ଓଲଟିଲା ଗ୍ୟାସ ଟ୍ୟାଙ୍କର, ଅଞ୍ଚଳରେ କୋକୁଆ ଭୟ

ଭବାନୀପାଟଣା: ରାସ୍ତାରେ ଭାରସାମ୍ୟ ହରାଇ ଓଲଟିଲା ଗ୍ୟାସ ଟ୍ୟାଙ୍କର । ଟ୍ୟାଙ୍କରରୁ ଲିକ୍ ହେଉଛି ଗ୍ୟାସ୍ । ପୂରା ଅଞ୍ଚଳ ଧୂଆଁମୟ । ଲୋକଙ୍କ ମଧ୍ୟରେ କୋକୁଆ ଭୟ । ଘଟଣା ଘଟିଛି ଭବାନୀପାଟଣା ରାୟପୁର ୧୬ ନମ୍ବର ରାଜ୍ଯ ରାଜପଥରେ ।

ପୁଷ୍ଟିପଡ଼ା ନିକଟରେ ଗ୍ୟାସ ବୋଝେଇ ଟ୍ୟାଙ୍କର ଓଲଟି ପଡ଼ିଛି । ବିଶାଖାପାଟଣାରୁ ରାଇପୁର ଯାଉଥିବା ବେଳେ ଟାଙ୍କର ଦୁର୍ଘଟଣାଗ୍ରସ୍ତ ହୋଇଛି । ଭାରସାମ୍ୟ ହରାଇ ଟ୍ୟାଙ୍କର ଓଲଟି ପଡ଼ିଥିବା ବେଳେ ସେଥିରୁ ଗ୍ୟାସ ନିର୍ଗତ ହେଉଥିବାରୁ ସେହି ରାସ୍ତା ଦେଇ ଯାତାୟାତ ବନ୍ଦ ରହିଛି । ଘଟଣାସ୍ଥଳରୁ ଡ୍ରାଇଭର ଫେରାର ହୋଇଯାଇଥିବା ବେଳେ ଅଗ୍ନିଶମ ବାହିନୀ ପହଞ୍ଚିଛନ୍ତି । ସୁରକ୍ଷା ଦୃଷ୍ଟିରୁ ସ୍ଥାନୀୟ ଅଞ୍ଚଳରେ ବିଦ୍ୟୁତ୍ କାଟ୍ କରାଯାଇଛି ।