କିଛି ଏହିଭଳି ଥିଲା ଉଦିତ୍ ନାରାୟଣଙ୍କର ସଙ୍ଗୀତ ଯାତ୍ରା

1 min read

ମୁମ୍ବାଇ: ବଲିଉଡର ଲୋକପ୍ରିୟ ଗାୟକ ଉଦିତ ନାରାୟଣଙ୍କର ଆଜି ହେଉଛି ୬୫ତମ ଜନ୍ମଜୟନ୍ତୀ । ତାଙ୍କର ସୁମଧୁର କଣ୍ଠ ଏବଂ ହସହସ ଚେହେରା ଯୋଗୁଁ ଫିଲ୍ମ ଇଣ୍ଡଷ୍ଟ୍ରିରେ ନିଜର ଏକ ସ୍ବତନ୍ତ୍ର ପରିଚୟ ସୃଷ୍ଟି କରିପାରିଛନ୍ତି ।

୧୯୭୦ ମସିହାରୁ କ୍ୟାରିୟର ଆରମ୍ଭ କରିଥିବା ଉଦିତ ଅମିତାଭ ବଚ୍ଚନ, ଶାହରୁଖ ଖାନ, ରାଜେଶ ଖନ୍ନା, ଦେବ ଆନନ୍ଦ, ଅକ୍ଷୟ କୁମାର, ସଲମାନ ଖାନ, ଅଜୟ ଦେବଗନଙ୍କ ଭଳି ତାରକାଙ୍କ ପାଇଁ ଗୀତ ଗାଇଛନ୍ତି। ପ୍ରଥମେ ପ୍ରଥମେ ସେ ରେଡିଓ ନେପାଳ ପାଇଁ ମୈଥଲି ଫୋକ୍ ସିଙ୍ଗର ଏବଂ ପରେ ଆଧୁନିକ ନେପାଳୀ ଗୀତ ଗାଇବା ଆରମ୍ଭ କରିଥିଲେ ।

ଏହାର ୮ ବର୍ଷ ପରେ ସେ ମୁମ୍ବାଇ ଆସିଥିଲା ବେଳେ ତାଙ୍କର ବଲିଉଡ କ୍ୟାରିୟର ୧୯୮୦ରୁ ଆରମ୍ଭ ହୋଇଥିଲା ।

ନେପାଳୀ ମ୍ୟୁଜିକ୍ ସ୍କଲାରସିପ୍ ନେଇ ସେ ମୁମ୍ବାଇ ଆସିଥିଲେ। ଭାରତୀୟ ବିଦ୍ୟା ମଣ୍ଡପରେ ଶାସ୍ତ୍ରୀୟ ସଙ୍ଗୀତ ଅଧ୍ୟୟନ କରିବା ତାଙ୍କର ଉଦ୍ଦେଶ୍ୟ ଥିଲା। ୧୯୮୦ରେ ଉଦିତ୍ ନିଜର ବଲିଉଡ କ୍ୟାରିୟର ଆରମ୍ଭ କରିଥିଲା ବେଳେ ସଙ୍ଗୀତ ନିର୍ଦ୍ଦେଶକ ରାଜେଶ ରୋଶନଙ୍କ ଚଳଚ୍ଚିତ୍ର ‘ଉନିଶ-ବିଶ’ରେ ଗୀତ ଗାଇବାକୁ ସୁଯୋଗ ପାଇଥିଲେ। ସେ ସମୟରେ ଗାୟକ ମହମ୍ମଦ ରାଫିଙ୍କ ସହ ଗୀତ ଗାଇବାର ସୁଯୋଗ ପାଇଥିଲେ ଉଦିତ୍। ଆଉ ତା’ ପରେ ସେ ଲତା ମଙ୍ଗେଶକର, ଆରଡି ବର୍ମନ, କିଶୋର କୁମାର, ଆନନ୍ଦ ମିଲିନ୍ଦ, ବପି ଲହିରିଙ୍କ ସହ କାମ କରି ସଙ୍ଗୀତ ଦୁନିଆରେ ଏକ ପରିଚୟ ସୃଷ୍ଟି କରିଥିଲେ।

ସଫଳତାର ପାହାଚ ଚଢିଥିବା ଉଦିତ ଏକଦା ବିବାଦ ଘେରରେ ରହିଥିଲେ-

୨୦୦୬ରେ ରଂଜନା ନାରାୟଣ ଦାବି କରିଥିଲେ ଯେ ସେ ଉଦିତଙ୍କ ପତ୍ନୀ ବୋଲି । ହେଲେ ଏହାକୁ ସମ୍ପୂର୍ଣ୍ଣ ଖଣ୍ଡନ କରିଥିଲେ ଉଦିତ । ତେବେ ପରବର୍ତ୍ତୀ ସମୟରେ ସେ ରଂଜନାଙ୍କୁ ଗ୍ରହଣ କରିଥିଲେ । କିନ୍ତୁ ୧୯୮୫ ମସିହାରେ ଦୀପାଙ୍କ ସହ ବୈବାହିକ ବନ୍ଧନରେ ଆବଦ୍ଧ ହୋଇଥିଲେ ସେ । ଦୁହିଁଙ୍କର ଆଦିତ୍ୟ ନାରାୟଣ ନାମକ ଏକ ପୁତ୍ର ସନ୍ତାନ ଅଛନ୍ତି । ଆଦିତ୍ୟ ମଧ୍ୟ ବାପାଙ୍କ ଭଳି ଜଣେ ଗାୟକ ।

ତାଙ୍କର କିଛି ଶ୍ରେଷ୍ଠ ଗୀତ-

ବଲିଉଡରେ ଉଦିତଙ୍କୁ ପରିଚୟ ଆଣିଦେଇଥିଲା ‘କୟାମତସେ କୟାମତ୍’ ଚଳଚ୍ଚିତ୍ର । ଏହା ପରେ ସେ ୯୦ ଦଶକରେ ବଲିଉଡ ସଙ୍ଗୀତ ଜଗତର କିଙ୍ଗ ବୋଲାଇଥିଲେ ।

ଜୋ ଜିତା ଓହି ସିକେନ୍ଦର, ଯାଦୁ ତେରି ନଜର, ଚାନ୍ଦ ଛୁପା ବାଦଲ ମେଁ, ମେ ୟାହାଁ ହୁଁ, ପାପ କେହେତେ ହେଁ ଆଦି ।

ଜଣେ ସଙ୍ଗୀତକାର ହେବା ସହ ଉଦିତ୍ ଅଭିନେତା ମଧ୍ୟ। ୧୯୮୫ ମସିହାରେ ଉଦିତ୍ ନେପାଳୀ ଫିଲ୍ମ କୁସୁମେ ରୁମାଲରେ ଅଭିନୟ କରିଥିଲେ, ଯାହା ହିଟ୍ ମଧ୍ୟ ହୋଇଥିଲା ।

Leave a Reply