ଓଡ଼ିଆ ପୁଅକୁ ବଡ ଦାୟିତ୍ୱ, ଭାଇସ ଚିଫ୍ ହେବେ ଚଣ୍ଡୀପ୍ରସାଦ

ଭୁବନେଶ୍ୱର: ପୁଣି ଦେଶର ଦାୟିତ୍ୱରେ ଓଡିଆ ପୁଅ । ଓଡିଆ ସେନା ଅଫିସରଙ୍କୁ ମିଳିଲା ବଡ ଦାୟିତ୍ୱ । ଲେଫ୍ଟନାଣ୍ଟ ଜେନେରାଲ ଚଣ୍ଡୀପ୍ରସାଦ ମହାନ୍ତି ହେବେ ଭାରତୀୟ ସେନାର ଭାଇସ ଚିଫ । ଭାରତୀୟ ସେନାର ୪୨ ତମ ଭାଇସ ଚିଫ ହେବେ ଜଗସିଂହପୁରରେ ଜନ୍ମିତ ଚଣ୍ଡିପ୍ରସାଦ ମହାନ୍ତି ।

ପ୍ରଥମ ଓଡିଆ ଭାବେ  ଲେଫ୍ଟନାଣ୍ଟ ଜେନେରାଲ ଚଣ୍ଡୀପ୍ରସାଦ ମହାନ୍ତି ଭାରତୀୟ ସେନାର ଏହି ପଦବୀକୁ ଉନ୍ନିତ ହୋଇଛନ୍ତି  । ସେନାର ନର୍ଦନ କମାଣ୍ଡର ଭାବେ କାର୍ଯ୍ୟରତ ଅଛନ୍ତି ଚଣ୍ଡିପ୍ରସାଦ । ସେନା ଉପମୁଖ୍ୟ ଏସକେ ସାଇନିଙ୍କ ପଦବୀ ଗ୍ରହଣ କରିବେ ଏହି ଓଡିଆ ପୁଅ ।

ଜାନୁଆରୀ ୩୧ ତାରିଖରେ ଏସକେ ସାଇନିଙ୍କ କାର୍ଯ୍ୟକାଳ ସରୁଥିବାବେଳେ ଏଲଜି ଚଣ୍ଡିପ୍ରସାଦ ତାଙ୍କ ସ୍ଥାନ ନେବେ । ଜଗତସିଂହପୁର ଜିଲ୍ଲା ଜୟବଡରେ ଜନ୍ମିତ ଚଣ୍ଡୀପ୍ରସାଦ ପ୍ରଥମ ଓଡିଆ ଭାବେ ଏଭଳି ସର୍ବୋଚ୍ଚ ସମ୍ମାନ ଅଧିକାର କରିବାକୁ ଯାଉଛନ୍ତି ।