ବରଗଡ଼: ବରଗଡ଼ ଅପହରଣ ଓ ଦୁଷ୍କର୍ମ ମାମଲାରେ ଚାଞ୍ଚଲ୍ୟକର ମୋଡ଼ । ଏବେ ଏକ ଅଡିଓ କ୍ଲିପ ଭାଇରାଲ ହେଉଛି। କୁହାଯାଉଛି, ସେହି ଅଡିଓ କ୍ଲିପଟି ବରଗଡ଼ ମାମଲା ସହିତ ସଂପୃକ୍ତ। ଏହି ଅଡିଓ କ୍ଲିପରେ ଶୁଣାଯାଉଛି ଯେ, ଜଣେ ବ୍ୟକ୍ତି ପୀଡ଼ିତାଙ୍କ ପରିବାରକୁ ଫୋନ୍ କରିଛନ୍ତି। ପୀଡ଼ିତା ଜଣକ କେଉଁଠି ପଡ଼ିଛନ୍ତି, ତାର ଠିକଣା କହୁଛନ୍ତି। ବରଗଡ଼ ନିକଟରେ ଥିବା ବରାହଗୋଡ଼ା-ନୁନିଆ ଜାମପାଲି ରାସ୍ତାରେ ଥିବା ଜଙ୍ଗଲରେ ପୀଡ଼ିତା ପଡ଼ିଥିବା ସେହି ବ୍ୟକ୍ତି ଜଣକ କହୁଛନ୍ତି। ଧାନ ମିଲ ନିକଟରେ ରାସ୍ତାରୁ ଟିକେ ଭିତରକୁ ଯାଇ ଖୋଜାଖୋଜି କରିବାକୁ ସେହି ଯୁବକ ଜଣକ କହୁଛନ୍ତି। ତାଙ୍କ କଥାରୁ ଜଣାପଡୁଛି ଏହା ସନ୍ଧ୍ୟା ପୂର୍ବର ଘଟଣା। ସେହି ବ୍ୟକ୍ତି ଜଣକ କହୁଛନ୍ତି, ତୁରନ୍ତ ୧୦-୧୫ ଜଣ ଲୋକ ଧରି ଘଟଣାସ୍ଥଳକୁ ଆସନ୍ତୁ। ପୀଡ଼଼ିତାଙ୍କ ବହୁତ ରକ୍ତସ୍ରାବ ହୋଇଛି। ଯଦି ଜୀବନ ରକ୍ଷା କରିବାର ଅଛି, ଜଲଦି ଆସନ୍ତୁ। ପୀଡ଼ିତାଙ୍କୁ ଡାକ୍ତରଖାନା ନେବେ। ରାତି ହେବା ଆଗରୁ ତୁରନ୍ତ ଆସନ୍ତୁ। ଲାଇଟ ଧରି ଆସିବାକୁ ବି ସେ କହୁଛନ୍ତି। ସେହି ବ୍ୟକ୍ତି ଜଣକ କହୁଛନ୍ତି, ସେଠାରେ ଜଣେ ଦୁଇ ଜଣ ଥିଲେ। ପାଟିତୁଣ୍ଡ ଶୁଣି ମୁଁ ସେଠାକୁ ଯାଇଥିଲି। ମତେ ଦେଖି ସେମାନେ ପଳାଇ ଯାଇଥିଲେ ବୋଲି ଫୋନରେ କହୁଛନ୍ତି ବ୍ୟକ୍ତି ଜଣକ। ତାଙ୍କ ପାଖରେ ଥିବା ଫୋନକୁ ଫିଙ୍ଗି ଦେବାକୁ ସେ ବାରମ୍ଵାର କହୁଛନ୍ତି। ରାସ୍ତା କଡ଼ରେ ନ ଖୋଜି ଟିକେ ଭିତରକୁ ଯାଇ ଖୋଜାଖୋଜି କରିବାକୁ କହୁଛନ୍ତି ବ୍ୟକ୍ତି ଜଣକ। ଯେଉଁ ଫୋନରେ ସେ କଲ୍ କରିଥିଲେ, ସେହି ଫୋନକୁ ଫିଙ୍ଗି ଦେବାକୁ କହୁଛନ୍ତି। ବାରମ୍ଵାର ସେ ଏହି କଥା କହୁଛନ୍ତି।

ତେବେ ପ୍ରଶ୍ନ ଉଠୁଛି ପୀଡ଼ିତାଙ୍କ ପରିବାରକୁ କଲ୍ କରିଥିବା ଏହି ବ୍ୟକ୍ତି ଜଣକ କିଏ। ସେ କେମିତି ପୀଡ଼ିତାଙ୍କ ସଂପର୍କରେ ଜାଣିଲା। ଲାଗୁଛି, ତାହା ନିଜର ଫୋନ୍ ନୁହେଁ। ତେବେ କାହାର ଫୋନରୁ ସେ କଲ୍ କରିଥିଲା। ସେହି ଫୋନଟି ଏବେ କେଉଁଠି ଏପରି ବହୁତ ପ୍ରଶ୍ନ ଉଠୁଛି। ଫୋନ କରିଥିବା ବ୍ୟକ୍ତି ସଂପର୍କରେ ପୋଲିସକୁ ପୀଡ଼ିତାଙ୍କ ପରିବାର ଜଣାଇଥିଲେ କି ? ଯଦି ଜଣାଇଥିଲେ ପୋଲିସ ସେହି ବ୍ୟକ୍ତିକୁ ଠାବ କରାଗଲାଣି କି । ଏସବୁ ପ୍ରଶ୍ନର ଉତ୍ତର ମିଳିଲେ, ବରଗଡ଼ ଅପହରଣ ଓ ଦୁଷ୍କର୍ମ ଉପରୁ ପରଦା ହଟିବାର ସମ୍ଭାବନା ଅଛି। ପୀଡ଼ିତା ଜଣକ ଏବେ ବି ଭିମସାରରେ ଚିକିତ୍ସାଧୀନ ଅଛନ୍ତି। ଗତକାଲି ତାଙ୍କ ପରିବାରକୁ ଭେଟିଥିଲା ବିଜେଡିର ଫ୍ଯାକ୍ଟ ଫାଇଣ୍ଡିଂ ଟିମ୍। ପୀଡ଼ିତାଙ୍କୁ ନ୍ୟାୟ ପ୍ରଦାନ ପାଇଁ ଆଇଜିଙ୍କୁ ମଧ୍ଯ ଭେଟିବାକୁ ଯାଇଥିଲା । କିନ୍ତୁ ଦେଖା ଦେଇନଥିଲେ ଆଇଜି। ।