ଟଙ୍କା ବାଣ୍ଟୁଥିବା ବେଳେ ଗ୍ରାମବାସୀଙ୍କ ହାତରେ ଧରାପଡ଼ିଲେ ବିଜେପି ପ୍ରାର୍ଥୀ
ରାଉରକେଲା: ହିଂସା କରୁଛି, ଟଙ୍କା ବାଣ୍ଟୁଛି ବିଜେପି । ପଞ୍ଚାୟତ ନିର୍ବାଚନ ଜିତିବାକୁ ରାଜ୍ୟର ବିଭିନ୍ନ ସ୍ଥାନରେ ହିଂସାକାଣ୍ଡ ଘଟାଉଥିବା ବିଜେପି ସୁନ୍ଦରଗଡ଼ରେ ଟଙ୍କା ବାଣ୍ଟୁଛି । ଆସନ୍ତକାଲି ସୁନ୍ଦରଗଡ଼ ସଦର ବ୍ଲକରେ ଭୋଟ୍ ଗ୍ରହଣ ହେବ । ଏଥିପାଇଁ ପ୍ରଚାର ସରିଥିବା ବେଳେ ବିଜେପି ପ୍ରାର୍ଥୀ ଭୋଟରଙ୍କୁ ଆକୃଷ୍ଟ କରିବାକୁ ଟଙ୍କା ବାଣ୍ଟୁଛନ୍ତି । ଭୋଟ୍ ପାଇଁ ଭୋଟରଙ୍କୁ ଟଙ୍କା ବାଣ୍ଟିବା ବେଳେ ଗ୍ରାମବାସୀଙ୍କ ହାତରେ ଜିଲ୍ଲା ପରିଷଦ ପ୍ରାର୍ଥୀ ପ୍ରବୀଣ ନାୟକ ଧରା ପଡ଼ିଛନ୍ତି ।
ଏଥିସହ ପଢ଼ନ୍ତୁ: କର୍ମୀଙ୍କ ପରେ ବିଜେପି ବିଧାୟିକାଙ୍କ ଗୁଣ୍ଡାଗିରି, ଥାନାରେ ଆଇଆଇସସିଙ୍କୁ ପକାଇଲେ ତାଲା !
ଗ୍ରାମବାସୀ ପ୍ରବୀଣଙ୍କୁ ଅଟକ ରଖିବା ସହ ପୋଲିସକୁ ଖବର ଦେଇଥିଲେ । କିଞ୍ଜିରମ ଅଞ୍ଚଳରେ ଟଙ୍କା ବାଣ୍ଟୁଥିଲେ ବିଜେପି ପ୍ରାର୍ଥୀ ପ୍ରବୀଣ । ଅଟକ ବିଜେପି ପ୍ରାର୍ଥୀଙ୍କ ଠାରୁ ପୋଲିସ ୪୫ ହଜାର ଟଙ୍କା ଜବତ କରିଛି । ଘଟଣାସ୍ଥଳରେ ପହଞ୍ଚି ସୁନ୍ଦରଗଡ଼ ଏସପି ସାଗରିକା ନାଥ ତଦନ୍ତ କରୁଛନ୍ତି । ପୋଲିସ ପ୍ରାର୍ଥୀଙ୍କ କାରକୁ ଜବତ କରିବା ସହ ବିଜେପି ଜିଲ୍ଲା ପରିଷଦ ପ୍ରାର୍ଥୀଙ୍କୁ ଅଟକ ରଖି ପଚରାଉଚରା କରୁଛି ।
