୨୪ ଘଣ୍ଟା ମଧ୍ୟରେ ଭାରତରୁ ୪୩,୦୮୨ କରୋନା ସଂକ୍ରମିତ ଚିହ୍ନଟ

ନୂଆଦିଲ୍ଲୀ: ଭାରତରେ କରୋନା ରୋଗୀଙ୍କ ସଂଖ୍ୟା ପ୍ରତିଦିନ ବଢିବାରେ ଲାଗିଛି । ଗତ ୨୪ ଘଣ୍ଟା ମଧ୍ୟରେ ଭାରତରେ ୪୩,୦୮୨ଟି ନୂଆ କରୋନା ସଂକ୍ରମିତ ଚିହ୍ନଟ ହୋଇଛନ୍ତି ।

ଏହା ବ୍ୟତୀତ ଦେଶରେ ଗତ ୨୪ ଘଣ୍ଟା ମଧ୍ୟରେ ୪୯୨ଜଣ କରୋନା ରୋଗୀଙ୍କର ମୃତ୍ୟୁ ହୋଇଛି । ଦେଶରେ ସମୁଦାୟ କରୋନା ମାମଲା ୯୩ ଲକ୍ଷ ୦୯ ହଜାର ୭୮୮ ରେ ପହଞ୍ଚିଛି । ଏମାନଙ୍କ ମଧ୍ୟରେ ୪ ଲକ୍ଷ ୫୫ ହଜାର ୫୫୫ଟି ମାମଲା ସକ୍ରିୟ ରହିଛି ଏବଂ ୮୭ ଲକ୍ଷ ୧୮ ହଜାର ୫୧୭ ଲୋକ ସୁସ୍ଥ ହୋଇ ଘରକୁ ଫେରିଛନ୍ତି । ସେପଟେ ଦେଶରେ କରୋନା ପାଇଁ ୧ ଲକ୍ଷ ୩୫ ହଜାର ୭୧୫ ଲୋକ ପ୍ରାଣ ହରାଇଛନ୍ତି ।

ରାଜଧାନୀ ଦିଲ୍ଲୀରେ ସମୁଦାୟ ଆକ୍ଟିଭ ମାମଲା ୩୮ ହଜାର ୭୩୪ରୁ ଅଧିକ ହୋଇଥିବାବେଳେ ଏହି ମହାମାରୀ ଯୋଗୁଁ ମୃତ୍ୟୁବରଣ କରିଥିବା ଲୋକଙ୍କ ସଂଖ୍ୟା ୮,୮୧୧ କୁ ବୃଦ୍ଧି ପାଇଛି ।