ଉପ ନିର୍ବାଚନ ପାଇଁ ରାଜନୀତିକ ଦଳକୁ ମତ ମାଗିଲା ନିର୍ବାଚନ କମିଶନ

କରୋନା ମହାମାରୀ ସମୟରେ କେମିତି ହେବ ଉପନିର୍ବାଚନ ପ୍ରଚାର ଓ ଭୋଟିଂ କିପରି କରାଯିବ, ସେ ନେଇ ବିଭିନ୍ନ ରାଜନୈତିକ ଦଳଙ୍କୁ ମତାମତ ମାଗିଛନ୍ତି ଜାତୀୟ ନିର୍ବାଚନ କମିସନ । ଜୁଲାଇ ୩୧ ସୁଦ୍ଧା ମତାମତ ପଠାଇବାକୁ ଜାତୀୟ ଓ ଆଞ୍ଚଳିକ ଦଳମାନଙ୍କୁ ଜାତୀୟ ନିର୍ବାଚନ କମିଶନ ନିର୍ଦ୍ଦେଶ ଦେଇଛନ୍ତି । ଓଡ଼ିଶାରେ ହେବାକୁ ଥିବା ଦୁଇଟି ଉପନର୍ବାଚନକୁ କୋଭିଡ ନିୟମାବଳୀ ଅନୁସାରେ ପରିଚାଳନା କରିବାକୁ ସମସ୍ତଙ୍କ ସହ ଆଲୋଚନା ପାଇଁ ବିରୋଧୀ ମତ ରଖିଛନ୍ତି । ସେପଟେ ବିଜେଡି ସୁପ୍ରିମୋ ତଥା ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ ଗଠନମୂଳକ ମତ ରଖିବା ନେଇ ସରକାରୀ ଦଳ ଯୁକ୍ତି ବାଢିଛି ।

ଦେଶ ବର୍ତ୍ତମାନ ସ୍ବାସ୍ଥ୍ୟଗତ ଜରୁରୀକାଳୀନ ପରିସ୍ଥିତି ଦେଇ ଗତି କରୁଛି । ଯେଉଁଥିପାଇଁ ନିଷ୍ପତ୍ତି ଓ ନିର୍ବାଚନ ବିଳମ୍ବ ହେବାର ଯଥେଷ୍ଟ ସମ୍ଭାବନା ରହିଛି । ଛତିଶଗଡ଼ରେ ଗୋଟିଏ, ଗୁଜୁରାଟରେ ୧୦ଟି, ହରିୟାଣାରେ ଗୋଟିଏ, ଝାଡ଼ଖଣ୍ଡରେ ଦୁଇଟି, କର୍ଣ୍ଣାଟକରେ ଦୁଇ, ମଧ୍ୟପ୍ରଦେଶରେ ୨୬ଟି, ମଣିପୁରରେ ୪ଟି, ନାଗାଲାଣ୍ଡରେ ଗୋଟିଏ, ଓଡ଼ିଶାରେ ଦୁଇଟି, ଉତ୍ତର ପ୍ରଦେଶରେ ୫ଟି ବିଧାନସଭାକୁ ମିଶାଇ ସବୁଦାୟ ୫୪ ଉପନର୍ବାଚନ ହେବାର ଅଛି । ସେହିପରି ବିହାରରେ ବିଧାନସଭା ନିର୍ବାଚନ ସହ ବାଲମିକି ନଗର ସଂସଦୀୟ କ୍ଷେତ୍ରରେ ଉପ-ନର୍ବାଚନ ହେବ ।