କୋରାପୁଟରେ ବିଜେଡିର ମିଶ୍ରଣ ପର୍ବ

ଜୟପୁର: କୋରାପୁଟରେ ବଢୁଛି ବିଜେଡିର ବଳ । ବିଜେଡିରେ ସାମିଲ ହେଲେ ବିଜେପି ଓ କଂଗ୍ରେସ ନେତା । ବୋରିଗୁମ୍ମାଠାରେ ଆୟୋଜିତ ମିଶ୍ରଣ ପର୍ବରେ ଗତଥର ସ୍ବାଧୀନ ବିଧାୟକ ପ୍ରାର୍ଥୀ ହୋଇଥିବା ସନ୍ତୋଷ ଦାଶ ବିଜୁ ଜନତା ଦଳରେ ସାମିଲ ହୋଇଛନ୍ତି । ଏହି ଅବସରରେ ସନ୍ତୋଷ ଦାଶଙ୍କ ସମେତ କିଛିଦିନ ତଳେ ବିଜେଡିରେ ମିଶିଥିବା ଗତଥରର କଂଗ୍ରେସ ବିଧାୟକ ପ୍ରାର୍ଥୀ କେ. ନାଗରାଜ ଦୋରାଙ୍କୁ ଦଳ ପକ୍ଷରୁ ସ୍ବାଗତ କରାଯାଇଛି ।

ନାଗରାଜ ଏବଂ ସନ୍ତୋଷ ଦାଶଙ୍କ ବହୁ ସମର୍ଥକ ମଧ୍ୟ ବିଜେଡିରେ ଯୋଗଦେଇଛନ୍ତି । କୋରାପୁଟ ଜିଲ୍ଲା ବିଜେଡି ସଭାପତି ଈଶ୍ବର ପାଣିଗ୍ରାହୀଙ୍କ ନେତୃତ୍ବରେ ମିଶ୍ରଣ ପର୍ବ ଆୟୋଜନ କରାଯାଇଥିଲା । କାର୍ଯ୍ୟକ୍ରମରେ ବିଜେଡି ରାଜ୍ୟ ସମ୍ପାଦକ ରବି ନାରାୟଣ ନନ୍ଦ, କୋଟପାଡ଼ର ପୂର୍ବତନ ବିଧାୟକ ଚନ୍ଦ୍ର ଶେଖର ମାଝୀ ଏବଂ ଇନ୍ଦିରା ନନ୍ଦ ପ୍ରମୁଖ ଉପସ୍ଥିତ ଥିଲେ ।