ବିଗ୍ ବି ସବୁବେଳେ ନିଜ ଟ୍ୱିଟକୁ କାହିଁକି ଗଣନ୍ତି ? ଜାଣନ୍ତୁ ଏହା ପଛରେ ଥିବା ରହସ୍ୟ

ମୁମ୍ବାଇ: ବଲିଉଡ ସୁପରଷ୍ଟାର ଅମିତାଭ ବଚ୍ଚନ ଫିଲ୍ମ ଇଣ୍ଡଷ୍ଟ୍ରିର ଜଣେ ପରିଚିତ ନାଁ । ତାଙ୍କ ଜୀବନର ପ୍ରତ୍ୟେକ ଗୁରୁତ୍ତ୍ୱପୂର୍ଣ୍ଣ ମୁହୂର୍ତ୍ତକୁ ସେ ନିଜ ଟ୍ୱିଟର ଆକାଣ୍ଟରେ ସେୟାର କରିଥାନ୍ତି । ସେ ସବୁବେଳେ ସୋସି୍ଆଲ ମିଡିଆରେ ବହୁତ ସକ୍ରିୟ ମଧ୍ୟ ରହିଥାନ୍ତି । ପ୍ରଶଂସକମାନେ ମଧ୍ୟ ସେମାନଙ୍କର ମଜାଳିଆ ଏବଂ ପ୍ରେରଣାଦାୟକ ପୋଷ୍ଟକୁ ଉତ୍ସାହର ସହ ଅପେକ୍ଷା କରଥାନ୍ତି । ଅମିତାଭ ବଚ୍ଚନଙ୍କ ବିଷୟରେ ବିଶେଷ କଥା ହେଉଛି, ଯେ ସେ ଏହି ପୋଷ୍ଟରେ ନିଜ ଟ୍ୱିଟ୍ ର ସଂଖ୍ୟା ବିଷୟରେ ସର୍ବଦା ଉଲ୍ଲେଖ କରିଥାନ୍ତି। ସେ ଏମତି କାହିଁକି କରନ୍ତି ତାହା ସମସ୍ତେ ଜାଣିବାକୁ ଚାହାଁନ୍ତି । ତେବେ, ଏହି ରହସ୍ୟ ଉପରୁ ପରଦା ଉଠିଛି । ଫିଲ୍ମ ବଦଲା’ର ପ୍ରମୋସନ ସମୟରେ ଏହା ସାମ୍ନାକୁ ଆସିଛି ଯେ ଅମିତାଭ ବଚ୍ଚନ କାହିଁକି ତାଙ୍କ ଟ୍ୱିଟରେ ନିଜ ଟ୍ୱିଟର କ୍ରମିକ ସଂଖ୍ୟା ଉଲ୍ଲେଖ କରନ୍ତି ।

ଫିଲ୍ମ ‘ବଦଲା’ର ପ୍ରମୋସନ ସମୟରେ ଶାହରୁଖ ଖାନ ଅମିତାଭ ବଚ୍ଚନଙ୍କୁ ନିଜ ଟ୍ୱିଟ୍ କାହିଁକି ଗଣୁଛନ୍ତି ସେ ବିଷୟରେ ପଚାରିଥିଲେ। ଏହାର ଉତ୍ତର ଦେଇ ଅମିତାଭ କହିଥିଲେ ଯେ ଯେତେବେଳେ ଅମିତାଭଙ୍କୁ କିଛି ଟ୍ରାକ୍ ବା ଖୋଜିବାକୁ ପଡିଥାଏ, ସେତେବେଳେ ସେ ସେହି ନମ୍ବରର ଟ୍ୱିଟ ଟିକୁ ଖୋଜିବାଥାନ୍ତି । ଏବଂ ସେହି ନମ୍ବର ରେଫରେନ୍ସ ଆଧାରରେ ବ୍ୟବହାର କରି ସେ ସେହି ଟ୍ୱିଟଟିକୁ ଟ୍ରାକ କରିପାରନ୍ତି ।ଏବଂ  ଟ୍ୱିଟ ଖୋଜିବାରେ ସହଜ ହୋଥାଏ ।

ଆପଣଙ୍କୁ କହିରଖୁଛୁ ଯେ, ‘ବଦଲା’ ଫିଲ୍ମ ସୁଟିଂ ସ୍କଟଲ୍ୟାଣ୍ଡରେ କରାଯାଇଥିଲା। ଏହି ଚଳଚ୍ଚିତ୍ରରେ ଅମିତାଭ ଏବଂ ତାପସୀଙ୍କ ବ୍ୟତୀତ ଅମୃତା ସିଂ, ଟନି ଲୁର, ମନଭ କୌଲ ଏବଂ ତନବୀର ଘାନିଙ୍କ ଭଳି ଅଭିନେତା ଅଭିନୟ କରିଛନ୍ତି । ଏହି ଚଳଚ୍ଚିତ୍ରଟି ଶାହରୁଖ ଖାନଙ୍କ ପ୍ରଡକ୍ସନରେ ନିର୍ମିତ ହୋଇଛି ।

T 3767 – YEEEEAAAAHHHHHHH !!!
India beats Australia in the 2nd test ..
Bola tha na maine ..
SETBACK ka jawaab COMBACK se denge .. !
de diya .. unke ghar mein ghus ke .. !!
Congratulations India ??

— Amitabh Bachchan (@SrBachchan) December 29, 2020

ବିଗ୍ ବି ଅନେକ ପ୍ରୋଜେକ୍ଟରେ ରହିଛନ୍ତି

ସୂଚନା ଯୋଗ୍ୟ ଯେ, ୨୦୨୦ ମସିହାରେ କରୋନା ସମୟରେ ଅମିତାଭ ବଚ୍ଚନ କ୍ରମାଗତ ଭାବରେ ପ୍ରଶଂସକଙ୍କ ସହ ସମ୍ପର୍କରେ ରହିଛନ୍ତି । ସେ ଲୋକମାନଙ୍କୁ କରୋନା ବିଷୟରେ ଅବଗତ କରାଉଥିଲେ । ଏହା ବ୍ୟତୀତ ସେ ଲୋକମାନଙ୍କୁ ମଜାଳିଆ ଅନ୍ଦାଜରେ ହସାଇବାକୁ ମଧ୍ୟ ଚେଷ୍ଟା କରିଥିଲେ । #ThisHappened2020ର ଟ୍ୱିଟର ରିପୋର୍ଟ ଅନୁଯାୟୀ ଅମିତାଭ ବଚ୍ଚନଙ୍କ କିଛି ଟ୍ୱିଟ୍ ମଧ୍ୟ ଦେଶର ଚପ୍ ଟ୍ୱିଟ୍ ତାଲିକାରେ ସ୍ଥାନ ପାଇଛି । ୱାର୍କ ଫ୍ରଣ୍ଟ ବିଷୟରେ କହିବାକୁ ଗଲେ ଅମିତାଭ ବଚ୍ଚନ ଅନେକ ପ୍ରୋଜେକ୍ଟ ଗୁଡ଼ିକର ଏକ ଅଂଶ । ସେ ଚେହରେ, ବ୍ରହ୍ମାସ୍ତ୍ର ଏବଂ ମେଡେ ଚଳଚ୍ଚିତ୍ରରେ ଏକ ଗୁରୁତ୍ୱପୂର୍ଣ୍ଣ ଭୂମିକା ଗ୍ରହଣ କରିଥିଲେ । ଏହା ବ୍ୟତୀତ ସେ ପ୍ରଭାସ ଏବଂ ଦୀପିକା ପାଦୁକୋନଙ୍କ ଏକ ଚଳଚ୍ଚିତ୍ରର ଏକ ଅଂଶ ମଧ୍ୟ ।