Sushant Singh Rajput Case: ଅଣ୍ଡରୱାର୍ଲ୍ଡ ସହ ରିୟାଙ୍କ ସମ୍ପର୍କ !
1 min read
ମୁମ୍ବାଇ: ମାୟା ନଗରୀର ଅଣ୍ଡରୱାର୍ଲଡ କନେକ୍ସନ୍ । ଅଭିନେତା ସୁଶାନ୍ତ ସିଂହ ରାଜପୁତଙ୍କ ମୃତ୍ୟୁ ପରେ ସିବିଆଇ ସ୍କାନରରେ ରହିଛନ୍ତି ଗର୍ଲ ଫ୍ରେଣ୍ଡ ରିୟା । ଏବେ ରିୟାଙ୍କ ସମ୍ପର୍କ ଅଣ୍ଡରୱାର୍ଲ୍ଡ କନେକ୍ସନ୍ ଥିବା ଜଣାପଡ଼ିଛି । ଡ୍ରଗ୍ସ ନେଇ ରିୟା ଯାହା ସମ୍ପର୍କରେ ଥିଲେ ସେ ଅଣ୍ଡରୱାର୍ଲ୍ଡ ସହ ଜଡ଼ିତ ଥିବା ଜଣାପଡ଼ିଛି । ଉକ୍ତ ବ୍ୟକ୍ତିଙ୍କ ନାମ ଗୌରବ ଆରିୟା ବୋଲି ଜଣାପଡ଼ିଛି । ଗୌରବ ମାୟାନଗରୀ ମୁମ୍ବାଇରେ ଭିଭିଆଇପି ମାନଙ୍କୁ ଡ୍ରଗ୍ସ ଯୋଗାଇଥାନ୍ତି । ରେଭ୍ସ ପାର୍ଟିରେ ମଧ୍ୟ ଗୌରବ ଡ୍ରଗ୍ସ ଯୋଗାଇଥାନ୍ତି ।
୨୦୧୫ ମସିହା ପୂର୍ବରୁ ରିୟା, ଗୌରବଙ୍କୁ ଜାଣିଥିବା ଓ ସମ୍ପର୍କରେ ଥିବା ନେଇ ଜଣାପଡ଼ିଛି । ସୁଶାନ୍ତଙ୍କ ମୃତ୍ୟୁରେ ଡ୍ରଗ୍ସ କାରବାର ନେଇ NCB ତଦନ୍ତ ପରେ ଏହି ତଥ୍ୟ ସାମନାକୁ ଆସିଛି । ତେବେ, ଏହି ମାମଲା ଗୋଆକୁ ମଧ୍ୟ ଲମ୍ବିଛି । ଗୋଆର ଆବୁ ଇସଲାମ୍ ଆଜମି ଯିଏ କି ହୋଟେଲିୟର କାମ କରନ୍ତି । ୨୦୧୮ରେ ଦିଲ୍ଲୀ ପୋଲିସର ନାର୍କୋଟିକ୍ ସେଲ୍ ଅନ୍ତର୍ଜାତୀୟ ଡ୍ରଗ୍ସ ରାକେଟର ପର୍ଦ୍ଦାଫାସ୍ କରିଥିଲା । ସେଠାରୁ ୪୦ କୋଟିର MDMA ଜବତ କରିଥିଲା ।
ଚାଟରେ ଗୌରବ ଆରିୟାଙ୍କ ସହ ରିୟା MDMA ନେଇ କଥା ହୋଇଛନ୍ତି । ଏଥିରେ ଆବୁ ଇସଲାମ୍ ଆଜମିକୁ ଗିରଫ କରାଯାଇଛି । ଆଜମି ୟୁକେ, ଆମେରିକା ଓ ଦୁବାଇ ସହ ଡ୍ରଗ୍ସ କାରବାର କରନ୍ତି । ଆଜମିଙ୍କ ସହ ଆରିୟାଙ୍କ ସହ ସମ୍ପର୍କ ରହିଛି । ସୁଶାନ୍ତଙ୍କ ସହ ସମ୍ପର୍କ ପୂର୍ବରୁ ରିୟା ଏମାନଙ୍କ ସହ ସମ୍ପର୍କରେ ଥିଲେ । ଏବେ NCB ଏସବୁ ଉପରେ ତଦନ୍ତ ଜାରି ରଖିଛି ।
