ବିରାଟ କୋହଲିଙ୍କ  ପିଲାଦିନ କୋଚ ରାଜକୁମାର ଶର୍ମା ବିରାଟଙ୍କୁ ନେଇ ଏକ ବଡ ଖୁଲାସା କରିଛନ୍ତି  । ଗଣମାଧ୍ୟମକୁ ଦେଇଥିବା ଏକ  ସାକ୍ଷାତକାରରେ ସେ କହିଛନ୍ତି  ବିରାଟ ତାଙ୍କ ପତ୍ନୀ ଅନୁଷ୍କା ଓ ତାଙ୍କ ଦୁଇ ସନ୍ତାନ ଙ୍କ ସହ ଭାରତ ଛାଡି ଲଣ୍ଡନରେ ବସବାସ କରିବାର ଯୋଜନା କରୁଛନ୍ତି ।

ବିରାଟ କୋହଲିଙ୍କୁ ନେଇ କୋଚ ରାଜକୁମାର ଶର୍ମା  ଏକ ଆଶ୍ଚର୍ଯ୍ୟ ଜନକ କଥା କହିଛନ୍ତି ।  ଟିମ ଇଣ୍ଡିଆର ପୂର୍ବତନ ଅଧିନାୟକ ତାଙ୍କ ପରିବାର ସହ ଲଣ୍ଡନ ଯିବାକୁ ଯୋଜନା କରିଛନ୍ତି । ଜାତୀୟ ଗଣମାଧ୍ୟମ ରିର୍ପୋଟ ଅନୁଯାୟୀ ଖୁବଶୀଘ୍ର ବିରାଟ ଭାରତ ଛାଡି ଲଣ୍ଡନରେ ବସବାସ କରିବେ  । ବିରାଟଙ୍କ ଲଣ୍ଡନ ଯିବା କଥା ନେଇ ଆଗରୁ ମଧ୍ୟ କିଛି ଖବର ସାମ୍ନାକୁ ଆସିଥିଲା । କୋହଲି ଓ ତାଙ୍କ ପରିବାର ଅଧିକାଶଂ ସମୟ ଲଣ୍ଡନରେ ବିତାଇଥାନ୍ତି । ତାଙ୍କର ପୁଅ ମଧ୍ୟ ଲଣ୍ଡନରେ ଜନ୍ମ ହୋଇଥିଲେ  ।

କିଛି ଦିନ ତଳେ ରାଜକୁମାର ଶର୍ମା ଗଣମାଧ୍ୟମରେ ଏକ ସାକ୍ଷାତକାର ଦେଇଥିଲେ  । ସେଠାରେ ତାଙ୍କୁ ବିରାଟ କୋହଲିଙ୍କ ଲଣ୍ଡନରେ ବସବାସ କରିବା ନେଇ ପ୍ରଶ୍ନ କରାଯାଇଥିଲା। ତାଙ୍କ ଉତ୍ତରରେ ସେ କହିଥିଲେ ଯେ ହଁ ଖୁବ ଶୀଘ୍ର ବିରାଟ ଭାରତ ଛାଡି ଲଣ୍ଡନରେ ବସବାସ କରିବେ  । କୋହଲିଙ୍କ ଅବସର ବିଷୟରେ ମଧ୍ୟ ତାଙ୍କ କୋଚଙ୍କୁ ପଚରା ଯାଇଥିଲା  । ତାଙ୍କୁ ପଚରା ଯଇଥିଲା ଯେ ବର୍ଡର ଗାଭାସ୍କର ଟ୍ରଫି ପରେ ବିରାଟ ଅବସର ନେବେ କି ? ଏହାର ଉତ୍ତରରେ ସେ କହିଥିଲେ ନା ବିଲକୁଲ ନୁହେଁ  । ସେ ଏବ ମଧ୍ୟ ଫିଟ ଅଛନ୍ତି  ।

ବର୍ତ୍ତମାନ ବିରାଟ ବଡର – ଗାଭାସ୍କର ଟ୍ରଫି ଖେଳୁଛନ୍ତି  ।  ଏହି ଗସ୍ତରେ ବିରାଟ କୋହଲିଙ୍କ ପ୍ରଦର୍ଶନ ଖୁବ ଖରାପ ରହିଛି  । ଷ୍ଟମ୍ପ ଲାଇନ ବଲ ତାଙ୍କୁ ବହୁତ ଅସୁବିଧାରେ ପକାଉଛି  । ପର୍ଥ ଟେଷ୍ଟ ମ୍ୟାଚରେ ବିରାଟ ଏକ ଶତକ ହାସଲ କରିଥିଲେ  । କିନ୍ତୁ ବାକି ସବୁ ମ୍ୟାଚରେ ତାଙ୍କ ପ୍ରଦର୍ଶନ ଭଲ ନଥିଲା  । ଆଗକୁ ଥିବା ବାକି ସବୁ ମ୍ୟାଚରେ ସେ ଭଲ ପ୍ରଦର୍ଶନ କରିବେ ଓ ଫର୍ମକୁ ମଧ୍ୟ ଫେରିବେ  ବୋଲି ତାଙ୍କ କୋଚ କହିଛନ୍ତି  ।

ତାଙ୍କ ଅବସର ନେବା ବିଷୟରେ ତାଙ୍କ କୋଚ କହିଛନ୍ତି ଯେ ବିରାଟ ଏବେ ଅବସର ନେବେ ନାହିଁ  । ସେ ୨୦୨୭ ବିଶ୍ବକପ ଖେଳିବେ । ପ୍ରଥମ ଟେଷ୍ଟରେ ସେ ଅଷ୍ଟ୍ରେଲିଆ ବିପକ୍ଷରେ ଏକ ଶତକ କରିଥିଲେ  । ବାକି ଦୁଇ ମ୍ୟାଚରେ ମଧ୍ୟ ସେ ଆଉ ଦୁଇଟି ଶତକ ହାସଲ କରିବେ  । ସେ ଜଣେ ଏମିତି ଖେଳାଳୀ ଯିଏ ସର୍ବଦା ତାଙ୍କ  ଖେଳକୁ ଉପୋଭୋଗ କରନ୍ତି  । ବିରାଟଙ୍କ ଫର୍ମ ଚିନ୍ତା ଜନକ ନୁହେଁ  । ତାଙ୍କ ଫର୍ମ ନ ଥିଲେ ମଧ୍ୟ ବଡ ବଡ ମ୍ୟାଚରେ ସେ ଖେଳି ଟିମକୁ  ଜିତାଇଛନ୍ତି  । ତାଙ୍କ ଫ୍ୟାନ ମାନଙ୍କର ଏବେ ବି ତାଙ୍କ ଉପରେ ଭରଷା ଅଛି  ।  ମୋର ବିଶ୍ବାସ ଯେ ବିରାଟ ଆଉ ପାଞ୍ଚ ବର୍ଷ କ୍ରିକେଟ ଖେଳିବେ  । ମୁଁ ତାଙ୍କୁ  ୧୦ ବର୍ଷ ବୟସରୁ ଜାଣିଛି  । ଅବସର ନବା ପାଇଁ ତାଙ୍କର ବୟସ ହୋଇନାହିଁ  ।