spot_img
Home Blog Page 1163

ସୀମା ଟପିଲେ ବିଜେପି ନେତା, ବନ୍ଧୁକ ମୁନରେ ଫଲ୍ସ ବିଲ୍ କରିବାକୁ ଚାପ

ନନ୍ଦିଘୋଷ ବ୍ୟୁରୋ : ବିଜେପି ନେତାଙ୍କ ଦାଦାଗିରି। ବନ୍ଧୁକ ମୁନରେ ଫଲ୍ସ ବିଲ କରିବାକୁ କନିଷ୍ଠ ଯନ୍ତ୍ରୀଙ୍କ ଉପରେ ଚାପ। ଦସ୍ତଖତ ନକରିବାରୁ ଯନ୍ତ୍ରୀଙ୍କୁ କଲେ ଆକ୍ରମଣ। ହେଲେ ଏତଲା ରଖିଲେନି ଥାନା ଆଇଆଇସି। ବଲାଙ୍ଗୀର ଖପ୍ରାଖୋଲ ଥାନା ଅଂଚଳର ଏ ଘଟଣା। ଘଟଣା ନେଇ ଏସପିଙ୍କ ଦ୍ଵାରସ୍ଥ ହେବାରୁ ଟାଉନ ଥାନାରେ ମାମଲା ରୁଜୁ ହୋଇଛି। ବନ୍ଧୁକ ମୁନରେ ଘରୁ ଟାଣି ଆଣି ବଲାଙ୍ଗୀର ଖପ୍ରାଖୋଲ କ୍ଷୁଦ୍ର ଜଳସେଚନ ବିଭାଗର କନିଷ୍ଠ ଯନ୍ତ୍ରୀ ଲୋହିତ କିଶୋର ବଳକୁ ଆକ୍ରମଣ ଅଭିଯୋଗ। ରାସ୍ତାରେ ଘୋଷାଡ଼ି ଘୋଷାଡ଼ି ମରଣାନ୍ତକ ଆକ୍ରମଣ କରିଥିଲେ ବିଜେପି କର୍ମୀ ।

ଖପ୍ରାଖୋଲ ବ୍ଲକ ସାହାଜପାଣି ସମିତିସଭ୍ୟ ଉପେନ୍ଦ୍ର ଭୋଇଙ୍କ ସମେତ ୨୦ରୁ ୩୦ ବିଜେପି କର୍ମୀ ସଂଘବଦ୍ଧ ଆକ୍ରମଣ କରିଥିବା ଅଭିଯୋଗ ହୋଇଛି। ପୂର୍ବରୁ କନିଷ୍ଠ ଯନ୍ତ୍ରୀ ତାଙ୍କ ଜୀବନପ୍ରତି ବିପଦ ଥିବା ନେଇ ଖପ୍ରାଖୋଲ ଥାନା ଅଧିକାରୀଙ୍କୁ ଜଣାଇଥିଲେ। କିନ୍ତୁ ପୋଲିସ କୌଣସି ଆଗୁଆ ପଦକ୍ଷେପ ଗ୍ରହଣ କରିବା ଦୂରର କଥା ଆକ୍ରମଣ ଖବର ପାଇ ମଧ୍ୟ ଉଦ୍ଧାର କରିନଥିଲା । ରକ୍ତାକ୍ତ ଅବସ୍ଥାରେ ଯାନ୍ତ୍ରୀ ଥାନାକୁ ଯାଇ ଅଭିଯୋଗ କରିବାରୁ ପୋଲିସ ଶୁଣିଲାନି କି ଏତଲା ମଧ୍ୟ ରଖିଲାନି। ମାନସିକ ସ୍ତରରେ ଭୟଭୀତ ଥିବା କହିଛନ୍ତି କନିଷ୍ଠ ଯନ୍ତ୍ରୀ । ହତ୍ୟା କରିବାକୁ ଯନ୍ତ୍ରୀଙ୍କୁ ଫୋନରେ ଧମକଚମକ ଦେଉଥିବାରୁ ଖପ୍ରାଖୋଲ ନଯାଇ ଭୟରେ ବଲାଙ୍ଗୀରରେ ରହିଥିବା କହିଛନ୍ତି ।

ଘଟଣା ନେଇ ପାଟଣାଗଡ଼ ବିଧାୟକ ତଥା ଉପମୁଖ୍ୟମନ୍ତ୍ରୀ କନକବର୍ଦ୍ଧନ ସିଂଦେଓଙ୍କୁ ମଧ୍ଯ ଜଣାଇଥିବା କହିଛନ୍ତି । ଅଭିଯୁକ୍ତ ଉପେନ୍ଦ୍ର ଭୋଇ କନକବର୍ଦ୍ଧନ ସିଂଦେଓଙ୍କ ନିକଟତର ହୋଇଥିବାରୁ ନ୍ୟାୟ ପାଇଁ କନିଷ୍ଠ ଯନ୍ତ୍ରୀ ବଲାଙ୍ଗୀର ଏସ୍‌ପିଙ୍କ ଦ୍ୱାରସ୍ଥ ହୋଇଥିଲେ। ବଲାଙ୍ଗୀର ଟାଉନ୍ ଥାନା ଅଧିକାରୀଙ୍କୁ ମାମଲା ରୁଜୁ କରିବାକୁ ନିର୍ଦ୍ଦେଶ ଦେଇଥିଲେ ଏସପି। ବିଜେପି ନେତା ଉପେନ୍ଦ୍ର ଭୋଇଙ୍କ ସମେତ ଆଉ କିଛି ବିଜେପି କର୍ମୀ ନାଁରେ ମାମଲା ରୁଜୁ ହୋଇଛି

ଝାଡାବାନ୍ତିରେ ଆକ୍ରାନ୍ତ ହୋଇ ଦୁଇ ଦିନରେ ୩ ଜଣଙ୍କ ମୃତ୍ୟୁ ହୋଇଥିବା ଅଭିଯୋଗ

ଢେଙ୍କାନାଳ: ଢେଙ୍କାନାଳ କମଲାଙ୍ଗ ପଞ୍ଚାୟତ କମଲାଙ୍ଗ ବରସାହିରେ ଝାଡାବାନ୍ତି ଆତଙ୍କ। ଝାଡାବାନ୍ତିରେ ଆକ୍ରାନ୍ତ ହୋଇ ଦୁଇ ଦିନରେ ୩ ଜଣଙ୍କ ମୃତ୍ୟୁ ହୋଇଥିବା ଅଭିଯୋଗ ହୋଇଛି। ମୃତକ ହେଲେ ଅନନ୍ତ ନାହାକ, ରଜନୀ ପେଣ୍ଠି ଏବଂ ଅନନ୍ତ ନାୟକ। ଝାଡାବାନ୍ତିରେ ଆଉ ଏକ ଗାଁର ୧୭ ଜଣ ଆକ୍ରାନ୍ତ ହୋଇ ଚିକିତ୍ସିତ ହେଉଛନ୍ତି।ଏଥିରୁ ୫ ଜଣ ଗୁରୁତର ହୋଇ ଅନୁଗୁଳ ମୁଖ୍ୟ ଚିକିତ୍ସାଳୟରେ ଚିକିତ୍ସିତ ହେଉଛନ୍ତି।ଝାଡାବାନ୍ତିରେ ଗାଁରେ ଆତଙ୍କ ସୃଷ୍ଟି ହୋଇଛି। ଅନେକ ଘର ଖାଲି ପଡିଛି।ଘରୁ କେହି ପଦାକୁ ବାହାରୁନାହାନ୍ତି।ଝାଡାବାନ୍ତିକୁ ନେଇ ପୁରା ଗାଁରେ ତାଟି କବାଟ ପଡିଯାଇଛି। ଝାଡ଼଼ାବାନ୍ତି ବ୍ଯାପିବାକୁ ନେଇ ଲୋକେ ଗାଁରେ ପୂଜାର୍ଚ୍ଚନା କରୁଛନ୍ତି।

ମହାକୁମ୍ଭର ଭାଇରାଲ ଗାର୍ଲ ମୋନାଲିସାକୁ ଫିଲ୍ମ ଅଫର ଦେଇଥିବା ନିର୍ଦ୍ଦେଶକ ଗିରଫ

ପ୍ରୟାଗରାଜ: ପ୍ରୟାଗରାଜ ମହାକୁମ୍ଭର ଭାଇରାଲ ଗାର୍ଲ ମୋନାଲିସାକୁ ଫିଲ୍ମ ଅଫର ଦେଇଥିବା ନିର୍ଦ୍ଦେଶକ ସନୋଜ ମିଶ୍ରା ଗିରଫ। ଦୁଷ୍କର୍ମ ଅଭିଯୋଗରେ ଗିରଫ କରଛି ଦିଲ୍ଲୀ ପୋଲିସ। ଝାନସୀର ଜଣେ ଯୁବତୀ ନିର୍ଦ୍ଦେଶକ ସନୋଜ ମିଶ୍ରାଙ୍କ ନାଁରେ ତିନି ତିନିଥର ଜୋରଜବରଦସ୍ତ ମହିଳାଙ୍କ ଗର୍ଭପାତ କରାଇଥିବା ଅଭିଯୋଗ ହୋଇଛି। ଗତ ଫେବୃଆରୀ ମାସରେ ସନୋଜ ମିଶ୍ରା ତାଙ୍କୁ ଛାଡି ଦେଇଥିବା ପୀଡ଼ିତା କହିଛନ୍ତି।

ପୋଲିସରେ ଅଭିଯୋଗ କଲେ ପୀଡ଼ିତାଙ୍କ ଅଶ୍ଲୀଳ ଫଠୋ ଓ ଭିଡିଓ ସୋସିଆଲ ମିଡିଆରେ ଭାଇରାଲ କରିଦେବାକୁ ଧମକ ଦେଇଥିବା ଅଭିଯୋଗ ହୋଇଛି। ଦିଲ୍ଲୀ ହାଇକୋର୍ଟରେ ସନୋଜ ମିଶ୍ରାଙ୍କ ଜାମିନ ଆବେଦନ ଖାରଜ ହେବା ପରେ ତାଙ୍କୁ ଦିଲ୍ଲୀର ନବୀ କରୀମ ଥାନା ପୋଲିସ ଗିରଫ କରିଛି। ଝାନସିର ଜଣେ ଯୁବତୀଙ୍କୁ ଫିଲ୍ମରେ କାମ ଦେବାର ଅଫର ଦେଇ ଯୁବତୀଙ୍କୁ ଶାରିରୀକ ନିର୍ଯାତନା ଦେଇଥିବା ଅଭିଯୋଗ ହୋଇଥିଲା। ସନୋଜ ଯୁବତୀଙ୍କୁ ଧମକଚମକ ଦେଇ ଚୁପ କରି ରଖିଥିବା ଅଭିଯୋଗ ହୋଇଥିଲା। ଗତ ୨୦୨୦ରେ ସୋସିଆଲ ମିଡିଆର ଜରିଆରେ ଯୁବତୀଙ୍କ ସହ ସନୋଜ ମିଶ୍ରାଙ୍କ ସମ୍ପର୍କ ଗଢି ଉଠିଥିଲା। ସନୋଜ ଯୁବତୀଙ୍କୁ ଭେଟିବାକୁ ଝାନସୀ ଆସିଥିଲେ ମଧ୍ୟ ତାଙ୍କୁ ଭେଟିନଥିଲେ ସମ୍ପୃକ୍ତ ଯୁବତୀ ।

ଏହାପରେ ସନୋଜ ଆତ୍ମହତ୍ଯା କରିବାର ଧମକ ଦେଇ ଯୁବତୀଙ୍କୁ ଡାକିଥିଲେ। ଏହାପରେ ପୀଡ଼଼ିତାଙ୍କୁ ପାନୀୟରେ ନିଶାଯୁକ୍ତ ପଦାର୍ଥ ମିଶାଇ ତାଙ୍କ ସହ ଦୁଷ୍କର୍ମ କରିଥିବା ଅଭିଯୋଗ ହୋଇଥିଲା। ଏହାପରେ ଏହି ଫଟୋ ଓ ଭିଡିଓକୁ ଭାଇରାଲ କରିବାକୁ ଧମକ ଦେଇ ବାରମ୍ବାର ଯୁବତୀଙ୍କ ଶୋଷଣ କରିଥିବା ଅଭିଯୋଗ ହୋଇଛି। ଏହାପରେ ଯୁବତୀ ଜଣକ ମୁମ୍ବାଇରେ ରହିବାକୁ ଚାଲିଯାଇଥିଲେ। ମୁମ୍ବାଇରେ ରହଣୀ ସମୟରେ ଯୁବତୀଙ୍କ ୩ ଥର ସନୋଜ ଗର୍ଭପାତ କରାଯାଇଥିବା ଅଭିଯୋଗ କରିଛନ୍ତି ସମ୍ପୃକ୍ତ ମହିଳା ।

 

ସଂସଦୀୟ ବ୍ୟାପାର ମନ୍ତ୍ରୀ ମୁକେଶ ମହାଲିଙ୍ଗଙ୍କ ପାଇଁ ବଢିଲା ଅଡୁଆ

ଭୁବନେଶ୍ବର: ସଂସଦୀୟ ବ୍ୟାପାର ମନ୍ତ୍ରୀ ମୁକେଶ ମହାଲିଙ୍ଗଙ୍କ ପାଇଁ ବଢିଲା ଅଡୁଆ । ତାଙ୍କ ବିରୋଧରେ କାର୍ଯ୍ୟାନୁଷ୍ଠାନ ନେବାକୁ ଦାବି କରିଛି କଂଗ୍ରେସ । ତାଙ୍କୁ ତୁରନ୍ତ ବିଧାୟକ ତଥା ମନ୍ତ୍ରିମଣ୍ଡଳରୁ ବହିଷ୍କାର କରିବାକୁ ଦାବି କରିଛି ଦଳ । ଜାଲ ଜାତିଗତ ପ୍ରମାଣ ପତ୍ର ଓ ମିଥ୍ୟା ସତ୍ୟପାଠ ପାଇଁ ତାଙ୍କୁ ଏହି ଦୁଇ ପଦବୀରୁ ତୁରନ୍ତ ବହିଷ୍କାର କରିବାକୁ ଦାବି କରିଛନ୍ତି ଏଆଇସିସି ସଦସ୍ୟ ଅଭିଷେକ ମହାନନ୍ଦ । ୨୦୦୨ ପରେ ତାଙ୍କ ଜାତି ଅନୁସୂଚିତ ଜାତି ତାଲିକାଭୁକ୍ତ ହୋଇଛି । କିନ୍ତୁ ତା ପୂର୍ବରୁ ତାଙ୍କୁ ସାର୍ଟିଫିକେଟ କେମିତି ମିଳିଲା ? ମୁକେଶ ମହାଲିଙ୍ଗଙ୍କ ମାମଲାରେ ଚୁପ କାହିଁକି ପ୍ରଶାସନ ? ସଂସଦୀୟ ବ୍ୟାପାର ମନ୍ତ୍ରୀ ମୁକେଶ ମହାଲିଙ୍ଗ ଗୃହ ଭିତରେ ଶପଥ ପାଠ କରିଥିଲେ । ଏବେ କିଭଳି ସେ ମନ୍ତ୍ରୀ ଅଛନ୍ତି ? ମହିଳାଙ୍କ ପାଇଁ ଲଢ଼ିବାରୁ ୧୪ କଂଗ୍ରେସ ବିଧାୟକଙ୍କୁ ସସପେଣ୍ଡ କରାଗଲା ।

କିନ୍ତୁ ଅସଭ୍ୟ ଭାଷାରେ ମୁକେଶ ଗାଳି କଲେ। ବାଚସ୍ପତି କାହିଁକି ଆକ୍ସନ ନେଲେନି ବୋଲି ପ୍ରଶ୍ନ କରିଛି କଂଗ୍ରେସ। ଫେକ ସାର୍ଟିଫିକେଟ ମାଧ୍ୟମରେ ଚାକିରି କରି ମୁକେଶ ବିଧାୟକ ହୋଇଛନ୍ତି ଓ ଏବେ ମନ୍ତ୍ରୀ ପଦ ବି ସମ୍ଭାଳିଛନ୍ତି । ନହେଲେ ଏହା ବିରୋଧରେ ଆଇନଗତ ପଦକ୍ଷେପ ନିଆଯିବ ବୋଲି କଂଗ୍ରେସ ଚେତାବନୀ ଦେଇଛି । ସ୍କୁଲିଂ, ଚାକିରି ଆଦି ସବୁ ଏସସି ହିସାବରେ କରିଛନ୍ତି ମହାଲିଙ୍ଗ। ତଦନ୍ତ ରିପୋର୍ଟ ଆସିଛି ଏବେ ପେଣ୍ଡିଙ୍ଗ ଅଛି । ଏହି ସମାନ ପ୍ରସଙ୍ଗରେ ଡିଏସପିଙ୍କ ଚାକିରି ଯାଇଛି କିନ୍ତୁ ମୁକେଶଙ୍କ ପ୍ରସଙ୍ଗରେ ଆରଡିସି ଏହାକୁ ପେଣ୍ଡିଙ୍ଗ କାହିଁକି ରଖିଛନ୍ତି ? ଏହି ଆଧାରରେ କାର୍ଯ୍ୟାନୁଷ୍ଠାନ ନିଆଯାଉ ବୋଲି କଂଗ୍ରେସ ଆରଡିସିଙ୍କୁ ଅନୁରୋଧ କରିଛି । .. ..

ଆନ୍ଧ୍ରର ବଡ଼ ଷଡ଼ଯନ୍ତ୍ର, କୋଟିଆରେ ତିଆରି କରୁଥିବା ପାନୀୟ ଜଳ ପ୍ରକଳ୍ପ କାମ ଶେଷ

ନନ୍ଦିଘୋଷ ବ୍ୟୁରୋ: କିଛି ଦିନର ନିରବତା ପରେ ପୁଣି ଦେଖିବାକୁ ମିଳିଛି ଆନ୍ଧ୍ର ଅଧିକାରୀ ମାନଙ୍କ କୋଟିଆ ପଞ୍ଚାୟତରେ ଅନୁପ୍ରବେଶ । କୋଟିଆକୁ ନେଇ ବଡ଼ ଧରଣର ଷଡ଼ଯନ୍ତ୍ର କରୁଛି ଆନ୍ଧ୍ର। କୋଟିଆରେ ଆନ୍ଧ୍ର ପ୍ରଦେଶର ପାନୀୟ ଜଳ ପ୍ରକଳ୍ପ ନିର୍ମାଣ ଶେଷ ହୋଇଛି । ଖୁବଶୀଘ୍ର କୋଟିଆ ପଞ୍ଚାୟତର ଧୂଳିପଦର ଗ୍ରାମବାସୀ ପାଇବେ ଆନ୍ଧ୍ର ପାଣି । ଜିଲ୍ଲା ପ୍ରଶାସନର କଡ଼ା କଟକଣା ସତ୍ୱେ କେମିତି ଆନ୍ଧ୍ର ପକ୍ଷରୁ ନିର୍ମାଣ କାର୍ଯ୍ୟ ଶେଷ ହେଲା ତାହାକୁ ନେଇ ଉଠୁଛି ପ୍ରଶ୍ନ । ଦୁଇଦିନ ତଳେ କୋଟିଆ ପଞ୍ଚାୟତ ନେରଡିବାଲସା ଗାଁ ନିକଟ ଜଙ୍ଗଲରେ ଆନ୍ଧ୍ର ଅଧିକାରୀ ସ୍ଥାନୀୟ ଲୋକଙ୍କ ଇ-କେୱାଇସି କରୁଥିବା ବେଳେ ଆଜି ଧୂଳିପଦର ଗାଁରେ ୧୦ ହଜାର ଲିଟର ବିଶିଷ୍ଟ ପାଣିଟାଙ୍କି ନିର୍ମାଣ ଶେଷ ହୋଇଛି । ଖୁବଶୀଘ୍ର ଆନ୍ଧ୍ରର ଜଣେ ଆଗ ଧାଡ଼ିର ନେତା ଏହାକୁ ଶୁଭାରମ୍ଭ କରିବେ ବୋଲି ଖବର ମଳିଛି ।

ତେବେ ନିର୍ମାଣ କାର୍ଯ୍ୟ ଆରମ୍ଭ ବେଳେ ଖବର କରିଥିଲା ନନ୍ଦିଘୋଷ ଟିଭି । କୋଟିଆରେ ଲୋକଙ୍କୁ ଯୋଜନା ମାଧ୍ୟମରେ ଆନ୍ଧ୍ର ସପକ୍ଷରେ ରଖିବାକୁ ଯୋଜନା କରୁଛନ୍ତି ଆନ୍ଧ୍ର ଅଧିକାରୀ । ଲୋକଙ୍କ ନିକଟରେ କିଭଳି ଆନ୍ଧ୍ରର ଯୋଜନା ମିଳିବ ସେନେଇ ଦିନରାତି ଏକ କରିଛନ୍ତି ଅଧିକାରୀ । ପ୍ରଶାସନ ପକ୍ଷରୁ ଦିନରେ ନିର୍ମାଣ କାର୍ଯ୍ୟ ବନ୍ଦ କରିବାରୁ ରାତି ଅଧିଆ କାମ କରି ନିର୍ମାଣ କାର୍ଯ୍ୟ ଶେଷ କରିଛି ଆନ୍ଧ୍ର । କେବଳ ରଙ୍ଗବୋଳା କାମ ବାକି ରହିଥିବା ବେଳେ ଆନ୍ଧ୍ର ଅଧିକାରୀ ପ୍ରତିଦିନ ନୀରିକ୍ଷଣ କରି ଫେରୁଛନ୍ତି । ପ୍ରଶାସନ ପକ୍ଷରୁ ନିର୍ମାଣ କାର୍ଯ୍ୟ ବନ୍ଦ କରିବା ସହ କାର୍ଯ୍ୟାନୁଷ୍ଠାନ ଗ୍ରହଣ କରାଯାଇଥିଲା । ତଥାପି ଆନ୍ଧ୍ର କେମିତି ନିର୍ମାଣ କାମ ସାରିଲା ତାହାକୁ ନେଇ ଅସନ୍ତୋଷ ପ୍ରକାଶ କରିଛନ୍ତି ସ୍ଥାନୀୟ ସରପଞ୍ଚ । ସେପଟେ ପ୍ରଶାସନ ପକ୍ଷରୁ ନିୟୋଜିତ ଅଧିକାରୀ ଲୋକଙ୍କ ପାଖକୁ ପହଞ୍ଚିବା ଆବଶ୍ୟକତା ରହିଛି ନଚେତ ଆଗକୁ ସ୍ଥିତି ଜଟିଳ ନେଇ ପ୍ରତିକ୍ରିୟା ରଖିଛନ୍ତି ଜିଲ୍ଲା ପରିଷଦ ସଦସ୍ୟ।…

ଆନ୍ଧ୍ର ହାତକୁ କୋଟିଆକୁ ଟେକି ଦେବେ ନାହିଁ ତ ରାଜ୍ୟର ଡବଲ ଇଞ୍ଜିନ ସରକାର ?

ଭୁବନେଶ୍ବର: ଆନ୍ଧ୍ର ହାତକୁ କୋଟିଆକୁ ଟେକି ଦେବେ ନାହିଁ ତ ରାଜ୍ୟର ଡବଲ ଇଞ୍ଜିନ ସରକାର ? ଏପରି ଆଶଂକା ପ୍ରକାଶ କରିଛନ୍ତି କଂଗ୍ରେସ ବିଧାୟକ ଦଳ ନେତା ରାମଚନ୍ଦ୍ର କାଡ଼ାମ । କେନ୍ଦ୍ରରେ ସରକାର ବଞ୍ଚାଇବା ପାଇଁ ରାଜ୍ୟ ସରକାର କୋଟିଆର ୨୧ ଅଞ୍ଚଳକୁ ଆନ୍ଧ୍ର ହାତକୁ ଯୌତୁକ ଭାବେ ଟେକିଦେବେ ବୋଲି ଆଶଂକା ପ୍ରକାଶ କରିଛନ୍ତି କାଡ଼ାମ । କୋଟିଆରେ ଆନ୍ଧ୍ର ପ୍ରତିଦିନ ଅନୁପ୍ରବେଶ କରୁଛି କିନ୍ତୁ ଓଡ଼ିଶା ସରକାର ନିରବ ।

ଏହି ନିରବତା କୋଟିଆ ପାଇଁ ବଡ଼ ବିପଦ ସୃଷ୍ଟି କରିଛି । ଏବେ ଆନ୍ଧ୍ର ସରକାର କୋଟିଆରେ ପାଣି ଟାଙ୍କି କରି ଲୋକଙ୍କୁ ପାଣି ଦେଲେଣି। ରାଜ୍ୟର ସୀମା ସୁରକ୍ଷିତ ନାହିଁ। ଓଡ଼ିଶାବାସୀ ବିଜେପିକୁ ୨୦ ସାଂସଦ ଦେଇଛନ୍ତି। ବିଜେପି ଇସ୍ତାହାରରେ କହିଥିଲା ଡବଲ ଇଞ୍ଜିନ ସରକାର ହେଲେ ଓଡ଼ିଶାର ସ୍ୱତନ୍ତ୍ର ବିକାଶ କରିବ । କିନ୍ତୁ ଓଡ଼ିଶାର ଯିଏ କ୍ଷତି କରୁଛନ୍ତି ତାଙ୍କୁ ରାଜ୍ୟ ସରକାର ପୁରସ୍କାର ଦେଉଛନ୍ତି । କିନ୍ତୁ ଜୀବନ ଥିବା ଯାଏ ଏହା କରାଇ ଦିଆଯିବ ନାହିଁ ବୋଲି ଚେତାଇ ଦେଇଛନ୍ତି ସ୍ଥାନୀୟ ବିଧାୟକ ରାମଚନ୍ଦ୍ର କାଡାମ ।

କୋଟିଆର ସବୁ ଗାଁରେ ଉତ୍କଳ ଦିବସ ପାଳନ କରିବେ ସ୍ଥାନୀୟ ବିଧାୟକ ତଥା କଂଗ୍ରେସ ବିଧାୟକ ଦଳ ନେତା ରାମଚନ୍ଦ୍ର କାଡାମ। କୋଟିଆ ଅଞ୍ଚଳର ୨୦ ହଜାରରୁ ଅଧିକ ଲୋକଙ୍କୁ ଏଥିରେ ସାମିଲ କରାଯିବ। ରାଜ୍ୟର ସୀମା ଓ ମାଆ ମାନେ ଅସୁରକ୍ଷିତ । ତେଣୁ ଓଡ଼ିଆ ପକ୍ଷ ପାଳନ କଣ ପାଇଁ ବୋଲି ପ୍ରଶ୍ନ ଉଠାଇଛନ୍ତି କାଡାମ।

ରାଜ୍ୟରେ ଆଇନଶୃଙ୍ଖଳା ପରିସ୍ଥିତି ନେଇ ସରକାରଙ୍କୁ ବିଜେଡିର ସମାଲୋଚନା

ଭୁବନେଶ୍ବର: ରାଜ୍ୟରେ ଆଇନଶୃଙ୍ଖଳା ପରିସ୍ଥିତି ନେଇ ସରକାରଙ୍କୁ ବିଜେଡିର ସମାଲୋଚନା। ତୀବ୍ର ସମାଲୋଚନା କରିଛନ୍ତି ବିରୋଧୀ ଦଳ ଉପନେତା ପ୍ରସନ୍ନ ଆଚାର୍ଯ୍ୟ। କହିଛନ୍ତି, ସ୍ଥିତି ଆଉ ସରକାରଙ୍କ ନିୟନ୍ତ୍ରଣରେ ନାହିଁ। ସରକାର ଏଥିରେ ବିଫଳ ହୋଇଛନ୍ତି। ରାଜଧାନୀ ସମେତ ସାରା ରାଜ୍ୟରେ  ଆଇନଶୃଙ୍ଖଳା ଭୁଶୁଡିପଡିଛି।ବିଧାନସଭା ଭିତରେ ଆଉ ବାହାରେ ଶକ୍ତି ଦେଖାଉଛନ୍ତି ପୋଲିସ।

ଭୁବନେଶ୍ୱର ଭରତପୁର ଓ ଗଂଜାମ କବିସୂର୍ଯ୍ୟନଗର ଘଟଣା ଏହା ପ୍ରମାଣିତ କରୁଛି। ପ୍ରତି କଥାରେ ରାଜନୈତିକ ହସ୍ତକ୍ଷେପ ରହୁଛି। ସରକାରୀ ଦଳର ସାଧାରଣ କର୍ମୀ ପୋଲିସ କାମରେ ହସ୍ତକ୍ଷେପ କରୁଛନ୍ତି। ପୋଲିସ ସ୍ୱାଧୀନ ଭାବେ କାମ ନ କଲେ ଅପରାଧ ବଢିଚାଲିବ। ସରକାରୀ ଦଳ ନିଜଆଡୁ ଦେଖିବା କଥା ଯେ ପୋଲିସ ଉପରେ ଚାପ ନ ପକାନ୍ତୁ। ପୋଲିସ ବି ଅପରାଧରେ ସମ୍ପୃକ୍ତ ରହୁଥିବା ରିପୋର୍ଟ ଆସୁଛି। ଯାହାର ପ୍ରଭାବ ସାଧାରଣ ଲୋକଙ୍କ ଉପରେ ପଡୁଛି। ତେଣୁ ଲୋକ ଅପରାଧ କରୁଛନ୍ତି। ବିଜେପି ବହୁ କଷ୍ଟରେ ଶାସନକୁ ଆସିଛି। ସେମାନେ ନିଜ କର୍ମୀଙ୍କୁ ପୋଲିସ ଉପରେ ହସ୍ତକ୍ଷେପ କରିବା ଉପରୁ ନିବୃତ ରଖିବା କଥା। ନହେଲେ ଆଗକୁ ସ୍ଥିତି ଆହୁରି ବିଗିଡିଯିବ ବୋଲି କହିଛନ୍ତି ବିରୋଧୀ ଦଳ ଉପନେତା ପ୍ରସନ୍ନ ଆଚାର୍ଯ୍ୟ ।

ଡହଡହ ଖରାରେ ତାତୁଛି ଭକ୍ତଙ୍କ ପାଦ, ନାହିଁ ବିଶ୍ରାମ ସ୍ଥଳ, ପିଇବା ପାଣି

ପୁରୀ: ଡହଡହ ଖରାରେ ବଡ଼ଦାଣ୍ଡରେ ସିଝୁଛନ୍ତି ଭକ୍ତ। ଅସ୍ଥାୟୀ ବିଶ୍ରାମ ସ୍ଥଳ ଏବଂ ପିଇବା ପାଣି ପାଇଁ ବ୍ୟାକୁଳ ଯାତ୍ରୀ। ଖରା ଯେତିକି ବଢୁଛି ଭକ୍ତଙ୍କ ଦୁର୍ଦଶା ସେତିକି ବଢ଼ି ବଢ଼ି ଚାଲିଛି। ଶ୍ରୀଜଗନ୍ନାଥ ପ୍ରେମୀ ଭକ୍ତଙ୍କୁ ଶ୍ରୀମନ୍ଦିର ବାହାରେ ଏବଂ ଭିତରେ ସର୍ବନିମ୍ନ ମୌଳିକ ସୁବିଧା ଯୋଗାଇବାରେ ବିଫଳ ହୋଇଛି ପ୍ରଶାସନ। ଠାକୁରଙ୍କ ଦର୍ଶନ ବନ୍ଦ ରହୁଥିବା ସମୟରେ ଭକ୍ତମାନେ ବଡ଼ଦାଣ୍ଡ ବ୍ୟାରିକେଡ଼ ଭିତରେ ଘଣ୍ଟା ଘଣ୍ଟା ଧରି ଅପେକ୍ଷା କରୁଛନ୍ତି। ସିଂହଦ୍ବାରଠାରୁ ଶ୍ରୀମନ୍ଦିର କାର୍ଯ୍ୟାଳୟ ପର୍ଯ୍ୟନ୍ତ ଶ୍ରଦ୍ଧାଳୁଙ୍କ ଲମ୍ବା ଧାଡ଼ି ଲାଗୁଛି। ପଶ୍ଚିମ ଦ୍ବାର ସମ୍ମୁଖରେ ମଧ୍ୟ ଭକ୍ତମାନେ ଖୋଲା ଆକାଶ ତଳେ ଅପେକ୍ଷା କରୁଛନ୍ତି। ସିଂହଦ୍ବାର, ଉତ୍ତରଦ୍ବାର, ଦକ୍ଷିଣଦ୍ୱାର ଏବଂ ପଶ୍ଚିମଦ୍ବାର ସମ୍ମୁଖରେ ଏପର୍ଯ୍ୟନ୍ତ ପାନୀୟ ଜଳ କିମ୍ବା ଅସ୍ଥାୟୀ ବିଶ୍ରାମ ସ୍ଥଳ ବ୍ୟବସ୍ଥା କରାଯାଇ ନାହିଁ।

ପିଇବା ପାଣି ପାଇଁ ଭକ୍ତମାନେ ଡହଳ ବିକଳ ହେଉଛନ୍ତି। ପ୍ରବଳ ଖରା ଯୋଗୁଁ ପିଚୁ ରାସ୍ତା ସକାଳ ଆଠଟାରୁ ତାତି ଯାଉଛି। ଭକ୍ତମାନେ ମରିଚିକୋଟ ଛକରୁ ପ୍ରାୟ ଦୁଇ ଶହ ମିଟର ସିଂହଦ୍ବାର ପର୍ଯ୍ୟନ୍ତ ଖାଲି ପାଦରେ ଚାଲି ଚାଲି ଯାଉଛନ୍ତି। ବାରମ୍ବାର ଦାବି ସତ୍ତ୍ୱେ ସିଂହଦ୍ବାର ନିକଟରେ ଜୋତା ଷ୍ଟାଣ୍ଡ ଏବଂ ମୋବାଇଲ ଫୋନ୍‌ ଷ୍ଟାଣ୍ଡ ଖୋଲା ଯାଉନାହିଁ। ଭକ୍ତମାନେ ବଡ଼ଦାଣ୍ଡରେ ପ୍ରବଳ ଖରାରେ କଲବଲ ହେଉଥିବାବେଳେ ଦାୟିତ୍ବରେ ଥିବା ପ୍ରଶାସନିକ ଅଧିକାରୀମାନେ ଶୀତତାପ ନିୟନ୍ତ୍ରିତ କୋଠରି ଭିତରୁ ବାହାରୁ ନାହାନ୍ତି। କେବଳ ବଡ଼ଦାଣ୍ଡ ନୁହେଁ, ଘଣ୍ଟା ଘଣ୍ଟା ଧରି ଧାଡ଼ିରେ ଅପେକ୍ଷା କରି ମନ୍ଦିର ଭିତରେ ପ୍ରବେଶ କରିବା ପରେ ମହାପ୍ରଭୁଙ୍କ ଦର୍ଶନ ମିଳିବା କଷ୍ଟକର ହୋଇ ପଡ଼ୁଛି।

 

ଏବେ ATMରୁ ଟଙ୍କା ଉଠାଇବା ହେବ ମହଙ୍ଗା, ଲାଗିବ ଚାର୍ଜ

ନନ୍ଦିଘୋଷ ବ୍ୟୁରୋ: ଏବେ ଏଟିଏମରୁ ଟଙ୍କା ଉଠାଇବା ପଡ଼ିବ ମହଙ୍ଗା । ଲାଗିବ ଚାର୍ଜ । ଯଦି ଆପଣ ସବୁବେଳେ ଏଟିଏମରୁ ଟଙ୍କା ଉଠାଉଥାନ୍ତି ତାହାଲେ ଏ ଖବର ଆପଣଙ୍କ ପାଇଁ ବହୁ ଗୁରୁତ୍ବପୂର୍ଣ୍ଣ । ତାହାଲେ ଜାଣିନିୟନ୍ତୁ କେତେ ଟଙ୍କା ପଡ଼ିବ ଚାର୍ଜ ।

ଭାରତୀୟ ରିଜର୍ଭ ବ୍ୟାଙ୍କ ଏଟିଏମ ଶୁଳ୍ପ ବୃଦ୍ଧିକୁ ଅନୁମୋଦନ କରିଛି । ଏହି ଏଟିଏମ ଶୁଳ୍କ ମେ ୧ ତାରିଖରୁ ଲାଗୁ ହେବ । ଯେ କୌଣସି ଏଟିଏମରୁ ଆପଣ ୫ ଥର ଟଙ୍କା ଉଠାଇ ପାରିବେ । ଯଦି ଏହାଠୁ ଅଧିକା ଥର ଟଙ୍କା ଉଠାଉଛନ୍ତି ତାହାଲେ ଆପଣଙ୍କୁ ଦେୟ ଦେବାକୁ ପଡ଼ିବ । ମେଟ୍ରୋ ସହର ଗୁଡ଼ିକରେ ମାତ୍ର ୩ଥର ମାଗଣାରେ ଟଙ୍କା ଉଠାଇପାରିବେ । ଏହାଠୁ ଅଧିକା ଟ୍ରାଞ୍ଜାକ୍ସନ କଲେ ପଇସା ଦେବାକୁ ପଡ଼ିବ ।

ଏବେ ମାଗଣାରେ ମେ ୧ ଯାଏ ଯାଏ ଟଙ୍କା ଉଠାଇ ପାରିବେ ଏହା ପରେ ଟଙ୍କା ଉଠାଇଲେ ୨୩ ଟଙ୍କା ଦେବାକୁ ପଡ଼ିବ । ପୂର୍ବରୁ ଏହି ଶୁଳ୍କ ୨୧ ଟଙ୍କା ଥିଲା । ଏବେ ଏହାକୁ ବଢ଼ାଇ ୨୩ ଟଙ୍କା କରାଯାଇଛି ।

ଏହା ସହ ଆପଣଙ୍କୁ ଜଣାଇ ଦେଉଛୁ ଯେ, ଏହି ବର୍ଦ୍ଧିତ ଶୁଳ୍କ କ୍ୟାସ୍ ରିସାଇକ୍ଲର ମେସିନ ଉପରେ ଲାଗୁ ହେବ । କ୍ୟାସ ଜମା କରିବାରେ ଏହି ନିୟମ ଲାଗୁ ହେବ ନାହିଁ । ବ୍ୟାଙ୍କ ଗୁଡ଼ିକର ପରିଚାଳନା ଖର୍ଚ୍ଚକୁ ଦୃଷ୍ଟିରେ ରଖି ଏହି ପରିବର୍ତ୍ତନ କରାଯାଇଛି । ଏହା ଗ୍ରାହକ ମାନଙ୍କୁ ଉନ୍ନତ ବ୍ୟାଙ୍କି ସେବା ଯେଗାଇବାରେ ସହାୟକ ହେବା ସହ ନେଟଓ୍ବର୍କକୁ ଆହୁରି ସୁଗମ କରିବ । ଏପରି ପରିସ୍ଥିତିରେ ଆପଣ ଯଦି ଟଙ୍କା କଟିବାରୁ ବଞ୍ଚିବାକୁ ଚାହୁଁଥାନ୍ତି ତାହାଲେ ଆବଶ୍ୟକ ପରିମାଣରେ ଟଙ୍କା ଉଠାନ୍ତୁ । ଅଜଥା ଟ୍ରାଞ୍ଜାକ୍ସନ କରନ୍ତୁନାହିଁ ଏବଂ ଡିଜିଟାଲ ପେମେଣ୍ଟକୁ ପ୍ରାଥମିକତା ଦିଅନ୍ତୁ ।

ଛତିଶଗଡ଼ ଦାନ୍ତେୱାଡ଼ାରେ ଏନକାଉଣ୍ଟର, ଜଣେ ନକ୍ସଲ ମୃତ

ନନ୍ଦିଘୋଷ ବ୍ୟୁରୋ: ଓଡ଼ିଶା ସୀମାନ୍ତ ଛତିଶଗଡ଼ର ଦାନ୍ତେୱାଡ଼ା ଓ ବିଜାପୁର ଜିଲ୍ଲାର ସୀମାରେ ଏନକାଉଣ୍ଟର। ନକ୍ସଲଙ୍କୁ ଏନକାଉଣ୍ଟର କରାଯାଇଛି। ସୁରକ୍ଷାକର୍ମୀଙ୍କ ପକ୍ଷରୁ ଚାଲିଛି କମ୍ଵିଂ। ଏଥିରେ ଜଣେ ନକ୍ସଲର ମୃତ୍ୟୁ ହୋଇଛି। ଏବେ ବି ସେଠାରେ ଚାଲିଛି ଅପରେସନ।

ନିହତ ନକ୍ସଲ ପାଖରୁ ଏକ ଇନସାସ୍ ରାଇଫଲ୍ ଓ ଅନ୍ୟ ଅସ୍ତ୍ରଶସ୍ତ୍ର ମିଳିଛି। କିଛି ଦିନ ହେଲାଣି ଛତିଶଗଡ଼ରେ ଜୋରସୋରରେ ଚାଲିଛି ଅପରେସନ। ଏଇ କିଛି ଭିତରେ ପ୍ରାୟ ୪୦ରୁ ଅଧିକ ନକ୍ସଲ ନିହତ ହେଲେଣି।