spot_img
Home Blog Page 1160

୨୦୦ କୋଟି ଟର୍ଣ୍ଣ ଓଭର ହେବା ପରେ ୧୨ କର୍ମଚାରୀଙ୍କୁ SUV କାର ଗିଫ୍ଟ କଲେ ଜୁଏଲରୀ ବ୍ୟବସାୟୀ

ଅହମ୍ମଦାବାଦ: କମ୍ପାନୀର ଟର୍ଣ୍ଣ ଓଭର ୨୦୦ କୋଟି ହେବାରୁ ୧୨ କର୍ମଚାରୀଙ୍କୁ SUV କାର ଗିଫ୍ଟ କଲେ ମାଲିକ । ଗୁଜରାଟର ଖେଡ଼ା ଜିଲ୍ଲାରୁ ଆସିଛି ଏପରି ଖବର । କାବରା ଜୁଏଲ୍ସ କମ୍ପାନୀର ମାଲିକ ୧୨ ପୁରାତନ କର୍ମଚାରୀଙ୍କୁ SUV କାର ଗିଫ୍ଟ କରିଛନ୍ତି । ଏହାବାଦ କର୍ମଚାରୀଙ୍କୁ ବାଇକ, ମୋବାଇଲ, ଫ୍ୟାମିଲି ହଲିଡେ ପ୍ୟାକେଜ, ଓ ସୁନା-ରୁପା କଏନ ବି ଗିଫ୍ଟରେ ଦିଆଯାଇଛି । ଏହି ଅବସରରେ କମ୍ପାନୀ ତରଫରୁ ଏକ ବିଶେଷ କାର୍ଯ୍ୟକ୍ରମର ଆୟୋଜନ କରାଯାଇଥିଲା । ଏଥିରେ କର୍ମଚାରୀଙ୍କୁ SUV କାର ଦିଆଯାଇଥିଲା । କାବରା ଜୁଏଲ୍ସ ଆଇପିପି ଲିଷ୍ଟେଡ କମ୍ପାନୀ । ଗତ ଆର୍ଥିକ ବର୍ଷ କମ୍ପାନୀ ୧୭୦ କୋଟି ଟଙ୍କା ରୋଜଗାର କରିଥିଲା ।

୨ରୁ ୨୦୦ କୋଟିର ବ୍ୟବସାୟ

ସୂଚନାଯୋଗ୍ୟ, ଖେଡ଼ା ଅଞ୍ଚଳର ଦୁଇ ଭାଇ କାବରା ଜୁଏଲ୍ସ ଲିମିଟେଡେ ନାଁରେ ୨୦୦୬ରେ କେ.କେ. ଜୁଏଲ୍ସ ବ୍ରାଣ୍ଡ ଆରମ୍ଭ କରିଥିଲେ । ସେହି ବର୍ଷ କମ୍ପାନୀର ପ୍ରଥମ ଶୋ’ରୁମ ଖୋଲିଥିଲା । ଉକ୍ତ ବର୍ଷ କମ୍ପାନୀ ୨ କୋଟି ଟଙ୍କାର ବେପାର କରିଥିଲା । ଆଉ ୨୦୨୪ରେ କମ୍ପାନୀ ୨୦୦ କୋଟି ଟଙ୍କାର ବେପାର କରିଛି । କମ୍ପାନୀର ପ୍ରତିଷ୍ଠାତା ଏମଡି କୈଳାଶ କାବରା ବ୍ୟବସାୟକୁ ନେଇ ଖୁସି ପ୍ରକାଶ କରିବା ସହ କହିଛନ୍ତି, ୨୦୦୬ରେ ୧୨ ଜଣ କର୍ମଚାରୀଙ୍କୁ ନେଇ କମ୍ପାନୀ ଆରମ୍ଭ କରିଥିଲି । ମୁଁ ନିଜ ପାଇଁ ବହୁତ ଦାମୀ ଗାଡ଼ି କିଣିଛି । ହେଲେ, କମ୍ପାନୀ ସହ ଆରମ୍ଭରୁ ଥିବା ଉକ୍ତ ୧୨ ଜଣ କମର୍ଚାରୀଙ୍କୁ ଆଜି କାର ଗିଫ୍ଟ କରି ଖୁସି ଲାଗୁଛି ।

କାହା ପାଖରୁ ପାଇଥିଲେ ପ୍ରେରଣା ?

କୈଳାଶ କାବରା କହିଛନ୍ତି, ତାଙ୍କୁ ଏହି ପ୍ରେରଣା ହୀରା ବ୍ୟବସାୟୀ ସାବଜୀ ଢୋଲକିୟାଙ୍କଠାରୁ ମିଳିଛି । ତାଙ୍କୁ ହୀରା ଇଣ୍ଡଷ୍ଟ୍ରୀର କିଙ୍ଗ କୁହାଯାଏ । ସେ ଏମିତି (ଗିଫ୍ଟ) କରିବା ମୁଁ ଦେଖିଛି । ସେତେବେଳେ ମୁଁ ଓ ମୋ ଭାଇ ସ୍ଥିର କରିଥିଲୁ ଯେ, ଅଡି, ବିଏମଡବ୍ଲ୍ୟୁ ଓ ମର୍ସଡିଜ ନନେଇ ଯେତେବେଳେ କମ୍ପାନୀ ୨୦୦ କୋଟି ଟଙ୍କାର ଟର୍ଣ୍ଣ ଓଭର ହାସଲ କରିବ ସେତେବେଳେ ଆମେ ବି ଏମିତି ଗିପ୍ଟ ଦେବା । ଆଜି ଏହା କରି ପାରିଥିବାରୁ ଆମେ ବହୁତ ଖୁସି । କମ୍ପାନୀ ତରଫରୁ ସବୁଠୁ ପୁରାଣା ୧୨ କର୍ମୀଚାରୀଙ୍କୁ ଧନ୍ୟବାଦ । ସେମାନଙ୍କ ବିନା ଆମେ ଆଜି ଏହି ଲକ୍ଷ୍ୟ ସ୍ଥଳରେ ପହଞ୍ଚି ପାରି ନଥାନ୍ତୁ ।

ଆଜୀବନ କାରାଦଣ୍ଡାଦେଶ ପରେ ଜଜଙ୍କ ଆଗରେ ହାତ ଯୋଡ଼ି କ୍ଷମା କରିବାକୁ ଭିକ ମାଗିଲା ଦୁଷ୍କର୍ମ ଅପରାଧୀ ବଜିନ୍ଦର ସିଂହ

ମୋହାଲି: ମୋର ଛୋଟ ଛୋଟ ପିଲା । ମୋ ସ୍ତ୍ରୀ ରୋଗାଗ୍ରସ୍ତ । ମୋ ଗୋଡରେ ରଡ଼ ଲାଗିଛି । ମୋ ପରିବାର ସାମାଜିକ ଜୀବନ ବିତାଉଛନ୍ତି । ମୋ ଉପରେ ଦୟା କରନ୍ତୁ । ମୋତେ କ୍ଷମା କରି ଦିଅନ୍ତୁ । ଏମିତି କହିବା ବେଳେ ହାତ ଯୋଡ଼ି ଜଜଙ୍କ ଆଗରେ କାନ୍ଦୁଥିଲେ ଦୁଷ୍କର୍ମ ଅଭିଯୁକ୍ତ ପାଦ୍ରୀ ବଜିନ୍ଦର ସିଂହ । ପଞ୍ଜାମର ମୋହାଲି ଜିଲ୍ଲା କୋର୍ଟ ଏକ ଦୁଷ୍କର୍ମ ମାମଲାରେ ଅଭିଯୁକ୍ତଙ୍କୁ ଆଜୀବନ ଜେଲ ଦଣ୍ଡାଦେଶ ଶୁଣାଇବା ପରେ ହାତ ଯୋଡ଼ି କାନ୍ଦି କାନ୍ଦି ଏମିତି ନେହୁରା ହୋଇଥିଲେ ବଜିନ୍ଦର । ହେଲେ ଦୁଷ୍କର୍ମ ଅପରାଧୀର ଏମିତି କାନ୍ଦ ଜଜଙ୍କୁ ପ୍ରଭାବିତ କରି ନଥିଲା । ଜଜଙ୍କ ରାୟ ପରେ ପୋଲିସ ବଜିନ୍ଦରକୁ ପୁଣି ଜେଲକୁ ନେଇ ଯାଇଛି । ପୀଡ଼ିତଙ୍କ ଓକିଲ କହିଛନ୍ତି, କୋର୍ଟ ରାୟ ଶୁଣାଇବା ସହ ମୃତ୍ୟୁ ପର୍ଯ୍ୟନ୍ତ ବଜିନ୍ଦରଙ୍କୁ ଜେଲରେ ରଖିବାକୁ ନିର୍ଦ୍ଦେଶ ଦେଇଛନ୍ତି ।

ସୂଚନାଯୋଗ୍ୟ, ଗତ ୨୮ ମାର୍ଚ୍ଚରେ ଜିଲ୍ଲା କୋର୍ଟ ବଜିନ୍ଦରଙ୍କୁ ମାମଲାରେ ଦୋଷୀ ବୋଲି ରାୟ ଦେଇଥିଲେ । ଏହାପରେ ତାଙ୍କୁ ପଟିଆଲା ଜେଲକୁ ପଠାଇ ଦିଆଯାଇଥିଲା । ପାଦ୍ରୀ ବଜିନ୍ଦର ସିଂହ ଚମତ୍କାରୀ ଚିକିତ୍ସା ଓ ପ୍ରାର୍ଥନା ସଭା ପାଇଁ ଲୋକପ୍ରିୟ ଥିଲେ । ଅତିରିକ୍ତ ଜିଲ୍ଲା ଓ ସେସନ ଜଜ୍ ବିକ୍ରାନ୍ତ ଗୁପ୍ତା ମାମଲାର ରାୟ ଶୁଣାଇବା ସହ କହିଥିଲେ, ନିଜକୁ ଜଣେ ଧାର୍ମିକ ନେତା ଭାବେ ଉପସ୍ଥାପିତ କରୁଥିବା ବ୍ୟକ୍ତି ଏମିତି ଜଘନ୍ୟ କାମ କରିପାରିବେ ନାହିଁ । ବିଶେଷ କରି, ସେମାନଙ୍କ ବିରୋଧ ଯେଉଁମାନଙ୍କର ତାଙ୍କ ଉପରେ ଆଶା ଓ ଭରସା ରହିଛି । କୋର୍ଟଙ୍କ ଏହି ରାୟ ନା କେବଳ ପୀଡ଼ିତାଙ୍କୁ ନ୍ୟାୟ ଦେଇଛି, ବରଂ ସେ ସମସ୍ତଙ୍କୁ ବି ନ୍ୟାୟ ଦେଇଛି ଯେଉଁମାନେ ବଜିନ୍ଦରଙ୍କ ବିରୋଧରେ ସ୍ବର ଉଠାଇଥିଲେ ।

କ’ଣ ଥିଲା ମାମଲା ?

ମାମଲା ୨୦୧୮ର । ଜିରକପୁରର ଜଣେ ମହିଳା ବଜିନ୍ଦର ସିଂହଙ୍କ ବିରୋଧରେ ଏତଲା ଦେଇଥିଲେ । ମହିଳା ଅଭିଯୋଗ କରିଥିଲେ ଯେ, ବଜିନ୍ଦର ତାଙ୍କୁ ବିଦେଶ ପଠାଇବାର ଲୋଭ ଦେଖାଇ ମୋହାଲି ସେକ୍ଟର ୬୩ରେ ଥିବା ତାଙ୍କ ବାସଭବନକୁ ଡକାଇଥିଲେ । ସେଠାରେ ସେ ତାଙ୍କ ସହ ଦୁଷ୍କର୍ମ କରିଥିଲେ । ଆଉ ଏହାର ଭିଡିଓ ରେକର୍ଡ କରି କାହାକୁ କିଛି କହିଲେ ସୋସିଆଲ ମିଡିଆରେ ଭାଇରାଲ କରି ଦେବାକୁ ଧମକ ଦେଇଥିଲେ । ଡରରେ କିଛି ଦିନି ମହିଳା ଜଣଙ୍କ ଚୁପ ରହିଥିଲେ । ଏହାପରେ ସାହସ କରି ୨୦୧୮ ଏପ୍ରିଲରେ ଜିରକପୁର ପୋଲିସ ଷ୍ଟେସନରେ ଏତଲା ଦେଇଥିଲେ । ଏତଲାକୁ ଆଧାର କରି ପୋଲିସ ବଜିନ୍ଦରଙ୍କ ବିରୋଧରେ ଭାରତୀୟ ଦଣ୍ଡ ସଂହିତା ୩୭୬ (ଦୁଷ୍କର୍ମ), ୩୨୩ (ଜାଣତରେ ଆଘାତ ଦେବା) ଓ ୫୦୬ (ଅପରାଧିକ ଧମକ) ଆଧାରରେ ମାମଲା ରୁଜୁ କରିଥିଲା ।

ବାଣ କାରଖାନାରେ ବିସ୍ଫୋରଣ: ୧୮ ମୃତ

ଗୁଜରାଟର ବନାସକାଣ୍ଠାରେ ଏକ ବାଣ କାରଖାନାରେ ବିସ୍ଫୋରଣ ଘଟି ୧୮ ଜଣଙ୍କ ମୃତ୍ୟୁ ଘଟିଛି । ଆଗକୁ ମୃତକଙ୍କ ସଂଖ୍ୟା ବଢ଼ିବାର ସମ୍ଭାବନା ରହିଛି । ଫ୍ୟାକ୍ଟ୍ରିରେ ବଏଲର ଫାଟି ଯିବା ଫଳରେ ଏପରି ସ୍ଥିତି ସୃଷ୍ଟି ହୋଇଥିଲା । କାରଖାନା ଭିତରେ ୩୦ ଜଣ ଶ୍ରମିକ କାମ କରୁଥିଲେ । ସମସ୍ତ ଆହତଙ୍କୁ ହସ୍ପିଟାଲରେ ଭର୍ତ୍ତି କରାଯାଇଥିଲା । ଘଟଣାସ୍ଥଳରେ ରେସକ୍ୟୁ ଟିମ୍ ପହଞ୍ଚିବା ସହ ନିଆଁକୁ ଆୟତ୍ତ ପାଇଁ ଫାୟା ବ୍ରିଗେଡର ଟିମ୍ ମଧ୍ୟ ଉପସ୍ଥିତ ରହିଛି ।

ଆଜି ସକାଳୁ ବନାସକାଣ୍ଠାରେ ଥିବା ଏକ ବାଣ କାରଖାନାରେ ବଡ଼ ଶବ୍ଦ ଶୁଣିବାକୁ ମିଳିଥିଲା । ଏହାପରେ ଲୋକମାନେ ରୁଣ୍ଡ ହୋଇଯାଇଥିଲେ । ଏହାପରେ ଅଗ୍ନିଶମ ବାହିନୀ ଓ ଏନଡିଆରଏଫ ଟିମକୁ ସୂଚନା ଦିଆଯାଇଥିଲା । ଏହି ଦୁର୍ଘଟଣାର ଏକ ଭିଡିଓ ସାମ୍ନାକୁ ଆସିଛି । ବିସ୍ଫୋରଣରେ କାରଖାନାର ଏକ ଅଂଶ ସମ୍ପୂର୍ଣ୍ଣ ଭାବେ କ୍ଷତିଗ୍ରସ୍ତ ହୋଇଛି । ଏବେ ବି ମାଟି ଭିତରେ କିଛି ଲୋକ ଦବି ରହିଛନ୍ତି ।

ବଢ଼ିବ CNG-PNG ଦର! କେନ୍ଦ୍ର ସରକାର ନେଲେ ବଡ଼ ନିଷ୍ପତ୍ତି

ଆଗାମୀ ଦିନରେ ପିଏନସି ଓ ସିଏନଜି ଦର ବଢ଼ିବାର ସମ୍ଭାବନା ରହିଛି । ଏନେଇ କେନ୍ଦ୍ର ସରକାର ଏକ ବଡ଼ ନିଷ୍ପତ୍ତି ନେଇଛନ୍ତି । ସରକାର ଏହି ଦୁଇପ୍ରକାର ଗ୍ୟାସ ପ୍ରସ୍ତୁତିରେ ବ୍ୟବହାର ହେଉଥିବା କଞ୍ଚାମାଲ ଦରରେ ବୃଦ୍ଧି କରିଛନ୍ତି । ନୂଆ ଦର ଏପ୍ରିଲ ୧ରୁ ଲାଗୁ ହୋଇଯାଇଛି । ପ୍ରକୃତ କଥା ହେଉଛି, ସରକାର ଏଡମିନିଷ୍ଟର୍ସ ପ୍ରାଇସିଂ ମେକାନିଜମ ବା ଏପିଏମ ଅଧୀନରେ ଆସୁଥିବା ପୁରୁଣା କ୍ଷେତ୍ରରୁ ଉତ୍ପାଦିତ ପ୍ରାକୃତିକ ଗ୍ୟାସର ଦର ୪ ପ୍ରତିଶତ ବୃଦ୍ଧି କରିଛନ୍ତି । ଏହି କ୍ଷେତ୍ରମାନଙ୍କରୁ ଉତ୍ପାଦିତ ଗ୍ୟାସ ସିନଜି, ବିଜୁଳି ଓ ଖାଦର ଉତ୍ପାଦନ ପାଇଁ ପ୍ରମୁଖ କଞ୍ଚାମାଲ ହୋଇଥାଏ । ଏପରି ସ୍ଥିତିରେ ଏପିଏମ ଗ୍ୟାସର ଦର ବଢ଼ିବା ଫଳରେ ସିଏନଜିର ଦାମ୍ ବୃଦ୍ଧି ଦେଖିବାକୁ ମିଳିପାରେ ।

’ଭାରତକୁ ୨୦୨୭ ବିଶ୍ବକପ ଜିତାଇବା ମୋର ଲକ୍ଷ୍ୟ’: ସାମ୍ନାକୁ ଆସିଲା ବିରାଟଙ୍କ ୧୫ ସେକେଣ୍ଡର ଭିଡିଓ

ମାତ୍ର ୧୫ ସେକେଣ୍ଡ ମଧ୍ୟରେ ଟିମ୍ ଇଣ୍ଡିଆର ଷ୍ଟାର ବ୍ୟାଟ୍ସମ୍ୟାନ ବିରାଟ କୋହଲି ଫ୍ୟାନ୍ସଙ୍କୁ ଦେଇଛନ୍ତି ଏକ ବଡ଼ ଖୁସି । ବିରାଟଙ୍କ ଅବସରକୁ ନେଇ ଚର୍ଚ୍ଚା ଜାରି ରହିଥିବା ବେଳେ ଏବେ ତାହା ସ୍ପଷ୍ଟ ହୋଇଯାଇଛି । ୨୦୨୭ ବିଶ୍ବକପ ଖେଳିବା ପାଇଁ ବିରାଟ ପ୍ରସ୍ତୁତ ହେଉଛନ୍ତି । ଭାରତକୁ ବିଶ୍ବବିଜୟୀ କରାଇବା ବିରାଟଙ୍କ ଲକ୍ଷ୍ୟ ବୋଲି ସେ କହିଛନ୍ତି । ଏହା ମଧ୍ୟରେ ସୋସିଆଲ ମିଡ଼ିଆରେ ଭାଇରାଲ ହେଉଥିବା ୧୫ ସେକେଣ୍ଡର ଭିଡିଓ ଏକ ବଡ଼ ସଙ୍କେତ ଦେଇଛି । ସେ ୨୦୨୭ ବିଶ୍ବକପ୍ କେବଳ ଖେଳିବେନି, ବରଂ ଭାରତକୁ ଜିତାଇବେ ବୋଲି ବିରାଟ କହୁଥିବା ଭିଡିଓରୁ ଜଣାପଡ଼ିଛି ।

ସନ୍ନ୍ୟାସ ଠାରୁ ସେ ଏବେ ବହୁ ଦୂରରେ ରହିଥିବା ବିରାଟ ସ୍ପଷ୍ଟ ଭାବେ କହିଛନ୍ତି । ଭାରତକୁ ୨୦୨୭ ବିଶ୍ବକପରେ ଜିତାଇବା ପାଇଁ ଲକ୍ଷ୍ୟ ରଖିଥିବା ବିରାଟ ଏବେ ଆଇପିଏଲ ଖେଳୁଛନ୍ତି । ସେ ଆରସିବି ପାଇଁ ଖେଳୁଛନ୍ତି । ବିରାଟଙ୍କ ଫ୍ରାଞ୍ଚାଇଜି ଏବେ ୨ଟି ମ୍ୟାଚ ଜିତି ସାରିଛି । ଉକ୍ତ ଦୁଇ ମ୍ୟାଚରେ ବିରାଟ ଦୁଇଟି ଅର୍ଦ୍ଧଶତକ ହାସଲ କରିଥିଲେ ।

IPL ମଧ୍ୟରେ ନୂଆ କେନ୍ଦ୍ରୀୟ ଚୁକ୍ତି ଘୋଷଣା: ବାଦ୍ ପଡ଼ିଲେ ଏହ ତିନି କ୍ରିକେଟର

IPL ୨୦୨୫ ଏବେ ଜାରି ରହିଥିବା ବେଳେ ଏହା ମଧ୍ୟରେ ନୂଆ କେନ୍ଦ୍ରୀୟ ଚୁକ୍ତି ଘୋଷଣା କରାଯାଇଛି । ସବୁଠାରୁ ବଡ଼ କଥା ହେଉଛି, ଏଥରୁ ୩ ଜଣ କ୍ରିକେଟର ବାଦ୍ ପଡ଼ିଛନ୍ତି । ତେଣୁ ଏହି ଘୋଷଣା ପରେ ଏବେ ଏହି ଖେଳାଳିମାନେ ପ୍ରଭାବିତ ହେବାର ସମ୍ଭାବନା ରହିଛି । ୩ ଜଣ ଖେଳାଳିଙ୍କ ମଧ୍ୟରୁ ୨ ଜଣ ଚାମ୍ପିୟନ୍ସ ଟ୍ରଫି ଟିମର ଅଂଶ ଥିଲେ । ଅଷ୍ଟ୍ରେଲିଆର ଅଧିକାଂଶ ଖେଳାଳି ଏବେ ଆଇପିଲ ଖେଳୁଛନ୍ତି । ଅନ୍ୟପଟେ ଖେଳାଳିଙ୍କ ପାଇଁ ଦେଶର କ୍ରିକେଟ ବୋର୍ଡ ନୂଆ ସେଣ୍ଟ୍ରାଲ କଣ୍ଟ୍ରାକ୍ଟ ଘୋଷଣା କରିଛି । ସବୁଠାରୁ ବଡ଼ କଥା ହେଉଛି, ୩ ଜଣ ନୂଆ ଖେଳାଳିଙ୍କୁ କେନ୍ଦ୍ରୀୟ ଚୁକ୍ତିରେ ସ୍ଥାନ ମିଳିଛି । ଅନ୍ୟ ୩ ଜଣଙ୍କୁ ଏଥିରୁ ବାହାର କରାଯାଇଛି ।

ସାମ କନଷ୍ଟସ, ମ୍ୟାଟ କୁହ୍ନେମନ ଓ ବ୍ୟୁ ଓ୍ବେବଷ୍ଟରଙ୍କୁ କେନ୍ଦ୍ରୀୟ ଚୁକ୍ତିରେ ସ୍ଥାନ ମିଳିଛି । ନୂଆ ଲିଷ୍ଟରେ ୨୩ ଜଣ ଖେଳାଳି ସାମିଲ ହୋଇଥିବା ବେଳେ ସେଥିରୁ ୩ ଜଣ ବାଦ୍ କରିଛନ୍ତି । ବାଦ୍ ପଡ଼ିଥିବା ଖେଳାଳିଙ୍କ ମଧ୍ୟରେ ଟୋଡ ମର୍ଫି, ଶନ ଏବଟ ଓ ଆରୋନ ହାର୍ଡିଙ୍କ ନାମ ସାମିଲ ରହିଛି । ଆରୋନ ଓ ଏବଟ ଚାମ୍ପିୟନ୍ସ ଟ୍ରଫି ଖେଳିଥିବା ଅଷ୍ଟ୍ରେଲିଆ ଟିମର ସଦସ୍ୟ ଥିଲେ । ମାତ୍ର ସେମାନଙ୍କୁ ଗୋଟିଏ ବି ମ୍ୟାଚ ଖେଳିବାକୁ ସୁଯୋଗ ମିଳିନଥିଲା ।

ବଢ଼ୁଛି ମିଆଁମାର ଭୂକମ୍ପ ମୃତକଙ୍କ ସଂଖ୍ୟା: ମୃତ୍ୟୁସଂଖ୍ୟା ୨ ହଜାର ଟପିଲା, ଆହତଙ୍କ ସଂଖ୍ୟା ୪ ହଜାର

ମିଆଁମାରରେ ଘଟିଥିବା ପ୍ରଳୟଙ୍କରୀ ଭୂକମ୍ପ ମୃତ୍ୟୁ ସଂଖ୍ୟା ହେଲା ୨ ହଜାର ୫୬ । ଆହତଙ୍କ ସଂଖ୍ୟା ପ୍ରାୟ ଚାରି ହଜାର । ମତ ମାର୍ଚ୍ଚ ୨୮ରେ ଘଟିଥିବା ବିଭୀଷିକାରେ ବର୍ତ୍ତମାନ ସୁଦ୍ଧା ୨୭୦ ଜଣ ନିଖୋଜ ଥିବା ସୂଚନା ମିଳିଛି । ସେପଟେ ମିଆଁମାରର ଜୁଣ୍ଟା ସରକାର ମୃତକଙ୍କ ଉଦ୍ଦେଶ୍ୟରେ ସାତଦିନିଆ ଜାତୀୟ ଶୋକ ସପ୍ତାହ ପାଳନ କରୁଛି । ୭.୭ ତୀବ୍ରତାର ଭୂକମ୍ପରେ ଛାରଖାର ହୋଇଯାଇଥିଲା ମିଆଁମାର । ଏହାର ପ୍ରଭାବ ଥାଇଲାଣ୍ଡ, ଭାରତ, ଚୀନ, ବାଂଲାଦେଶରେ ପଡିଥିଲା । ଏବେ ବି ଅନେକ ମୃତଦେହ ଭଗ୍ନସ୍ତୂପ ତଳେ ପୋତି ହୋଇଥିବା କୁହାଯାଉଛି ।

ବ୍ୟାଙ୍କକରେ ଏକ ଭଗ୍ନକୋଠା ଭିତରେ ୭୬ ଜଣ ଲୋକ ପୋତିହୋଇଯାଇଥିବା ଆଶଙ୍କା କରାଯାଉଛି । ବର୍ତ୍ତମାନ ସୁଦ୍ଧା ଧ୍ବଂସସ୍ତୂପକୁ ବାହାର କରାଯାଇ ନଥିବାରୁ ମୃତାହତଙ୍କ ସମ୍ପର୍କରେ ସବିଶେଷ ସୂଚନା ମିଳିପାରିନାହିଁ । ଥାଇଲାଣ୍ଡର ମୋଟ ମୃତ୍ୟୁ ସଂଖ୍ୟା ୧୮ ବୋଲିସୂଚନା ମିଳିଛି । ଭୂକମ୍ପ ବେଳେ ଅନେକ ସ୍ଥାନରେ ଶୁକ୍ରବାର ପ୍ରାର୍ଥନା ଚାଲିଥିବାରୁ ୭୦୦ରୁ ଅଧିକ ଶ୍ରଦ୍ଧାଳୁଙ୍କ ମୃତ୍ୟୁ ଘଟିଥିଲା । ଭୂକମ୍ପରେ ଅନେକ ମସଜିଦ ବି ଧୂଳିସାତ ହୋଇଛି । ତେଣେ ଜାତିସଂଘ ପକ୍ଷରୁ ମିଆଁମାରକୁ ସହାୟତା ଘୋଷଣା କରାଯାଇଛି । ୨୦୨୧ରେ ମିଆଁମାରରେ ନୋବେଲ ବିଜୟିନୀ ଅଙ୍ଗ ସାନ ସୁ କିଙ୍କୁ ହଟାଇ ସାମରିକ ଶାସନ ଲାଗୁ କରିଥିଲା ଜୁଣ୍ଟା ସରକାର । ସେବଠାରୁ ଦେଶରେ ଗୃହଯୁଦ୍ଧ ସ୍ଥିତି ଲାଗୁ ରହିଛି ।

ଜୈସ-ଏ-ମହମ୍ମଦ ଓ ଲସ୍କର-ଏ-ତୋଏବା ସଂଗଠନ ମଧ୍ୟରେ ବିବାଦ: ବଢ଼ିଲା ଭାରତର ଚିନ୍ତା

ଦକ୍ଷିଣ ଏସିଆରେ ଆକ୍ରମଣ ନେଇ ଦୁଇ ଆତଙ୍କବାଦୀ ସଂଗଠନ ମଧ୍ୟରେ ମତପାର୍ଥକ୍ୟ । ଜୈସ-ଏ-ମହମ୍ମଦ ଓ ଲସ୍କର-ଏ-ତୋଏବା ସଂଗଠନ ମଧ୍ୟରେ ଏନେଇ ବିବାଦ ସୃଷ୍ଟି ହୋଇଛି । ଜାମ୍ମୁ ଓ କାଶ୍ମୀରର ବିଭିନ୍ନ ଅଞ୍ଚଳ ଦେଇ ଜୈସ ସଂଗଠନ କର୍ମୀମାନଙ୍କୁ ପ୍ରବେଶ କରାଇବା ଲାଗି ପାକିସ୍ତାନ ପକ୍ଷରୁ ଉଦ୍ୟମ ଜାରି ରହିଥିବାବେଳେ ଆଦର୍ଶଗତ କାରଣରୁ ଦୁଇ ସଂଗଠନ ମଧ୍ୟରେ ପାର୍ଥକ୍ୟ ସୃଷ୍ଟି ହୋଇଥିବା କୁହାଯାଇଛି । ଦୁଇ ସଂଗଠନ ମଧ୍ୟରେ ବୁଝାମଣା ଲାଗି ପାକିସ୍ତାନ ଉଦ୍ୟମ କରିଥିଲେ ବି ତାହା ବିଫଳ ହୋଇଛି । ସେପଟେ ଗତ କିଛି ମାସରେ ଭାରତକୁ ବହୁ ସଂଖ୍ୟକ ଜୈସ ଆତଙ୍କୀ ପ୍ରବେଶ କରିଛନ୍ତି ବୋଲି ସୂଚନା ମିଳିଛି । ଜୈସ ସଂଗଠନ ସୁନ୍ନୀ ଇସଲାମପନ୍ଥୀ ହୋଇଥିବାବେଳେ ଏହା ଦେଓବନ୍ଦୀ ବିଶ୍ବାସୀ । ସେପଟେ ଲସ୍କର ସଂଗଠନ ହେଉଛି ଶାହ ଓ୍ବାଲିହୁଲ୍ଲା ଦେହଲାବିଙ୍କ ଆଦର୍ଶରେ ଅନୁପ୍ରାଣୀତ ଆହ୍ଲ-ଇ-ହାଦିଥ ଅନୁଗାମୀ । ଦୁଇ ସଂଗଠନ ମଧ୍ୟରେ ଲଢେଇ ଯୋଗୁ ପାକିସ୍ତାନରେ ହତ୍ୟା ଘଟଣା ବୃଦ୍ଧି ପାଇଛି ।

ଗତ ୩୦ ତାରିଖରେ ଭାରତର ମୋଷ୍ଟ ଓ୍ବାଣ୍ଟେଡ ହାଫିଜ ସୟିଦଙ୍କ ସମ୍ପର୍କୀୟ ତଥା ଆତଙ୍କବାଦୀ ସଂଗଠନକୁ ପାଣ୍ଠି ପ୍ରଦାନ କରୁଥିବା କାରି ଅବଦୁ ରେହମାନକୁ ଏହି କାରଣରୁ କରାଚୀରେ ଗୁଳି କରି ହତ୍ୟା କରାଯାଇଥିଲା । ଜାମ୍ମୁ ଓ କାଶ୍ମୀରର କାଠୁଆରେ ବହୁ ସଂଖ୍ୟକ ଜୈସ ସଂଗଠନ କର୍ମୀ ପ୍ରବେଶ କରିଥିବାରୁ ଭାରତର ଚିନ୍ତା ବଢିଛି । ଏପରିକି ଆତଙ୍କୀଙ୍କଠାରୁ ଜବତ ଅସ୍ତ୍ରଶସ୍ତ୍ର ନାଟୋ ରାଷ୍ଟ୍ରର ଓ ଚୀନର ହୋଇଥିବାରୁ ଏହାକୁ ନେଇ ବଢିଛି ଚିନ୍ତା । ନିରାପତ୍ତା କାରଣରୁ ପ୍ରକୃତ ନିୟନ୍ତ୍ରଣ ରେଖା ଓ ଅନ୍ତର୍ଜାତୀୟ ସୀମାରେଖାରେ ଗୁଇନ୍ଦା ସତର୍କତାକୁ ବଢାଇ ଦିଆଯାଇଛି । ସେପଟେ ଜାମ୍ମୁ ଓ କାଶ୍ମୀର କାଠୁଆରେ ଜାରି ରହିଛି ସର୍ଚ୍ଚ ଅପରେସନ।

ଦନ୍ତାହାତୀର ମୃତଦେହ ଉଦ୍ଧାର: ମୃତ୍ୟୁକୁ ନେଇ ବଢ଼ିଲା ସନ୍ଦେହ

ଅନୁଗୁଳ: ସନ୍ଦେହଜନକ ଭାବେ ଦନ୍ତା ହାତୀର ମୃତଦେହ ଉଦ୍ଧାର । ଅନୁଗୁଳ ଜିଲ୍ଲା ଦେବଗଡ଼ ବନଖଣ୍ଡ ଅନ୍ତର୍ଗତ ପାଳଲହଡ଼ା ବନାଞ୍ଚଳର ସଇଡ଼ା ପଞ୍ଚାୟତର ବିଜୁ ସାହି ନିକଟ ନାଳରୁ ହାତୀର ମୃତଦେହ ଠାବ ହୋଇଛି । ନାଳ ମଧ୍ୟରେ ହାତୀଟି ମରି ପଡ଼ିବାର ଦେଖି ଗାଁ ଲୋକେ ବନ ବିଭାଗକୁ ଖବର ଦେଇଥିଲେ । ବିଗତ ୨ ମାସରୁ ଅଧିକ ସମୟ ହେବ ଦନ୍ତା ହାଟି ହଲରୁ ଅଲଗା ହୋଇ ଗାଁ ନିକଟରେ ବୁଲାବୁଲି କରୁଥିଲା  । ହାତୀଟି ଫସଲ ନଷ୍ଟ କରୁଥିବା ବେଳେ ଲୋକେ ତାକୁ ଘଉଡ଼ାଇ ଦେଇଥିଲେ । ଆଜି ହାତୀର ମୃତଦେହ ମିଳିଥିବା ପରେ ମୃତ୍ୟୁକୁ ନେଇ ସନ୍ଦେହ ସୃଷ୍ଟି ହୋଇଛି । ଏଣେ ବନ ବିଭାଗ କହିବା ଅନୁଯାୟୀ ନାଳ ଉପରୁ ତଳକୁ ପଡ଼ିଯାଇ ଦନ୍ତାହାତୀର ମୃତ୍ୟୁ ହୋଇଥିବା ସନ୍ଦେହ କରାଯାଉଛି । ହାତୀର ମୃତ୍ୟୁର କାରଣ ଅସ୍ପଷ୍ଟ ଥିବାବେଳେ ବନ ବିଭାଗ ତଦନ୍ତ ଜାରି ରଖିଥିବା କହିଛନ୍ତି ରେଞ୍ଜର ।

ହୀରାକୁଦ ଜଳଭଣ୍ଡାରର ଜଳସ୍ତର କମିବାରେ ଲାଗିଛି: ଆଗକୁ ସ୍ଥିତି ଭୟଙ୍କର ହୋଇପାରେ

ହୀରାକୁଦ ଜଳଭଣ୍ଡାରକୁ କ୍ରମାଗତ ଭାବେ ଜଳ ପ୍ରବେଶର ମାତ୍ରା କମିଥିବା ବେଳେ ଦେଖୁ ଦେଖୁ ୬୧୫ ଫୁଟକୁ ଖସି ଆସିଲାଣି ଜଳସ୍ତର  । ଗତବର୍ଷ ତୁଳନାରେ ଜଳ ଭଣ୍ଡାରର ଜଳସ୍ତର ପାଖାପାଖି ୩ ଫୁଟ୍ କମିଥିବାବେଳେ ୬୧୫ଦଶମିକ ୩୧ ଫୁଟ୍ ରେ ପହଞ୍ଚିଛି ଜଳସ୍ତର  । ଗତବର୍ଷ ଏହି ସମୟରେ ୬୧୭ ଦଶମିକ ୭୩ ଫୁଟ୍ ପାଣି ଥିବା ବେଳେ ଚଳିତ ବର୍ଷର ଜଳ ସ୍ତରର ଦେଖି ଚିନ୍ତାରେ ପଡିଲେଣି ମହାନଦୀକୁ ଭରସା କରୁଥିବା ଲୋକେ । କାରଣ ଯଦି ଏପ୍ରିଲ ଆରମ୍ଭରୁ ଏଭଳି ସ୍ଥିତି ତା ହେଲେ ଆଗକୁ ସ୍ଥିତି କେତେ ଭୟଙ୍କର ହେବ ତାହା ସ୍ପଷ୍ଟ ଅନୁମେୟ।