୍ନୀଙ୍କ ସାମନାରେ ମହିଳାଙ୍କୁ ଦୁଷ୍କର୍ମ କରିବା ସହ ତାଙ୍କୁ ବୁର୍ଖା ପିନ୍ଧିବା ପାଇଁ ବାଧ୍ୟ କରିଥିଲେ ।
ଅଭିଯୁକ୍ତ ରଫିକ ଓ ତା ପତ୍ନୀ ମହିଳାଙ୍କୁ ଦୁର୍ବ୍ୟବହାର କରିବା ପରେ ଯୌନ ନିର୍ଯାତନା ଦେଇଥିଲେ । ଏହାପରେ ମହିଳାଙ୍କ ଅଶ୍ଲୀଳ ଫଟୋ ନେଇ ତାଙ୍କୁ ବ୍ଲାକମେଲ କରୁଥିଲେ । ହିନ୍ଦୁ ଧର୍ମ ପରିବର୍ତ୍ତନ କରି ଇସଲାମ ଧର୍ମ ଆପଣାଇବାକୁ ସେମାନେ ବାଧ୍ୟ କରୁଥିଲେ । ରଫିକ ଓ ତା ପତ୍ନୀ ମହିଳାଙ୍କୁ ଗତବର୍ଷ ବେଲଗାବୀ ସ୍ଥିତ ନିଜ ଘରେ ରହିବା ପାଇଁ ବାଧ୍ୟ କରିଥିବା ପୋଲିସ ତଦନ୍ତରୁ ଜାଣିବାକୁ ପାଇଛି ।
ସେହି ସମୟରେ ହି ପତ୍ନୀଙ୍କ ସାମନାରେ ମହିଳାଙ୍କୁ ଦୁଷ୍କର୍ମ କରିଥିଲା ରଫିକ । ଚଳିତ ଏପ୍ରିଲ ମାସରେ ଦମ୍ପତି ମହିଳାଙ୍କୁ ସିନ୍ଦୂର ନ ଲଗାଇବା ପାଇଁ କହିଥିଲେ । ସେହିପରି ଜୋର ଜବରଦସ୍ତ ବୁର୍ଖା ପିନ୍ଧିବାକୁ କହି ଦିନରେ ୫ଥର ନମାଜ ପଢିବା ପାଇଁ ବାଧ୍ୟ କରୁଥିଲେ ।
ଇସଲାମାବାଦ: ମଧ୍ୟପ୍ରାଚ୍ଯରେ ସଙ୍କଟ ବଳବତ୍ତର ରହିଥିବାବେଳେ ପାକିସ୍ତାନ ଗସ୍ତ କରିଛନ୍ତି ଇରାନ ରାଷ୍ଟ୍ରପତି ଇବ୍ରାହିମ ରାଇସି । ସେ ପାକିସ୍ତାନ ରାଷ୍ଟ୍ରପତି ଅସିଫ ଅଲ୍ଲୀ ଜର୍ଦ୍ଦାରୀ, ପ୍ରଧାନମନ୍ତ୍ରୀ ଶେହବାଜ ସରିଫ ଓ ସାମରିକ କର୍ତ୍ତୃପକ୍ଷଙ୍କୁ ଭେଟିବା କାର୍ଯ୍ୟକ୍ରମ ରହିଛି । ଡାମାସ୍କସ ଦୂତାବାସ ହମଲାକୁ ନେଇ ଇସ୍ରାଏଲ ଉପରେ ଇରାନର ହମଲା ଓ ଜବାବରେ ଇରାନ ଉପରେ ଇସ୍ରାଏଲର ହମଲା ନେଇ ମଧ୍ଯପ୍ରାଚ୍ଯରେ ଉତ୍ତେଜନା ଜାରି ରହିଥିବାବେଳେ ରାଇସିଙ୍କ ଏହି ଗସ୍ତ ଗୁରୁତ୍ବପୂର୍ଣ୍ଣ ହୋଇଛି ।
ସୀମାରେ ଇରାନର ଏୟାରଷ୍ଟ୍ରାଇକର ଜବାବରେ ଇରାନର କେତେକ ଅଞ୍ଚଳରେ ପାକିସ୍ତାନର ପ୍ରିସିସନ ଏୟାର ଷ୍ଟ୍ରାଇକକୁ ନେଇ ଦୁଇଦେଶ ମଧ୍ଯରେ ସାମାନ୍ୟ ଉତ୍ତେଜନା ପ୍ରକାଶ ପାଇଥିଲା । ତେବେ ସେହି ସଙ୍କଟକୁ ହଟାଇ ଦୁଇ ଦେଶ ମଧ୍ଯରେ ଉତ୍ତମ ସମ୍ପର୍କ ସ୍ଥାପନ ଲାଗି ରାଇସିଙ୍କ ଏହି ଗସ୍ତ ଉଦ୍ଦିଷ୍ଟ ବୋଲି କୁହାଯାଉଛି ।
ବାଲୁଚିସ୍ଥାନରେ ଅବସ୍ଥିତ ସୁନ୍ନି ବାଲୁଚ ଆତଙ୍କୀ ଗୋଷ୍ଠୀର ଜୈସ ଅଲ ଆଦଲର କେତେକ ସ୍ଥଳୀ ଉପରେ ଡ୍ରୋନ ଓ ମିସାଇଲରେ ଆକ୍ରମଣ କରିଥିଲା ପାକିସ୍ତାନ । ସେପଟେ ଇସ୍ରାଏଲକୁ ଅଧିକ ଅସ୍ତ୍ରଶସ୍ତ୍ର ଦେବା ଲାଗି ପ୍ରସ୍ତାବ ଆମେରିକାରେ ମଞ୍ଜୁରୀ ମଳିଛି । ଏହାକୁ ନେଇ ଇସ୍ରାଏଲ-ଇରାନ ମଧ୍ୟରେ ମୁହାଁମୁହିଁ ସ୍ଥିତି ସାମାନ୍ଯ ଦୂର ହୋଇଥିବା ସୂଚନା ମିଳିଛି । ୧୩ ବିଲିୟନ ଡଲାରର ସାମରିକ ସହାୟତାରେ ରହିଛି ଆଇରନ ଡ୍ରୋନ ଏୟାର ଡିଫେନସ ସିଷ୍ଟମ ଅନ୍ଯାନ୍ୟ ଯୁଦ୍ଧାସ୍ତ୍ର । ଆମେରିକାର ଏହି ନିଷ୍ପତ୍ତିକୁ ପ୍ରଶଂସା କରିଛନ୍ତି ଇସ୍ରାଏଲ ପ୍ରଧାନମନ୍ତ୍ରୀ ବେଞ୍ଜାମିନ ନେତାନ୍ଯାହୁ ।
ତେଣେ ଇସ୍ରାଏଲ ଡିଫେନ୍ସ ଫୋର୍ସ ଅଧୀନରେ ଥିବା ନେତଜା ୟେହୁଦା ବାଟାଲିଅନ ଉପରେ ଆମେରିକା ଖୁବ ଶୀଘ୍ର କଟକଣା ଲଗାଇବ ବୋଲି ସୂଚନା ମିଳିଛି। ୱେଷ୍ଟବ୍ଯାଙ୍କ ଓ ଗାଜାରେ ଏହି ବାହିନୀ ମାନବାଧିକାର ଉଲ୍ଲଂଘନ କରିଥିବାର ବହୁ ପ୍ରମାଣ ମିଳିଛି।
ରୋମ: ବିବିଧତାର ଦେଶ ଭାରତରେ ଭିନ୍ନ ପ୍ରକାରର ବିବାହ ମଧ୍ୟ ଦେଖିବାକୁ ମିଳେ । ଭାରତୀୟ ବିବାହରେ, ଆପଣ ଏପରି ଅନେକ ରୀତିନୀତି ଦେଖିବାକୁ ପାଇବେ ଯାହା ଆପଣ ପୂର୍ବରୁ କେବେ ଶୁଣି ନଥିବେ । ଅଧିକାଂଶ ବିବାହରେ କେତେକ ରୀତିନୀତି ସମାନ । ଆପଣ ଏପରି କୌଣସି ବିବାହ ବିଷୟରେ ଶୁଣିଛନ୍ତି ଯେଉଁଥିରେ ବରର ସାଙ୍ଗମାନେ କନ୍ୟାକୁ ଅପହରଣ କରି ଟଙ୍କା ପାଇବା ପରେ ମଣ୍ଡାପକୁ ଫେରାଇ ଦିଅନ୍ତି । ଆସନ୍ତୁ ଜାଣିବା ଏହି ବିବାହ ପରମ୍ପରା କେଉଁଠୁ ଆସିଛି ଏବଂ ଏହା କାହିଁକି ଏକ ଅଦ୍ଭୁତ ଅଭ୍ୟାସ ?
ଦୁନିଆରେ ଏପରି ଏକ ଦେଶ ଅଛି ଯାହା ଏହାର ଅଦ୍ଭୁତ ପରମ୍ପରା ପାଇଁ ବେଶ୍ ଲୋକପ୍ରିୟ । ବିବାହ ପୂର୍ବରୁ କନ୍ୟାକୁ ଅପହରଣ କରାଯାଇଥାଏ । ଇଟାଲୀର ରୋମରେ ଏହା ଏକ ପରମ୍ପରା । ଏହି ପ୍ରକାରର ବିବାହରେ ବରର ସମସ୍ତ ସାଙ୍ଗମାନେ ତାଙ୍କ ସମ୍ପର୍କୀୟଙ୍କ ସହିତ କନ୍ୟାକୁ ଅପହରଣ କରନ୍ତି । ଏହି ପରମ୍ପରାର ମଜାଳିଆ କଥା ହେଉଛି ବେଳେବେଳେ ଲୋକମାନେ ଭାବନ୍ତି ଯେ କନ୍ୟାକୁ ପ୍ରକୃତରେ ଅପହରଣ କରାଯାଇଛି । ତେବେ ଏହି ଅପହରଣ ସର୍ବଦା ମିଥ୍ୟା ଅଟେ। ଏଥିରେ ବରର ବନ୍ଧୁ ଏବଂ ସମ୍ପର୍କୀୟମାନେ ଅପରାଧୀଙ୍କ ପରି ମାସ୍କ ପିନ୍ଧି ନକଲି ଅସ୍ତ୍ରଶସ୍ତ୍ର ନେଇ ଆସନ୍ତ । ଯେଉଁଥିପାଇଁ ଲୋକମାନେ ସେମାନଙ୍କୁ ପ୍ରକୃତ ଅପରାଧୀ ବୋଲି ଭାବନ୍ତି ।
ଅପହରଣ ପରେ କନ୍ୟାର ମୁକ୍ତି ବିନା ବିବାହ ସମ୍ଭବ ନୁହେଁ। କନ୍ୟାକୁ ଅପହରଣ କରିବା ପରେ ମୁକ୍ତି ଦାବି କରାଯାଇଥାଏ। ଏଥିରେ ବରର ସାଙ୍ଗମାନେ କନ୍ୟାର ମୁକ୍ତି ପାଇଁ ମଦ ଆବଶ୍ୟକ କରନ୍ତି । ଏହା ବ୍ୟତୀତ ମୁକ୍ତି ପାଇଁ ବରକୁ କନ୍ୟା ଆଗରେ ଆଣ୍ଠୁମାଡି ବସି ପ୍ରପୋଜ କରିବାକୁ ବି ପଡିଥଆଏ ।
କେବଳ ମଜାମସ୍ତି ପାଇଁ ଏଭଳି ପରମ୍ପରା ଇଟାଲୀରେ ପାଳନ କରାଯାଇଥାଏ । କେବଳ ଯୁବପିଢି ଏହି ପରମ୍ପରାକୁ ଅଧିକ ଉପଭୋଗ କରିଥାନ୍ତି ।
ଭୁବନେଶ୍ବର: ରାଜ୍ଯରେ କମିଛି ଖରା ଜାରି ରହିଛି ଗୁଳିଗୁଳି । ଆଜି ସକାଳ ସାଢେ ୮ଟା ସୁଦ୍ଧା ୧୪ ସହରର ତାପମାତ୍ରା ୩୦ ଡିଗ୍ରୀ ପାର କରିଛି । ଏହା ସହ ୩୫ ଡିଗ୍ରୀ ଉପରେ ରହିଛି ୨ ସହରର ପାରଦ ।
ଭଦ୍ରକରେ ସର୍ବାଧିକ ୩୫.୬ ଡିଗ୍ରୀ ତାପମାତ୍ରା ରେକର୍ଡ ହୋଇଥିବାବେଳେ ବାଲେଶ୍ବରରେ ୩୫.୪, ଫୁଲବାଣୀରେ ୩୪.୬, ଭୁବନେଶ୍ବରରେ ୩୪.୪, କଟକରେ ୩୪.୨, କେନ୍ଦୁଝର ଓ ବାରିପଦାରେ ୩୪, କେନ୍ଦ୍ରାପଡ଼ା ଓ ରାଉରକେଲାରେ ୩୩.୪, ଚାନ୍ଦବାଲିରେ ୩୩.୨, ପୁରୀରେ ୩୩, ସୋନପୁର ଓ ଟିଟିଲାଗଡ଼ରେ ୩୨.୪ ଓ ଜଗତସିଂହପୁରରେ ୩୨.୨ ଡିଗ୍ରୀ ତାତି ରେକର୍ଡ ହୋଇଛି ।
ତେବେ ଆଜି ତାତିରୁ ସାମାନ୍ଯ ଆଶ୍ବସ୍ତି ମିଳିବା ସମ୍ଭାବନା ରହିଛି । ଆଜି ରାଜ୍ୟର ବିଭିନ୍ନ ସ୍ଥାନରେ କଳାବୈଶାଖୀ ବର୍ଷା ସହ ଦିନତାପମାତ୍ରା ରେ ବିଭିନ୍ନ ସ୍ଥାନରେ 2 ରୁ 3 ଡ଼ିଗ୍ରୀ ଯାଏଁ ହ୍ରାସ ସମ୍ଭାବନା ରହିଛି । କାଳବୈଶାଖୀ ବର୍ଷା ପାଇଁ ୧୯ ଜିଲ୍ଲାକୁ ସତର୍କତା ଜାରି ହୋଇଛି ।
ପଟିଆଲା: ଏକ୍ସପାଏରୀ ଚକୋଲେଟ ଖାଇ ହସ୍ପିଟାଲରେ ଭର୍ତ୍ତି ଦେଢବର୍ଷର ଶିଶୁ । ପଞ୍ଜାବର ପଟିଆଲାରେ ଏକ ଗ୍ରୋସରୀ ଦୋକାନ ଚକୋଲେଟ କିଣି ଖାଇବା ପରେ ଅସୁସ୍ଥ ହୋଇପଡିଥିଲା ଶିଶୁ । ସ୍ବାସ୍ଥ୍ୟ ବିଭାଗ ଓ ପୋଲିସର ତଦନ୍ତ ପରେ ଚକୋଲେଟ ଏକ୍ସପାଏରୀ ହୋଇଯାଇଥିବା ଜଣାପଡିଛି ।
ଲୁଧିଆନାର କୁନିଝିଅ ପରିବାର ଲୋକଙ୍କ ସହ ନିଜ ସମ୍ପର୍କୀୟଙ୍କ ଘର ପଟିଆଲା ଯାଇଥିଲା । ସେଠାରେ ତା ସମ୍ପର୍କୀୟ ଏକ ଦୋକାନରୁ ଚକୋଲେଟ କିଣି ଖାଇବାକୁ ଦେଇଥିଲେ । ଘରକୁ ଫେରିବା ପରେ ଝିଅଟି ରକ୍ତବାନ୍ତି କରିଥିଲା । ଏହାପରେ ତାକୁ ହସ୍ପିଟାଲରେ ଭର୍ତ୍ତି କରାଯାଇଥିଲା । କିନ୍ତୁ ଡାକ୍ତରୀ ପରୀକ୍ଷାରୁ ସେ କିଛି ବିଷାକ୍ତ ଖାଦ୍ୟ. ଖାଇଥିବା ଜଣାପଡିଥିଲା । ଏହା ଜାଣିବା ପରେ ଝିଅର ପରିବାର ପୋଲିସ ଓ ସ୍ବାସ୍ଥ୍ୟ ବିଭାଗ ନିକଟରେ ଅଭିଯୋଗ କରିଥିଲେ ।
ସ୍ବାସ୍ଥ୍ୟ ବିଭାଗର ଅଧିକାରୀମାନେ ଚକୋଲେଟ ଦୋକାନରେ ପହଢ୍ଚି କିଛି ନମୁନା ସଂଗ୍ରହ କରିଥିଲେ । ସେଠାରେ ଏକ୍ସପାଏରୀ ଜିନିଷ ବିକ୍ରି ହେଉଥିବା ଟିମ୍ ନଜରକୁ ଆସିଥିଲା । ଚକୋଲେଟ ବ୍ୟତୀତ କିଛି ଏକ୍ସପାଏରୀ ସ୍ନାକ୍ସକୁ ବି ଜବତ କରିଥିଲା ସ୍ବାସ୍ଥ୍ୟ ବିଭାଗ । ଘଟଣାର ତଦନ୍ତ ଜାରି ରହିଛି ।
ମାଲେ: ମାଲଦ୍ୱୀପରେ ଅନୁଷ୍ଠିତ ସଂସଦ ନିର୍ବାଚନରେ ରାଷ୍ଟ୍ରପତି ମହମ୍ମଦ ମୁଇଜ୍ଜୁଙ୍କ ନେତୃତ୍ୱରେ ପିପୁଲ୍ସ ନ୍ୟାସନାଲ କଂଗ୍ରେସ ୬୦ରୁ ଅଧିକ ଆସନ ଜିତି ବହୁମତ ହାସଲ କରିଛି। ଏହି ନିର୍ବାଚନ ଦେଶର ରାଷ୍ଟ୍ରପତି ମୁଇଜ୍ଜୁଙ୍କ ପାଇଁ ଅତ୍ୟନ୍ତ ଗୁରୁତ୍ୱପୂର୍ଣ୍ଣ ବିବେଚନା କରାଯାଉଛି । ମାଲଦ୍ବୀପରେ ନିଜର ପ୍ରଭାବ ବିସ୍ତାର କରିବା ପାଇଁ ଉଭୟ ଭାରତ ଏବଂ ଚୀନ୍ ପାଇଁ ଏହି ନିର୍ବାଚନ ବେଶ ଗୁରୁତ୍ବପୂର୍ଣ୍ଣ ରହିଥି୍ଲା ।
ନିର୍ବାଚନ ଆୟୋଗ ଦେଇଥିବା ସୂଚନା ଅନୁଯାୟୀ, ୨ ଲକ୍ଷ ୭ ହଜାର ୬୯୩ ଜଣ ଭୋଟ୍ ଦେଇଛନ୍ତି। ଏହି ଅନୁଯାୟୀ ଦେଶରେ ୭୨.୯୬ ପ୍ରତିଶତ ମତଦାନ ହୋଇଥିଲା। ଏଥିରେ ୧ ଲକ୍ଷ ୪ ହଜାର ୮୨୬ ପୁରୁଷ ଏବଂ ୧ ଲକ୍ଷ ୨ ହଜାର ୮୬୭ ମହିଳା ଅନ୍ତର୍ଭୁକ୍ତ । ମୋଟ୨ ଲକ୍ଷ ୮୪ ହଜାର ୬୬୩ ଜଣ ଭୋଟ୍ ଦେବାକୁ ଯୋଗ୍ୟ ହୋଇଥିଲେ।
ଦେଶର ସଂସଦୀୟ ନିର୍ବାଚନ ପାଇଁ ୬ଟି ଦଳର ୩୬୮ ଜଣ ପ୍ରାର୍ଥୀ ରହିଥିଲେ। ଏହି ୬ଟି ଦଳ ମଧ୍ୟରେ ମୁଇଜ୍ଜୁଙ୍କ ପିପୁଲ୍ସ ନ୍ୟାସନାଲ କଂଗ୍ରେସ (ପିଏନସି), ମୁଖ୍ୟ ବିରୋଧୀ ମାଲଦ୍ୱୀପ ଡେମୋକ୍ରାଟ୍ ପାର୍ଟି (ଏମଡିପି) ଏବଂ ୧୩୦ ଜଣ ସ୍ବାଧୀନ ପ୍ରାର୍ଥୀ ମଇଦାନରେ ଥିଲେ । ପିଏନସିରୁ ୯୦ ଜଣ ପ୍ରାର୍ଥୀ, ଏମିଡିପିରୁ ୮୯ ଜଣ, ଡେମୋକ୍ରାଟ୍ସରୁ ୩୯, ଜାମହୋରୀ ପାର୍ଟି (ଜେପି)ରୁ ୧୦, ମାଲଦ୍ୱୀପ ବିକାଶ ଆଲାଇନ୍ସ (ଏମଡିଏ) ଏବଂ ଆଡାଲାଥ ପାର୍ଟି (ଏପି)ରୁ ଚାରିଜଣ ଏବଂ ମାଲଦ୍ୱୀପ ନ୍ୟାସନାଲ ପାର୍ଟି (ଏମଏନପି)ରୁ ଦୁଇଜଣ ପ୍ରାର୍ଥୀ ରହିଥିଲେ।
ମୁଇଜ୍ଜୁଙ୍କ ନେତୃତ୍ୱାଧୀନ ପିଏନସି ୯୩ ସଦସ୍ୟ ବିଶିଷ୍ଟ ଲୋକସଭାରେ ୬୦ରୁ ଅଧିକ ସିଟ୍ ଜିତିଛି, ଯାହା ପ୍ରାୟ ଦୁଇ ତୃତୀୟାଂଶ ସଂଖ୍ୟାଗରିଷ୍ଠତା ହାସଲ କରିଛି। ଟ୍ରେଣ୍ଡ ଅନୁଯାୟୀ ମୁଇଜ୍ଜୁଙ୍କ ନେତୃତ୍ୱାଧୀନ ପିଏନସି ୬୭ଟି ସିଟ୍ ଜିତିଛି । ଏହା ପଛକୁ ଏମଡିପି ୧୨ଟି ସିଟ୍ ଏବଂ ସ୍ବାଧୀନ ପ୍ରାର୍ଥୀମାନେ ୧୦ଟି ସିଟ୍ ଜିତିଛନ୍ତି। ଅବଶିଷ୍ଟ ଆସନ ଅନ୍ୟ ଦଳକୁ ଯାଇଥିଲା।
ଚୀନ୍ର ଜଣେ ସମର୍ଥକ ନେତା ଭାବରେ ମୁଇଜ୍ଜୁଙ୍କ ପାଇଁ ଏହି ନିର୍ବାଚନ ଗୁରୁତ୍ୱପୂର୍ଣ୍ଣ ରହିଥିଲା । ନିର୍ବାଚନର କିଛି ଦିନ ପୂର୍ବରୁ ବିରୋଧୀ ଦଳ ୨୦୧୮ ମସିହା ଦୁର୍ନୀତି ରିପୋର୍ଟ ଲିକ୍ ହେବା ପରେ ରାଷ୍ଟ୍ରପତିଙ୍କ ବିରୋଧରେ ଯାଞ୍ଚ ଦାବି କରିଥିଲେ। ତେବେ ମୁଇଜୁ ଏହି ଅଭିଯୋଗକୁ ପ୍ରତ୍ୟାଖ୍ୟାନ କରିଥିଲେ। ଏହା ବ୍ୟତୀତ ମୁଇଜୁ ଦାୟିତ୍ୱ ଗ୍ରହଣ କରିବା ପରଠାରୁ ସାଂସଦମାନେ ତାଙ୍କ ତିନି ଜଣ ପ୍ରାର୍ଥୀଙ୍କୁ କ୍ୟାବିନେଟରେ ଅନ୍ତର୍ଭୁକ୍ତ କରିବାକୁ ରୋକ ଲଗାଇଥିଲେ ।
ଚୁରୁ: ରାଜସ୍ଥାନର ଚୁରୁ ପୋଲିସ ମାନବିକତାର ପରିଚୟ ଦେଇଛି । ଏଠାକାର ମ୍ୟୁନସିପାଲଟିରେ କାର୍ଯ୍ୟରତ ଜଣେ ଅସ୍ଥାୟୀ ସଫେଇ କର୍ମଚାରୀଙ୍କ ଝିଅ ବାହାଘର ସମ୍ପୂର୍ଣ୍ଣ କରିଚି ଚୁରୁ ପୋଲିସ । ଖୋଦ ଏସପି ସଫେଇକର୍ମୀ ମାୟା ଦେବୀଙ୍କ ଭାଇ ସାଜି ସବୁ ପରମ୍ପରା ପାଳନ କରିଛନ୍ତି ।
ଚୁରୁର ସଦର ଥାନା ଏବଂ ପୋଲିସ ଲାଇନରେ କାର୍ଯ୍ୟରତ ଅଛନ୍ତି ମାୟା ଦେବୀ । ସେ ମାସିକ ୧୧୬୦ ଟଙ୍କା ପାଇ ପରିବାର ପ୍ରତିପୋଷଣ କରିଥାନ୍ତି । ମାୟାଦେବୀଙ୍କ ୬ ଜଣ ପୁଅଝିଅ ଅଛନ୍ତି । ମାୟା ଦେବୀଙ୍କ ଚତୁର୍ଥ ଝିଅର ନିକଟରେ ବିବାହ ସ୍ଥିର ହୋଇଥିଲା । ଯେଉଁ ଖବର ଜଣାପଡିବା ପରେ ସଦର ଥଖାନା ପୋଲିସ ଲାଇନର ଯବାନ ମାନେ ତାଙ୍କୁ ସହଯୋଗ କରିବାକୁ ଆଗେଇ ଆସିଥିଲେ ।
ପୋଲିସକର୍ମୀ ମାନେ ଏ ସମ୍ପର୍କରେ ଏସପିଙ୍କୁ ଜଣାଇବା ପରେ ସେ ମାୟାଦେବୀଙ୍କ ଘରେ ପହଞ୍ଚି ପ୍ରଥମେ ତାଙ୍କୁ ଭଉଣୀ କରିଥିଲେ । ଏହାପରେ ଭାଇର କର୍ତ୍ତବ୍ୟ କରିବାକୁ ଯାଇ ସବୁ ପୋଲିସକର୍ମୀ ମିଶି ତାଙ୍କୁ ଦେଢ ଲକ୍ଷ ଟଙ୍କା ନଗଦ ରାଶି, ୨୦ ଡ୍ରେସ ଓ ୩ହଳ ଅଳଙ୍କାର ଆଭୂଷଣ ପ୍ରଦାନ କରିଥିଲେ ।
ନୂଆଦିଲ୍ଲୀ: ଖରା ଆରମ୍ଭରୁ ଗାଜିପୁର ଅଳିଆଗଦା ଜଳିବା ଆରମ୍ଭ କରିଛି । ରବିବାର ସନ୍ଧ୍ୟାରୁ ଜଳୁଛି ଅଳିଆଗଦା । ପବନ ବହିବା ଯୋଗୁଁ ଛଅ କିଲୋମିଟର ପର୍ଯ୍ୟନ୍ତ ବ୍ୟାପିଛି ନିଆଁ । ଏତେ ଧୂଆଁ କାରଣରୁ ଲୋକଙ୍କୁ ନିଶ୍ବାସ ନେବାରେ ସମସ୍ୟା ଦେଖାଦେଇଛି । ସୂଚନା ମିଳିବା ପରେ ଅଗ୍ନିଶମ ବିଭାଗ ଘଟଣାସ୍ଥଳରେ ପହଞ୍ଚି ନିଆଁକୁ ଆୟତ୍ତ କରିବା ପାଇଁ ପ୍ରୟାସ ଜାରି ରଖିଛି । ଖବର ଲେଖାଯିବା ସୁଦ୍ଧା ନିଆଁକୁ ଆୟତ୍ତ କରାଯାଇପାରିନାହିଁ ।
ମିଥେନ ଗ୍ୟାସ କାରଣରୁ ନିଆଁ ଲାଗିଥିବା ଆଶଙ୍କା କରାଯାଉଛି । ଅଗ୍ନିକାଣ୍ଡର କାରଣ ଖୋଜା ଚାଲିଛି । ଦିନକ ପୂର୍ବରୁ ଅଳିଆଗଦାରୁ ଧୂଆଁ ଉଠୁଥିୁବା ଦେକିବାକୁ ମିଳିଥିଲା । ସନ୍ଧ୍ୟା ସୁଦ୍ଧା ନିଆଁ ଚାରିଆଡେ ବ୍ୟାପିଥିଲା । ଅଗ୍ନିକାଣ୍ଡ ଏତେ ଭୀଷଣ ଥିଲା ଯେ ଆଇଇପି ଏକ୍ସଟେନସନ, ଗାଜିପୁର, ମୟୂର ବିହାର, ଖୋଡା ଓ ଇନ୍ଦିରାପୂରମ ପର୍ଯ୍ୟନ୍ତ ନିଆଁ ବ୍ୟାପିଥିଲା । ସ୍ଥାନୀୟ ବାସିନ୍ଦାଙ୍କୁ ନିଶ୍ବାସ ନେବାରେ ସମସ୍ୟା ହେବା ସହ ଆଖି ଜଳାପୋଡା ମଧ୍ୟ ହେଉଛି ।
ଏନଏଚ ୯ ସମେତ ଆଖପାଖରେ ଯାଇଥିବା ରାସ୍ତାରେ ଚାଳକଙ୍କୁ ମଧ୍ୟ ଏହି ସମସ୍ୟା ଦେଇ ଗତି କରିବାକୁ ପଡିଥିଲା । ଧୂଆଁ ଅଧିକ ବଢିବା ପରେ ଗାଜିପୁର ନିକଟ ମୂଲା କଲୋନୀର ଅଧିକାଂଶ ଲୋକେ ଘର ଛାଡି ନଜ ସମ୍ପର୍କୀୟଙ୍କ ଘରକୁ ପଳାଇଛନ୍ତି ।
