ଯୁବକଙ୍କୁ ଅପହରଣ ବେଳେ ଧରାପଡିଗଲେ ଦୁଇ ଦୁର୍ବୃତ୍ତ, ଖାଇଲେ ନିସ୍ତୁକ ମାଡ଼
1 min read
ଜୟପୁର: କୋରାପୁଟ ଜିଲ୍ଲା ବନ୍ଧୁଗାଁ ସୁନାପାଲମୁଣ୍ଡା ଗାଁରୁ ଜଣେ ଯୁବକଙ୍କୁ ଅପହରଣ ଉଦ୍ୟମ । କୌଶଳ କ୍ରମେ ଖସି ପଳାଇ ଆସିଲେ ଯୁବକ । ସ୍ଥାନୀୟ ଲୋକଙ୍କ ହାତରେ ଧରାପଡିବା ପରେ ଦୁଇ ଅଭିଯୁକ୍ତଙ୍କୁ ପ୍ରବଳ ମାଡ଼ । ଥାନାକୁ ନେଇ ପଚରାଉଚରା କରୁଛି ପୋଲିସ ।
ଅଭିଯୋଗ ଅନୁସାରେ ସୁନାପାଲମୁଣ୍ଡା ଗାଁରୁ ମିନେଶ ନାମକ ଜଣେ ଯୁବକଙ୍କୁ ଅପହରଣ ଉଦ୍ୟମ ହୋଇଥିଲା । ତେବେ ମିନେଶ କୌଣସି ପ୍ରକାରେ ସେମାନଙ୍କ ପାଖରୁ ଖସି ଆସି ଗାଁ ଲୋକଙ୍କୁ ଏ ସମ୍ପର୍କରେ ଜଣାଇଥିଲେ । ଘଟଣା ଜାଣିବା ପରେ ସ୍ଥାନୀୟ ଲୋକେ ତତ୍ପରତା ପ୍ରକାଶ କରିବା ସହ ଏଡୁଗୁମ ବାଲସା ନିକଟରୁ ଦୁଇ ଅଭିଯୁକ୍ତଙ୍କୁ କାବୁ କରିଥିଲେ । ଏହାପରେ ଆରମ୍ଭ ହୋଇ ଯାଇଥିଲା ଦୁଇ ଅଭିଯୁକ୍ତଙ୍କ ଉପରେ ନିସ୍ତୁକ ମାଡ଼ । ଉଭୟଙ୍କୁ ବାନ୍ଧି ପାକଇ ପ୍ରବଳ ମାଡ ମରାଯାଇଛି । ଖବର ପାଇଁ ପୋଲିସ ଘଟଣା ସ୍ଥଳରେ ପହଞ୍ଚି ଉଭୟଙ୍କୁ ଉଦ୍ଧାର କରିବା ସହ ଥାନାକୁ ନେଇ ପଚରାଉଚରା କରୁଛି । ଉଭୟଙ୍କ ଘର ସୀମାନ୍ତ ଆନ୍ଧ୍ର ପାର୍ବତୀପୁରାମର ବୋଲି ଜଣାପଡ଼ିଛି I
