ଦଣ୍ଡଯାତ୍ରାରେ ଗଣ୍ଡଗୋଳ: ଜଣେ ମୃତ, ୧୦ ଆହତ

ନୟାଗଡ଼: ଦଣ୍ଡଯାତ୍ରା ଶୋଭାଯାତ୍ରା ବେଳେ ଗଣ୍ଡଗୋଳ । ଜଣଙ୍କର ମୃତ୍ୟୁ ହୋଇଥିବା ବେଳେ, ୧୦ରୁ ଅଧିକ ଆହତ ହୋଇଛନ୍ତି । ଗତକାଲି ବିଳମ୍ବିତ ରାତିରେ ଦୁର୍ଗା ପ୍ରସାଦ, ଦେଉଳ ପଲ୍ଲୀ ଓ ସିନ୍ଦୁରିଆ ଗାଁର ଦଣ୍ଡ ଠାକୁର ବିରାଟ ଶୋଭାଯାତ୍ରାରେ ନୟାଗଡ଼ ସହର ପରିକ୍ରମା କରି ସିନ୍ଦୁରିଆ ଶିବ ମନ୍ଦିର ଠାରେ ପହଞ୍ଚିବା ବେଳେ କୌଣସି କାରଣରୁ ବଚସା ହୋଇଥିଲା ।

ବଚସାକୁ କେନ୍ଦ୍ର କରି ଦେଉଳ ପଲ୍ଲୀ ଓ ଦୁର୍ଗା ପ୍ରସାଦ ଗାଁର ଲୋକଙ୍କ ମଧ୍ୟରେ ମାରପିଟ ଓ ଟେକା ପଥର ମାଡ ହୋଇଥିଲା । ଫଳରେ 10 ରୁ ଅଧିକ ଆହତ ହେବା ସହିତ ଘଟଣା ସ୍ଥଳରେ ଜଣଙ୍କର ମୃତ୍ୟୁ ହୋଇଛି । ମୃତକ ହେଲେ ଦୁର୍ଗା ପ୍ରସାଦ ଗାଁର ନବୀନ ପରିଡା । ଖବର ପାଇ ନୟାଗଡ ଟାଉନ ଥାନା ପୋଲିସ ପହଞ୍ଚି ତଦନ୍ତ ଜାରି ରଖିଛି  ।