କାହିଁକି ମହିଳାଙ୍କ ତୁଳନାରେ ପୁରୁଷଙ୍କୁ ଲାଗେ ଅଧିକ ଗରମ ?

1 min read
Why Man Feeling Excess Heat Or Cold Than Women

ନୂଆଦିଲ୍ଲୀ: ଆରମ୍ଭ ହୋଇଯାଇଛି ଖରା । ଚୈତ୍ର ମାସର ଡହ ଡହ ଖରାରେ ଲୋକେ ତ୍ରାହି ତ୍ରାହି ଡାକିଲେଣି । ଅନେକ ସ୍ଥାନରେ ଅଘୋଷିତ ବିଦ୍ୟୁତ୍ କାଟ ଗରମକୁ ଆହୁରି ଅସହ୍ୟ କରି ଦେଇଛି । ଆଉ ଅନେକ ଲୋକଙ୍କ କହିବା କଥା ସେମାନଙ୍କୁ ଅଧିକ ଗରମ ଲାଗୁଛି । ଆଉ କିଛି ସମୟ ପରେ ଶରୀରର ତାପମାତ୍ରା ସ୍ୱଭାବିକ ହୋଇଥାଏ । କିନ୍ତୁ କିଛି ଲୋକ ଅଭିଯୋଗ କରିଛନ୍ତି ବହୁତ ଗରମ ହେଉଛି ।

ସାଧରଣତଃ ଶରୀରର ତାପମାତ୍ରା ୯୮.୬ ଡିଗ୍ରୀ ଫାରେନାଇଟ୍ ରହିଥାଏ । ଅନେକ ସମୟରେ ଶରୀରର ତାପମାତ୍ରା ବୟସ ଅଥବା ଦିନଯାକ କରିଥିବା କାର୍ଯ୍ୟ ଉପରେ ନିର୍ଭର କରିଥାଏ । ଆଉ କିଛି ଲୋକଙ୍କୁ ଅନ୍ୟଙ୍କ ତୁଳନାରେ ଥଣ୍ଡା କିମ୍ବା ଅଧିକ ଲାଗିଥାଏ । ଏହା ପଛରେ ଅନେକ କାରଣ ରହିଛି । ଆସନ୍ତୁ ଜାଣିବା…

Why Man Feeling Excess Heat Or Cold Than Women

ବୟସ- ଯୁବବଙ୍ଗଙ୍କ ତୁଳନାରେ ବୟସ୍କ ଲୋକ ସେମାନଙ୍କ ଶରୀର ତାପମାତ୍ରାକୁ ସନ୍ତୁଳିତ କରିପାରନ୍ତି ନାହିଁ । କାରଣ ବୟସ ବଢ଼ିବା ସହ ମେଟାବୋଲିଜିମ୍ ବହୁତ ଧିର ହୋଇ ଯାଇଥାଏ । ଫଳରେ ଶରୀରର ତାପମାତ୍ରା ଖସିଯାଏ । ଫଳରେ ବୟସ୍କ ଲୋକଙ୍କୁ ଅଧିକ ଥଣ୍ଡା ବା ହାଇପୋଥର୍ମିଆ ଆଶଙ୍କା ଅଧିକ ଥାଏ ।

ଲିଙ୍ଗ- ମହିଳାଙ୍କ ଶରୀର ପୁରୁଷଙ୍କ ତୁଳନାରେ କମ୍ ମାଂସପେଶୀ ଥାଏ । ଫଳରେ ସେମାନଙ୍କ ତ୍ୱଚାର ଛିଦ୍ରରୁ କମ୍ ମାତ୍ରାରେ ଝାଳ ବାହାରିଥାଏ । ଫଳରେ ପୁରୁଷଙ୍କ ତୁଳନାରେ ମହିଳାଙ୍କୁ କମ୍ ଗରମ ଲାଗିଥାଏ । ଏହାଛଡ଼ା ମହିଳାଙ୍କ ମାସିକ ଋତୁସ୍ରାବ ସମ୍ପୂର୍ଣ୍ଣ ବନ୍ଦ ହୋଇଯିବା ପରେ ପୁରୁଷଙ୍କ ତୁଳନାରେ ବେଶୀ ଗରମ ହୋଇଥାଏ । ମହିଳାଙ୍କ ଶରୀରରେ ହରମୋନ୍ସ ଅନେକ ପରିବର୍ତ୍ତନ ଯୋଗୁ ଏଭଳି ଘଟିଥାଏ ।

Why Man Feeling Excess Heat Or Cold Than Women

ମୋଟପଣ-  ଅଧ୍ୟୟନରୁ ଜଣାପଡ଼ିଛି ଶରୀରର ପ୍ରକାର ଅନୁସାରେ ଗରମ ଲାଗିଥାଏ । ମୋଟା ବ୍ୟକ୍ତିଙ୍କୁ ଅଧିକ ଗରମ ହୋଇଥାଏ । ଅଧିକ ଫ୍ୟାଟ ଶରୀରକୁ ଆହୁରି ଗରମ କରି ଦିଏ । ଆମକୁ ଗରମ ଲାଗିଲେ ଆମ ରକ୍ତକଣିକା ଓସାରି ହୋଇଯାଆନ୍ତି । ରକ୍ତ ପ୍ରବାହିତ ହେବା ସହ ତ୍ୱଚା ପର୍ଯ୍ୟନ୍ତ ଯାଇ ଗରମ ବାହିରି ଯାଇଥାଏ । କିନ୍ତୁ ଯେଉଁମାନେ ମୋଟା ହୋଇଥାନ୍ତି ସେମାନଙ୍କ ତ୍ୱଚା ତଳେ ଜମି ରହିଥିବା ଫ୍ୟାଟ ଗରମକୁ ବାହାରିବାକୁ ଦିଏ ନାହିଁ । ଫଳରେ ସେମାନଙ୍କୁ ଦୀର୍ଘ ସମୟ ଯାଏ ଗରମ ଲାଗିଥାଏ ।

ସ୍ୱାସ୍ଥ୍ୟ ସମସ୍ୟା- କିଛି ରୋଗ ପାଇଁ ଶରୀରର ତାପମାତ୍ରା ଉପରେ ପ୍ରଭାବ ପଡ଼ିଥାଏ ।

About Post Author

[DISPLAY_ULTIMATE_SOCIAL_ICONS]