ନୂଆଦିଳ୍ଲୀ : ଦେଶର ସ୍ବାର୍ଥ ପାଇଁ ନୁହେଁ, ପୋଲାଭରମ ପ୍ରକଳ୍ପକୁ ସରକାର ଆଦାନୀ କମ୍ପାନୀ ପାଇଁ ନିର୍ମାଣ କରୁଛନ୍ତି । ଲୋକସଭାରେ ଶୂନ୍ଯକାଳରେ ଏପରି ସାଂଘାତିକ ଅଭିଯୋଗ ଆଣିଛନ୍ତି କୋରାପୁଟ କଂଗ୍ରେସ ସାଂସଦ ସପ୍ତଗିରି ଉଲାକା । ପ୍ରକଳ୍ପ ଦ୍ବାରା ୧୬୨ଟି ଗାଁ ବୁଡିବ । ହଜାର ହଜାର ଏକର ଜମି ଜଳମଗ୍ନ ହେବ । ପ୍ରକଳ୍ପ ପୂର୍ବରୁ କୌଣସି ସର୍ଭେ କିମ୍ବା ଥଇଥାନ ଘୋଷଣା କରାଯାଇନାହିଁ ବୋଲି ଗୃହରେ ଉଦବେଗ ପ୍ରକାଶ କରିଛନ୍ତି ସପ୍ତଗିରି । ଆନ୍ଧ୍ରରେ ନାଇଡୁ ସରକାର ଆସିବା ପରେ ଏବେ କାମ ଜୋରସୋରରେ ଚାଲିଛି । କେନ୍ଦ୍ର ସରକାର ମଧ୍ଯ ବଜେଟରେ ସ୍ବତନ୍ତ୍ର ଆର୍ଥିକ ଅନୁଦାନ ଘୋଷଣା କରି ପ୍ରକଳ୍ପକୁ ତ୍ବରାନ୍ବିତ କରିବାକୁ ପ୍ରୋତ୍ସାହିତ କରିଛନ୍ତି । ପୂର୍ବ ଡିଜାଇନରେ ପରିବର୍ତ୍ତନ କରି ପୋଲାଭରମ ପ୍ରକଳ୍ପ ନିର୍ମାଣ ହେଉଥିବାବେଳେ ଓଡ଼ିଶା ଭୁବନେଶ୍ବରରୁ ଦିଲ୍ଲୀ ଉଦବେଗ ପ୍ରକାଶ କରି ଆସୁଛି ।
ବିଧାନସଭାରେ ୱାଲଟିୟର ଝଡ଼, ସରକାରଙ୍କୁ କଡା ସମାଲୋଚନା କଲା ବିଜେଡି
ଭୁବନେଶ୍ବର : ବିଧାନସଭାରେ ୱାଲଟିୟର ଝଡ଼ । ୱାଲଟିୟର ଡିଭିଜନକୁ ବିଶାଖାପାଟଣାରେ ମିଶାଇଦେବା ପ୍ରସଙ୍ଗରେ ସରକାରଙ୍କୁ କଡା ଭାଷାରେ ସମାଲୋଚନା କରିଛନ୍ତି ବରିଷ୍ଠ ବିଜେଡି ବିଧାୟକ ରଣେନ୍ଦ୍ର ପ୍ରତାପ ସ୍ୱାଇଁ । କେନ୍ଦ୍ର ସରକାରଙ୍କ ଓଡ଼ିଶା ପ୍ରତି ମମତା ନାହିଁ । ୱାଲଟିୟର ଡିଭିଜନ ଯଦି ସାଉଥ ସେଣ୍ଟ୍ରାଲ ରେଲୱେ, ବିଶାଖାପାଟଣା ସହିତ ମିଶାଇ ଦିଆଯାଏ ତେବେ ୨୦ ହଜାର କୋଟି ଟଙ୍କା ଓଡିଶାର ରାଜସ୍ବ ହାନି ହେବ । ପ୍ରବାଦ ପୁରୁଷ ବିଜୁ ପଟ୍ଟନାୟକଙ୍କ ଆଶୀର୍ବାଦରେ ପୂର୍ବତଟ ରେଳପଥ ହୋଇଥିଲା । ସେହିପରି ୱାଲଟିୟର ଡିଭିଜନକୁ ବିଶାଖାପାଟଣାରେ ମିଶାଇଦେବା ପ୍ରସଙ୍ଗରେ ବିଜେପି ସରକାର ଉପରେ ବର୍ଷିଛି କଂଗ୍ରେସ । ତୁରନ୍ତ ଏ ନିଷ୍ପତ୍ତିରୁ ସରକାର ଓହରିଯାଆନ୍ତୁ ବୋଲି କହିଛନ୍ତି କଂଗ୍ରେସ ବିଧାୟକ ଦଳ ନେତା ରାମଚନ୍ଦ୍ର କାଡ଼ାମ । ୱାଲଟିୟର ଡିଭିଜନ ଯଦି ଆନ୍ଧ୍ରକୁ ଯାଏ ତାହା ଚିନ୍ତାଜନକ । ଏଥିରେ ଓଡିଶା ତାହାର ହକ ହରାଇବ । ଓଡିଶାର ଖଣି, ପାଣି ଲୁଟ କରିବାକୁ ବିଜେପି ସରକାର ଚେଷ୍ଟା ଚଳାଇଛି ବୋଲି ଅଭିଯୋଗ କରିଛନ୍ତି ରାମଚନ୍ଦ୍ର । ଜବାବରେ ଉପମୁଖ୍ଯମନ୍ତ୍ରୀ କନକ ବର୍ଦ୍ଧନ ସିଂହଦେଓ କହିଛନ୍ତି, ଓଡିଶାର ଗୋଟେ ଇଞ୍ଚ ମଧ୍ୟ ଅଲଗା ରାଜ୍ୟକୁ ଯିବ ନାହିଁ । ଇଷ୍ଟ କୋଷ୍ଟ ତିନୋଟି ଡିଭିଜନକୁ ନେଇ ଚାଲିବ ।
ଆଳୁ ଚାଷକୁ ନେଇ ସରଗରମ ଗୃହ
ଭୁବନେଶ୍ବର : ବିଧାନସଭା ଶୀତକାଳୀନ ଅଧିବେଶନ । ବିଧାନସଭା ଶୀତକାଳୀନ ଅଧିବେଶନର ପ୍ରଶ୍ନ କାଲରେ ଆଳୁ ଚାଷକୁ ନେଇ ସରଗରମ ହୋଇଛି ଗୃହ କାର୍ଯ୍ୟ। ଆଳୁଚାଷ ବିହନକୁ ନେଇ ବିଧାନସଭାରେ ପ୍ରଶ୍ନ ରଖିଥିଲେ ବିରୋଧୀ।ଚଳିତବର୍ଷ କେତେ ଟନ୍ ଆଳୁ ଉତ୍ପାଦନ ପାଇଁ ଧାର୍ଯ୍ୟ ରଖିଛନ୍ତି ସରକାର ବୋଲି ପ୍ରଶ୍ନ କରିଥିଲେ ବିଧାୟକ ଅଶ୍ବିନୀ ପାତ୍ର । କମ୍ ଖର୍ଚ୍ଚରେ ନଦୀବାଲିରେ ଆଳୁଚାଷ କରିବାକୁ ଚାଷୀଙ୍କୁ ଉତ୍ସାହିତ କରିବେ କି ଉପ-ମୁଖ୍ୟମନ୍ତ୍ରୀ ? ଆଳୁ ସହ ଖମ୍ବଆଳୁ ଚାଷ କରିବାକୁ ଉତ୍ସାହିତ କରିବେ କି ବୋଲି ସେ ପ୍ରଶ୍ନ କରିଥିଲେ । ଆଳୁର ବିକଳ୍ପ ଭାବେ କେଉଁ ପରିବା ବ୍ୟବହାର କରାଯାଇପାରିବ ସେ ଉପରେ ସରକାର ଗବେଷଣା କଲେଣି କି ବୋଲି ପ୍ରଶ୍ନ କରିଥିଲେ ବିଜେଡି ବିଧାୟକ ଗଣେଶ୍ଵର ବେହେରା। ଆଳୁର ଉତ୍ପାଦନ ବଢାଇବା ପାଇଁ ସରକାର କ’ଣ କରୁଛନ୍ତି କହିବେ କି ବୋଲି ସେ ପ୍ରଶ୍ନ କରିଥିଲେ । ଶୀତଳ ଭଣ୍ଡାରକୁ କମର୍ସିଆଲ୍ ନକରି ଡୋମେଷ୍ଟିକ୍ ଅନ୍ତର୍ଭୁକ୍ତ କରିବା ପାଇଁ ଚେଷ୍ଟା କରିବେ କି ବୋଲି ପ୍ରଶ୍ନ କରିଥିଲେ ରାଜେନ୍ଦ୍ର ଢୋଲକିଆ । ରାଜ୍ୟକୁ ସ୍ବାବଲମ୍ବୀ କରିବା ପାଇଁ ଚାଷୀ ଚାହୁଁଛନ୍ତି କିନ୍ତୁ ରାଜ୍ୟ ସରକାର ଆଗେଇ ଆସୁନାହାନ୍ତି । ବିହନ ଦେଲା ପରେ ଚାଷୀ କେତେ ଉତ୍ପାଦନ କଲା, କେତେ ବିକିଲା ଧ୍ୟାନ ଦେଉନାହାନ୍ତି ସରକାର ବୋଲି କହିଥିଲେ ରାମଚନ୍ଦ୍ର କାଡାମ୍ । ଆଳୁଚାଷ ଉପରେ ବିରୋଧୀଙ୍କ ପ୍ରଶ୍ନର ଉତ୍ତର ରଖିଛନ୍ତି ଉପମୁଖ୍ୟମନ୍ତ୍ରୀ କନକ ବର୍ଦ୍ଧନ ସିଂଦେଓ । ରବି ଋତୁରେ ଆଳୁ ଚାଷ ପାଇଁ ୬୪ କୋଟି ଖର୍ଚ୍ଚ ହୋଇଛି । ୧୫ ହଜାର ୨୩ ହେକ୍ଟର ଜମିରେ ଆଳୁ ଚାଷ ପାଇଁ ଯୋଜନା ହୋଇଛି । ୧୮ଟି ସମବାୟ ଶୀତଳ ଭଣ୍ଡାରରୁ ୨ଟି କାର୍ଯ୍ୟକ୍ଷମ ଅଛି । ଉଦ୍ୟାନ କୃଷି ଅଧୀନରେ ଥିବା ୪ଟି ଶୀତଳ ଭଣ୍ଡାର ବନ୍ଦ ପଡ଼ିଛି । ଘରୋଇ ସଂସ୍ଥା ଭାବେ ଥିବା ୩୩ଟି କାର୍ଯ୍ୟକ୍ଷମ ଅଛି । ସମୁଦାୟ ୧୩୩ ରୁ ୩୫ଟି କାର୍ଯ୍ୟକ୍ଷମ ରହିଛି । ରାଜ୍ୟରେ ପିପିପି ମୋଡରେ ୫୮ଟି ଶୀତଳ ଭଣ୍ଡାର ନିର୍ମାଣ ହେବ । ଏହା ହାଇବ୍ରିଡ୍ ଢାଞ୍ଚାରେ ନିର୍ମାଣ ହେବ । ଯାହା ବିଦ୍ୟୁତ ଓ ସୌର ଚାଳିତ ହେବ ବୋଲି ଉପ-ମୁଖ୍ୟମନ୍ତ୍ରୀ ଗୃହକୁ ସୂଚନା ଦେଇଛନ୍ତି ଉପମୁଖ୍ୟମନ୍ତ୍ରୀ ।
ପ୍ରଧାନମନ୍ତ୍ରୀ ନରେନ୍ଦ୍ର ମୋଦିଙ୍କୁ କପୁର ପରିବାରର ନିମନ୍ତ୍ରଣ
ନନ୍ଦିଘୋଷ ବ୍ୟୁରୋ: ଭାରତୀୟ ସିନେମା ଜଗତର ’ଗ୍ରେଟ ସୋ ମ୍ୟାନ’ ରାଜ କପୁରଙ୍କ ୧୦୦ତମ ଜୟନ୍ତୀ ପାଳନ ହେବାକୁ ଯାଉଛି । ଯାହାକୁ ନେଇ କପୁର ପରିବାର ଏବେ ବ୍ୟସ୍ତ ରହିଛି । ଜୋରଦାରରେ ଆୟୋଜନ ହେବାକୁ ଯାଉଛି । ଯାହାକୁ ନେଇ ମାନ୍ୟଗଣ୍ୟ ବ୍ୟକ୍ତି ବିଶେଷଙ୍କୁ ନିମନ୍ତ୍ରଣ କରାଯାଉଛି । ଏହି ଅବସରରେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦିଙ୍କୁ ମଧ୍ୟ ନିମନ୍ତ୍ରଣ କରିଛି କପୁର ପରିବାର । ଯାହାର ଫଟୋ ଏବେ ସୋସିଆଲ ମିଡିଆରେ ଦେଖିବାକୁ ମିଳିଛି । କପୁର ପରିବାରର ସଦସ୍ୟମାନେ ମଧ୍ୟ ମୋଦିଙ୍କ ସହ ଉଠାଇଥିବା ଫଟୋକୁ ନିଜର ସୋସିଆଲ ମିଡିଆ ସାଇଟରେ ପୋଷ୍ଟ କରିଛନ୍ତି ।
କରିନା କପୁର, କରିସ୍ମା, ରଣବୀର ପ୍ରମୁଖ ଅଭିନେତା ମଧ୍ୟ ଉପସ୍ଥିତ ରହିଥିଲେ । ଆଲିଆ ନିଜର ସୋସିଆଲ ମିଡିଆ ପେଜରେ ଏହି ଫଟୋକୁ ମଧ୍ୟ ପୋଷ୍ଟ କରିଛନ୍ତି ।
କରିନା ଏବଂ କରିସ୍ମା ଉଭୟ ଭଉଣୀ ଏହି ଅବସରରେ ପ୍ରଧାନମନ୍ତ୍ରୀଙ୍କ ଅଟୋ ଗ୍ରାଫ ନେଇଛନ୍ତି । ଯାହାର ଫଟୋକୁ କରିସ୍କା ନିଜର ସୋସିଆଲ ମିଡିଆରେ ପୋଷ୍ଟ କରିଛନ୍ତି ।
କିଏ ଏହି ରୀତା କୌଶିକ୍ ? ଯାହାଙ୍କ ବିଷୟରେ ଭିଡିଓରେ କହିଛନ୍ତି ଅତୁଲ
ନନ୍ଦିଘୋଷ ବ୍ୟୁରୋ: ବାଙ୍ଗାଲୋରର ଏଆଇ ଇଞ୍ଜିନିୟର ଅତୁଲ ସୁଭାଷଙ୍କ ଆତ୍ମହତ୍ୟାକୁ ନେଇ ଏବେ ସବୁଠି ଚର୍ଚ୍ଚା । ଜୀବନ ହାରିବା ପୂର୍ବରୁ ଅନେକ ଖୁଲାସା କରିଛନ୍ତି । ସେ ଏକ ଭିଡିଓ ୯୦ ମିନିଟର ବନେଇଛନ୍ତି ଏବଂ ୨୪ ପେଜର ଏକ ଲେଖା ମଧ୍ୟ ରଖିଛନ୍ତି । ଭିଡିଓରେ ସ୍ତ୍ରୀ, ଶ୍ବଶୁର ଘର ଲୋକଙ୍କ ସହ ଜଜଙ୍କୁ ମଧ୍ୟ ଦାୟୀ କରିଛନ୍ତି । ଜୋନପୁର ଫ୍ୟାମିଲ କୋର୍ଟର ଜଜ ରୀତା କୌଶିକଙ୍କ ସମ୍ପର୍କରେ ମଧ୍ୟ ଅନେକ କଥା କହିଛନ୍ତି ଅତୁଲ । ଜଜ ମ୍ୟାଡାମ ୫୦ ଟଙ୍କାରୁ ଆରମ୍ଭ କରି ହଜାର ହଜାର ଟଙ୍କା କେବଳ ତାରିଖ ବଦଳାଇବା ପାଇଁ ଲାଞ୍ଚ ନେଇଥାନ୍ତି । ତାଙ୍କ ପାଇଁ ବୟସ୍କ ଏବଂ ଗରିବ ଶ୍ରେଣୀର ଲୋକ ମଧ୍ୟ ବାଦ ପଡ଼ିନାହାନ୍ତି । ଏପରି ଭିଡିଓରେ କହିଛନ୍ତି ଅତୁଲ । ଜଜ ତାଙ୍କୁ ୩ ଲକ୍ଷ ଟଙ୍କା ଲାଞ୍ଚ ମାଗିଥିବା ମଧ୍ୟ କହିଛନ୍ତି ।
୨୧ ମାର୍ଚ୍ଚ ୨୦୨୪ରେ ରୀତା ଅତୁଲଙ୍କୁ ତାଙ୍କ କ୍ୟାବିନକୁ ଡାକିଥିଲେ । ଆଉ ମାମଲାର ଦଫାରଫା କରିବା ଲାଗି କଥା ହୋଇଥିଲେ । ଅତୁଲ କହିଥିଲେ କି, ମୋ ପରିବାର ବିରୋଧରେ ସେମାନେ ବିଭିନ୍ନ ସଙ୍ଗୀନ ଅଭିଯୋଗ ଲଗାଇଛନ୍ତି । ମୋ ପିଲାଙ୍କୁ ଦେଖିବାକୁ ମଧ୍ୟ ଦେଉନାହାନ୍ତି । ମାସିକ ଭରଣ ପୋଷଣ ବାବଦକୁ ମଧ୍ୟ ଏତେ ଟଙ୍କା ନେଉଛନ୍ତି । ପ୍ରଥମେ ସେମାନେ ୧ କୋଟି ଟଙ୍କା ମାଗୁଥିଲେ ଆଉ ଏବେ ୩ କୋଟି ଟଙ୍କା ମାଗୁଛନ୍ତି । ମୁଁ ଏତେ ଟଙ୍କା କେଉଁଠୁ ଆଣିବି । ଏତେ ପରେ ବି ମ୍ୟାଡାମ ଶୁଣିନଥିଲେ । ଏବଂ ୩ ଲକ୍ଷ ଟଙ୍କା ଲାଞ୍ଚ ମାଗିଥିଲେ ।
ତେବେ ରୀତାଙ୍କ କଥା ଯଦି କହିବା ତାହେଲେ ସେ ୧୯୬୮ ମାର୍ଚ୍ଚ ୨୦ରେ ଉତ୍ତରପ୍ରଦେଶର ମୁଜାଫରନଗରରେ ଜନ୍ମ ଗ୍ରହଣ କରିଛନ୍ତି । ୧୯୯୯ରେ ପ୍ରଥମେ ସାହାରନପୁରରେ ଜୁଡିସିଆଲ ମାଜିଷ୍ଟ୍ରେଟ୍ ଭାବେ କାମ ଆରମ୍ଭ କରିଥିଲେ । ଏହାପରେ ୨୦୦୦-୨୦୦୨ ପର୍ଯ୍ୟନ୍ତ ମଥୁରାରେ ସିଭିଲ ଜଜ ଭାବେ ପୋଷ୍ଟିଂ ହୋଇଥିଲେ । 2018 ରେ, ସେ ପ୍ରଥମ ଥର ପାଇଁ ଅଯୋଧ୍ୟାରେ ଫ୍ୟାମିଲ୍ କୋର୍ଟର ପ୍ରଧାନ ବିଚାରପତି ହୋଇଥିଲେ ଏବଂ 2022 ପର୍ଯ୍ୟନ୍ତ ଅଯୋଧ୍ୟାରେ ପୋଷ୍ଟ ରହିଥିଲେ। ତାଙ୍କୁ ଅଯୋଧ୍ୟାରୁ ଜୋନପୁରକୁ ସ୍ଥାନାନ୍ତର କରାଯାଇଥିଲା ଏବଂ ସେବେଠାରୁ ସେ ଏଠାରେ ଫ୍ୟାମିଲ୍ କୋର୍ଟରେ ପ୍ରଧାନ ବିଚାରପତି ଭାବରେ କାର୍ଯ୍ୟ କରୁଛନ୍ତି।
ଦୁଷ୍କର୍ମ କରି ଜେଲ ଯାଇଥିଲା, ଏବେ ପିଡ଼ିତାଙ୍କୁ ମାରି ଫିଙ୍ଗିଦେଲା
ନନ୍ଦିଘୋଷ ବ୍ୟୁରୋ: ଝାରସୁଗୁଡ଼ା ଅଞ୍ଚଳରୁ ଯୁବତୀ ନିଖୋଜ ଘଟଣା । ନିଖୋଜ ଯୁବତୀଙ୍କୁ ହତ୍ୟା କରି ପାନପୋଷ ନିକଟ ବ୍ରାହ୍ମଣୀ ନଦୀରେ ପକାଇଦେଇଥିବା ଅଭିଯୋଗ ହୋଇଛି । ଅଭିଯୋଗ ପରେ ମୃତଦେହକୁ ଉଦ୍ଧାର କରିବା ପାଇଁ ପୋଲିସ, ଅଗ୍ନିଶମବାହିନୀ ଓ ଓଡ୍ରାଫ ଟିମ୍ ପକ୍ଷରୁ ଉଦ୍ୟମ ଜାରି ରହିଛି । ଯୁବତୀଙ୍କୁ ହତ୍ୟା କରି ବ୍ରାହ୍ମଣୀ ନଦୀରେ ପକାଇ ଦେଇଥିଵା ଅଭିଯୁକ୍ତ ଯୁବକ ଵୟାନ ଦେବା ପରେ ମୃତଦେହ ଉଦ୍ଧାର କାର୍ଯ୍ୟ ଜାରି ରହିଛି । ନାବାଳିକା ଥିବା ସମୟରେ ଅଭିଯୁକ୍ତ ଜଣଙ୍କ ଦୁଷ୍କର୍ମ କରି ଜେଲ ଯାଇଥିଲା । ଜେଲରୁ ବାହାରିବା ପରେ ଯୁବତୀଙ୍କୁ ହତ୍ୟା କରି ବ୍ରାହ୍ମଣୀ ନଦୀରେ ପକାଇ ଦେଇଥିଵା ଅଭିଯୋଗ ହୋଇଛି । ଝାରସୁଗୁଡ଼ା ପୋଲିସ ଓ ରାଉରକେଲା ପୋଲିସ ପକ୍ଷରୁ ଯୁବତୀଙ୍କ ମୃତଦେହ ଉଦ୍ଧାର କରିବା କାର୍ଯ୍ୟ ଜାରି ରହିବା ସହ ପୋଲିସ ପକ୍ଷରୁ ଘଟଣାର ତଦନ୍ତ ଆରମ୍ଭ ହୋଇଛି।
ଅତୁଲଙ୍କୁ ନ୍ୟାୟ ଦାବିରେ ଲିଙ୍କଡ୍ ଇନରେ ଝଡ଼,ନିକିତାଙ୍କୁ ଚାକିରିରୁ ହଟାଇବା ପାଇଁ ଆସେଂଚର ଉପରେ ସୋସିଆଲ ମିଡିଆ ଚାପ
ନନ୍ଦିଘୋଷ ବ୍ୟୁରୋ: ବାଙ୍ଗାଲୋରରେ ଇଞ୍ଜିନିୟର ଭାବେ କାମ କରୁଥିବା ଅତୁଲ ସୁବାଷଙ୍କୁ ନ୍ୟାୟ ପାଇଁ ଏବେ ସୋସିଆ ମିଡିଆରେ ଚର୍ଚ୍ଚା । ଏକ୍ସ ସହ ଏବେ ଲିଙ୍କଡ୍ ଇନରେ ଝଡ଼ ଦେଖିବାକୁ ମିଳିଛି । ଅତୁଲଙ୍କ ପତ୍ନୀ ନିକିତାଙ୍କୁ ଚାକିରୀରୁ ହଟାଇବାକୁ ଦାବି କରାଯାଇଛି । କେବଳ ଏତିକି ନୁହେଁ ସେ କରିଥିବା ଭିଡିଓରେ ଯେଉଁମାନଙ୍କ ନାମ ନିଆଯାଇଛି ସେମାନଙ୍କ ବିରୋଧରେ ଦୃଢ଼ କାର୍ଯ୍ୟାନୁଷ୍ଠାନ ନେବାକୁ ମଧ୍ୟ ଦାବି ହୋଇଛି । ତେବେ କହି ରଖୁଛୁ କି ଅତୁଲ ଜୀବନ ହାରିବା ପୂର୍ବରୁ ଏକ ୯୦ ମିନିଟର ଭିଡିଓ କରିବା ସହ ୨୪ ପୃଷ୍ଠାର ନୋଟ ଲେଖିଛନ୍ତି । ଯାହାକି ଏବେ ସୋସିଆଲ ମିହିଆରେ ବେଶ ଭାଇରାଲ ହେବାରେ ଲାଗିଛି ।
ଭିଡିଓରେ ଜଣାଇଛନ୍ତି କି, କୋର୍ଟରେ ଜଜ ଏବଂ ସ୍ତ୍ରୀଙ୍କ ସହ ଶ୍ବଶୁରଘର ଲୋକେ ତାଙ୍କ କିଭଳି ଭାବେ ହଇରାଣ କରୁଛନ୍ତି । ସବୁଠାରୁ ଗୁରୁତ୍ବପୂର୍ଣ୍ଣ କଥା ହେଉଛି ୨୦୧୯ରେ ସେ ନିକିତାଙ୍କୁ ବିବାହ କରିଥିବାବେଳେ ୨ ବର୍ଷ ପରେ ସେମାନେ ଅଲଗା ହୋଇଥିଲେ । ମିଛରେ କୋର୍ଟରେ ଯୌତୁକ ନିର୍ଯାତନା ମାମଲା ଦେଇଥିଲେ ନିକିତା । ମାସିକ ୪୦ ହଜାର ଟଙ୍କା ନେଉଥିଲେ ନିକିତା । ନିକିତା ଏକ କମ୍ପାନୀରେ କାମ କରୁଛନ୍ତି । ଭଲ ରୋଜଗାର ମଧ୍ୟ ପାଉଛନ୍ତି । କିନ୍ତୁ ସେ କାହିଁକି ମାସିକ ଏତେ ଟଙ୍କା ଲେଖାଏଁ ନେଉଥିଲେ ବୋଲି ସୋସିଆଲ ମିଡିଆରେ ୟୁଜର୍ସମାନେ ପ୍ରଶ୍ନ ଉଠାଇଛନ୍ତି । କେବଳ ଏତିକି ନୁହେଁ ମାନସିକଭାବେ ତାଙ୍କୁ ଟଙ୍କା ଦେବାକୁ ବାରମ୍ବାର ଚାପ ମଧ୍ୟ ପକାଉଥିଲେ । ୩ କୋଟି ନେଇ ମାମଲାର ଦଫାରଫା କରିବାକୁ ମଧ୍ୟ କହିଥିଲେ ପତ୍ନୀ । ଏଭଳି ବ୍ୟବହାର କରୁଥିବା ମହିଳାଙ୍କ ବିରୋଧରେ କଡ଼ା କାର୍ଯ୍ୟାନୁଷ୍ଠାନ ନେବାକୁ ସମସ୍ତେ ଦାବି କରିବା ସହ ବିଭିନ୍ନ ପୋଷ୍ଟମାନ କରୁଛନ୍ତି ।
EMI ଦେବାଠୁ ଆଗ ହେଉଛି ସ୍ତ୍ରୀ- ଛୁଆଙ୍କ ଖର୍ଚ୍ଚ
ନନ୍ଦିଘୋଷ ବ୍ୟୁରୋ: ସୁପ୍ରିମକୋର୍ଟ ଏକ ବଡ଼ ନିଷ୍ପତ୍ତି ଶୁଣାଇଛନ୍ତି । ଯାହାକି ଲୋନ ଦେଉଥିବା ସଂସ୍ଥାମାନଙ୍କ ଚିନ୍ତା ବଢ଼ିଯାଇପାରେ । କାରଣ ସେମାନେ ଲୋନ ଆଦାୟ କରିବାରେ ଅସୁବିଧା ଉପୁଜିପାରେ । କାରଣ ସର୍ବୋଚ୍ଚ ନ୍ୟାୟାଳୟ ଏକ ରାୟରେ କହିଛନ୍ତି କି, ପିଲା ଏବଂ ଅଲଗା ହୋଇଥିବା ପତ୍ନୀଙ୍କ ମାସିକ ଭତ୍ତା ଦେବା ତାଙ୍କର ପ୍ରାଥମିକତା । ଏହି ଖର୍ଚ୍ଚ ପରେ ସେ ଅନ୍ୟ କାମରେ ଟଙ୍କା ଖର୍ଚ୍ଚ କରିପାରିବେ । ସେ ଲୋନ ନେଇଥିଲେ ସୁଦ୍ଧା ପ୍ରଥମେ ସ୍ତ୍ରୀ ଏବଂ ଛୁଆଙ୍କ ଖର୍ଚ୍ଚ ଦେବେ ଏବଂ ପରେ ଲୋନ ଟଙ୍କା ଦେବେ ।
ଜଷ୍ଟିସ୍ ସୂର୍ଯ୍ୟକାନ୍ତ ଏବଂ ଜଷ୍ଟିସ ଉଜ୍ଜଳ ଭୂୟାନ ଏକ ମାମଲାରେ ଏଭଳି ଶୁଣାଣି କରିଛନ୍ତି । ଜଣେ ସ୍ବାମୀ କୋର୍ଟରେ ଅଭିଯୋଗ କରିଥିଲେ କି, ତାଙ୍କର ଏକ ଫ୍ୟାକ୍ଟ୍ରି ଥାଇ ସୁଦ୍ଧା ସେ ଅଲଗା ହୋଇଥିବା ସ୍ତ୍ରୀଙ୍କ ମାସିକ ଖର୍ଚ୍ଚ ସାଙ୍ଗକୁ ଲୋନ ଦେବାରେ ବହୁ ଅସୁବିଧାର ସମ୍ମୁଖୀନ ହେଉଛନ୍ତି । ଫ୍ୟାକ୍ଟ୍ରି କ୍ଷତିରେ ଚାଲିଥିବାବେଳେ ମୁଣ୍ଡ ଉପରେ ରହିଛି ଋଣ ବୋଝ । ତେବେ ଏହି ମାମଲାରେ କୋର୍ଟ କହିଛନ୍ତି କି, ପ୍ରଥମେ ସ୍ତ୍ରୀଙ୍କ ମାସିକ ଖର୍ଚ୍ଚ ପ୍ରଥମେ ଦେବାକୁ ପଡ଼ିବ । ଋଣ କଥା ପଛରେ ବିଚାର କରାଯିବ ବୋଲି କୁହାଯାଇଛି ।
ଶ୍ରମିକଙ୍କୁ ପିଟି ପିଟି ମାରିଦେଲେ
ନନ୍ଦିଘୋଷ ବ୍ୟୁରୋ: କଟକ ବାରଙ୍ଗ ତ୍ରିଶୁଳିଆ ନିକଟରେ ଶ୍ରମିକଙ୍କୁ ପିଟିପିଟି ହତ୍ଯା। ୨୦ରୁ ୨୫ ଜଣ ସଂଘବଦ୍ଧ ଆକ୍ରମଣ କରି ନିର୍ମମ ହତ୍ୟା କରିଛନ୍ତି। ମୃତ ଶ୍ରମିକ ହେଉଛନ୍ତି ତୋଫାନ ସାମଲ । ଏକ ବିଲଡର ସଂସ୍ଥା ପାଖରେ ଓଲଡିଂ କାରିଗର ଭାବେ କାମ କରୁଥିଲେ। ଗତକାଲି ଇଡବ୍ଲୁ ଏସ ବସ୍ତିର 20 ରୁ 25 ଲୋକ ତାଙ୍କୁ ସଂଘବଦ୍ଧ ଭାବେ ଆକ୍ରମଣ କରିଥିଲେ। ମୃତକଙ୍କ ପୁଅ ପ୍ରତିବାଦ କରିଥିଲେ ବି ଖାତିର କରିନଥିଲେ ଆକ୍ରମଣକାରୀ । ଇଟା ପଥରରେ ତୋଫାନଙ୍କୁ ଛେଚି ପକାଇଥିଲେ। ପରେ ସଂକଟାପନ୍ନ ଅବସ୍ଥାରେ ପରିବାର ଲୋକେ କିଛି ସ୍ଥାନୀୟ ଲୋକଙ୍କ ସହାୟତାରେ ତାଙ୍କୁ ଏସସିବି ଆଣିଥିଲେ।ହେଲେ ସେଠାରେ ଡାକ୍ତର ତାଙ୍କୁ ମୃତ ଘୋଷଣା କରିଛନ୍ତି। ତେବେ ହତ୍ୟାକାଣ୍ଡର କାରଣ ଅସ୍ପଷ୍ଟ ରହିଛି। ଏ ନେଇ ବାରଙ୍ଗ ଥାନାରେ ମାମଲା ରୁଜୁ ହେବାପରେ ପୋଲିସ ତଦନ୍ତ ଆରମ୍ଭ କରିଛି।
କଂଗ୍ରେସକୁ ଆମ୍ ଆଦମୀ ପାର୍ଟିର ବଡ଼ ଝଟକା, ଦିଲ୍ଲୀରେ ଏକାକି ନିର୍ବାଚନ ଲଢ଼ିବ ଆପ୍
ନନ୍ଦିଘୋଷ ବ୍ୟୁରୋ: କଂଗ୍ରେସକୁ ଆମ୍ ଆଦମୀ ପାର୍ଟିର ବଡ଼ ଝଟକା । ଦିଲ୍ଲୀରେ ଆପ୍ ଏକା ଲଢ଼ିବ ନିର୍ବାଚନ । ଦିଲ୍ଲୀ ମେଣ୍ଟ ଉପରେ କେଜ୍ରିୱାଲଙ୍କ ବୟାନ ପରେ ରାଜନାତିକ ହଟଚମଟ ଦେଖାଦେଇଛି । ଆଗାମୀ ଦିଲ୍ଲୀ ବିଧାନସଭା ନିର୍ବାଚନରେ ଆମ୍ ଆଦମୀ ପାର୍ଟି କୌଣସି ଦଳ ସହ ମେଣ୍ଟ କରିବ ନାହିଁ। ଏଭଳି ପରିସ୍ଥିତିରେ ରାଜନୈତିକ ଅସ୍ଥିରତା ମଧ୍ୟ ବୃଦ୍ଧି ପାଇବାରେ ଲାଗିଛି। ଏହି ସମୟରେ ଦିଲ୍ଲୀର ପୂର୍ବତନ ସିଏମ ଅରବିନ୍ଦ କେଜ୍ରିୱାଲ ସ୍ପଷ୍ଟ କରିଛନ୍ତି ଯେ ତାଙ୍କ ଦଳ ଏକା ନିର୍ବାଚନ ଲଢ଼ିବ । ଆମ୍ ଆଦମୀ ପାର୍ଟି ନିର୍ବାଚନ ପାଇଁ ସମ୍ପୂର୍ଣ୍ଣ ପ୍ରସ୍ତୁତି ଚଳାଇଛି । ଆପ୍ ଏହାର ପ୍ରାର୍ଥୀଙ୍କ ଦୁଇଟି ତାଲିକା ମଧ୍ୟ ପ୍ରକାଶ କରିଛି । କଂଗ୍ରେସ ସହିତ ମେଣ୍ଟକୁ ଖଣ୍ଡନ କରିଛି ଆପ୍ । ଆମ୍ ଆଦମୀ ପାର୍ଟିର ରାଷ୍ଟ୍ରୀୟ ସଂଯୋଜକ ଏବଂ ପୂର୍ବ ମୁଖ୍ୟମନ୍ତ୍ରୀ ଅରବିନ୍ଦ କେଜରିୱାଲ କହିଛନ୍ତି କଂଗ୍ରେସ ସହିତ ମେଣ୍ଟର କୌଣସି ସମ୍ଭାବନା ନାହିଁ । ସେପଟେ ଆପ୍ ସାଂସଦ ରାଘବ ଚଡ୍ଡା କହିଛନ୍ତି କଂଗ୍ରେସ ସହିତ ମେଣ୍ଟ ଖବର ମିଥ୍ୟା । ଆମେ ନିର୍ବାଚନ ଏକା ଲଢ଼ିବୁ ଏବଂ ଜିତିବୁ । ସେପଟେ କେଜରିୱାଲ କହିଛନ୍ତି ଚତୁର୍ଥ ଥର ପାଇଁ ଦିଲ୍ଲୀରେ ଆମ୍ ଆଦମୀ ପାର୍ଟି ଦିଲ୍ଲୀରେ ସରକାର ଗଠନ କରିବାକୁ ଯାଉଛି ।