ସିକ୍କିମ୍ ସୀମାରେ ଭାରତ-ଚୀନ ସେନା ମୁହାଁମୁହିଁ: ଉଭୟ ଦେଶର ସେନା ଆହତ

ଗ୍ୟାଙ୍ଗ୍‌ଟକ: ସୀମାରେ ଉତ୍ତେଜନା । ସିକ୍କିମ ସୀମାରେ ଭାରତ-ଚୀନ ସୈନିକ ମୁହାଁମୁହିଁ । ଉତ୍ତର ସିକ୍କିମର ନାକୁଲା ସେକ୍ଟରରେ ଭାରତ- ଚୀନ ସୈନିକ ମୁହାଁମୁହିଁ । ଉଭୟ ଦେଶର ସୈନିକଙ୍କ ମଧ୍ୟରେ ପ୍ରବଳ ବଚସା ହୋଇଥିଲା । ଏହି ଘଟଣାରେ ଉଭୟ ପାର୍ଶ୍ୱରେ ଥିବା ସୈନିକମାନେ ମଧ୍ୟ ସାମାନ୍ୟ ଆହତ ହୋଇଛନ୍ତି। ତେବେ ସ୍ଥାନୀୟ ସ୍ତରର ହସ୍ତକ୍ଷେପ ପରେ ଏହି ଝଗଡ଼ାର ସମାଧାନ ହୋଇଥିଲା।

ମଳିଥିବା ସୂଚନା ଅନୁଯାୟୀ, କିଛି ସମୟର କଥା ବାର୍ତ୍ତା ପରେ ଉଭୟ ପାର୍ଶ୍ୱର ସୈନିକମାନେ ନିଜ ନିଜ ପୋଷ୍ଟକୁ ଫେରିଥିଲେ। ସେନା ସୂତ୍ରରୁ ପ୍ରକାଶ ଯେ ସୀମା ବିବାଦ ଯୋଗୁଁ ସୈନିକମାନଙ୍କ ମଧ୍ୟରେ ଏଭଳି ଛୋଟ ବିବାଦ ପ୍ରାୟତ ଘଟେ। ତେବେ ଦୀର୍ଘ ସମୟ ପରେ ଉତ୍ତର ସିକ୍କିମ୍ ଅଞ୍ଚଳରେ ଭାରତ ଏବଂ ଚୀନ୍ ସୈନିକମାନଙ୍କ ମଧ୍ୟରେ ଏପରି ତିକ୍ତତା ଦେଖାଦେଇଥିଲା | ପ୍ରୋଟୋକଲ୍ ଅନୁଯାୟୀ ଯେତେବେଳେ ବି ଏପରି ବିବାଦ ଥାଏ, ଉଭୟ ଶକ୍ତି ଏହାକୁ ସମାଧାନ କରନ୍ତି |

Temporary and short duration face-offs occur as the boundary is not resolved. Troops resolve such issues mutually as per established protocols. This has occurred after a long time: Indian Army sources https://t.co/scuySUQYt8

— ANI (@ANI) May 10, 2020

୨୦୧୭ରେ ପ୍ରବଳ ଉତ୍ତେଜନା ଦେଖାଦେଇଥିଲା

ପୂର୍ବରୁ ୨୦୧୭ରେ ସିକ୍କିମ ଅଞ୍ଚଳରେ ୨ ଦେଶ ମଧ୍ୟରେ ତୀବ୍ର ତିକ୍ତତା ଦେଖାଦେଇଥିଲା। ଏଣୁ ଭାରତର କିଛି ବରିଷ୍ଠ ମିଲିଟାରୀ ଅଧିକାରୀଙ୍କୁ ଏହି ଅଞ୍ଚଳରେ କ୍ୟାମ୍ପ କରିଥିଲେ। ଏହି ୨ ଦେଶର ସେନା ବାହିନୀଙ୍କ ମଧ୍ୟରେ ସେତେବେଳେ ତିକ୍ତତାର ପ୍ରଭାବ ବୈଦେଶିକ ବ୍ୟାପାର ମନ୍ତ୍ରାଳୟ ଓ ଦିଲ୍ଲୀର ସାମିରକ ମୁଖ୍ୟାଳୟକୁ ମଧ୍ୟ ବ୍ୟାପିଥିଲା

ସିକ୍କିମ୍‌ରେ ବିବାଦର ବଡ଼ କାରଣ

ବାସ୍ତବରେ ଚୀନ୍ ସେନା ଏହି ଅଞ୍ଚଳରେ ଏକ ରାସ୍ତା ନିର୍ମାଣ କରିବାକୁ ଚେଷ୍ଟା କରୁଛି। ଚମ୍ବି ଉପତ୍ୟକା ଅଞ୍ଚଳରେ ଚୀନ୍ ଏକ ରାସ୍ତା ନିର୍ମାଣ କରିସାରିଛି, ଯାହା ଦୃଷ୍ଟିରୁ ଅତ୍ୟନ୍ତ ଗୁରୁତ୍ୱପୂର୍ଣ୍ଣ ବୋଲି ବିବେଚନା କରାଯାଏ, ଯାହା ଆଗକୁ ବିସ୍ତାର କରିବାକୁ ଚେଷ୍ଟା କରୁଛି। ଏହି ରାସ୍ତାଟି ସିଲିଗୁଡ଼ି କରିଡର କିମ୍ବା ଭାରତର ତଥାକଥିତ ‘ଚିକନ୍‌ ନେକ୍’ ଅଞ୍ଚଳଠାରୁ ମାତ୍ର ପାଞ୍ଚ କିଲୋମିଟର ଦୂରରେ ଅବସ୍ଥିତ। ଏହି ସିଲିଗୁଡ଼ି କରିଡର ଭାରତକୁ ଉତ୍ତର ପୂର୍ବର ରାଜ୍ୟ ସହିତ ଯୋଡ଼ିଥାଏ । ଏହି କାରଣରୁ ଭାରତୀୟ ସେନିକ  ଏବଂ ଚୀନ୍ ସେନା ମଧ୍ୟରେ ବାରମ୍ବାର ମୁହାଁମୁହିଁ ପରିସ୍ଥିତି ସୃଷ୍ଟି ହେଉଛି ।

୨୦୧୭ ମସିହାରେ ବିବାଦୀୟ ଅଞ୍ଚଳରେ ପିଏଲ୍‌ଏର ଯବାନଙ୍କୁ ନିର୍ମାଣ କାର୍ଯ୍ୟ କରିବାକୁ ରୋକାଯିବାରୁ ବିବାଦ ସୃଷ୍ଟି ହୋଇଥିଲା ।

ଚୀନ୍ ସହିତ ଭାରତର ପୁରୁଣା ସୀମା ବିବାଦ

ଚୀନ୍ ସହିତ ଭାରତର ସୀମା ବିବାଦ ଦୀର୍ଘ ଦିନ ଧରି ଚାଲିଆସୁଛି। ପ୍ରାୟତ ଚୀନ ସେନୖକମାନେ ଭାରତୀୟ ସୀମାରେ ଅନୁପ୍ରବେଶ କରିବାକୁ ଚେଷ୍ଟା କରନ୍ତି। ତେବେ ଭାରତୀୟ ସୈନିକମାନଙ୍କ ସତର୍କତା ହେତୁ  ଚୀନ ସୈନିକମାନେ ଏଥିରେ ବିଫଳ ହୁଅନ୍ତି । ଏବଂ ଏହି କାରଣରୁ ସୀମାରେ ଉଭୟଙ୍କ ମଧ୍ୟରେ ମୁହାଁମୁହିଁ ପରିସ୍ଥିତି ସୃଷ୍ଟି ହୁଏ। ଭାରତ ଏବଂ ଚୀନ୍ ମଧ୍ୟରେ ଚାରି ହଜାର କିଲୋମିଟରରୁ ଅଧିକ ଲାଇନ୍ ଅଫ୍ ଆକ୍ଟୁଆଲ୍ କଣ୍ଟ୍ରୋଲ୍ (LAC) କୁ ତିନିଟି ବିଭାଗରେ ବିଭକ୍ତ କରାଯାଇଛି – ପୂର୍ବ, ମଧ୍ୟ ଏବଂ ପଶ୍ଚିମ ସେକ୍ଟର । ପୂର୍ବ ସେକ୍ଟର ଅରୁଣାଚଳପ୍ରଦେଶର ଅଞ୍ଚଳକୁ ନେଇ ଗଠିତ, ଯାହାର ଅଞ୍ଚଳ ଚୀନ୍ ଦ୍ୱାରା ୯୦ ହଜାର ବର୍ଗ କିଲୋମିଟର ବୋଲି ଦାବି କରାଯାଇଛି। କେନ୍ଦ୍ରୀୟ କ୍ଷେତ୍ର ଉତ୍ତରାଖଣ୍ଡ, ହିମାଚଳ ଏବଂ ସିକ୍କିମକୁ ନେଇ ଗଠିତ | ଏହି କ୍ଷେତ୍ରରେ ମଧ୍ୟ ଉତ୍ତରପ୍ରଦେଶର ବାରୁହୁତି ଅଞ୍ଚଳ ଉପରେ ଚୀନ୍ ଦାବି କରିଛି। ପଶ୍ଚିମ କ୍ଷେତ୍ର ଲଦାଖ ଏବଂ ଆକସାଇ ଚୀନ୍‌କୁ ନେଇ ଗଠିତ ।