ସୁନ୍ଦରୀ ବୋଲି ଯୁବତୀଙ୍କୁ ବ୍ଲକ କଲା ଡେଟିଂ ଆପ୍, ଦେଖନ୍ତୁ ଫଟୋ

ନୂଆଦିଲ୍ଲୀ: ୨୧ ବର୍ଷୀୟ ଇନଷ୍ଟାଗ୍ରାମ ମଡେଲ ଲୁନା ବେନା ତାଙ୍କ ସୌନ୍ଦର୍ଯ୍ୟ ପାଇଁ ବିଭିନ୍ନ ଅସୁବିଧାର ସମ୍ମୁଖୀନ ହେବାକୁ ପଡ଼ିଛି । ଲୁନା ଦାବି କରିଛନ୍ତି ଯେ ଚର୍ଚ୍ଚିତ ଡେଟିଂ ଆପ୍ ଟିଣ୍ଡର ତାଙ୍କ ଅଫିସିଆଲ୍ ଆକାଉଣ୍ଟ ବହୁତ ଆକର୍ଷଣୀୟ ହୋଇଥିବାରୁ ତାଙ୍କୁ ବ୍ୟାନ କରିଛି ଆଉ ଏହାର କାରଣ ମଧ୍ୟ ଆଶ୍ଚର୍ଯ୍ୟଜନକ ।

ଲୁନା କହିଛନ୍ତି ଯେ ସେ ୨୦୧୭ରେ ଏହି ଆପ୍ ସହିତ ଜଡିତ ଥିଲେ, କିନ୍ତୁ ଏହି ଆପରେ ଆସିବାର କିଛି ସମୟ ପରେ ଲୋକମାନେ ତାଙ୍କ ଫଟୋ ଚୋରି କରିବା ସହ ନକଲି ଆକାଉଣ୍ଟ୍ କରିବା ଆରମ୍ଭ କରିଥିଲେ । ଲୁନା ଏହା ମଧ୍ୟ କହିଛନ୍ତି ଯେ କେବଳ ଟିଣ୍ଡରରେ ନୁହେଁ ଫେସବୁକରେ ମଧ୍ୟ ତାଙ୍କର ଫଟୋ ଚୋରି କରି ଅନେକ ନକଲି ଆକାଉଣ୍ଟ ତିଆରି କରାଯାଇଛି, ଯେଉଁଥିରେ ହଜାର ହଜାର ଫଲୋର୍ସ ମଧ୍ୟ ଅଛନ୍ତି।

ଲୁନା ଏହା ମଧ୍ୟ କହିଛନ୍ତି ଯେ, ତାଙ୍କ ସୌନ୍ଦର୍ଯ୍ୟ ହେତୁ ଲୋକମାନେ ତାଙ୍କୁ ଟିଣ୍ଡର ଆପରେ ତାଙ୍କୁ ଧମକ ମଧ୍ୟ ଦେଇଛନ୍ତି ଏବଂ ଯେତେବେଳେ ବି ସେ ଏହି ନକଲି ପ୍ରୋଫାଇଲଗୁଡ଼ିକୁ ମେସେଜ୍ କରିବାକୁ ଚେଷ୍ଟା କରିଛନ୍ତି ସେତେବେଳେ ତାଙ୍କୁ ବ୍ଲକ କରିଦିଆଯାଇଥାଏ । ଲୁନା କହିଛନ୍ତି ଯେ, ଲୋକମାନେ ତାଙ୍କ ଚିତ୍ର ବ୍ୟବହାର କରି ନକଲି ପ୍ରୋଫାଇଲ୍ ତିଆରି କରନ୍ତି ଏବଂ ସେଥିରୁ ରୋଜଗାର ମଧ୍ୟ କରନ୍ତି ଏହା ତାଙ୍କ ପ୍ରତି ଅନ୍ୟାୟ ।

ଲୁନାଙ୍କର ହଜାର ହଜାର ନକଲି ଆକାଉଣ୍ଟ୍ ହେତୁ ଟିଣ୍ଡର ଅସଲି ଲୁନା ଏବଂ ନକଲି ଲୁନା ମଧ୍ୟରେ ପାର୍ଥକ୍ୟ କରିପାରି ନଥିଲା । ଏହି କାରଣରୁ ଯେତେବେଳେ ଲୁନା ଏହି ଆପରେ ନୂଆ ଆକାଉଣ୍ଟ ଖୋଲନ୍ତି ସେତେବେଳେ ଟିଣ୍ଡର ଏହାକୁ ଏକ ନକଲି ପ୍ରୋଫାଇଲ୍ ଭାବି ବ୍ଲକ କରିଦେଇଥାଏ । ଯଦିଓ ଲୁନା ଏହି ଆପ୍ ବ୍ୟବହାର କରି ପୂର୍ବରୁ ଡେଟରେ ଯାଇଛନ୍ତି ଏବଂ ଏହାପରେ ଟିଣ୍ଡର୍ ତାଙ୍କୁ ବ୍ଲକ କରିବା ପରେ ମଧ୍ୟ ସେ ତାଙ୍କୁ ହିଁ ଡେଟ କରୁଛନ୍ତି ।

ସୂଚନା ଯୋଗ୍ୟ ଯେ, ଲୁନା କେବଳ ଟିଣ୍ଡର ଏବଂ ଫେସବୁକରେ ନୁହେଁ ଇନଷ୍ଟାଗ୍ରାମରେ ମଧ୍ୟ ବହୁତ ଲୋକପ୍ରିୟ ଏବଂ ଏହି ଆପରେ ତାଙ୍କର ମିଲିୟନରୁ ଅଧିକ ଫଲୋଅର୍ସ ଅଚନ୍ତି । ଇନଷ୍ଟାଗ୍ରାମରେ ରୋଜଗାର କରିବା ବ୍ୟତୀତ ସେ କେବଳ ‘ଓନଲି ଫ୍ୟାନ୍ସ’ ଆକାଉଣ୍ଟ ମାଧ୍ୟମରେ ମଧ୍ୟ ଟଙ୍କା ରୋଜଗାର କରନ୍ତି।