spot_img
Home Blog Page 1147

ଓ୍ବାକଫ ସଂଶୋଧନ ବିଲକୁ ସମର୍ଥନ କରିବା ପଡ଼ିଲା କି ମହଙ୍ଗା ? ବଢ଼ୁଛି ଦଳୀୟ ନେତାଙ୍କ ଇସ୍ତଫା ସଂଖ୍ୟା..

ନନ୍ଦିଘୋଷ ବ୍ୟୁରୋ: ପାରିତ ହୋଇଛି ଓ୍ବାକଫ୍ ସଂଶୋଧନ ବିଲ୍ । ଏହି ବିଲ ପାରିତ ହେବାକୁ ନେଇ ରାଜନୈତିକ ମହଲରେ ତିବ୍ର ଆରୋପ-ପ୍ରତ୍ୟାରୋପ ଚାଲିଛି । ତେବେ ଏହି ଓ୍ବାକଫ ସଂଶୋଧନ ବିଲକୁ ସମର୍ଥନ କରିଥିବା ନୀତିଶ କୁମାରଙ୍କୁ ପଡ଼ୁଛି ମହଙ୍ଗା । ସେ ଏହାକୁ ସମର୍ଥନ କରିବା ପରେ ଦଳର ଜଣଙ୍କ ପରେ ଜଣେ ପୁରୁଖା ନେତାମାନେ ଦଳ ଛାଡ଼ୁଛନ୍ତି । ଆଗକୁ ନିର୍ବାଚନ ଆସୁଥିବାବେଳେ ତାଙ୍କ ପାଇଁ ଚିନ୍ତାର କାରଣ ପାଲଟିଛି । ଏଯାବତ ୫ ଜଣ ବଡ଼ ନେତା ଦଳ ଛାଡ଼ିଛନ୍ତି । ଏପରିକି ଦଳର ବହୁ ନେତା ଏବେ ନୀତିଶଙ୍କ ବିରୋଧରେ ନାରା ଦେବା ମଧ୍ୟ ଆରମ୍ଭ କରି ଦେଇଛନ୍ତି । ଆଉ କହୁଛନ୍ତି କି, ମୁଖ୍ୟମନ୍ତ୍ରୀ ସେମାନଙ୍କୁ ଧୋକା ଦେଇଛନ୍ତି ।

ଦଳର ରାଜୁ ନାୟର, ତବରେଜ ସିଦ୍ଧିକ ଅଲିଗ, ନଦିମ ଅଖତର, ମୋହମ୍ମଦ ଶାହନବାଜ ମଲ୍ଲିକ ଏବଂ ମହମ୍ମଦ କାସିମ ଅନସାରୀ ମଲ୍ଲିକ ପ୍ରମୁଖ ଦଳରୁ ଇସ୍ତଫା ଦେଇ ସାରିଛନ୍ତି । ଦଳର ବହୁ ତୁଙ୍ଗ ମୁସଲମାନ ନେତାମାନେ ଇସ୍ତଫା ଦେଉଛନ୍ତି । ତେବେ ଚଳିତ ବର୍ଷ ଶେଷକୁ ରହିଛି ନିର୍ବାଚନ । ଏବେ ଦଳୀୟ ନେତାଙ୍କ ଇସ୍ତଫା ଦଳ ପାଇଁ ଚିନ୍ତାର କାରଣ ପାଲଟିଛି । ରାଜୁ ନାୟାର ତାଙ୍କ ଇସ୍ତଫାପତ୍ରରେ କହିଛନ୍ତି ଯେ ୱାକଫ ସଂଶୋଧନ ବିଲ୍ ପ୍ରତି ଜେଡିୟୁର ସମର୍ଥନ ତାଙ୍କୁ ଗଭୀର ଆଘାତ ଦେଇଛି, ଏହାକୁ ମୁସଲମାନମାନଙ୍କୁ ଅତ୍ୟାଚାର କରୁଥିବା ଏକ କଳା ଆଇନ ବୋଲି କହିଛନ୍ତି। ସେ କହିଛନ୍ତି ଯେ ୱାକଫ ସଂଶୋଧନ ବିଲ୍ ଲୋକସଭାରେ ଗୃହୀତ ହେବା ଏବଂ ସମର୍ଥନ ହେବା ପରେ, ମୁଁ ଜେଡିୟୁରୁ ​​ଇସ୍ତଫା ଦେଉଛି ଏବଂ କହିଛି ଯେ ମୁଁ ଦଳର ସମସ୍ତ ଦାୟିତ୍ୱରୁ ମୁକ୍ତ ହେଉଛି ବୋଲି ଲେଖିଛନ୍ତି । ସେପଟେ ଦଳର ଭୋଟ ବ୍ୟାଙ୍କ ମଧ୍ୟ ମାଇନସ ହେଉଥିବା ରାଜନୈତିକ ମହଲରେ ଚର୍ଚ୍ଚା ହେଉଛି ।

ଆଜିଠାରୁ ଦୁଇ ଦିନ ଧରି ହାଇ ଆଲର୍ଟରେ ବାଲେଶ୍ୱର

ନନ୍ଦିଘୋଷ ବ୍ୟୁରୋ: ଆଜିଠାରୁ ଦୁଇ ଦିନ ଧରି ହାଇ ଆଲର୍ଟରେ ବାଲେଶ୍ୱର। ରାମ ନବମୀ ପାଇଁ 17 ପ୍ଲାଟୁନ ଫୋର୍ସ ମୁତୟନ। ସେଥିମଧ୍ୟରୁ ୩ କମ୍ପାନୀ କେନ୍ଦ୍ରୀୟ ଫୋର୍ସ ମଧ୍ୟ ମୁତୟନ ହୋଇଛନ୍ତି।। ଯେଉଁଥିରେ RAF, BSF, CRPF ରହିଛନ୍ତି। ଏଥି ସହିତ ଦଙ୍ଗା ନିୟନ୍ତ୍ରଣ ଗାଡ଼ି ବଜ୍ରକୁ  ମଧ୍ୟ ମୁତୟନ କରାଯାଇଛି।ରାମନବମୀ ପାଇଁ ବାଲେଶ୍ୱର, ସୋର, ରେମୁଣା ଉପରେ ଅଧିକ ସତର୍କ ଦୃଷ୍ଟି ରଖାଯାଇଛି।  ଏନେଇ ଗତ ୩ ଦିନ ହେବ ରେମୁଣା, ବାଲେଶ୍ୱର ଓ ସୋରରେ ଫ୍ଲାଗ ମାର୍ଚ୍ଚ କରି ପୋଲିସ ବିଶୃଙ୍ଖଳାକାରୀଙ୍କୁ କଡ଼ା ଚେତାବନୀ ଦେଇଛି। ଆଜିଠାରୁ ସହରର ବଡ଼ ବିଲ୍ଡିଂ ଉପରେ ମଧ୍ୟ ପୋଲିସ ଜଗିବ। ସେହିପରି ସୋସିଆଲ ମିଡିଆ ଉପରେ ଅଧିକ ନଜର ରଖିବା ପାଇଁ ଜଣେ ଡ଼ିଏସପିଙ୍କ ନେତୃତ୍ୱରେ ଏକ ଟିମ ମଧ୍ୟ ପ୍ରସ୍ତୁତ କରାଯାଇଛି ।

ଆତ୍ମହତ୍ୟା ପୂର୍ବର ଭିଡିଓ ଭାଇରାଲ, ସ୍ତ୍ରୀର ନିର୍ଯାତନା ସହିନପାରି ସ୍ବାମୀର ଆତ୍ମହତ୍ୟା ଅଭିଯୋଗ

ନନ୍ଦିଘୋଷ ବ୍ୟୁରୋ: ସ୍ତ୍ରୀର ନିର୍ଯାତନା ସହିନପାରି ସ୍ବାମୀର ଆତ୍ମହତ୍ୟା ଅଭିଯୋଗ। ଆତ୍ମହତ୍ୟା ପୂର୍ବର ଏକ ଭିଡିଓ ଏବେ ସୋସିଆଲ ମିଡିଆରେ ଘୁରି ବୁଲୁଛି। ଭିଡିଓରେ ବ୍ୟକ୍ତି ଜଣଙ୍କ ନିଜ ପରିଚୟ ରାମଚନ୍ଦ୍ର ବଡ଼ଜେନା କହିବା ସହ ସ୍ତ୍ରୀଙ୍କ ନିର୍ଯାତାନ ପାଇଁ ଆତ୍ମହତ୍ୟା କରୁଛନ୍ତି ବୋଲି କହିଛନ୍ତି। ରାମଚନ୍ଦ୍ର ବଡ଼ଜେନା ଜଂକିଆ ଥାନା ଅଞ୍ଚଳରେ ବିବାହ କରିଥିଲେ। ତାଙ୍କର ଏକ କନ୍ୟା ସନ୍ତାନ ମଧ୍ୟ ଅଛି। ସ୍ତ୍ରୀର ନିର୍ଯାତନା ଅସହ୍ୟ ହେବାରୁ ମୋବାଇଲରେ ଭିଡିଓ ଉତ୍ତୋଳନ କରି ସୋସିଆଲ ମିଡିଆରେ ପୋଷ୍ଟ କରିଥିଲେ। ଗତକାଲି ରାତିରେ ଖୋର୍ଦ୍ଧା ଜିଲ୍ଲା ଜଂକିଆ ଥାନା ନରଣଗଡ଼ ଟ୍ରେନ ଲାଇନରେ ତାଙ୍କ ମୃତଦେହ ମିଳିଥିଲା । ରେଲଓ୍ବେ ପୋଲିସ ଏବଂ ଜଂକିଆ ଥାନା ପୋଲିସ ମୃତଦେହ ଜବତ କରି ଘଟଣାର ତଦନ୍ତ ଜାରି ରଖିଛି ।

ହାର୍ଦ୍ଦିକ ପାଣ୍ଡ୍ୟାଙ୍କ ଉପରେ ରାଗିଲେ ଆକାଶ, ସୋସିଆଲ ମିଡିଆରେ ଭିଡିଓ ଭାଇରାଲ!

ନନ୍ଦିଘୋଷ ବ୍ୟୁରୋ: ଶୁକ୍ରବାର ମୁମ୍ବାଇ ଇଣ୍ଡିଆନ୍ସ ଲକ୍ଷ୍ନୌ ସୁପର ଜାଏଣ୍ଟ୍ସକୁ ଭେଟିଥିଲା । ଯେଉଁ ମ୍ୟାଚରେ ଲକ୍ଷ୍ନୌ ୧୨ ରନରେ ଜିତିଥିଲା । ତେବେ ମୁମ୍ବାଇ ଏହି ପରାଜୟ ସହ ଚଳିତ ବର୍ଷ ତୃତୀୟ ପରାଜୟର ସାମ୍ନା କରିଛି । ତେବେ ଏହି ମ୍ୟାଚଟି ପ୍ରଥମରୁ ମୁମ୍ବାଇ ସପକ୍ଷରେ ରହିଥିଲା । ମାତ୍ର ଶେଷ ଦୁଇ ଓଭରରେ ସାର୍ଦ୍ଧୁଲ ଠାକୁର ଏବଂ ଆଭେଶ ଖାନଙ୍କ ବୋଲିଂ ଆଗରେ ମୁମ୍ବାଇ ବ୍ୟାଟ୍ସମ୍ୟାନରେ ମାନେ ବଡ଼ ସ୍କୋର କରିବାରେ ବିଫଳ ହୋଇଥିଲେ । ସବୁଠାରୁ ଗୁରୁତ୍ବପୂର୍ଣ୍ଣ କଥା ହେଉଛି କି, ଏହି ମ୍ୟାଚରେ କ୍ୟାରିୟରର ସର୍ବଶ୍ରେଷ୍ଠ ବୋଲିଂ କରିଥିଲେ ମୁମ୍ବାଇ ଇଣ୍ଡିଆନ୍ସର ଅଧିନାୟକ ହାର୍ଦ୍ଧିକ ପାଣ୍ଡ୍ୟା । ସେ ୫ ଓ୍ବିକେଟ ନେଇଥିଲା ।

ଭଲ ବୋଲିଂ କରିଥିଲେ ଏହାସହ ବ୍ୟାଟିଂରେ ମଧ୍ୟ ଦମଦାର ପ୍ରଦର୍ଶନ କରିଥିଲେ । ମାତ୍ର ଗୋଟିଏ ଭୁଲ ପାଇଁ ତାଙ୍କ ଉପରେ ରାଗି ଯାଇଥିଲେ ମାଲିକ ଆକାଶ ଅମ୍ବାନୀ । ଯାହାର ଏକ ଭିଡିଓ ସୋସିଆଲ ମିଡିଆରେ ବେଶ ଭାଇରାଲ ହେବାରେ ଲାଗିଛି । ତେବେ ଶେଷ ଓଭରରେ ମୁମ୍ବାଇକୁ ଜିତିବା ପାଇଁ ୨୨ ରନର ଆବଶ୍ୟକ ରହିଥିଲା । ଆଭେଶ ଖାନଙ୍କ ପ୍ରଥମ ବଲକୁ ପାଣ୍ଡ୍ୟା ୬ ମାରିଥିଲେ । ଏହାପରେ ଦ୍ବିତୀୟ ବଲରେ ୨ ରନ ସଂଗ୍ରହ କରିଥିଲେ । ମାତ୍ର ତୃତୀୟ ବଲରେ ଏକ ରନ ନେବାର ସୁଯୋଗ ଥିଲା । ମାତ୍ର ନନଷ୍ଟ୍ରାଇକ୍ ଏଣ୍ଡରେ ଥିବା ମିଚେଲ ସାଣ୍ଟନରଙ୍କୁ ମନା କରି ଦେଇଥିଲେ ପାଣ୍ଡ୍ୟା ।

ତେବେ ୩ ବଲରେ ୧୪ ରନ ରହିଥିଲା । ଚତୁର୍ଥ ବଲରେ ଆଭେଶ ଖାନ ଏକ ସୁନ୍ଦର ୟର୍କର ମାରିଥିଲେ । ଯାହାକି ପାଣ୍ଡ୍ୟାଙ୍କ ବ୍ୟାଟରେ ବାଜି ନଥିଲା । ଏହାପରେ ୨ ବଲରେ ୧୪ ରନ ରହିଥିଲା । ଯାହାକି ଜିତିବା ଅସମ୍ଭବ । ତଥାପି ଶେଷ ୨ ବଲରୁ ପାଣ୍ଡ୍ୟା ମାତ୍ର ୧ ରନ କରିଥିଲେ । ତେବେ ସାଣ୍ଟନର ବଡ଼ ସଟ ଖେଳିପାରିଥାନ୍ତେ । ଯଦି ସେ ୩ଟି ବଲ ଖେଳିଥାନ୍ତେ । ମାତ୍ର ଅଧାରୁ ଫେରାଇ ଦେଇଥିବାବେଳେ ଏହାକୁ ଦେଖି ଆକାଶ ରାଗି ଯାଇଥିଲେ । ଯାହାର ଭିଡିଓ ଏବେ ସୋସିଆଲ ମିଡିଆରେ ବେଶ ଭାଇରାଲ ହେବାରେ ଲାଗିଛି ।

କଟକର ବିଭିନ୍ନ ପୂଜା ମଣ୍ଡପରେ ବାସନ୍ତିକ ଦୁର୍ଗାପୂଜା ଅନୁଷ୍ଠିତ

ନନ୍ଦିଘୋଷ ବ୍ୟୁରୋ: କଟକ ସହରର ବିଭିନ୍ନ ପୂଜା ମଣ୍ଡପରେ ଆଜି ବାସନ୍ତିକ ଦୁର୍ଗା ପୂଜାର ମହାଷ୍ଟମୀ ପୂଜା ଅନୁଷ୍ଠିତ ହେଉଛି। ସକାଳ ୯ଟାରୁ ମହାଷ୍ଟମୀ ଆରମ୍ଭ ହୋଇଥିବା ବେଳେ ପରେ ଅଶୋକାଷ୍ଟମୀ ବ୍ରତ ପୂଜା ଅନୁଷ୍ଠିତ ହେବ। ଅଷ୍ଟମୀ ପୂଜା ପାଇଁ ପୂଜା ମଣ୍ଡପରେ ମହିଳା ଭକ୍ତଙ୍କ ଭିଡ ଲାଗିଛି।ପରେ ମଧ୍ୟାହ୍ନ ଗୋଟାଏରେ ଚଣ୍ଡୀପାଠ, ମଧ୍ୟ ଆରତି ଓ ପୁଷ୍ପାଞ୍ଜଳି ଅନୁଷ୍ଠିତ ହେବ।ଚୈତ୍ର ମାସରେ ପାଳିତ ହେଉଥିବା ଏହି ଦୁର୍ଗା ପୂଜା ବିଭିନ୍ନ ପୂଜା ମଣ୍ଡପରେ ପାଳିତ ହୋଇଥାଏ।

ଆଖଣ୍ଡଳମଣିଙ୍କ ଶିବଗଙ୍ଗା ପୋଖରୀରେ ବୁଡି ନାବାଳକର ମୃତ୍ୟୁ

ନନ୍ଦିଘୋଷ ବ୍ୟୁରୋ: ପୋଖରୀରେ ବୁଡି ୭ବର୍ଷ ନାବାଳକର ମୃତ୍ଯୁ। ଆରଡିପୀଠ ବାବା  ଆଖଣ୍ଡଳମଣିଙ୍କ ଶିବଗଙ୍ଗା ପୋଖରୀରେ ବୁଡି ନାବାଳକର ମୃତ୍ୟୁ ହୋଇଛି। ମୃତ ନାବାଳକ ହେଲେ ସେବାୟତ ସକ୍ରାଜିତ ପାଢୀଙ୍କ ପୁଅ ଓମପ୍ରକାଶ ପାଢୀ।ପାଣିରେ ଖେଳୁଥିବା ସମୟରେ ବୁଡି ଯାଇଥିଲେ ଓମପ୍ରକାଶ। ବହୁ ଖୋଜା ଖୋଜି କରିବା ପରେ ପରିବାର ଲୋକେ ପାଣି ଭିତରୁ ଓମପ୍ରକାଶକୁ ଉଦ୍ଧାର କରି ପ୍ରଥମେ ଆରଡି ଓ ପରେ ଭଦ୍ରକ ମେଡିକାଲରେ ଭର୍ତ୍ତି କରିଥିଲେ। ସେଠାରେ ଡାକ୍ତର ନାବାଳକକୁ ମୃତ ଘୋଷଣା କରିଥିଲୋ। ଓମପ୍ରକାଶ ମୃତ୍ୟୁକୁ ନେଇ ଗାଁରେ ଶୋକାକୁଳ ପରିବେଶ ସୃଷ୍ଟି ହୋଇଛି।

’ଓ୍ବାର ୨’କୁ ଟକ୍କର ଦେବ ’କୁଲି’, ହ୍ରିତିକଙ୍କ ସହ ହେବ ରଜନୀକାନ୍ତଙ୍କ ଲଢ଼େଇ

ନନ୍ଦିଘୋଷ ବ୍ୟୁରୋ: ଚଳିତ ସ୍ବାଧିନତା ଦିବସ ଅବସରରେ ରିଲିଜ ହେବାକୁ ଯାଉଛି ଦୁଇଟି ବଡ଼ ବଜେଟର ଫିଲ୍ମ । ସାଉଥ ସୁପରଷ୍ଟାର ରଜନୀକାନ୍ତଙ୍କ ଅଭିନୀତ ଫିଲ୍ମ କୁଲି ଅଗଷ୍ଟ ୧୪ ତାରିଖରେ ରିଲିଜ ହେବାକୁ ଘୋଷଣା କରାଯାଇଛି । ତେବେ ଏହା ପୂର୍ବରୁ ୟଶ ରାଜ ମୁଭିଜ ଦ୍ବାରା ନିର୍ମିତ ହ୍ରିତିକ୍ ଏବଂ ଜୁନିୟର ଏନଟିଆରଙ୍କ ଅଭିନୀତ ଫିଲ୍ମ ’ଓ୍ବାର-୨’ ରିଲିଜ ହେବା ନେଇ ପୂର୍ବରୁ ତାରିଖ ଧାର୍ଯ୍ୟ ହୋଇ ସାରିଛି । ତେବେ ଗୋଟିଏ ଦିନରେ ୨ଟି ବଡ଼ ଫିଲ୍ମ ରିଲିଜ ହେବାକୁ ଥିବାବେଳେ କଡା ଟକ୍କର ହେବ ବୋଲି କୁହାଯାଇଛି । ତେବେ ଦକ୍ଷିଣରେ ରଜନୀଙ୍କ କ୍ରେଜ୍ ଅଧିକ ରହିଥିବାବେଳେ ଓ୍ବାର ୨ରେ ଜୁନିୟର ଏନଟିଆର ମଧ୍ୟ ଅଭିନୟ କରିଥିବାରୁ ଏହି ଫିଲ୍ମ ଦକ୍ଷିଣ ଭାରତରେ ମଧ୍ୟ ପ୍ରଭାବ ବିସ୍ତାର କରିବ ବୋଲି ଆଶା ରଖାଯାଇଛି ।

ସେପଟେ କୁଲିରେ ଏକ ନଜର ଆସିବେ ଅମୀର ଖାନ । ସେ ଏକ ଗେଷ୍ଟ ଆପିଡିଆନ୍ସ ଭାବେ ନଜର ଆସୁଥିବା ଶୁଣିବାକୁ ମିଳୁଛି । ତେବେ ଦୀର୍ଘଦିନ ଧରି ବଡ଼ ପରଦାରେ ନଜର ଆସି ନଥିବା ଅମୀର ଖାନ ପୁଣିଥରେ ନିଜର ଅଭିନୟର ଜଲଓ୍ବା ଦେଖାଉଥିବାବେଳେ ଉତ୍ତର ଭାରତରେ ମଧ୍ୟ କୁଲିର କ୍ରେଜ୍ ଦେଖିବାକୁ ମିଳିବ । ତେବେ ଉଭୟ ଫିଲ୍ମ ଦମଦାର ସାଙ୍ଗକୁ ହାଇ ବଜେଟରେ ନିର୍ମାଣ ହେଉଛି । ଏଣୁ ଦର୍ଶକେ କେଉଁ ଫିଲ୍ମକୁ ଅଧିକ ଭଲ ପାଇବା ଦେଉଛନ୍ତି ତାହା ସମୟ କହିବ ।

ଟ୍ରକକୁ ପଛପଟୁ ଧକ୍କା ଦେଲା ଟ୍ରକ : ଚାପି ହୋଇଗଲେ ଡ୍ରାଇଭର

ନନ୍ଦିଘୋଷ ବ୍ୟୁରୋ: ଟ୍ରକକୁ ପଛପଟୁ ଧକ୍କା ଦେଲା ଟ୍ରକ। ଫଳରେ ୨ରୁ ଅଧିକ ଘଣ୍ଟା ଟ୍ରକ ଭିତରେ ଚାପି ହୋଇ ରହିଲେ ଚାଳକ। କେନ୍ଦୁଝର ଜିଲ୍ଲା ଘଷିପୁରା ଥାନା ଅନ୍ତର୍ଗତ ଦରଖୋଳା ନିକଟରେ ଘଟିଛି ମର୍ମନ୍ତୁଦ ସଡକ ଦୁର୍ଘଟଣା। ରାସ୍ତା କଡରେ ଛିଡା ହୋଇଥବା ଏକ ଟ୍ରକକୁ ପଛପଟୁ ଧକ୍କା ଦେଇଥିଲା ଟ୍ରକ।  ଖବର ପାଇ ଘଟଣାସ୍ଥଳରେ ଘଟଗାଁ ଅଗ୍ନିଶମବାହିନୀ ପହଞ୍ଚି କଟର ସାହାର୍ଯ୍ୟରେ ଗାଡିଟିକୁ କାଟି ଚାଳକଙ୍କୁ ଉଦ୍ଧାର କରି ପ୍ରାଥମିକ ଚିକିତ୍ସା ପାଇଁ ଘଟଗାଁ ସ୍ବାସ୍ଥ୍ୟକେନ୍ଦ୍ରରେ ଭର୍ତ୍ତି କରିଥିଲେ। ସ୍ବାସ୍ଥ୍ୟକେନ୍ଦ୍ରର କର୍ମଚାରୀ  ଓ ଡାକ୍ତରଙ୍କ ଦାୟିତ୍ବହୀନତା ବା ଚିକିତ୍ସାରେ ଅବହେଳା ଯୋଗୁଁ ଚାଲିଗଲା ଚାଳକଙ୍କ ଜୀବନ। ମୃତକ ହେଉଛନ୍ତି ପଶ୍ଚିମବଙ୍ଗ ମୁସିଦାବାଦର ଲୁଲୁସ ଅଲ୍ଲୀ ବୋଲି ଜଣାପଡିଛି। ଖବର ପାଇ ଘଟଣାସ୍ଥଳରେ ଘଷିପୁରା ପୋଲିସ ପହଞ୍ଚି ଟ୍ରକକୁ ଜବତ କରିବା ସହ ତଦନ୍ତ ଆରମ୍ଭ କରିଛି।

ମୃତକ ଏବଂ ଗୁରୁତରଙ୍କ ପରିବାରକୁ ନ୍ୟାୟ ଦାବିରେ ୮ ଘଣ୍ଟା ରାସ୍ତାରୋକ

ନନ୍ଦିଘୋଷ ବ୍ୟୁରୋ: ପୁଅକୁ ନ୍ୟାୟ ପ୍ରଦାନ ଦାବିରେ ପରିବାର ଲୋକଙ୍କ ରାସ୍ତାରୋକ।ଦୀର୍ଘ ୮ ଘଣ୍ଟା ଧରି ଅବରୋଧ କଲେ ରାସ୍ତା। କଳାହାଣ୍ଡି ଥୁଆମୂଳ ରାମପୁର ଅଂଚଳର ଏ ଘଟଣା। ବାଇକ୍ ଦୁର୍ଘଟଣାରେ ମୃତକ ଏବଂ ଗୁରୁତର ଯୁବକଙ୍କ ପରିବାର ଲୋକଙ୍କୁ କ୍ଷତିପୂରଣ ଦାବିରେ ଗତକାଲି ଦିନ ଗୋଟାଏରୁ ସନ୍ଧ୍ୟା ୮ଟା ପର୍ଯ୍ୟନ୍ତ ରାସ୍ତାରୋକ କରିଥଲେ ଲୋକେ। ଫଳରେ ଥୁଆମୂଳ ରାମପୁର, ଭବାନୀପାଟଣା , କଲମପୁର, କାଶୀପୁରକୁ ଗାଡିମଟର ଯାତାୟାତ ଠପ୍ ହୋଇଯାଇଥିଲା। ଲୋକେ ନାହିଁ ନଥିବା ଅସୁବିଧାର ସମ୍ମୁଖୀନ ହୋଇଥିଲେ। ଥୁଆମୁଳ ରାମପୁର ଥାନା ଅନ୍ତର୍ଗତ ଦାବିରିଗୁଡା ଗାଁର ମଣ୍ଟୁ ନାଏକ ଏବଂ ଉମାଶଙ୍କର ନାଏକ ଓ ଡୁମେରପଦର ଗାଁର ଫିରୋଜ ନାଏକ ଏବଂ ଦୀପେନ୍ଦ୍ର ନାଏକ ଦୁଇ ବାଇକରେ ଘରକୁ ଯାଉଥିବା ବେଳେ ଦୁର୍ଘଟଣା ଘଟିଥିଲା। ଏଥିରେ ଡୁମେରପଦର ଗାଁର ଫିରୋଜ ଡାକ୍ତରଖାନାରେ ଚିକତ୍ସାଧୀନ ଅବସ୍ଥାରେ ମୃତ୍ୟୁ ହୋଇଥିଲା। ଅନ୍ୟମାନେ ଆହତ ହୋଇଥିଲେ। ମୃତକ ଏବଂ ଆହତଙ୍କୁ କ୍ଷତିପୂରଣ ପ୍ରଦାନ ଦାବି କରି ରାସ୍ତାରୋକ କରିଥିଲେ। ପ୍ରଶାସନିକ ଅଧିକାରୀ ବୁଝାସୁଝା କରିବାକୁ ଆସିଥିବାବେଳେ ଘଟଣା ଉଗ୍ରରୂପ ନେଇଥିଲା। ଲୋକେ ପୋଲିସ ଉପରକୁ ଟେକା ପଥର ମାଡ଼ କରିଥିଲେ l ଫଳରେ ଜଣେ ଏସଆଇ ଏବଂ ଜଣେ କନେଷ୍ଟବଳ ଆହତ ହୋଇଥିଲେ ।

ଲୁଟ୍ କରିବାକୁ ଆସି ବୃଦ୍ଧାଙ୍କୁ ମାରିଦେଲେ

ନନ୍ଦିଘୋଷ ବ୍ୟୁରୋ: ଯାଜପୁର ଜିଲ୍ଲା ବାଲିଚନ୍ଦ୍ରପୁର ଥାନା ଅଧୀନ ଟିଗିରିଆ ଗ୍ରାମରେ ଅଭାବନୀୟ ଘଟଣା ।  ଲୁଟ ବେଳେ ବିରୋଧ କରିବାରୁ ବୃଦ୍ଧାଙ୍କୁ ହତ୍ୟା କରାଯାଇଥିବା ଅଭିଯୋଗ ହୋଇଛି । ମୃତ ବୃଦ୍ଧା ଜଣଙ୍କ ହେଲେ କୌଶଲ୍ୟା ପତି । ଗତକାଲି ବିଳମ୍ବିତ ରାତିରେ ଲୁଟ ପାଇଁ ବୃଦ୍ଧାଙ୍କ ଘରେ ଦୁର୍ବୁତ୍ତମାନେ ପଶିଥିବା ବେଳେ ବୃଦ୍ଧା ଏହାକୁ ବିରୋଧ କରିଥିଲେ । ଏଥିରେ ଉତକ୍ଷିପ୍ତ ହୋଇ ଦୁର୍ବୃତ୍ତମାନେ ତାଙ୍କୁ ଆକ୍ରମଣ କରିଥିଲେ । ଏହି ଆକ୍ରମଣରେ ବୃଦ୍ଧାଙ୍କ ମୃତ୍ୟୁ ହୋଇଥିବା ବେଳେ ଝିଅ ଆହତ ହୋଇଛନ୍ତି । ଘଟଣାସ୍ଥଳରେ ବାଲିଚନ୍ଦ୍ରପୁର ପୋଲିସ ପହଞ୍ଚି ତଦନ୍ତ ଜାରି ରଖିଛି ।