ଭୁବନେଶ୍ବର: ପୋଲାଭରମ ପ୍ରସଙ୍ଗରେ କେନ୍ଦ୍ର ଜଳ ଆୟୋଗ ଓ କେନ୍ଦ୍ର ସରକାରଙ୍କୁ ଭେଟି ଦାବି ପତ୍ର ପ୍ରଦାନ କରିଛି ବିଜେଡି ଟିମ୍। ଦିଲ୍ଲୀରେ ଓଡ଼ିଶାର ସ୍ବରକୁ ଶାଣିତ କରିଛି ବିଜେଡି। ପୋଲାଭରମ ପ୍ରକଳ୍ପ କାର୍ଯ୍ୟକୁ ବନ୍ଦ ରଖିବାକୁ ଦାବି କରିଛି ଦଳ । କାରଣ ପ୍ରକଳ୍ପ ହେଲେ ମାଲକାନଗିରିର ଅନେକ ଗାଁ ଜଳମଗ୍ନ ହେବ। ମାନଚିତ୍ରରୁ ଲିଭିଯିବ ମାଲକାନଗିରିର ଅନେକ ଗାଁ । ଆଜି ଏହି ପ୍ରତିନିଧି ଦଳ ବିଜେଡି ସଭାପତି ନବୀନ ପଟ୍ଟନାୟକଙ୍କୁ ଭେଟି ରିପୋର୍ଟ ପ୍ରଦାନ କରିଛନ୍ତି । ପୋଲାଭରମ ପ୍ରସଙ୍ଗକୁ ନେଇ ଆଗକୁ କଣ ରଣନୀତି ରହିବ, ସେ ନେଇ ପରାମର୍ଶ ଦେବେ ନବୀନ ।
ପାତାଲ ଲୋକ ନୂଆ ସିଜିନର ପୋଷ୍ଟର ରିଲିଜ୍,ପୁଣି ପରଦାରେ ନଜର ଆସିବେ ଇନିସପେକ୍ଟର ହାଥୀ ରାମ ଚୌଧୁରୀ
ନନ୍ଦିଘୋଷ ବ୍ୟୁରୋ: ବର୍ଷ ୨୦୨୦ । ଯେତେ ବେଳେ ସମସ୍ତେ ଆତ୍ମଘାତୀ ଭାଇରସ୍ କୋରୋନା ସହ ଲଢେଇ କରୁଥାନ୍ତି । ସାରା ଦେଶରେ ପୁରାପୁରି ଲକଡାଉନ୍ ଚାଲିଥାଏ ଏବଂ ସମସ୍ତେ ନିଜର କାମଧନ୍ଦା ଛାଡି ଘରେ ବନ୍ଦୀ ହୋଇ ରହିଥାନ୍ତି । ସେହି ସମୟରେ ସ୍ବଭାବତଃ ସିନେମା ହଲ୍ ମଧ୍ୟ ବନ୍ଦ ଥାଏ । ସେହି ସମୟରୁ ହିଁ ଆରମ୍ଭ ହେଲା ଓଟିଟି ପ୍ଲାଟଫର୍ମ । ପ୍ରାୟ ଅଧିକାଶଂ ଲୋକ ମଧ୍ୟ ଘରେ ନିଜର ସମୟ କାଟିବା ପାଇଁ ଓଟିଟି ପ୍ଲାଟଫର୍ମରେ ଫିଲ୍ମ ଏବଂ ଓ୍ବେବସିରିଜ୍ ଦେଖିବା ଆରମ୍ଭ କଲେ । ଏହି ଅବଧି ମଧ୍ୟରେ ବିଭିନ୍ନ ଓଟିଟି ପ୍ଲାଟଫର୍ମରେ ଅନେକ ମନୋରଞ୍ଜନଧର୍ମୀ ଫିଲ୍ମ ସହ ସରିଜ୍ ରିଲିଜ୍ ହୋଇଥିଲା ।
ଆପଣମାନେ ଜାଣିଥିବେ ଜଣାଶୁଣା ଓଟିଟି ପ୍ଲାଟଫର୍ମ ଆମାଜନ୍ ପ୍ରାଇମରେ ରିଲିଜ୍ ହୋଇଥିବା କ୍ରାଇମ୍ ଥ୍ରିଲର୍ ଉପରେ ପର୍ଯ୍ୟବେଷିତ ବହୁଚର୍ଚ୍ଚିତ ଓ୍ବେବସିରିଜ୍ ପାତାଳଲୋକ ଲୋକଙ୍କୁ ବେଶ୍ ମନୋରଞ୍ଜନ ଯୋଗାଇଥିଲା । ବଲିଉଡ୍ ଅଭିନେତା ଜୟଦୀପ ଅହଲାବତଙ୍କ ଅଭିନୀତ ଓ୍ବେବସିରିଜ୍ ପାତାଲ ଲୋକ୍ ମେ ୨୦୨୦ରେ ରିଲିଜ୍ ହୋଇଥିଲା । ଏହି ଓ୍ବେବସିରିଜର ପ୍ରଥମ ସିଜିନ୍ ବହୁତ ଜବରଦସ୍ତ ଥିଲା । ତେବେ ଏବେ ଏହାର ଦ୍ବିତୀୟ ସିଜିନ୍ ରିଲିଜ୍ ହେବାକୁ ଯାଉଛି । ପାତାଲ ଲୋକର ସିଜିନ୍ -୧ରେ ବଲିଉଡ୍ ଅଭିନେତା ଯେମିତି କି, ଜୟଦୀପ ଅହଲାବତ, ଅଭିଷେକ ବାନାର୍ଜୀଙ୍କ ପରି ବହୁ କଳାକାର ସାମିଲ୍ ଥିଲେ । ଯାହାଙ୍କ ଅଭିନୟ ଦର୍ଶକଙ୍କୁ ବେଶ୍ ପସନ୍ଦ ଆସିଥିଲା । ସିରିଜରେ ଦେଖାଯାଇଥିବା ଦୃଶ୍ୟ ଏବଂ ଚରିତ୍ର ଲୋକଙ୍କୁ ବାନ୍ଧିରଖିଥିଲା ।
ଏବେ ତାର ଦ୍ବିତୀୟ ସିଜିନ୍ ଆସିବାକୁ ଯାଉଛି ଯାହାର ପୋଷ୍ଟର ନିକଟରେ ରିଲିଜ୍ ମଧ୍ୟ ହୋଇଛି । ତେବେ ଏହି ପୋଷ୍ଟରରେ ମୁଖ୍ୟ ଅଭିନେତା ଜୟଦୀପ ଅହଲାବତଙ୍କୁ ଦେଖିବାକୁ ମିଳିଛି । ଏବଂ ତାଙ୍କ ଆଖି ସାମ୍ନାରେ ଏକ ଛୁରୀ ରହିଥିବା ମଧ୍ୟ ଦେଖିବାକୁ ମିଳିଛି । ଯେଉଁଥିରୁ କି ବହୁତ ରକ୍ତ ପଡୁଥିବା ନଜର ଆସିଛି । ପୋଷ୍ଟରକୁ ଦେଖି ଦର୍ଶକ ଅନୁମାନ କରିଛନ୍ତି ଯେ ,ଏହି ଥର ସିରିଜଟି ଆହୁରି ଧମାକାଦାର୍ ହେବ । କିଛି ଲୋକ ଏହି ପୋଷ୍ଟରରେ କମେଣ୍ଟ ମଧ୍ୟ ଦେଇଛନ୍ତି ଯେ , ଯାହା ହେଉ , ଅପେକ୍ଷାର ଅନ୍ତ ଘଟିଲା । ଦର୍ଶକ ଏହି ସିରିଜ୍ ର ନୂଆ ସିଜିନ୍ ଦେଖିବା ପାଇଁ ପ୍ରାୟ ୫ବର୍ଷ କାଳ ଅପେକ୍ଷା କରିଥିଲେ । ଏବେ ବହୁତ ଶୀଘ୍ର ଦ୍ବିତୀୟ ସିଜିନ୍ ଦେଖିବାକୁ ମିଳିବ ।
ପାତାଲ ଲୋକର ସିଜିନ୍ – ୧ ବହୁତ ଜବରଦସ୍ତ ଥିଲା । ସିରିଜଟି ଦର୍ଶକଙ୍କ ପାଇଁ କାଫି ସସପେନ୍ସରେ ଭରପୂର ଥିଲା । ସିରିଜଟିରେ ଏମିତି ବହୁତ ମୂହୂର୍ତ୍ତ ଥିଲା ଯାହାକି ଦର୍ଶକଙ୍କର ହୋସ୍ ଉଡାଇଦେଇଥିଲା । ଜୟଦୀପ ଅହଲାବତଙ୍କ ବ୍ୟତୀତ ସିରିଜରେ ଅଭିଷେକ ବାନାର୍ଜୀଙ୍କ ହାଥୋଡେ ତ୍ୟାଗୀଙ୍କ ଚରିତ୍ର ସମସ୍ତଙ୍କୁ ବାନ୍ଧି ରଖିଥିଲା । ସିରିଜରେ ସେ ହାତୁଡିରେ ସମସ୍ତଙ୍କୁ ମାରୁଥିବାର ଦୃଶ୍ୟ ସମସ୍ତଙ୍କୁ ଆଶ୍ଚର୍ଯ୍ୟାନ୍ବିତ କରିଥିଲା ।
ରାଜଗାଦୀ ଛାଡିବା ପୂର୍ବରୁ ବାଇଡେନ୍ ୧୫୦୦ କଏଦୀଙ୍କୁ ଦେଲେ ରାଜକ୍ଷମା
ନନ୍ଦିଘୋଷ ବ୍ୟୁରୋ : ରାଜଗାଦୀ ଛାଡିବା ପୂର୍ବରୁ ଆମେରିକା ରାଷ୍ଟ୍ରପତି ଜୋ ବାଇଡେନ ବଡ଼ ପଦକ୍ଷେପ ନେଇଛନ୍ତି। ଠକେଇ ମାମଲାରେ ଦୋଷୀ ସାବ୍ୟସ୍ତ ୧୫୦୦ ଜଣଙ୍କୁ ସେ କ୍ଷମା ପ୍ରଦାନ କରିଛନ୍ତି। ଆପରାଧିକ ମାମଲାରେ ୩୯ ଜଣଙ୍କୁ କ୍ଷମା ଦେଇଛନ୍ତି ରାଷ୍ଟ୍ରପତି। ମୁକ୍ତ କଏଦୀଙ୍କ ଭିତରେ ୪ ଭାରତୀୟ ରହିଛନ୍ତି। କିଛି ଦିନ ତଳେ ଜେଲଜ୍ରେ ଥିବା ନିଜ ପୁଅକୁ କ୍ଷମା କରିଥିଲେ ବାଇଡେନ।
ସୂଚନା ଅନୁଯାୟୀ, ଆମେରିକା ରାଷ୍ଟ୍ରପତି ଜୋ ବାଇଡେନ ଏକାସାଙ୍ଗରେ ଏତେ ଅପରାଧୀଙ୍କୁ କ୍ଷମା ପ୍ରଦାନ କରିଛନ୍ତି । ବାଇଡେନଙ୍କ ଏହି ନିଷ୍ପତ୍ତିରେ ଡୋନାଲ୍ଡ ଟ୍ରମ୍ପ ଆଶ୍ଚର୍ଯ୍ୟ ହୋଇଛନ୍ତି ।
ଜୋ ବାଇଡେନ ଏକ ବିବୃତ୍ତି ଜାରି କରି କହିଛନ୍ତି ଯେ, ରାଷ୍ଟ୍ରପତି ଭାବରେ ତାଙ୍କୁ ଦୟା ଦେଖାଇବାର ସୁଯୋଗ ମିଳିଛି । ଯେଉଁମାନେ ସେମାନଙ୍କର ଭୁଲକୁ ବୁଝିପାରି ଏବଂ ଭବିଷ୍ୟତରେ ଏକ ସ୍ୱଚ୍ଛ ଜୀବନଯାପନ କରିବାକୁ ପ୍ରତିଜ୍ଞା ନେଇଛନ୍ତି ସେମାନଙ୍କୁ କ୍ଷମା କରିବା ଜରୁରୀ ଅଟେ । ଏହି ନିଷ୍ପତ୍ତି ସ୍ୱଚ୍ଛ ସମାଜ ଗଢିବାରେ ସହାୟକ ହେବ । ଯେଉଁ କଏଦୀଙ୍କୁ କ୍ଷମା ପ୍ରଦାନ କରାଯାଇଛି ସେମାନେ ଅଧିକାଂଶ ଡ୍ରଗ୍ସ କରାବାରରେ ଜଡିତ ଅଛନ୍ତି ।
ସୂଚନାଯୋଗ୍ୟ ଯେ, ଜୋ ବାଇଡେନଙ୍କ ପୁଅ ହଣ୍ଟର ବାଇଡେନ ମଧ୍ୟ ଅପରାଧୀକ ମାମଲାରେ ଜଡିତ ଥିଲେ। ବେଆଇନ ଅସ୍ତ୍ରଶସ୍ତ୍ର ରଖିବା, ଟିକସ ଫାଙ୍କିବା ଏବଂ ଡ୍ରଗ୍ସ ଏହି ତିନୋଟି ମାମଲାରେ ଜଡିତ ଥିବାରୁ ତାଙ୍କୁ ଦଣ୍ଡିତ କରାଯାଇଥିଲା । ତେବେ ଜୋ ବାଇଡେନ ତାଙ୍କ ପୁଅକୁ ମଧ୍ୟ କ୍ଷମା କରିଛନ୍ତି ।
ପୁଣି ବିଗିଡିଲା ଲାଲକୃଷ୍ଣ ଆଡଭାନୀଙ୍କ ସ୍ବାସ୍ଥ୍ୟ ଅବସ୍ଥା, ଆପୋଲୋ ହସ୍ପିଟାଲରେ ଭର୍ତ୍ତି
ନୂଆଦିଲ୍ଲୀ: ପୁଣି ବିଗିଡିଲା ବରିଷ୍ଠ ଭାଜପା ନେତା ଲାଲକୃଷ୍ଣ ଆଡଭାନୀଙ୍କ ସ୍ବାସ୍ଥ୍ୟ ଅବସ୍ଥା। ତାଙ୍କୁ ଆଜି ଦିଲ୍ଲୀର ଆପୋଲୋ ହସ୍ପିଟାଲରେ ଭର୍ତ୍ତି କରାଯାଇଛି। ସୂଚନା ଅନୁଯାୟୀ, ବର୍ତ୍ତମାନ ତାଙ୍କ ସ୍ୱାସ୍ଥ୍ୟ ଅବସ୍ଥା ସ୍ଥିର ରହିଛି।
ଲାଲକୃଷ୍ଣ ଆଡଭାନୀଙ୍କୁ ୯୭ ବର୍ଷ ବୟସ। ତାଙ୍କୁ ଗତ ୪-୫ ମାସ ମଧ୍ୟରେ ୪ ଥର ଡାକ୍ତରଖାନାରେ ଭର୍ତ୍ତି କରିବାକୁ ପଡିଛି। ଏହାପୂର୍ବରୁ ତାଙ୍କୁ ଅଗଷ୍ଟ ମାସରେ ଡାକ୍ତରଖାନାରେ ଭର୍ତ୍ତି କରାଯାଇଥିଲା। ୩ ଜୁଲାଇରେ ମଧ୍ୟ ତାଙ୍କୁ ଆପୋଲ ହସ୍ପିଟାଲରେ ଭର୍ତ୍ତି କରାଯାଇଥିଲା । ଏହା ପୂର୍ବରୁ ୨୬ ଜୁନରେ ତାଙ୍କୁ ଏମସ୍ ହସ୍ପିଟାଲରେ ଭର୍ତ୍ତି କରାଯାଇଥିଲା ।
ଲାଲକୃଷ୍ଣ ଆଡଭାନୀ କିଛି ଦିନଧରି ସ୍ବାସ୍ଥ୍ୟ ସମ୍ବନ୍ଧୀୟ ସମସ୍ୟା ସହ ସଂଘର୍ଷ କରିଆସୁଥିଲେ। ଏଥିଲାଗି ସେ କୌଣସି ସାର୍ବଜନୀନ କାର୍ଯ୍ୟକ୍ରମରେ ଯୋଗ ଦେଉନଥିଲେ। ଚଳିତବର୍ଷ ତାଙ୍କୁ ଦେଶର ସର୍ବୋଚ୍ଚ ସମ୍ମାନ ଭାରତ ରତ୍ନ ମଧ୍ୟ ପ୍ରଦାନ କରାଯାଇଥିଲା। ସ୍ବାସ୍ଥ୍ୟ ସମ୍ବନ୍ଧୀୟ ସମସ୍ୟା ହେତୁ ସେ ରାଷ୍ଟ୍ରପତି ଭବନରେ ଏହି କାର୍ଯ୍ୟକ୍ରମରେ ଯୋଗ ଦେଇପାରି ନ ଥିଲେ। ତାଙ୍କୁ ତାଙ୍କ ବାସଭବନରେ ଭାରତ ରତ୍ନ ଦିଆଯାଇଥିଲା। ରାଷ୍ଟ୍ରପତି ଦ୍ରୌପଦୀ ମୁର୍ମୁ ୩୦ ମାର୍ଚ୍ଚରେ ତାଙ୍କ ବାସଭବନକୁ ଯାଇ ତାଙ୍କୁ ‘ଭାରତ ରତ୍ନ’ ସମ୍ମାନରେ ସମ୍ମାନିତ କରିଥିଲେ ।
ଲାଲକୃଷ୍ଣ ଆଡଭାନୀ ୮ ନଭେମ୍ବର ୧୯୨୭ରେ କରାଚିରେ ଜନ୍ମଗ୍ରହଣ କରିଥିଲେ। ସେ ୧୯୪୨ରେ ରାଷ୍ଟ୍ରିୟ ସ୍ବୟଂସେବକ ସଂଗଠନରେ ଯୋଗ ଦେଇଥିଲେ। ସେ ୧୯୮୬ ରୁ ୧୯୯୦ ପର୍ଯ୍ୟନ୍ତ, ପୁଣି ୧୯୯୩ ରୁ ୧୯୯୮ ଏବଂ ୨୦୦୪ ରୁ ୨୦୦୫ ପର୍ଯ୍ୟନ୍ତ ଭାଜପାର ରାଷ୍ଟ୍ରୀୟ ସଭାପତି ଥିଲେ। ଏହା ବ୍ୟତୀତ ସେ ଦୀର୍ଘ ସମୟ ଧରି ଦଳର ସଭାପତି ରହିଆସିଛନ୍ତି। ସେ ଅଟଳ ବିହାରୀ ବାଜପେୟୀଙ୍କ ସରକାରରେ ଗୃହମନ୍ତ୍ରୀ ତଥା ଉପମୁଖ୍ୟମନ୍ତ୍ରୀ ମଧ୍ୟ ଥିଲେ। ୨୦୧୫ ରେ ପଦ୍ମ ଭୂଷଣ ସମ୍ମାନରେ ସମ୍ମାନିତ କରାଯାଇଥିଲା। ସେ ଦେଶର ଗୃହମନ୍ତ୍ରୀ ମଧ୍ୟ ରହିଛନ୍ତି।
ନୂଆ ପ୍ୟାନ୍ କାର୍ଡ: କେମିତି ଘରେ ବସି ଆବେଦନ କରିବେ,କେତେ ଟଙ୍କା ଲାଗିବ ଚାର୍ଜ, ଜାଣନ୍ତୁ
ନୂଆଦିଲ୍ଲୀ: କେନ୍ଦ୍ର ସରକାର ପ୍ୟାନ କାର୍ଡକୁ ସଭିଙ୍କ ପାଖରେ ଉପଲବ୍ଧ କରାଇବା ସହ ଏହାର ଦକ୍ଷତା ବଢାଇବା ପାଇଁ ପ୍ୟାନ୍ ୨.୦ ପ୍ରୋଜେକ୍ଟ ଆରମ୍ଭ କରିଛନ୍ତି । ନୂଆ ପ୍ୟାନ୍ କାର୍ଡରେ କ୍ୟୁଆର୍ କୋର୍ଡ ମଧ୍ୟ ରହିଛି । ଏହି କ୍ୟୁଆର୍ କୋର୍ଡ ସ୍କାନ କଲେ ସେହି ବ୍ୟକ୍ତିଙ୍କ ବିଷୟରେ ସବିଶେଷ ବିବରଣୀ ଜାଣିହେବ । ଏବଂ ଏହି କ୍ୟୁଆର୍ କୋର୍ଡ ସିଷ୍ଟମ ଆମର ବହୁ ଗୁରୁତ୍ବପୂର୍ଣ୍ଣ କାର୍ଯ୍ୟରେ ସହାୟକ ହେବ । ସରକାରୀ ଆକଳନ ଅନୁଯାୟୀ ପ୍ୟାନ୍ ୨.୦ ପ୍ରୋଜେକ୍ଟରେ ୧୪୩୫କୋଟି ଟଙ୍କା ଖର୍ଚ୍ଚ ହୋଇପାରେ ।
ନୂଆ ପ୍ୟାନ୍ କାର୍ଡ ଲାଗୁ କରିବାର କାରଣ ଡିଜିଟାଲ୍ କ୍ଷେତ୍ରରେ ଭାରତକୁ ସଫଳ କରିବା ସହ ଆୟକର ବିଭାଗର ସୁପରିଚାଳନା ବ୍ୟବସ୍ଥିତ ଢଙ୍ଗରେ କରିବାର ମଧ୍ୟ ସାହାର୍ଯ୍ୟ କରିବ । ପ୍ୟାନ୍ ୨.୦ ଏକ ଇ-ଗଭର୍ଣ୍ଣାନ୍ସ ଯୋଜନା ଅଟେ ଯାହାର ଉଦ୍ଦେଶ୍ୟ ଟିକସଦାତାଙ୍କ ପାଇଁ ପଞ୍ଜୀକୃତ ଥିବା ସେବାକୁ ନୂଆ ରୂପ ଦେବା । ଏହା ସହିତ ପ୍ୟାନ୍ ( Permanent Account Number ) ଏବଂ ଟ୍ୟାନ୍ (Tax Deduction and Collection Account Number)କୁ ଗୋଟିଏ ପ୍ଲାଟଫର୍ମରେ ଏକାଠି କରି ସମସ୍ତଙ୍କର ଡାଟାକୁ ସୁରକ୍ଷିତ ରଖିବା ।
ତେବେ ଏଠି ପ୍ରଶ୍ନ ଉଠୁଛି ସମସ୍ତଙ୍କ ପାଖରେ ଥିବା ପୁରୁଣା ପ୍ୟାନକାର୍ଡ ଏବେ କାମ କରିବ କି ନାହିଁ ? ତେବେ ପୁରୁଣା ପ୍ୟାନ୍ କାର୍ଡ ଉପରେ ନୂଆ ପ୍ୟାନକାର୍ଡର କିଛି ବି ପ୍ରଭାବ ପଡିବ ନାହିଁ । କିନ୍ତୁ ପୁରୁଣା ପ୍ୟାନ କାର୍ଡ ବ୍ୟବହାର କରୁଥିବା ଲୋକ ନୂଆ ପ୍ୟାନ କାର୍ଡ ମଧ୍ୟ ଆବେଦନ କରିପାରିବ । ଏହାକୁ ଅନଲାଇନରେ ହିଁ ଆବେଦନ କରିହେବ । ଆବେଦନ କରିବାର କିଛି ସମୟ ପରେ ଆପଣଙ୍କ ପଞ୍ଜୀକୃତ ଇମେଲରେ ଏହି ପ୍ୟାନକାର୍ଡ ଆଇଡି ପଠାଯିବ । ତେବେ କେମିତି ମିଳିବ ଏହି ପ୍ୟାନ୍ କାର୍ଡ ? ଆପଣ ଯଦି ଏହି କ୍ୟୁଆର୍ କୋର୍ଡ ପ୍ୟାନ୍ କାର୍ଡ ଆବେଦନ କରିବାକୁ ଚାହାଁନ୍ତି ତେବେ ଏହାକୁ ଆପଣ ଘରେ ବସି ଅନଲାଇନ୍ ମାଧ୍ୟମରେ ଆବେଦନ କରିପାରିବେ । ଏହାପରେ ଏହି ପ୍ୟାନକାର୍ଡଟି ଆପଣଙ୍କ ଇମେଲ୍ ଆଇଡିକୁ ପଠାଯିବ । ଆପଣ NSDL ଓ୍ବେବସାଇଟରୁ ଯାଇ ପ୍ୟାନକାର୍ଡକୁ ଡାଉନଲୋଡ କରିପାରିବେ । ତେବେ ନୂଆ ପ୍ୟାନ କାର୍ଡ ଆବେଦନ ପାଇଁ କେତେ ଟଙ୍କା ଲାଗିବ ? ପ୍ୟାନ୍ କାର୍ଡ ଫିଜିକାଲି ପାଇବା ପାଇଁ ମାତ୍ର ୫୦ଟଙ୍କା ଲାଗିବ । NSDL ଦ୍ବାରା ଇ-ପ୍ୟାନ୍ କାର୍ଡ ପାଇଁ www.onlineservices.nsdl.com/paam/requestAndDownloadEPAN.htmlକୁ ଯିବେ । ଏହା ପରେ ପୁରୁଣା ପ୍ୟାନ୍ କାର୍ଡର ନମ୍ବର , ଆଧାରକାର୍ଡର ବିବରଣୀ ଏବଂ ଜନ୍ମତିଥି ଦେବେ । ନିଜର ଠିକ୍ ବିବରଣୀ ଦେବା ପରେ ଏକ ଓଟିପି ଆସିବ । ଏହା ପରେ ୩୦ ମିନିଟରେ ଆପଣଙ୍କ ଇମେଲ୍ ଆଇଡିକୁ ଇ-ପ୍ୟାନ୍ ଆସିଯିବ । ଇ- ପ୍ୟାନକୁ ମାସେ ମଧ୍ୟରେ ୩ ଥର ବ୍ୟବହାର କଲେ କିଛି ଚାର୍ଜ ଲାଗିବ ନାହିଁ । କିନ୍ତୁ ୩ ଥରରୁ ଅଧିକ ବ୍ୟବହାର କଲେ ଜିଏସଟି ସହ ୮.୨୬ ଟଙ୍କା ଚାର୍ଜ ଲାଗିବ । ଏବଂ ଯଦି ଆପଣଙ୍କୁ ଫିଜିକାଲ୍ ପ୍ୟାନ୍ ଆଇଡି ଦରକାର ତେବେ ଆପଣଙ୍କୁ ମୋଟ ୫୦ ଟଙ୍କା ଦେବାକୁ ପଡିବ ।
ପ୍ରେମିକାର ଅନ୍ତରଙ୍ଗ ମୁହୂର୍ତ୍ତ ଭିଡିଓ ଭାଇରାଲ କରି ପ୍ରେମିକ ଗିରଫ
ବାଙ୍କୀ: ପ୍ରେମିକାର ଅନ୍ତରଙ୍ଗ ମୁହୂର୍ତ୍ତ ଭିଡିଓ ଭାଇରାଲ କରି ପୁରୁଣା ପ୍ରେମିକ ଗିରଫ। କଟକ ଜିଲ୍ଲା ବାଙ୍କୀ ଅଞ୍ଚଳରେ ଘଟିଛି ଏଭଳି ଘଟଣା । ସୂଚନା ଅନୁସାରେ, ବାଙ୍କୀ ଅଞ୍ଚଳର ଜଣେ ଯୁବତୀ ଜଣେ ଯୁବକଙ୍କୁ ପ୍ରେମ କରୁଥିଲେ ଓ ପରେ ଯୁବତୀ ଜଣକ ସେହି ଯୁବକଙ୍କୁ ଛାଡି ଅନ୍ୟ ଜଣେ ଯୁବକଙ୍କୁ ପ୍ରେମ କରିଥିଲେ । ତେବେ ଯୁବତୀ ଜଣକ ପ୍ରଥମ ପ୍ରେମିକକୁ ଛାଡି ଅନ୍ୟ ଏକ ଯୁବକଙ୍କୁ ପ୍ରେମ କରିବା ପରେ ପ୍ରଥମ ପ୍ରେମିକ ଉତ୍ୟକ୍ତ ହୋଇ ପ୍ରେମିକା ସହିତ ବିତାଇଥିବା କିଛି ଅନ୍ତରଙ୍ଗ ମୁହୂର୍ତ୍ତ ଭିଡିଓ ଭାଇରଲ କରିଥିଲା । ଏନେଇ ପ୍ରେମିକା ଜଣକ ବାଙ୍କୀ ଥାନାରେ ଅଭିଯୋଗ କରିଥିଲେ । ଅଭିଯୋଗ ଆଧାରରେ ପୋଲିସ ତଦନ୍ତ କରିବା ସହିତ ଯୁବତୀଙ୍କ ଅନ୍ତରଙ୍ଗ ମୁହୂର୍ତ୍ତର ଭିଡିଓ ଭାଇରାଲ କରିବା ଘଟଣାରେ ଅଭିଯୁକ୍ତ ପ୍ରଥମ ପ୍ରେମିକକୁ ଗିରଫ କରିଛି ।
ଭୁବନେଶ୍ବରରେ ସୁନାଗହଣା ଲୁଟିନେଲେ ଦୁବୃର୍ତ୍ତ, ଭାଙ୍ଗିନେଲେ ସିସିଟିଭି
ଭୁବନେଶ୍ବର: ଝିଅ ବାହାଘର ପାଇଁ ରଖିଥିଲେ ସୁନା। ଦୁର୍ବୃତ୍ତ ବୁଲାଇଲେ କଳାକନା। ପାହାଳ ଥାନା ସିଟି ହୋମ ଡୁପ୍ଲେକ୍ସ D-13ରୁ ପୋଛି ନେଲେ ସୁନା, ହୀରା, ରୁପା ଓ ଟଙ୍କା। ମାଲିକଙ୍କ ଅଭିଯୋଗ ଅନୁସାରେ, ୪୦ ଲକ୍ଷ ଟଙ୍କାର ଜିନିଷ ଲୁଟ ହୋଇଥିବା ଅଭିଯୋଗ ହୋଇଛି। ୬ ଜଣିଆ ଲୁଟେରା ଗ୍ୟାଙ୍ଗ ଗଲା ବେଳେ, ସିସିଟିଭି ଭାଙ୍ଗି ନେଇ ଯାଇଛନ୍ତି। ତେବେ ଡିଭିଆରରୁ ଭିଡିଓ ସଂଗ୍ରହ କରି, ତଦନ୍ତ ଆରମ୍ଭ କରିଛି ପାହାଳ ପୋଲିସ। କିଛିଦିନ ହେବ ଲୁଟେରା ମାନେ ପାହାଳ ଥାନା ଅଞ୍ଚଳରେ ଆତଙ୍କ ଖେଳାଇ ପୋଲିସକୁ ଖୋଲା ଚ୍ୟାଲେଞ୍ଜ ଦେଇଛନ୍ତି।
ସମ୍ବିଧାନ ପ୍ରଣୟନର ୭୫ତମ ବର୍ଷ ଅବସରରେ ଭାଷଣର ଉତ୍ତର ରଖିବେ ପ୍ରଧାନମନ୍ତ୍ରୀ
ନୂଆଦିଲ୍ଲୀ: ସମ୍ବିଧାନର ପ୍ରଣୟନର ୭୫ତମ ବର୍ଷ ପୂର୍ତ୍ତି ଅବସର। ଆଜି ମଧ୍ୟ ସଂସଦରେ ହେବ ସବିଶେଷ ଆଲୋଚନା। ବିଭିନ୍ନ ଦଳର ସଦସ୍ୟଙ୍କ ଭାଷଣ ଉପରେ ଉତ୍ତର ରଖିବେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦି। ସମ୍ବିଧାନ ପ୍ରଣୟନର ୭୫ ତମ ବର୍ଷ ପୂର୍ତ୍ତି ଅବସରରେ ରାଜ୍ୟସଭାରେ ମଧ୍ୟ ଆଲୋଚନା ହେବ। ଆସନ୍ତା ୧୬ ଏବଂ ୧୭ ତାରିଖରେ ହେବ ଏହି ଆଲୋଚନା । ଗତକାଲି ଲୋକସଭାରେ ଏହି ପ୍ରସଙ୍ଗରେ ଆଲୋଚନା ହୋଇଥିଲା। ଏହି ଅବସରରେ ପ୍ରଥମ ଭାଷଣ ରଖିଥିଲେ କଂଗ୍ରେସ ସାଂସଦ ପ୍ରିୟଙ୍କା ଗାନ୍ଧି। ସମ୍ବିଧାନ ଦେଶର ସୁରକ୍ଷା କବଚ ଭାବେ ବିବେଚନା କରି ସରକାରଙ୍କୁ କଡ଼଼ା ସମାଲୋଚନା କରିଥିଲେ। ସରକାରୀ ଦଳ ଏହାକୁ ଭଂଗ କରିବାକୁ ଚେଷ୍ଟା କରୁଛନ୍ତି। ଏହି ଅବସରେ ମହିଳା ସଂରକ୍ଷଣ ପ୍ରସଙ୍ଗ ଉଠାଇ ସରକାରଙ୍କୁ ତୀବ୍ର ସମାଲୋଚନା କରଥିଲେ। ୧୦ ବର୍ଷ ଧରି କେନ୍ଦ୍ରରେ ଥିବା ସରକାର ଜନତାଙ୍କ ଏହି କବଚକୁ ଭାଙ୍ଗିବାକୁ ଚାହୁଛନ୍ତି। ସମ୍ବିଧାନ ଜନତାଙ୍କ ସୁରକ୍ଷା କବଚ। ନ୍ୟାୟ, ଏକତା ଏବଂ ମତବ୍ୟକ୍ତର ଏହା କବଚ ବୋଲି କହିଥିଲେ ପ୍ରିୟଙ୍କା। ଏହି ସମ୍ବିଧାନ ଆମକୁ ସାମାଜିକ, ଆର୍ଥିକ ଏବଂ ରାଜନୈତିକ ସୁରକ୍ଷା ପ୍ରଦାନ କରିଆସୁଛି। ଏହି ଅବସରରେ ୨୦୦୧ ମସିହାରେ ଘଟିଥିବା ପାର୍ଲାମେଣ୍ଟ ଆକ୍ରମଣ ଘଟଣାକୁ ମନେ ପକାଇ ଦିବଙ୍ଗତ ସହିଦଙ୍କ ଉଦ୍ଦେଶ୍ୟରେ ଶ୍ରଦ୍ଧାଞ୍ଜଳି ଅର୍ପଣ କରିଥିଲେ ।
ଚାଷୀଙ୍କ ଦିଲ୍ଲୀ ଚଲୋ ଅଭିଯାନରେ ଯିବେ ୧୦୧ ଚାଷୀ ,ଏମଏସପି ନେଇ ଆଇନଗତ ଗ୍ୟାରେଣ୍ଟି ଦାବି
ଆଜି କୃଷକ ସଂଗଠନର ଦିଲ୍ଲୀ ଚଲୋ ଅଭିଯାନ। ଏମଏସପି ଗ୍ୟାରେଣ୍ଟି ଦାବି ନେଇ ଆଜି ଦିଲ୍ଲୀ ଚଲୋ ଅଭିଯାନ ଦେଇଛନ୍ତି କୃଷକ ସଂଗଠନ। ୧୦୧ ଚାଷୀ ଦିଲ୍ଲୀ ଅଭିମୁଖେ ଦିଲ୍ଲୀ ଚଲୋ ଅଭିଯାନରେ ବାହାରିବେ। ପୂର୍ବରୁ ଦିଲ୍ଲୀ ଚଲୋ ଅଭିଯାନ ନାରା ଦେଇଥିବା ଚାଷୀ ସୀମାନ୍ତ ସମ୍ଭୁ ବର୍ଡରେ ଅଟକି ଅଛନ୍ତି। ଆଜିଠାରୁ ପୁଣି ଦିଲ୍ଲୀ ଚଲୋ ଅଭିଯାନ ଆରମ୍ଭ ହେବ ବୋଲି ଘୋଷଣା କରିଥିଲା କୃଷକ ସଂଗଠନ। ଚାଷୀଙ୍କ ଆନ୍ଦୋଳନ ଡାକରା ଦେଇ କଡ଼ା ସୁରକ୍ଷା ବ୍ୟବସ୍ଥା ଗ୍ରହଣ କରିଛି ଦିଲ୍ଲୀ ପୋଲିସ। ଶମ୍ଭୁ ବର୍ଡରେ କଡା ସୁରକ୍ଷା ବ୍ୟବସ୍ଥା ଗ୍ରହଣ କରାଯାଇଛି। ବହୁ ଦିନ ହେଲା ହରିୟାଣା ଓ ପଂଜାବର ଚାଷୀମାନେ ଶମ୍ଭୁ ବର୍ଡରରେ ଧାରଣା ଦେଇଛନ୍ତି। ଏମଏସପି ପାଇଁ ଆଇନଗତ ଗ୍ୟାରେଣ୍ଟି ସହିତ ୧୦ ଦଫା ଦାବିରେ ସେମାନେ ଚଳାଇଛନ୍ତି ଆନ୍ଦୋଳନ। କିଛି ଦିନ ତଳେ ଦିଲ୍ଲୀ ଚଲୋ ଯାତ୍ରା ହେବାର ଥିଲା। କିନ୍ତୁ ତାକୁ ଆଜି ପର୍ଯ୍ୟନ୍ତ ସ୍ଥଗିତ ରଖାଯାଇଥିଲା। ଚାଷୀଙ୍କ ଆନ୍ଦୋଳନ ସମୟରେ ହରିୟାଣା ପୋଲିସ ସେମାନଙ୍କ ଉପରେ ଲୁହ ବୁହା ଗ୍ୟାସ୍ ଓ ରବର୍ ବୁଲେଟ ପ୍ରୟୋଗ କରିବାକୁ ଅନେକ ଆନ୍ଦୋଳନକାରୀ ଆହତ ହୋଇଥିଲେ। ଏହାକୁ ନେଇ ଦେଖା ଦେଇଥିଲା ଉତ୍ତେଜନା। ତେଣୁ ଦିଲ୍ଲୀ ଚଲୋ ଯାତ୍ରାକୁ ସ୍ଥଗିତ ରଖାଯାଇଥିଲା।
ଉପର ବାରାକାମୁଡ଼ାରେ ୩ ଡିଗ୍ରୀ, ଅସମ୍ଭାଳ ଜାଡରେ ଥରୁଛି ମୟୂରଭଞ୍ଜ
ମୟୂରଭଞ୍ଜ: ମୟୂରଭଞ୍ଜରେ ଅସମ୍ଭାଳ ଜାଡ । ଆଜି ସର୍ବନିମ୍ନ ତାପମାତ୍ରା ତିନି ଡିଗ୍ରୀ ରହିଛି । ଶିମିଳିପାଳ ପାଦଦେଶରେ ମଧ୍ୟ ଏହାର ପ୍ରଭାବ ଦେଖବାକୁ ମିଳିଛି । ଶୀତର ପ୍ରକୋପରୁ ବଞ୍ଚିବା ପାଇଁ ଲୋକମାନେ କାଠ ଜାଳି ନିଆଁ ପୁଉଁଛନ୍ତି। ଥଣ୍ଡାର ପ୍ରକୋପ ବଢ଼ିବା ସହ ଘନ କୁହୁଡ଼ି ଦେଖିବାକୁ ମିଳୁଛି । ଶିମିଳିପାଳର ବିଭିନ୍ୟ ସ୍ଥାନରେ ଆଜିର ତାପମାତ୍ରା ହ୍ରାସ ପାଇଛି। ଉପର ବାରାକାମୁଡ଼ାରେ ତିନି ଡିଗ୍ରୀ, ନଅଣାରେ ପାଞ୍ଚ, ଚହଲାରେ ୪, ଗୁରିଗୁଡ଼ିଆରେ ୬, ବରେହିପାଣି ୬ ଏବଂ ରlମତିର୍ଥ ଠାରେ ୧୦ ଡିଗ୍ରୀ ରେକର୍ଡ ହୋଇଛି l କିଛି ସ୍ଥାନରେ ୧୦ ତଳକୁ ଖସିଛି ତାପମାତ୍ରା । ୧୫ ତଳେ ରହିଛି ରାଜ୍ୟର ଅନେକ ସହର । ଆଗାମୀ ୩ ଦିନ ପର୍ଯ୍ୟନ୍ତ ପାଗରେ ବିଶେଷ ପରିବର୍ତ୍ତନ ନଥିବା ପୂର୍ବାନୁମାନ କରିଛି ଭୁବନେଶ୍ବର ଆଞ୍ଚଳିକ ପାଣିପାଗ ବିଜ୍ଞାନ କେନ୍ଦ୍ର । ସେହିପରି ଆଜିଠାରୁ ଆସନ୍ତା ୨ ଦିନ ମଧ୍ୟରେ ରାଜ୍ୟରେ ଘନ କୁହୁଡି଼ ଅଧିକ ଅନୁଭୂତ ହେବ ବୋଲି ବିଭାଗ ପକ୍ଷରୁ ସୂଚନା ମିଳିଛି।