ୟୁ୍କ୍ରେନ ସେନାରେ ସାମିଲ୍ ହେଲେ ରବିଚନ୍ଦ୍ରନ, ୨ ଥର ଅଗ୍ରାହ୍ୟ କରିଥିଲା ଭାରତୀୟ ସେନା

ନୂଆଦିଲ୍ଲୀ: ତାମିଲନାଡ଼ୁର ଜଣେ ୨୧ ବର୍ଷୀୟ ଯୁବକ ୟୁକ୍ରେନ୍ ସେନାରେ ସାମିଲ୍ ହୋଇଛନ୍ତି । ଉଚ୍ଚତା ପାଇଁ ଭାରତୀୟ ସେନା ତାଙ୍କୁ ଦୁଇ ଦୁଇ ଥର ଅଯୋଗ୍ୟ ବିବେଚିତ କରିଥିଲା । ଯାହାପରେ ସୈନିକେଶ ରବିଚନ୍ଦ୍ରନ ଋଷ ବିରୋଧୀ ଯୁଦ୍ଧ ପାଇଁ ୟୁକ୍ରେନକୁ ସାଥ୍ ଦେଇଛନ୍ତି । କୋଏମ୍ବଟୁର ଥୁଡାଲିୟୁରର ସୈନିକେଶ ଖାର୍କିଭ୍ ଜାତୀୟ ବିଶ୍ୱବିଦ୍ୟାଳୟର ଏୟରୋସ୍ପେଶ୍ ଇଞ୍ଜିନିୟରିଂର ଛାତ୍ର ।

ରିପୋର୍ଟ ଅନୁସାରେ, ସୈନିକେଶ ୟୁକ୍ରେନ୍ ପକ୍ଷରୁ ଜର୍ଜିପାଇ ନ୍ୟାସନାଲ୍ ଲିଜନ୍ ପାରାମିଲିଟ୍ରି ୟୁନିଟରେ ଭର୍ତ୍ତି ହୋଇଛନ୍ତି । ନିକଟରେ ଗୁଇନ୍ଦା ବିଭାଗର ଲୋକ ତାମିଲନାଡ଼ୁ ସ୍ଥିତ ସୈନିକେଶଙ୍କ ଘରକୁ ଯାଇଥିଲେ । ସୈନିକେଶ ସେନାରେ ଭର୍ତ୍ତି ହେବା ପାଇଁ ସବୁବେଳେ ଚାହୁଁଥିବା ତାଙ୍କ ବାପାମାଆ କହିଥିଲେ । ସୈନିକେଶ ରୁମରେ ଭାରତୀୟ ଯବାନ ଓ ଅଧିକାରୀଙ୍କ ଅନେକ ଫଟୋ ଚିତ୍ର ରହିଛି । ପରିବାର ଲୋକ ସୈନିକେଶଙ୍କୁ ୟୁକ୍ରେନରୁ ଫେରି ଆସିବାକୁ ନିବେଦନ କରିଥିଲେ ମଧ୍ୟ ସେ ଶୁଣୁନାହାନ୍ତି ।

ସୈନିକେଶ କେବଳ ଭାରତୀୟ ସେନା ନୁହେଁ ବରଂ ଆମେରିକୀୟ ସେନାରେ ସାମିଲ୍ ପାଇଁ ଉଦ୍ୟମ କରି ବିଫଳ ହୋଇଥିଲେ । ୨୦୧୮ ସେପ୍ଟେମ୍ବରରେ ଖାର୍କିଭ ନ୍ୟାସନାଲ ଏୟରୋସ୍ପେସ୍ ବିଶ୍ୱବିଦ୍ୟାଳୟରେ ୫ ବର୍ଷୀୟ ଇଞ୍ଜିନିୟରିଂ ପାଠ୍ୟକ୍ରମ ପାଇଁ ନାମ ଲେଖାଇଥିଲେ । ଯାହାକି ୨୦୨୩ରେ ସରିବ ।