ଜବରଦସ୍ତ ଫିଚର୍ସ ସହ Redmi 9iର ବିକ୍ରି, ଦାମ୍ ୮୨୯୯ ରୁ ଆରମ୍ଭ… ଜାଣନ୍ତୁ ଅଫର୍ସ
1 min read
ନୂଆଦିଲ୍ଲୀ: ଆଜିଠୁ Redmi 9iର ବିକ୍ରି ଭାରତରେ ଆରମ୍ଭ ହେଉଛି । ଗ୍ରାହକମାନେ ଆଜି ମଧ୍ୟାହ୍ନ ୧୨ଟାରୁ ଫ୍ଲିପକାର୍ଟ ଏବଂ ଶାଓମିର ଅଫିସିଆଲ୍ ୱେବସାଇଟରୁ ଏହାକୁ କିଣି ପାରିବେ । ଏହି ସ୍ମାର୍ଟଫୋନ୍ ଗତ ମାସରେ ଭାରତରେ ଲଞ୍ଚ କରାଯାଇଥିଲା। ଏହି ଫୋନ୍ ଶାଓମିର ରେଡମି ୯ ସିରିଜର ଏକ ପାର୍ଟ । ରେଡମି 9i ର ୪ ଜିବି + ୬୪ ଜିବି ଭାରିଆଣ୍ଟର ଦାମ ୮,୨୯୯ ଟଙ୍କା ଏବଂ ୪ଜିବି + ୧୨୮ ଜିବି ଭାରିଆଣ୍ଟର ମୂଲ୍ୟ ୯,୨୯୯ ଟଙ୍କା । ଏହା ମିଡନାଇଟ୍ ବ୍ଲାକ୍, ସି ବ୍ଲୁ ଏବଂ ସବୁଜ ରଙ୍ଗରେ ଉପଲବ୍ଧ ରହିବ ।
ଅଫର ବିଷୟରେ କହିବାକୁ ଗଲେ, ଫ୍ଲିପକାର୍ଟରେ ଫ୍ଲିପକାର୍ଟ ଆକ୍ସିସ ବ୍ୟାଙ୍କ କ୍ରେଡିଟ କାର୍ଡରେ ୫ ପ୍ରତିଶତ ଅନଲିମିଟେଡ୍ କ୍ୟାସବ୍ୟାକ, ଆକ୍ସିସ ବ୍ୟାଙ୍କ ବଜ କ୍ରେଡିଟ କାର୍ଡରେ ୫ ପ୍ରତିଶତ ରିହାତି ଏବଂ ନୋ-କଷ୍ଟ୍ EMI ଅପସନ୍ ର ଲାଭ ପାଇପାରିବେ। ଡୁଆଲ୍-ସିମ୍ (ନାନୋ) ସପୋର୍ଟ ଥିବା ଏହି ସ୍ମାର୍ଟଫୋନ୍ ଆଣ୍ଡ୍ରଏଡ୍ ୧୦ ଆଧାରିତ MIUI ୧୨ରେ ଚାଲିଥାଏ ଏବଂ ଏଥିରେ ୬.୫୩ -ଇଞ୍ଚ HD + (୭୨୦x୧, ୬୦୦ ପିକ୍ସେଲ) ଡିସପ୍ଲେ ରହିଛି । ଏହାର ବ୍ୟାଟେରୀ ହେଉଛି ୫୦୦୦mAh ଏବଂ ୧୦W ଚାର୍ଜିଂ ସପୋର୍ଟ ଦିଆଯାଇଛି ।
ଫଟୋଗ୍ରାଫି ଏବଂ ଭିଡିଓଗ୍ରାଫି ପାଇଁ, ଏଥିରେ ୧୩MPର କ୍ୟାମେରା ଦିଆଯାଇଛି । ସେଲ୍ଫି ପାଇଁ ଏଥିରେ ୫MP କ୍ୟାମେରା ଅଛି ଏଥିରେ ୪GB ରାମ ସହିତ ଏକ ଅକ୍ଟୋ-କୋର ମିଡିଆଟେକ ହେଲିଓ G25 ପ୍ରୋସେସର ରହିଛି ।
