ଟ୍ରେନ୍ ଭିତରେ ଯାତ୍ରୀଙ୍କୁ ଆଖିବୁଜା ଛୁରାମାଡ଼ କଲା ଯୁବକ: ୧୭ ଆହତ, ଗିରଫ ପରେ ପୁଲିସକୁ କହିଲା ଅଜବ କାରଣ

ଟୋକିଓ: ଜାପାନ ରାଜଧାନୀ ଟୋକିଓରେ ଅଘଟଣ । ମେଟ୍ରୋରେ ଜଣେ ଯୁବକ ବ୍ୟାଟ୍‌ମ୍ୟାନ୍ ଜୋକର ପୋଷାକ ପିନ୍ଧି ଯାତ୍ରୀଙ୍କୁ  ଆଖିବୁଜା ଛୁରା ମାଡ଼ କରିବା ଘଟଣା ଏବେ ଚାଞ୍ଚଲ୍ୟ ସୃଷ୍ଟି କରିଛି । କେବଳ ସେତିକି ନୁହେଁ, ଛୁରା ମାଡ଼ ସହ ଟ୍ରେନ ବଗିରେ ନିଆଁ ମଧ୍ୟ ଲଗାଇ ଦେଇଛି ଦୁର୍ବୃତ୍ତ ଜଣଙ୍କ ।ଫଳରେ କିଛି ସମୟରେ ପାଇଁ ଟ୍ରେନ୍‌ ଭିତରେ ଭୟର ବାତାବରଣ ଖେଳିଯାଇଥିଲା। ଯାତ୍ରୀମାନେ ଟ୍ରେନ୍ ଯିଏ ଯୁଆଡ଼େ ପାରିଲେ ପ୍ରାଣ ବିକଳରେ ଦଉଡ଼ି ପଳାଇଲେ। କିଏ ଟ୍ରେନ୍‌ର ଝରକା ଦେଇ ବାହାରକୁ ବାହାରିଲା ତ କିଏ ଦୁଆର ଦେଇ ଠେଲାପେଲା ହୋଇ ନିଜ ଜୀବନ ବଞ୍ଚାଇବାକୁ ଦଉଡ଼ିଲା।

ଜାପାନ୍‌ର ରାଜଧାନୀ ଟୋକିଓରେ ରବିବାର ସନ୍ଧ୍ୟାରେ ଏଭଳି ଘଟଣା ଘଟିଥିଲା। ଏଥିରେ ୧୭ ଜଣ ଆହତ ହୋଇଥିବା ବେଳେ ପୁଲିସ ଅଭିଯୁକ୍ତକୁ ଗିରଫ କରିଛି । ଏହି ଦୁର୍ଘଟଣାରେ ଜଣେ ୬୦ ବର୍ଷର ବୃଦ୍ଧ ଛୁରାମାଡ଼ରେ ଗୁରୁତର ହୋଇପଡ଼ିଛନ୍ତି। ପ୍ରତ୍ୟକ୍ଷ ଦର୍ଶୀଙ୍କ କହିବା  ଅନୁସାରେ ଦୁର୍ବୃତ୍ତ ଜଣକ ଛୁରା ମାଡ଼ କରିବା ପରେ ଟ୍ରେନ୍‌ରେ ଡିଜେଲ୍ କିମ୍ବା ପେଟ୍ରୋଲ୍‌ ଢାଳି ନିଆଁ ଲଗାଇ ଦେଇଥିଲା।

#BREAKING
At least 15 people injured after an alleged arson attack on the Tokyo metro.
One suspect has been arrested, said to be wielding a knife. Preliminary reports suggest the man poured hydrochloric acid in a carriage and set fire to it.#aamajnews #Japan pic.twitter.com/ERTqPMZO8f

— Aamaj News (@aamajnews24) October 31, 2021

ଦୁର୍ଘଟଣା ସମୟରେ ଅନେକ ଭିଡିଓ ଟ୍ୱିଟରରେ ପୋଷ୍ଟ ହୋଇଛି। ଏଥିରେ ଲୋକମାନେ ଭୟଭୀତ ହୋଇ ଟ୍ରେନ୍‌ରୁ ବାହାରିବାକୁ ଚେଷ୍ଟା କରୁଥିବାର ଦେଖାଯାଉଛି। ଏହାର କିଛି ସମୟ ପରେ ପୁଲିସ ଦୁର୍ବୃତ୍ତକୁ ଘେରିଯାଇ ଗିରଫ କରିଛି।

ସ୍ଥାନୀୟ ଗଣମାଧ୍ୟମ ରିପୋର୍ଟ ଅନୁସାରେ ପୁଲିସ ଅଭିଯୁକ୍ତଙ୍କୁ ଏପରି କରିବାର କାରଣ ପଚାରିବାରୁ ସେ ଅଜବ କଥା କହିଛି । ମଲା ଯାଏ ଜେଲ୍ ଦଣ୍ଡ ମିଳୁ ବୋଲି ସେ ଚାହୁଁଥିଲେ। ଏଥିପାଇଁ ସେ ଲୋକଙ୍କୁ ହତ୍ୟା କରିଛି ବୋଲି ଅଭିଯୁକ୍ତ ପୁଲିସକୁ କହିଛି ବୋଲି ମିଡିଆରେ ରିପୋର୍ଟ ପ୍ରକାଶ ପାଇଛି। କିଇଓ ଏକ୍ସପ୍ରେସ୍‌ ଶିଞ୍ଜୁକୁ ଫେରୁଥିବା ବେଳେ ରାତି ପ୍ରାୟ ୮ ଟା ବେଳେ ଏହି ଦୁର୍ଘଟଣା ହୋଇଥିଲା।