ଲୋକ ପ୍ରତିନିଧି ଭାବେ ପ୍ରଦୀପ ପଦବୀର ଅପବ୍ୟବହାର କରିଛନ୍ତି: ଦାମ ରାଉତ

ଭୁବନେଶ୍ୱର: ପ୍ରଦୀପ ପାଣିଗ୍ରାହୀଙ୍କ ଗିରଫଦାରୀ ନେଇ ପ୍ରତିକ୍ରିୟା ରଖିଲେ ବରିଷ୍ଠ ନେତା ଦାମୋଦର ରାଉତ । ପ୍ରଦୀପ ପାଣିଗ୍ରାହୀ ଲୋକ ପ୍ରତିନିଧି ହେବାର ଯୋଗ୍ୟତା ହରାଇ ସାରିଛନ୍ତି । ଠକ ଆକାଶ ପାଠକ ସହିତ ସମ୍ପର୍କ ରଖି କଳା କାରନାମାର ମାଲିକ ହୋଇଯାଇଛନ୍ତି ପ୍ରଦୀପ । ଜଣେ ଲୋକ ପ୍ରତିନିଧି ହୋଇ ପ୍ରଦୀପ ଟଙ୍କା ଠକେଇ କରି ଆଣି ଠକ ଆକାଶକୁ ଦେଉଥିଲେ ।

ଲୋକ ପ୍ରତିନିଧି ଭାବେ ପ୍ରଦୀପ ନିଜ ପଦବୀର ଅପବ୍ୟବହାର କରିଛନ୍ତି ବୋଲି କହିଛନ୍ତି ଦାମୋଦର ରାଉତ । ମୁଖ୍ୟମନ୍ତ୍ରୀ ତାଙ୍କୁ ଦଳରୁ ବାହାର କରିଛନ୍ତି, ମୁଁ ତାକୁ ସ୍ୱାଗତ କରୁଛି । ପ୍ରଦୀପ ନିଜ ଆଡ଼ୁ ବିଧାନସଭାରୁ ଅପସରି ଯିବା କଥା । ଏଭଳି କଳାକାରନାମାରେ ଜଡ଼ିତ ବ୍ୟକ୍ତି ବିଧାନସଭା ପରି ପବିତ୍ର ଗୃହରେ ବସିବା ଅନୁଚିତ୍ ବୋଲି କହିଛନ୍ତି ଦାମ ।