ନନ୍ଦିଘୋଷ ବ୍ୟୁରୋ: ରାଉରକେଲା ସରକାରୀ ଡାକ୍ତରଖାନାରେ ଥିବା ଆହାର କେନ୍ଦ୍ର ଖୋଲିବାକୁ କଂଗ୍ରେସ ଦଳ ପକ୍ଷରୁ ଦାବି। ଗତ ୨୪ ତାରିଖରୁ ଆହାର କେନ୍ଦ୍ର ବନ୍ଦ ଥିବାରୁ ତୁରନ୍ତ ଖୋଲିବା ପାଇଁ କଂଗ୍ରେସ ପକ୍ଷରୁ ପ୍ରତିବାଦ କରାଯାଇଛି। ବିଜେପି ସରକାର ଜନହିତକର ଯୋଜନା ଵନ୍ଦ କରିବା ପାଇଁ ଚକ୍ରାନ୍ତ କରୁଥିବା କଂଗ୍ରେସ ଦଳ ପକ୍ଷରୁ ଅଭିଯୋଗ ହୋଇଛି। ନିର୍ବାଚନ ସମୟରେ ବିଜେପି ଦେଇଥିବା ପ୍ରତିଶୃତି ପାଳନ ନକରି ଲୋକଙ୍କୁ ପ୍ରତାରଣ କରି ଜନହିତକର ଯୋଜନା ଵନ୍ଦ କରିବା ପାଇଁ ଚକ୍ରାନ୍ତ କରୁଥିବା କଂଗ୍ରସ ଅଭିଯୋଗ କରିଛି। ଏହାକୁ ବିରୋଧ କରି ରାଉରକେଲା ଜିଲ୍ଲା କଂଗ୍ରେସ ସଭାପତି ରଵି ରାୟଙ୍କ ନେତୃତ୍ବରେ କଂଗ୍ରେସ ଦଳର ଏକ ପ୍ରତିନିଧି ଦଳ ସରକାରୀ ଡାକ୍ତରଖାନାର ଅଧିକ୍ଷକଙ୍କୁ ସାକ୍ଷାତ କରି ତୁରନ୍ତ ଆହାର କେନ୍ଦ୍ର ଖୋଲିବାକୁ ଦାବି କରିଛନ୍ତି। ଆହାର କେନ୍ଦ୍ର ଵନ୍ଦ ଥିବାରୁ ଡାକ୍ତରଖାନାକୁ ଦୈନିକ ଚିକିତ୍ସା ପାଇଁ ଆସୁଥିବା ଶହ ଶହ ଗରିବ ରୋଗୀ, ଶ୍ରମିକ ଏବଂ ରୋଗୀଙ୍କ ସମ୍ପର୍କୀୟ ଲୋକେ ଆହାର ଖାଇବାରୁ ବଞ୍ଚିତ ହେଉଥିବା ଅଭିଯୋଗ ହେଉଛି । ଆହାର କେନ୍ଦ୍ରରେ ଦୈନିକ ହଜାରରୁ ଅଧିକ ଗରିବ ଲୋକେ ୫ ଟଙ୍କାରେ ଆହାର ଖାଇ ଉପକୃତ ହେଉଥିବାରୁ ଆହାର କେନ୍ଦ୍ର ଵନ୍ଦ କରିବା ପାଇଁ ସରକାର ଚକ୍ରାନ୍ତ କରୁଥିବା କଂଗ୍ରେସ ଦଳ ପକ୍ଷରୁ କୁହାଯାଇଛି।
ରାଜରାସ୍ତାରେ ଗର୍ଜିଲେ ହଜାର ହଜାର ମହିଳା
ନନ୍ଦିଘୋଷ ବ୍ୟୁରୋ: ରାଜରାସ୍ତାରେ ଗର୍ଜିଲେ ହଜାର ହଜାର ମହିଳା । ଦୀର୍ଘ ଦୀନ ଧରି ରାଜ୍ୟର ବିଭିନ୍ନ ଜିଲ୍ଲାରେ ଜୀବିକା ମିଶନ ଓ ଇସିର ମହିଳାମାନେ ପଞ୍ଚାୟତ ସ୍ତରରେ କାମ କରୁଛନ୍ତି । ହେଲେ ସରକାର ପରିବର୍ତ୍ତନ ହେବା ପରେ ନିଜ ଚାକିରିକୁ ନେଇ ଚିନ୍ତାରେ ଜୀବିକା ମିଶନ ଓ ଇସିର ମହିଳାମାଳେ । କଳାହାଣ୍ଡି ଜିଲାରେ କାର୍ଯ୍ୟରତ ୬ ହଜାର ମହିଳା ଆଜି ଆନ୍ଦୋଳନ କରିଛନ୍ତି । ମିଶନ ଶକ୍ତି ବିଭାଗ ଅଧିନସ୍ଥ ଜୀବିକା ମିଶନ ଓ ମିଶନ ଶକ୍ତି ଇ.ସି.ଙ୍କ ରିଷ୍ଟ୍ରକ୍ଚରିଙ୍ଗ ବନ୍ଦ କରିବା । ସି.ଏଲ୍.ଏଫ୍, ଜି.ପି.ଏଲ୍.ଏଫ୍, ବି.ଏଲ୍.ଏଫ୍ ଓ ଡ଼ି.ଏଲ୍.ଏଫ ଥିବା ଇସି ସଦସ୍ୟଙ୍କୁ ସ୍ଥାୟୀ ନିଯୁକ୍ତି ପ୍ରଦାନ ସହ ଭାରତୀୟ ଶ୍ରମ ସମ୍ମିଳନୀର ୪୫ ଓ ୪୬ ତମ ପ୍ରସ୍ତାବନା ଭିତ୍ତିରେ ମାନ୍ୟତା ପ୍ରଦାନ କରିବା । ମିଶନ ଶକ୍ତି ଇ.ସି. ମାନଙ୍କୁ ସରକାରଙ୍କ ଦ୍ଵାରା ଘୋଷିତ କୁଶଳୀ ଶ୍ରମିକର ସର୍ବନିମ୍ନ ମଜୁରୀ ପ୍ରଦାନ ଭଳି ୧୦ ଦଫା ଦାବିକୁ ନେଇ ଆନ୍ଦୋଳନ କରାଯାଇଛି । ଆଜି ମା’ ମାଣିକେଶ୍ୱରୀଙ୍କ ମନ୍ଦିରରୁ ହଜାର ହଜାର ମହିଳା ଏକ ବିଶାଳ ଶୋଭାଯାତ୍ରାରେ ବାହାରି ସହର ପରିକ୍ରମା କରିଥିଲେ । ଏହାପରେ ଜିଲ୍ଲାପାଳଙ୍କ କାର୍ଯ୍ୟଳୟରେ ପହଞ୍ଚି ବିକ୍ଷୋଭ ପ୍ରଦର୍ଶନ କରିବା ସହିତ ଧାରଣା ଦେଇଛନ୍ତି । ସରକାର ଯଥାଶୀଘ୍ର ଦାବୀ ପୂରଣ ନକଲେ ଆନ୍ଦୋଳନକୁ ତୀବ୍ର କରିବାକୁ ଚେତାବନୀ ଦେଇଛନ୍ତି ।
ମାନବ ଶୃଙ୍ଖଳ ଦ୍ଵାରା ନିଶାକୁ ବିରୋଧ କଲା କଳିଙ୍ଗ ମହିଳାଶକ୍ତି
ନନ୍ଦିଘୋଷ ବ୍ୟୁରୋ: ମାନବ ଶୃଙ୍ଖଳ ଦ୍ଵାରା ନିଶାକୁ ବିରୋଧ କଲା କଳିଙ୍ଗ ମହିଳାଶକ୍ତି । ଜାତିର ଜନକ ମହାତ୍ମା ଗାନ୍ଧିଙ୍କ ତିରୋଧାନ ଦିବସ ଅବସରରେ ସଂଘର ମହିଳାମାନେ ପାରାଦୀପର ଅଠରବାଙ୍କି ଠାରେ ଏକତ୍ରିତ ହୋଇ ନିଶାକୁ ବିରୋଧ କରିଛନ୍ତି । ନିଶା ସେବନ ଦ୍ୱାରା ପାରାଦୀପରେ ଦିନକୁ ଦିନ ଦୁର୍ଘଟଣା ବୃଦ୍ଧି ପାଉଥିବା ବେଳେ ଅନେକଙ୍କ ଧନ, ଜୀବନ ହାନି ଘଟୁଛି । ପାରାଦୀପ ଏକ ଆନ୍ତର୍ଜାତିକ ବନ୍ଦର ହୋଇଥିବା ବେଳେ ଏଠାରେ ୧୦୦ ମିଟର ଦୂରରେ ଗୋଟିଏ ଗୋଟିଏ ମଦ ଦୋକାନକୁ ଲାଇସେନ୍ସ ଦିଆଯାଇଛି । ଯାହା ଫଳରେ ଦିନକୁ ଦିନ ମଦ୍ୟପଙ୍କ ସଂଖ୍ୟା ବଢିବାରେ ଲାଗିଛି । ଅଠରବାଙ୍କି ଠାରୁ ଦୋଛକି ପଯ୍ୟନ୍ତ ରାସ୍ତାର ଶୋଚନୀୟ ଅବସ୍ଥା ଯୋଗୁଁ ମଧ୍ୟ ଅନେକ ଦୁର୍ଘଟଣା ଘଟୁଛି । ରାସ୍ତାର ମରାମତି ସହିତ ପାରାଦୀପରୁ ମଦ ଦୋକାନକୁ ବନ୍ଦ କରିବାକୁ ଦାବି କରିଛନ୍ତି କଳିଙ୍ଗ ମହିଳାଶକ୍ତିର ସଦସ୍ୟାମାନେ ।
ଭାରତ କରୁଛି ନୂଆ ଯୋଜନା, AI ଦୁନିଆରେ ଦେଖାଇବ ଦମ୍
ନନ୍ଦିଘୋଷ ବ୍ୟୁରୋ: AIର ଦୁନିଆ । ଡିପଫେକ୍ ଭିଡିଓ ଏବଂ ଚାଟ୍ ଜିପିଟି ପାଇଁ ସମସ୍ତେ ପାଗଳ । ଏହାକୁ ଅଧିକ ବ୍ୟବହାର କରାଯାଉଥିବାବେଳେ ଟେକ୍ନୋଲୋଜିର ବ୍ୟବହାର ହେଉଛି । ତେବେ ଭାରତ ରେସରେ ଆଗରେ ରହିବା ପାଇଁ ଯୋଜନା କରୁଛି । ଯଦି ଭାରତର ଏହି ଯୋଜନା ସଫଳ ହୁଏ ତାହେଲେ ଡିପଫେକ୍ ଏବଂ ଚାଟ୍ ଜିପିଟିକୁ ଲୋକେ ଭୁଲିଯିବେ । ଏମିତି କିଛି କହିଛନ୍ତି କେନ୍ଦ୍ରମନ୍ତ୍ରୀ ଅଶ୍ବିନୀ ବୈଷ୍ଣବ । ଉତ୍କଳ ଓଡ଼ିଶା ସମୟରେ ଟେକ୍ନୋଲୋଜିକୁ ନିଜର ବକ୍ତବ୍ୟ ରଖିଥିଲେ । ଭାରତ ଏବଂ ନୂଆ ଏଆଇ ମଡେଲର ଯୋଜାନାରେ ରହିଛି । ସରକାର ଏଆଇ କ୍ଷେତ୍ରରେ ଏକ ବଡ଼ ପଦକ୍ଷେପ ନେଉଛନ୍ତି ବୋଲି ସେ କହିଛନ୍ତି ।
Developing a world-class semiconductor and AI ecosystem with our own talent for Viksit Odisha.
📍Utkarsh Odisha Conclave, Bhubaneswar pic.twitter.com/KdtAC8Cwz3
— Ashwini Vaishnaw (@AshwiniVaishnaw) January 28, 2025
ଯାଜପୁର ଜିଲ୍ଲାପାଳଙ୍କ କାର୍ଯ୍ୟାଳୟ ଘେରିଲେ ୫ହଜାରରୁ ଅଧିକ ମିଶନ ଶକ୍ତି ମହିଳା
ନନ୍ଦିଘୋଷ ବ୍ୟୁରୋ: ଯାଜପୁର ଜିଲ୍ଲାପାଳଙ୍କ କାର୍ଯ୍ୟାଳୟ ଘେରିଲେ ୫ହଜାରରୁ ଅଧିକ ମିଶନ ଶକ୍ତି ମହିଳା । ଇସି ମେମ୍ବରଙ୍କୁ ଉଚ୍ଛେଦ ନକରି ସ୍ଥାୟୀ ନିଯୁକ୍ତି ଦାବିରେ ଜିଲ୍ଲାପାଳ କାର୍ଯ୍ୟାଳୟକୁ ଘେରିଲେ। ପୂର୍ବ ସରକାରରେ ମିଶନ ଶକ୍ତିକୁ ସର୍ବାଧିକ ଗୁରୁତ୍ବ ଦେଉଥିବା ବେଳେ, ବିଜେପି ସରକାର ମିଶନ ଶକ୍ତି ସଂଗଠନକୁ ଭାଙ୍ଗିବାକୁ ଉଦ୍ୟମ କରୁଥିବା ଅଭିଯୋଗ କରିଛନ୍ତି ମହିଳା । ମହିଳା ସ୍ବୟଂ ସହାୟିକା ଗୋଷ୍ଠୀରୁ ଉଦ୍ୟୋଗୀ ହୋଇଥିଲେ ମହିଳା । ହେଲେ ବର୍ତ୍ତମାନର ବିଜେପି ସରକାର କେବଳ ଭାଷଣରେ ସୀମିତ। ମିଶନ ଶକ୍ତିକୁ ଭାଙ୍ଗିବାକୁ ଉଦ୍ୟମ କଲେ ପରିଣତି ଭୟାବହ ହେବ ବୋଲି କହିଛନ୍ତି ଆନ୍ଦୋଳନକାରୀ ମହିଳା ।
ବାପା ଅନାସ୍ଥା ଭୋଟ୍ ଦେବାକୁ ଗଲା ବୋଲି ବିଷ ପିଇଦେଲା ପୁଅ
ନନ୍ଦିଘୋଷ ବ୍ୟୁରୋ: ଅନାସ୍ଥା ଭୋଟ ବେଳେ ବିଷ ପିଇଲେ ଓ୍ଵାର୍ଡ ସଭ୍ୟଙ୍କ ପୁଅ । ବାପାଙ୍କୁ ଅନାସ୍ଥା ଭୋଟରେ ଅଂଶଗ୍ରହଣ ନକରିବାକୁ ପୁଅ କହିଥିଲା । ହେଲେ ବାପା ଭୋଟ କେନ୍ଦ୍ରକୁ ଯିବା ପରେ ପୁଅ ବିଷ ପିଇଦେଲେ । ଏପରି ଏକ ଅଭାବନୀୟ ଘଟଣା ଘଟିଛି କେନ୍ଦ୍ରାପଡ଼ା ଜିଲ୍ଲା ରାଜନଗର ବ୍ଲକ ବାଲିସାହିପାଟଣାରେ । ସୂଚନା ଅନୁସାରେ, ବାଲିସାହିପାଟଣା ଗ୍ରାମ ପଞ୍ଚାୟତ କାର୍ଯ୍ୟାଳୟରେ ସରପଞ୍ଚ କୈଳାସ ପରିଡ଼ାଙ୍କ ବିରୁଦ୍ଧରେ ଅନାସ୍ଥା ଭୋଟ ଚାଲିଛି । କଡା ସୁରକ୍ଷା ବଳୟ ଭିତରେ ଭୋଟ ଗ୍ରହଣ କରାଯାଉଛି । ଗତ ଡିସେମ୍ବର ୩୦ ତାରିଖରେ କେନ୍ଦ୍ରାପଡ଼ା ଉପଜିଲ୍ଲାପାଳଙ୍କ ନିକଟରେ ଅନାସ୍ଥା ପାଇଁ ୮ ଜଣ ଓ୍ଵାର୍ଡ ସଭ୍ୟ ଲିଖିତ ଅଭିଯୋଗ କରିଥିଲେ । ଯାହା ଫଳରେ ଆଜି ଅନାସ୍ଥା ଭୋଟିଂ ଚାଲିଛି । ଅପରପକ୍ଷରେ ୧୧ ନଂ ଓ୍ଵାର୍ଡ ମଧୁପୁର ଗାଁର ଓ୍ଵାର୍ଡ ମେମ୍ବର ରବୀନ୍ଦ୍ର ଜେନା ନିଖୋଜ ଥିବାନେଇ ପୁଅ ଅଞ୍ଜନ ଜେନା ରାଜନଗର ଥାନାରେ ଆଜି ସକାଳେ ଲିଖିତ ଅଭିଯୋଗ କରିଥିଲେ । ପରେ ରବୀନ୍ଦ୍ର ଘରକୁ ଫେରିବାରୁ ଅଞ୍ଜନ ତାଙ୍କୁ ଅନାସ୍ଥା ଭୋଟ ଦେବାକୁ ମନା କରିଥିଲେ । କିନ୍ତୁ ଏହାକୁ ନମାନି ରବୀନ୍ଦ୍ର ଭୋଟ କେନ୍ଦ୍ରକୁ ଯିବାପରେ ପୁଅ ଅଞ୍ଜନ ବିଷ ପିଇଦେଇଥିବା ନେଇ ଅଭିଯୋଗ ହୋଇଛି । ପ୍ରଥମେ ରାଜନଗର ଗୋଷ୍ଠୀ ସ୍ବାସ୍ଥ୍ୟ କେନ୍ଦ୍ର ପରେ କେନ୍ଦ୍ରାପଡା ଜିଲ୍ଲା ମୁଖ୍ୟ ଚିକିତ୍ସାଳୟକୁ ଅଞ୍ଜନଙ୍କୁ ସ୍ଥାନାନ୍ତର କରାଯାଇଛି ।
ଭାଲୁ ପଞ୍ଝାରୁ ବାପାଙ୍କୁ ବଞ୍ଚାଇଲା ଦଶ ବର୍ଷର ପୁଅ
ନନ୍ଦିଘୋଷ ବ୍ୟୁରୋ: ବାପା ପାଇଁ ଦେବଦୂତ ସାଜିଲା ପୁଅ। ଭାଲୁ ପଞ୍ଝାରୁ ବାପାଙ୍କୁ ବଞ୍ଚାଇଲା ଦଶ ବର୍ଷର ପୁଅ । ମାଲକାନଗିରି ସୀମାନ୍ତ ଛତିଶଗଡ ଦନ୍ତେୱାଡ଼ା ଜିଲ୍ଲାରେ ଏଭଳି ସାହସିକତାର ଦୃଶ୍ୟ ଦେଖିବାକୁ ମିଳିଛି। ଦୀର୍ଘ ସମୟ ଧରି ଭାଲୁ ସହିତ ଲଢ଼େଇ କରି ବାପାଙ୍କ ଜୀବନ ରକ୍ଷା କରିଛି ୧୦ ବର୍ଷର ନାବାଳକ । ପୁଅର ଏହି ସାହସକୁ ସ୍ଥାନୀୟ ଅଞ୍ଚଳରେ ବେଶ୍ ପ୍ରଶଂସା କରାଯାଇଛି । ଭାଲୁ ଆକ୍ରମଣରେ ଆହତ ହୋଇ ଉଭୟ ବାପା ଏବଂ ପୁଅ ଡାକ୍ତରଖାନାରେ ଚିକିତ୍ସିତ ହେଉଛନ୍ତି । ହାନ୍ଦାୱାଡା ଅଞ୍ଚଳର ବାଞ୍ଜାରାମ ନେତାମ ଓ ତାଙ୍କ ଦଶ ବର୍ଷର ପୁଅ ଦୀପେନ୍ଦ୍ର ଆବୁଝମାଡ ଜଙ୍ଗଲକୁ ବାଉଁଶ କାଟିବାକୁ ଯାଇଥିଲେ । ବାଉଁଶ କାଟିବା ସମୟରେ ଭାଲୁଟି ସେମାନଙ୍କ ସାମ୍ନାକୁ ଆସି ବାଞ୍ଜାରାମଙ୍କୁ ଆକ୍ରମଣ କରିଥିଲା। । ଏହି ସମୟରେ ପୁଅ ଦୀପେନ୍ଦ୍ର ଉପସ୍ଥିତ ବୁଦ୍ଧି ଲଗାଇ ଭାଲୁ ସହିତ ଲଢେଇ କରିଥିଲା । କିଛି ସମୟ ଲଢେଇ ପରେ ପାଖରେ ପଡ଼ିଥିବା ଏକ ଠେଙ୍ଗାରେ ଭାଲୁ ଉପରେ ପ୍ରହାର କରିଥିଲା । ଜୀବନ ବିକଳରେ ଦୁହେଁ ବଡ଼ ପାଟି କରିବା ପରେ ଭାଲୁଟି ଜଙ୍ଗଲ ଭିତରକୁ ଦୌଡି ପଳାଇଥିଲା । ବାପା ପୁଅଙ୍କ ପାଟି ଶୁଣି ଗାଁ ଲୋକେ ଦୁହିଁଙ୍କୁ ଆହତ ଅବସ୍ଥାରେ ଉଦ୍ଧାର କରି ଦାନ୍ତେୱାଡା ଜିଲ୍ଲା ମୁଖ୍ୟ ଚିକିତ୍ସାଳୟରେ ଭର୍ତ୍ତି କରିଥିଲେ।
ବିରାଟଙ୍କ ପାଇଁ ୨ କିଲୋମିଟର ପର୍ଯ୍ୟନ୍ତ ଲାଇନ୍ ଲଗାଇଲେ ଦର୍ଶକ
ନନ୍ଦିଘୋଷ ବ୍ୟୁରୋ: ଦିଲ୍ଲୀର ଅରୁଣ ଜେଟଲୀ ଷ୍ଟାଡିୟମରେ ରେଲଓ୍ବେ ଏବଂ ଦିଲ୍ଲୀ ମଧ୍ୟରେ ଖେଳାଯାଉଛି ରଣଜୀ ମ୍ୟାଚ୍ । ପ୍ରଥମେ ଟସ୍ ଜିତି ବୋଲିଂ ନିଷ୍ପତ୍ତି ନେଇଛି ଦିଲ୍ଲୀ । ତେବେ ଦୀର୍ଘ ୧୩ ବର୍ଷ ପରେ ରଣଜୀ ଖେଳୁଛନ୍ତି ବିରାଟ । ଲୋକାଲ ବୟଙ୍କ ଟିକେ ଝଲକ ପାଇବାକୁ ଷ୍ଟାଡିୟମରେ ଲାଗିଛି ଦର୍ଶକଙ୍କ ଭିଡ଼ । ପ୍ରାୟ ୨ କିଲୋମିଟରରୁ ଅଧିକ ଦୂର ପର୍ଯ୍ୟନ୍ତ ଲମ୍ବା ଲାଇନ ଲାଗିଥିବା ଦେଖିବାକୁ ମିଳିଛି । ଫ୍ୟାନ୍ସମାନେ କୋହଲିଙ୍କୁ ଚିୟରଅପ କରିବା ପାଇଁ ବିଭିନ୍ନ ପୋଷ୍ଟର ଧରି ଷ୍ଟାଡିୟମରେ ପହଞ୍ଚିଛନ୍ତି । ଯାହାର ଭିଡିଓ ମାନ ଏବେ ସୋସିଆଲ ମିଡିଆରେ ବେଶ ଭାଇରାଲ ହେବାରେ ଲାଗିଛି । ୧୬ ନମ୍ବର ଗେଟ ବାହାରେ ଦର୍ଶକଙ୍କ ପ୍ରବଡ଼ ଭିଡ ଲାଗିଥିବାବେଳେ ଠେଲାପେଲା ହୋଇ ଭିତରେ ପଶୁଥିବା ଦେଖିବାକୁ ମିଳିଛି ।
This is called a crowd puller @imVkohli and this is going to inspire the domestic cricket of India as well. History at #arunjaitleystadium . Hope Indian cricket fans will love and support all domestic cricket just like today pic.twitter.com/QTdrVU6y1b
— Nitin K Srivastav (@Nitin_sachin) January 30, 2025
ଆମେରିକା ବିମାନ ଦୁର୍ଘଟଣା : ମିଳିଲାଣି ୧୯ ମୃତଦେହ
ନନ୍ଦିଘୋଷ ବ୍ୟୁରୋ: ଆମେରିକା ବିମାନ ଦୁର୍ଘଟଣାରେ ବର୍ତ୍ତମାନ ସୁଦ୍ଧା ମିଳିଲାଣି ୧୯ ମୃତଦେହ। ନଦୀକୁ ଖସିଥିବା ବିମାନରୁ ମୃତଦେହ ଉଦ୍ଧାର କରାଯାଇଛି। ୱାସିଂଟନ ଡିସିରେ ଘଟିଛି ଏ ବିମାନ ଦୁର୍ଘଟଣା। ଏକ ସାମରିକ ହେଲିକପ୍ଟର ସହ ବିମାନର ମଝି ଆକାଶରେ ଧକ୍କା ହୋଇଥିଲା। ଧକ୍କା ପରେ ବିମାନଟି ପୋଟମେକ୍ ନଦୀକୁ ଖସି ପଡିଥିଲା। ବିମାନକୁ ନଦୀରେ ଏମର୍ଜେନ୍ସି ଲ୍ଯାଣ୍ଡିଂ କରାଇଥିଲେ। ବିମାନରେ ୬୦ ଜଣ ଯାତ୍ରୀ ଥିବା ଜଣାପଡିଛି। ନଦୀ ଭିତରୁ ଶବ ଗୁଡିକୁ ଉଦ୍ଧାର କରାଯାଇଛି। ଏବେବି ପୋଟମେକ୍ ନଦୀରେ ଉଦ୍ଧାରକାର୍ଯ୍ୟ ଜାରି ରହିଛି। ଫାୟାର ଟିମ ଉଦ୍ଧାରକାର୍ଯ୍ୟରେ ଲାଗିଛନ୍ତି। ଯାତ୍ରୀବାହୀ ବିମାନଟି ଅବତରଣ କରିବା ସମୟରେ ସାମରିକ ହେଲିକପ୍ଟର ସହ ଧକ୍କା ହୋଇଥିଲା। ବିମାନଟି ଆମେରିକାର କାନସାସ ସହରରୁ ରାଜଧାନୀ ୱାସିଂଟନ ଡିସି ଆସୁଥିଲା। ଆମେରିକା ହ୍ଵାଇଟ ହାଉସ ଠାରୁ ୫ କିମି ଦୂର ଆକାଶ ଉପରେ ଏହି ବିମାନ ଦୁର୍ଘଟଣାଗ୍ରସ୍ତ ହୋଇଥିଲା। ଦୁର୍ଘଟଣାରେ ମୃତ୍ୟୁସଂଖ୍ଯା ଆହୁରି ଅଧିକ ହେବା ଆଶଂକା କରାଯାଉଛି।
’ବିବାହ’ରେ ସଲମାନଙ୍କ ବଦଳରେ ସାହିଦଙ୍କୁ କାହିଁକି କରାଗଲା ହିରୋ ? ନିର୍ଦ୍ଦେଶକ କହିଲେ..
ନନ୍ଦିଘୋଷ ବ୍ୟୁରୋ: ’ପ୍ରେମ୍’ । ଏହି ନାମଟି ବଲିଉଡର ସୁପରଷ୍ଟାର ସଲମାନ ଖାନଙ୍କ ପାଇଁ ପ୍ରଜୁଯ୍ୟ । କାରଣ ବହୁ ଫିଲ୍ମରେ ତାଙ୍କ ନାମ ପ୍ରେମ ରଖାଯାଇଛି । ନିର୍ଦ୍ଦେଶକ ସୁରଜ ତାଙ୍କ ନାମ ପ୍ରଥମେ ଏହା ରଖିଥିଲେ । ଉଭୟ ବହୁ ହିଟ୍ ଫିଲ୍ମ ଦେଇଛନ୍ତି । କିନ୍ତୁ ଯେତେବେଳେ ବିବାହ ଫିଲ୍ମ ପାଇଁ ଯୋଜନା ହେଲା ସେତେବେଳେ ସଲମାନଙ୍କ ବଦଳରେ ସାହିଦଙ୍କୁ ବାଛିଥିଲେ ସୁରଜ । ଯାହାକୁ ନେଇ ଏକ ପ୍ରଶ୍ନର ଉତ୍ତର ରଖିଛନ୍ତି ନିର୍ଦ୍ଦେଶକ । ୨୦୦୬ ମସିହାରେ ରିଲିଜ ହୋଇଥିବା ଏହି ଚଳଚ୍ଚିତ୍ରରେ ସେ ସଲମାନଙ୍କ ଫିଟ୍ ଭାବି ନଥିବା କହିଛନ୍ତି । ସଲମାନଙ୍କ ହାତରେ ସେତେବେଳେ ବହୁ ଫିଲ୍ମର ଅଫର ରହୁଥିଲା । ଏଣୁ ଅମୃତା ରାୟଙ୍କ ବିପକ୍ଷରେ ସାହିଦଙ୍କୁ ହିରୋ କରିଥିଲେ । ଆଉ ଦର୍ଶକେ ଏହାକୁ ବେଶ ପସନ୍ଦ କରିଥିଲେ । ତେବେ ଏହି ଫିଲ୍ମ ପୂର୍ବରୁ ନିର୍ଦ୍ଦେଶକଙ୍କର ଦୁଇ ବଡ଼ ଫିଲ୍ମ ଫ୍ଲପ ହୋଇଥିଲା । ମେଁ ପ୍ରେମ କି ଦିଓ୍ବାନି ହୁଁ ଫ୍ଲପ ହୋଇଥିଲା । ଏଣୁ ସଲମାନ ତାଙ୍କ ସହ ଆଉ ଏକ ଫିଲ୍ମ କରିବାକୁ ଯୋଜନା କରିଥିଲେ । ମାତ୍ର ବିବାହରେ ସେ ସାହିଦଙ୍କ ବାଛିଥିଲେ ।