ନକଲି ପୋଲିସ୍ର ପରିଚୟ ଦେଇ ଠକେଇ
1 min read
“ମୁଁ ଆଡିସ୍ନାଲ୍ ଏସ୍ପି କ୍ରାଇମବ୍ରାଞ୍ଚରୁ କହୁଛି” ମୋତେ ଏତିକି ଟଙ୍କା ଦିଅ, ମୋର ଦରକାର ଅଛି । ପ୍ରଥମେ ସମ୍ପର୍କ ଯୋଡୁଥିଲେ ଏବଂ ପରେ ଫୋନ ପେ ମାଧ୍ୟମରେ ଟଙ୍କା ହଡପ କରୁଥିଲେ । ଏପରି ଭାବରେ ଲୁଟୁଥିଲେ ଲକ୍ଷ ଲକ୍ଷ ଟଙ୍କା । ଏପରି ଚାଞ୍ଚଲ୍ୟକର ଘଟଣା ଦେଖିବାକୁ ମିଳିଛି କଟକ ଚାଉଳିଆଗଞ୍ଜ ଥାନା ଅଞ୍ଚଳରେ । ଗିରଫ ହୋଇଥିବା ଅଭିଯୁକ୍ତ ଜଣକ ହେଲେ ନୟାଗଡ଼ ସୋରଡା ଅଞ୍ଚଳର କାର୍ତ୍ତିକ ରାଉତରାୟ । ମିଳିଥିବା ସୂଚନା ଅନୁଯାୟୀ ଦୀର୍ଘଦିନ ହେବ କାର୍ତ୍ତିକ ନିଜକୁ ପୋଲିସର ପରିଚୟ ଦେଇ ଲୋକଙ୍କ ଠାରୁ ଅନଲାଇନ ଫୋନ ପେ ଜରିଆରେ ଟଙ୍କା ଆଦାୟ କରେ ।
କଲ୍ କରିବା ପୂର୍ବରୁ ଏକ ଆପ ମାଧ୍ୟମରେ ସେହି ବ୍ୟକ୍ତିଙ୍କ ସମ୍ପର୍କିତ ସମସ୍ତ ତଥ୍ୟ ସଂଗ୍ରହ କରୁଥିଲା । ସେ ବିଷୟରେ ଜାଣି ତା’ସହ ସମ୍ପର୍କୀୟଙ୍କ କଥା କହି ଭରସା ଜୁଟାଉଥିଲା । ପରେ ସେ ବ୍ୟକ୍ତିଙ୍କୁ ଡିମାଣ୍ଡ କରେ । ପ୍ରାୟ ଦୁଇମାସ ଭିତରେ ୭ଲକ୍ଷ ଟଙ୍କା ମାର୍କେଟରୁ କଲେକ୍ସନ କରିଥିବା ପୋଲିସ ସୂଚନା ଦେଇଛି । ଅଭିଯୋଗ ଅନୁଯାୟୀ ଶିଖରପୁରର ଏକ ବ୍ୟକ୍ତିଙ୍କ ଠାରୁ ପଇସା ନେବା ପରେ ସନ୍ଧେହ ହେବାରୁ ଉକ୍ତ ବ୍ୟକ୍ତି ଜଣକ ଚାଉଳିଆଗଞ୍ଜ ପୋଲିସରେ ଏ ଘଟଣା ସମ୍ପର୍କରେ କହିଥିଲେ ।
ଚାଉଳିଆଗଞ୍ଜ ପୋଲିସ ସେହି ବ୍ୟକ୍ତିଙ୍କ ବିରୁଦ୍ଧରେ ଏକ ମାମଲା ରୁଜୁ କରିଥିଲା । ଯାହାର ଆଧାରରେ ସ୍ପେଶାଲ ସ୍କ୍ୱାର୍ଡର ଏକ ଟିମ୍ ତାକୁ ଆଜି ବଡମ୍ବା ଠାରେ ଗିରଫ କରିଛି । ତା ନିକଟରୁ ୭ଟି ମୋବାଇଲ ,୨୧ଟି ସିମ୍ କାର୍ଡ,୧୪ଟି ବିଭିନ୍ନ ବ୍ୟାଙ୍କର ଆକାଉଣ୍ଟ ,୯ଟି ଚେକ୍ ବହି, ୧୨ଟି ଦେବୀଡ଼ କାର୍ଡ ଏବଂ ଗୋଟେ ସୁନା ଚେନ ସହ ଗୁରତ୍ୱପୂର୍ଣ୍ଣ କାଗଜ ପତ୍ର ଜବତ କରିଛି ପୋଲିସ। । ପୂର୍ବରୁ ମଧ୍ୟ କାର୍ତିକ ଏଭଳି ଭାବେ ଯାଜପୁର ,ଭଦ୍ରକ, ଜଗତସିଂହପୁର ଆଦି ବିଭିନ୍ନ ଅଞ୍ଚଳରେ ଲୋକଙ୍କ ଠାରୁ ୧୦୦୦୦, ୧୫୦୦୦ କରିନେଇଥିବା ପୋଲିସ୍ ପାଖରେ ମାନିଛି । ')}
