ନ୍ୟୁକ୍ଲିଅର ଡିଲ୍ କରୁଛି ଶକ୍ତିହୀନ ଋଷ୍: ଆତଙ୍କିତ ୟୁକ୍ରେନ, ଖପ୍ପା ଭାରତ
1 min read
କିଭ୍: ଘଟିପାରେ କି ଆଣବିକ ଓ୍ବାର । ଋଷ ଉପରେ ୟୁକ୍ରେନ ନା ୟୁକ୍ରେନ ଉପରେ ଋଷ ପକାଇବ ନ୍ୟୁକ୍ଲିୟର ବମ୍ । ଏହାକୁ ନେଇ ଜାରି ରହିଛି ସସପେନ୍ସ । ୟୁକ୍ରେନ ଏକ ଡାର୍ଟି ବମ୍ ବ୍ୟବହାର କରିପାରେ ବୋଲି ଋଷ ଆଶଙ୍କା କରୁଥିବା ବେଳେ ଋଷ ରାଷ୍ଟ୍ରପତି ଭ୍ଲାଦିମିର ପୁଟିନ କରିଛନ୍ତି ନ୍ୟୁକ୍ଲିୟର ଡ୍ରିଲ । ଏହା ସହ ସମ୍ଭାବ୍ୟ ଆଣବିକ ଆକ୍ରମଣ ହେଲେ ଏହାର ଜବାବ ଦେବା ଲାଗି ପ୍ରସ୍ତୁତିର ସମୀକ୍ଷା କରିଛନ୍ତି ପୁଟିନ । ସିକ୍ରେଟ ଓ୍ବାର ରୁମରେ ବସି ବରିଷ୍ଠ ଅଧିକାରୀଙ୍କ ସହ ଆଲୋଚନା କରିଛନ୍ତି ପୁଟିନ ।
ସେହିପରି ବାଲାଷ୍ଟିକ ମିସାଇଲର ପରୀକ୍ଷା କରିଛି ଋଷ । ଗତକାଲି ଆଣବିକ ଯୁଦ୍ଧାସ୍ତ୍ର ପ୍ରସଙ୍ଗରେ ଆମେରିକା ରାଷ୍ଟ୍ରପତି ଜୋ ବାଇଡେନ ଓ ଭାରତ ପ୍ରତିରକ୍ଷା ମନ୍ତ୍ରୀ ରାଜନାଥ ସିଂ ଉଦବେଗ ପ୍ରକାଶ କରିଥିଲେ । ସେପଟେ ୟୁକ୍ରେନର ଦକ୍ଷିଣ ଖେରସନରେ ସ୍ଥିତି ହେଲାଣି ବିପନ୍ନ । କେବଳ ଖେରସନରୁ ଘର ଛାଡିଲେଣି ୭୦ହଜାର ନାଗରିକ । ଏକ ସପ୍ତାହ ମଧ୍ୟରେ ୭୦ ହଜାର ଲୋକଙ୍କ ପଳାୟନ ଯୋଗୁ ସହର ଖାଁ ଖାଁ ହେବାରେ ଲାଗିଛି ।
ଦିନିପର ନଦୀ ତଟଦେଶରେ ଋଷ ନିୟନ୍ତ୍ରଣରେ ଥିବା ଅଞ୍ଚଳର ଲୋକଙ୍କୁ ନିରାପଦ ସ୍ଥାନକୁ ନିଆଯାଉଥିବାବେଳେ ଅଧିକ ଆକ୍ରମଣ ଆଶଙ୍କାରେ ସାରା ଖେରସନରେ ଆତଙ୍କର ଛାୟା ଜାରି ରହିଛି । ସେପଟେ ୟୁକ୍ରେନ ହମଲାରେ ନଷ୍ଟ ହେବାରେ ଲାଗିଛି ଶତାଧିକ ଲଢୁଆ ହେଲିକପ୍ଟର । ବ୍ରିଟେନ ଗୁଇନ୍ଦା ସଂସ୍ଥା ପକ୍ଷରୁ ପ୍ରକାଶିତ ରିପୋର୍ଟରେ କୁହାଯାଇଛି ୟୁକ୍ରେନ ଆକ୍ରମଣରେ ଧ୍ବଂସ ହେଲାଣି ଅର୍ଦ୍ଧାଧିକ କେଏ-୫୨ ହେଲିକପ୍ଟର । ତେଣେ ଦୋନେସ୍କର ବଖମତ ଅଞ୍ଚଳରେ ଋଷକୁ ଲାଗିଛି ଜୋରଦାର ଧକ୍କା । ସେଠାରେ ୟୁକ୍ରେନୀୟ ସୈନ୍ୟ ଅଗ୍ରସର ହେବା ସହ ଋଷୀୟ ସୈନ୍ୟ ପଛଘୁଞ୍ଚା ଦେଇଥିବା ସୂଚନା ମିଳିଛି ।
