ସିଏସ୍କେ କୁ ହରାଇ ପଏଣ୍ଟ ତାଲିକାର ୪ର୍ଥ ସ୍ଥାନରେ ରହିଲା ଆର୍ସିବି
ଦୁବାଇ: ଆପିଏଲ୍ର ୧୩ ତମ ସିଜିନରେ ଚାଲିଛି ଧମା ଧମ ମ୍ୟାଚ୍ । ଗତ କାଲି ଆର୍ସିବି ଏବଂ ସିଏସ୍କେ ମଧ୍ୟରେ ଯୋରଦାର ଟକ୍କର ପରେ ଆର୍ସିବି ମ୍ୟାଚ୍କୁ ହାତେଇ ନେଇଛି । ଶନିବାର ରାତିରେ ଦୁବାଇରେ ଆରସିବି ଚେନ୍ନାଇ ସୁପର କିଙ୍ଗ୍ସ (ସିଏସକେ) କୁ ୩୭ ରନରେ ପରାସ୍ତ କରିଛି । ଆର୍ସିବି ପ୍ରଥମେ ବ୍ୟାଟିଂ କରି ସିଏସ୍କେ ୧୭୦ ରନର ଲକ୍ଷ୍ୟ ଦେଇଥିଲା । ମହେନ୍ଦ୍ର ସିଂ ଧୋନିଙ୍କ ନେତୃତ୍ୱରେ ଚେନ୍ନାଇ ଦଳ ନିର୍ଦ୍ଧାରିତ ଓଭରରେ ମାତ୍ର ୧୩୨/୮ ରନ୍ ରେ ପରାସ୍ତ ମାନିନେଇଥିଲା ।
ଏହି ବିଜୟ ସହିତ ରୟାଲ ଚ୍ୟାଲେଞ୍ଜର୍ସ ବାଙ୍ଗାଲୋର ଚତୁର୍ଥ ବିଜୟ ହାସଲ କଲା । ବର୍ତ୍ତମାନ ପଏଣ୍ଟ ଟେବୁଲରେ ୮ ପଏଣ୍ଟ ହାସଲ କରି ପଏଣ୍ଟ ଟେବୁଲରେ ଚତୁର୍ଥ ସ୍ଥାନରେ ରହିଛି । ଆର୍ସିବି ପାଇଁ ଏହା ଷଷ୍ଠ ମ୍ୟାଚ୍ ଥିବାବେଳେ ସିଏସ୍କେର ଏହା ୫ମ ପରାଜୟ ରହିଛି ।
ୱାଟସନ ୧୪ ରନ, ଫାଫ ଡୁପଲେସିସ୍ ୮ରନ ଏବଂ ଅଧିନାୟକ ଧୋନି ୧୦ ରନ କରି ବ୍ୟାଟିଂରେ ବିଫଳ ହୋଇଥିଲେ । ଏନ ଜଗଦୀଶାନ ୩୩ ଏବଂ ଅମ୍ବାତି ରାୟୁଡୁଙ୍କ ବହୁ ଉଦ୍ୟମ ପରାଜୟର ସହ ବୃଥା ହୋଇଥିଲା । ସେପଟେ ଆର୍ସିବିର ବୋଲର ମାନେ ସିଏସ୍କେ ଉପରେ ଭାରି ପଡ଼ିଥିଲା । ଅଫ୍ ସ୍ପିନର ୟୁଜଭେନ୍ଦ୍ର ଚହଲ ଧୋନିଙ୍କ ଓ୍ୱିକେଟ ନେଇଥିଲେ । ଏଥର ପ୍ରଥମ ମ୍ୟାଚ୍ ଖେଳିଥିବା କ୍ରିସ୍ ମୋରିସଙ୍କୁ ତିନୋଟି ସଫଳତା ମିଳିଥିଲା । ଇସ୍ରୁ ଉଦାନାଙ୍କୁ ଗୋଟିଏ ୱିକେଟ୍ ମିଳିଥିଲା ।
୧୭ ଓଭର ପରେ ଚେନ୍ନାଇ ସୁପର କିଙ୍ଗ୍ସର ସ୍କୋର ୧୦୯ ଥିବା ବେଳେ ଜିତିବା ପାଇଁ ୧୮ ବଲରେ ୬୧ ଆବଶ୍ୟକତା ରହିଥିଲା । ରାଇଡୁ ଏବଂ ରବିନ୍ଦ୍ର ଜାଡେଜା କ୍ରିଜରେ ଥିଲେ ମଧ୍ୟ ଟାର୍ଗେଟ ଅସମ୍ଭବ ଥିଲା । ଉଦୟଙ୍କ ବଲକୁ ସ୍ୱିପ୍ କରିବା ଳକ୍ଷରେ ରୟୁଡ଼ୁ ନିଜ ଓ୍ୱିକେଟକୁ ହରାଇଥିଲେ । ଏହା ପରେ ମୋରିସ୍ ତାଙ୍କର ଅନ୍ତିମ ତଥା ଚତୁର୍ଥ ଓଭରରେ ଡୱେନ ବ୍ରାଭୋ ଏବଂ ଜାଡେଜା ଙ୍କ ୱିକେଟ୍କୁ ହାତେଇଥିଲେ ।
