IPL 2022: ଆଜି ବାଙ୍ଗାଲୋରକୁ ଭେଟିବ ପଞ୍ଜାବ
1 min read
ମୁମ୍ବାଇ: ଆଜି ଇଣ୍ଡିଆନ ପ୍ରିମିୟର ଲିଗର ୬୦ ତମ ମ୍ୟାଚରେ ମୁହାଁମୁହିଁ ହେବେ ରୟାଲ ଚ୍ୟାଲେଞ୍ଜର୍ସ ବାଙ୍ଗାଲୋର ଓ ପଞ୍ଜାବ କିଙ୍ଗ୍ସ । ଏହି ମ୍ୟାଚ ପୂର୍ବରୁ ଉଭୟ ଦଳ ଜୋରଦାର ଅଭ୍ୟାସ କରିଛନ୍ତି । ଉଭୟ ଦଳ ପାଇଁ ଏହି ମ୍ୟାଚରେ ବିଜୟ ଲାଭ କରିବା ଅତ୍ୟନ୍ତ ଜରୁରୀ । ପ୍ଲେ ଅଫ ରେସରେ ରହିବା ପାଇଁ ଆଜିର ମ୍ୟାଚକୁ ଜିତିବାକୁ ଉଭୟ ଦଳ ଚେଷ୍ଟା କରିବେ । ତେଣୁ ଆଜିର ମ୍ୟାଚରେ ସଂଘର୍ଷପୂର୍ଣ୍ଣ ମୁକାବିଲା ଦେଖିବାକୁ ମିଳିବ ।
https://twitter.com/RCBTweets/status/1525068340204515328?s=20&t=E2dK3zYOF5GIuM5naqpHvw
ଚଳିତ ଆଇପିଏଲରେ ରୟାଲ ଚ୍ୟାଲେଞ୍ଜର୍ସ ବାଙ୍ଗାଲୋର ଏପର୍ଯ୍ୟନ୍ତ ୧୨ଟି ମ୍ୟାଚ ଖେଳିଥିବାବେଳେ ୭ଟି ମ୍ୟାଚରେ ବିଜୟ ଲାଭ କରିଛି । ଯଦି ପଏଣ୍ଟ ଟେବୁଲ କଥା କହିବା ତାହାଲେ ବାଙ୍ଗାଲୋର ୧୪ ପଏଣ୍ଟ ସହ ଚତୁର୍ଥ ସ୍ଥାନରେ ରହିଛି । ଅନ୍ୟପକ୍ଷରେ ଆରସିବି ପ୍ଲେ ଅଫକୁ ଯିବାକୁ ହେଲେ ଆଜିର ମ୍ୟାଚରେ ପଞ୍ଜାବକୁ ପରାସ୍ତ କରି ପଏଣ୍ଟ ଟେବୁଲରେ ନିଜ ସ୍ଥାନ ଦୃଢ଼ କରିବାକୁ ପଡ଼ିବ । ତେବେ ଚଳିତ ଆଇପିଏଲରେ ଆରସିବି ତା’ର ପ୍ରଥମ ମ୍ୟାଚରେ ପଞ୍ଜାବକୁ ଭେଟିଥିଲା । ଏହି ମ୍ୟାଚରେ ପଞ୍ଜାବ କିଙ୍ଗ୍ସଠାରୁ ୫ ଓ୍ୱିକେଟରେ ପରାସ୍ତ ହୋଇଥିଲା । ତେଣୁ ଆଜିର ମ୍ୟାଚରେ ବିଜୟ ଲାଭ କରି ପରାଜୟର ବଦଲା ନେବାକୁ ଚେଷ୍ଟା କରିବ ବାଙ୍ଗାଲୋର ।
Two big hitters finding spots to go ???? ???? tonight ??#SaddaPunjab #PunjabKings #IPL2022 #ਸਾਡਾਪੰਜਾਬ #RCBvPBKS @RCBTweets pic.twitter.com/ubOA0is8bV
— Punjab Kings (@PunjabKingsIPL) May 13, 2022
ଅନ୍ୟପକ୍ଷରେ ଯଦି ପଞ୍ଜାବ କିଙ୍ଗ୍ସ କଥା କହିବା ତାହାଲେ ଚଳିତ ଆଇପିଏଲରେ ପଞ୍ଜାବ ଏପର୍ଯ୍ୟନ୍ତ ୧୧ଟି ମ୍ୟାଚ ଖେଳି ୫ଟି ମ୍ୟାଚରେ ବିଜୟ ଲାଭ କରିଛି । ୫ଟି ମ୍ୟାଚରେ ବିଜୟ ଲାଭ ସହ ପଏଣ୍ଟ ଟେବୁଲର ଅଷ୍ଟମ ସ୍ଥାନରେ ରହିଛି ପଞ୍ଜାବ । ତେଣୁ ଯଦି ପ୍ଲେ ଅଫ ରେସରେ ରହିବାକୁ ହୁଏ ତେବେ ଆଜିର ମ୍ୟାଚରେ ପଞ୍ଜାବ ପାଇଁ ବିଜୟ ହିଁ ଏକ ମାତ୍ର ବିକଳ୍ପ ଅଟେ ।
