ଆଇପିଏଲ ସିଜିନ-୧୫ ପାଇଁ ହାଇଦ୍ରାବାଦ ଦଳରେ ଯୋଗ ଦେଲେ ଲାରା, ଷ୍ଟେନ ଓ କାଟିଚ୍

ହାଇଦ୍ରାବାଦ: ଆଇପିଏଲ ସିଜିନ୍-୧୫ ପାଇଁ ସବୁ ଫ୍ରାଞ୍ଚାଇଜ୍ ସେମାନଙ୍କ ରଣନୀତି ପ୍ରସ୍ତୁତ କରିସାରିଲେଣି । ବିଭିନ୍ନ ଫ୍ରାଞ୍ଚାଇଜ୍ ସେମାନଙ୍କ ଦଳରେ ପ୍ରଶିକ୍ଷକ, ସହ ପ୍ରଶିକ୍ଷକ ନିଯୁକ୍ତି କରିବାରେ ଲାଗିଛନ୍ତି । ଏହି ପ୍ରକ୍ରିୟାରେ ଆଜି ସନ ରାଇଜର୍ସ ହାଇଦ୍ରାବାଦ ନୂଆ ସର୍ପୋଟ ଷ୍ଟାଫ ନିଯୁକ୍ତି କରିଛି । ବ୍ୟାଟିଂ କୋଚ ଭାବରେ ହାଇଦ୍ରାବାଦ ଦଳରେ ଯୋଗ ଦେଇଛନ୍ତି କିମ୍ବଦନ୍ତି କ୍ରିକେଟର ବ୍ରାଏନ ଲାରା । ଲାରାଙ୍କୁ ହାଇଦ୍ରାବାଦ ଦଳରେ ରଣନୈତିକ ପରାମର୍ଶଦାତା ଭାବରେ ନିଯୁକ୍ତ ଦେଇଛି । ସେହିପରି ଭାବରେ ବୋଲିଂ କୋଚ ଭାବରେ ଡେଲ ଷ୍ଟେନଙ୍କୁ ହାଇଦ୍ରାବାଦ ନିଯୁକ୍ତି ଦେଇଛି । ଦକ୍ଷିଣ ଆଫ୍ରିକା ଦ୍ରୁତ ବୋଲର ଷ୍ଟେନ ପୂର୍ବରୁ ମଧ୍ୟ ହାଇଦ୍ରାବାଦ ଫ୍ରାଞ୍ଚାଇଜ ପକ୍ଷରୁ ଖେଳିସାରିଛନ୍ତି ।

Introducing the new management/support staff of SRH for #IPL2022!

Orange Army, we are #ReadyToRise! ?@BrianLara #MuttiahMuralitharan @TomMoodyCricket @DaleSteyn62 #SimonKatich @hemangkbadani pic.twitter.com/Yhk17v5tb5

— SunRisers Hyderabad (@SunRisers) December 23, 2021

ସେହିପରି ଭାବରେ ଅଷ୍ଟ୍ରେଲିଆ କ୍ରିକେଟର ସାଇମନ କାଟିଚଙ୍କୁ ହାଇଦ୍ରାବାଦ ଦଳରେ ସହକାରୀ ପ୍ରଶିକ୍ଷକ ଭାବରେ ନିଯୁକ୍ତି ଦିଆଯାଇଛି । ଏହା ପୂର୍ବରୁ କାଟିଚ୍ ରୟାଲ ଚ୍ୟାଲେଞ୍ଜର୍ସ ବାଙ୍ଗାଲୋର ଦଳର ମୁଖ୍ୟ କୋଚ ଭାବରେ ମଧ୍ୟ ଦାୟିତ୍ୱ ତୁଲାଇ ସାରିଛନ୍ତି । ଏମାନଙ୍କ ଭାରତୀୟ ଦଳର ପୂର୍ବତନ କ୍ରିକେଟର ହେମଙ୍ଗ ବଦାନୀଙ୍କୁ ହାଇଦ୍ରାବାଦ ଦଳର ଫିଲ୍ଡିଂ କୋଚ ଭାବରେ ମଧ୍ୟ ନିଯୁକ୍ତି ଦିଆଯାଇଛି । ପୂର୍ବରୁ ହାଇଦ୍ରାବାଦ ଫ୍ରାଞ୍ଚାଇଜର ମୁଖ୍ୟ କୋଚ୍ ଭାବରେ ଟମ୍ ମୁଡି ରହିଛନ୍ତି । ମୁଡିଙ୍କ ନେତୃତ୍ୱରେ ହାଇଦ୍ରାବାଦ ୨୦୧୬ ଚମ୍ପିଆନ ହୋଇଥିଲା ।

ଆଇପିଏଲ ସିଜିନ-୧୪ରେ ନୈରାଶଜନକ ପ୍ରଦର୍ଶନ କରିଥିଲା ସନ ରାଇଜର୍ସ ହାଇଦ୍ରାବାଦ । ୧୪ଟି ମ୍ୟାଚରୁ ମାତ୍ର ୩ଟିରେ ବିଜୟ ଲାଭ କରିଥିଲା ହାଇଦ୍ରାବାଦ । ନୈରାଶଜନକ ପ୍ରଦର୍ଶନ ଫଳରେ ଡେଭିଡ ଓ୍ୱାର୍ଣ୍ଣରଙ୍କଠାରୁ ଅଧିନାୟକତ୍ୱ ମଧ୍ୟ ଛଡାଇ ନିଆଯାଇଥିଲା । ଏହା ବ୍ୟତୀତ ଆଗାମୀ ସିଜିନ୍ ପାଇଁ ଡେଭିଡ ଓ୍ୱାର୍ଣ୍ଣର ଓ ଷ୍ଟାର ସ୍ପିନ୍ନର ରସିଦ ଖାନଙ୍କୁ ମଧ୍ୟ ରିଟେନ କରିନଥିଲା ହାଇଦ୍ରାବାଦ । ଆଗାମୀ ସିଜିନ ପାଇଁ ହାଇଦ୍ରାବାଦ କେନ୍ ଓ୍ୱିଲିୟମସନ, ଅବଦୁଲ ସମଦ ଓ ଉମ୍ରାନ ମଲ୍ଲିକଙ୍କୁ ଦଳରେ ରିଟନ କରିଛି ।