‘କୁଲି ନଂ ୧’ର ସୁଟିଂ ସେଟରେ କାହିଁକି ଗାଳି ଶୁଣିଥିଲେ ଷ୍ଟାରକିଡ୍ ସାରା?

ମୁମ୍ବାଇ: ନିକଟରେ ରିଲିଜ ହୋଇଯାଇଛି ସାରା ଅଲ୍ଲି ଖାନ ଏବଂ ବରୁଣ ଧୱନଙ୍କ ଅଭିନୀତ ଫିଲ୍ମ ‘କୁଲି ନଂ-୧’ର ଟ୍ରେଲର । ଏହାର ଟ୍ରେଲରକୁ ଦର୍ଶକଙ୍କ ଭଲ ରେସପୋନ୍ସ ମିଳିପାରିଛି ।

ଯାହାର ଟ୍ରେଲର ଭର୍ଚୁଆଲ୍ ଲଞ୍ଚରେ ସାରା, ବରୁଣ ଅଂଶଗ୍ରହଣ କରିଥିଲେ । ଏହି ସମୟରେ ସାରା ସୁଟିଂ ସହ ଜଡିତ ଏକ ମଜାଳିଆ ଘଟଣା ସମ୍ପର୍କରେ ବର୍ଣ୍ଣନା କରିଥିଲେ । ଏପରିକି ବରୁଣଙ୍କ ଯୋଗୁଁ ତାଙ୍କୁ ନିର୍ଦ୍ଦେଶକ ଡେଭିଡ ଧୱନଙ୍କ ଠାରୁ ଗାଳି ଶୁଣିବାକୁ ପଡିଥିଲା ।

ବରୁଣଙ୍କ ପାଇଁ ଗାଳି ଶୁଣିଲି-

ସାରା କୁହନ୍ତି, ଆମେ ସେଦିନ ‘ମେଁ ତୋ ରାସ୍ତେ ସେ ଯା ରାହା ଥା’ ଗୀତର ସୁଟିଂ କରୁଥିଲୁ। ବରୁଣ ଭ୍ୟାନରେ କଷ୍ଟ୍ୟୁମ ଉପରେ କିଛି କାମ କରୁଥିବା ବେଳେ ମୁଁ ସୁଟିଂ ପାଇଁ ପୂରାପୂରି ରେଡୀ ଥିଲି। ହେଲେ ସୁଟିଂରେ ବିଳମ୍ବ ହେଉଥିବାରୁ ଡେଭିଡ୍ ସାର୍ ରାଗିଯାଇଥିଲେ । କିନ୍ତୁ ସେହି ରାଗ ମୋ ଉପରେ ଗାଳି ରୂପେ ପଡିଥିଲା ।

ସାରା ଏବଂ ବରୁଣ ଧୱନ ପ୍ରଥମ ଥର ପାଇଁ ଏକାଠି ଏହି ଫିଲ୍ମରେ ନଜର ଆସିବାକୁ ଯାଉଛନ୍ତି । ତାଙ୍କର ଏହି ଚଳଚ୍ଚିତ୍ର ୧୯୯୫ ମସିହାର ‘କୁଲି ନମ୍ବର୧’ର ରିମେକ୍ । ଯେଉଁ ଫିଲ୍ମର ଲିଡ ରୋଲରେ ଥିଲେ ଗୋବିନ୍ଦା ଏବଂ କରିସ୍ମା କପୁର । ନିର୍ଦ୍ଦେଶକ ଡେଭିଡ ଧୱନଙ୍କ ଏହି ଫିଲ୍ମ ଡିସେମ୍ବର ୧୧ରେ ଆମାଜନ ପ୍ରାଇମ ଭିଡିଓରେ ମୁକ୍ତିଲାଭ କରିବ।