ହିଜାବ୍ ବିରୋଧରେ ଅଭିନେତ୍ରୀଙ୍କ ଅଜବ କାରନାମା, ଅନ୍ କ୍ୟାମେରା ହେଲେ ଉଲଗ୍ନ
ମୁମ୍ବାଇ: ଇରାନ ହିଜାବ ନିଆଁ ଏବେ ଭାରତରେ ପହଞ୍ଚିଛି । ହିଜାବ ନିଆଁକୁ ଡେଇଁଛନ୍ତି ଅଭିନେତ୍ରୀ ଏଲନାଜ ନୋରୌଜୀ । ଇରାନ ମହିଳାଙ୍କ ସମର୍ଥନରେ ପୋଷାକ ଖୋଲିଛନ୍ତି ଅଭିନେତ୍ରୀ । ନିଜ ସୋସିଆଲ ମିଡିଆ ଇନଷ୍ଟାଗ୍ରାମ ଆକାଉଣ୍ଟରେ ଭିଡିଓ ସେୟାର କରି ଚର୍ଚ୍ଚାରେ ଏଲନାଜ । ନେଟଫ୍ଲିକ୍ସର ହିଟ୍ ସିରିଜ ସେକ୍ରେଡ ଗେମ୍ସରେ କାମ କରିଥିବା ଏହି ଅଭିନେତ୍ରୀ ଏବେ ହିଜାବ ସମର୍ଥନରେ ।
ଇନଷ୍ଟାଗ୍ରାମ ଆକାଉଣ୍ଟରେ ସେୟାର କରିଥିବା ଭିଡିଓରେ ଏଲନାଜ ପିନ୍ଧିଥିବା ହିଜାବ ଓ ବୁର୍ଖା ଖୋଲୁଥିବା ଦେଖିବାକୁ ମିଳିଛି । ବୁର୍ଖା ଖୋଲିବା ସହ ଗୋଟିଏ ପରେ ଗୋଟିଏ ପରେ ପୋଷାକ ବି ଖୋଲିଛନ୍ତି ଏଲନାଜ । ଭିଡିଓ ସେୟାର କରି ‘ମାଇଁ ବଡି, ମାଇଁ ଚଏସ୍’ ଟ୍ୟାଗ୍ ଦେଇଛନ୍ତି ଏହି ଅଭିନେତ୍ରୀ ।
‘ପ୍ରତି ମଣିଷର ଭିନ୍ନ ବିଚାର ଓ ବିଶ୍ବାସ ରହିଛି । ଏଥିପାଇଁ ସମସ୍ତଙ୍କୁ ସମ୍ମାନ କରିବା ଦରକାର । ଗଣତନ୍ତ୍ରର ଅର୍ଥ ନିର୍ଣ୍ଣୟ ନେବାର ଶକ୍ତି । ପ୍ରତ୍ୟେକ ମହିଳା ନିଜ ଶରୀରକୁ ନେଇ ନିର୍ଣ୍ଣୟ ନେବାର ଶକ୍ତି ରହିବା ଉଚିତ । ମୁଁ ନଗ୍ନତାକୁ ପ୍ରସୟ ଦେଉନି । କିନ୍ତୁ ନିଜ ପସନ୍ଦରେ ସ୍ବାଧୀନତା ରହିବା ଆବଶ୍ୟକ ବୋଲି ଭିଡିଓ ସେୟାର କରି କହିଛନ୍ତି ଏଲନାଜ‘ । ସେପଟେ ଏଲନାଜଙ୍କ ଏଭଳି ପୋଷ୍ଟ ପରେ ସୋସିଆଲ ମିଡିଆରେ ମିଶ୍ର ପ୍ରତିକ୍ରିୟା ଦେଇଛନ୍ତି ୟୁଜର ।
ଇରାନର ମୂଳ ବାସିନ୍ଦା ଏଲନାଜ ପାଖାପାଖି ୧୦ ବର୍ଷ ଅନ୍ତର୍ଜାତୀୟ ମଡେଲ ରୂପେ କ୍ୟାରିଅର ଆରମ୍ଭ କରିବା ପରେ ଏବେ ଭାରତରେ ଭାଗ୍ୟ ପରୀକ୍ଷା କରୁଛନ୍ତି । ଅନେକ ନାମୀଦାମୀ ବ୍ରାଣ୍ତସ ଥମସ ଅପ, ଟାଇଟାନ ରାଗା, ମିତ୍ରା, କ୍ୟାନନ, ସ୍ୟାମସଙ୍ଗ, ବିଙ୍ଗ ହ୍ୟୁମାନ, ଫିଆମା ଡି ୱିଲ୍ସ ବିଜ୍ଞାପନରେ ଏଲନାଜଙ୍କୁ ଦେଖିବାକୁ ମିଳିଛି । ହେଲେ ଏବେ ନୋରୌଜୀ ଭାରତରେ ଅଭିନୟ କ୍ୟାରିଅର ମଜବୁତ କରିବା ପାଇଁ କଥକ ମଧ୍ୟ ଶିଖୁଛନ୍ତି । କିନ୍ତୁ ପର୍ସିଆନ ନୃତ୍ୟଶିଳ୍ପୀ ଭାବେ ବେଶ ଜଣାଶୁଣା ନୋରୌଜୀ ।
କଣ ଥିଲା ହିଜାବ ବିବାଦ ?
ଗତ ସେପ୍ଟେମ୍ବରରେ ଇରାନରେ ଭୁଲ ଢଙ୍ଗରେ ହିଜାବ ପିନ୍ଧିବା ଅଭିଯୋଗରେ ଜଣେ ମହିଳାଙ୍କୁ ଅଟକ ରଖିଥିଲା ପୋଲିସ । ଯାହାର ତିନି ଦିନ ପରେ ପୋଲିସ ହେପାଜତରେ ଅମିନିଙ୍କ ମୃତ୍ୟୁ ଘଟିଥିଲା । ଅମିନିଙ୍କ ମୃତ୍ୟୁକୁ ବିରୋଧ କରି ଦେଶରେ ବିରୋଧ ପ୍ରଦର୍ଶନ ଆରମ୍ଭ ହୋଇଥିଲା । ଧୀରେଧୀରେ ହିଜାବ ନିଆଁ ଇରାନରୁ ଟପି ଅନ୍ୟ ରାଷ୍ଟ୍ରକୁ ମଧ୍ୟ ବ୍ୟାପିଥିଲା ।
ବଲିଉଡ ମଧ୍ୟ ଧୀରେ ଧୀରେ ହିଜାବ ବିରୋଧୀ ସମର୍ଥନରେ ସାମନାକୁ ଆସିଥିଲା । ଅଭିନେତ୍ରୀ ପ୍ରିୟଙ୍କା ଚୋପ୍ରା ଇରାନୀ ମହିଳାଙ୍କ ସମର୍ଥନରେ ଏକ ପୋଷ୍ଟ ଜାରି କରିଥିଲେ । ଇରାନ ମହିଳାଙ୍କ ସାହାସକୁ ପ୍ରଂଶସା କରିଥିଲେ ପିସି ।
ନିଜ ଜୀବନକୁ ବାଜି ଲଗାଇ ଇରାନ ମହିଳା ମାନେ ଯେପରି ଶକ୍ତି ପ୍ରଦର୍ଶନ କରିଛନ୍ତି ତାହା ସ୍ବାଗତଯୋଗ୍ୟ । ମୁଁ ତୁମ ମାନଙ୍କ ସାଥୀରେ ଅଛି ଲେଖି ଇନଷ୍ଟାରେ ପୋଷ୍ଟ କରି୍ଛନ୍ତି ପ୍ରିୟଙ୍କା ।
