Bihar : ଚିରାଗ ପାଶୱାନଙ୍କୁ ଧନ୍ୟବାଦ ଦେଲେ ତେଜସ୍ୱୀ ଯାଦବ, ହେଲେ କାହିଁକି …
1 min read
ପାଟନା: ନଭେମ୍ବର ୧୦ରେ ବିହାର ବିଧାନସଭା ନିର୍ବାଚନ ଫଳାଫଳ ବାହାରିବ । ହେଲେ ଏହାର ଗୋଟିଏ ଦିନ ପୂର୍ବରୁ ବିହାରର ସବୁଠୁ ଚର୍ଚ୍ଚିତ ଯୁବ ରାଜନେତାଙ୍କ ଜନ୍ମଦିନ । ନଭେମ୍ବର ୩ରେ ଆରଜେଡି ନେତା ତଥା ମହାଗଠବନ୍ଧନ ମୁଖ୍ୟମନ୍ତ୍ରୀ ପ୍ରାର୍ଥୀ ତେଜସ୍ୱୀ ଯାଦବଙ୍କ ଜନ୍ମଦିନ । ଏହାର ୨ ଦିନ ପୂର୍ବରୁ ସରିଛି ବିହାର ନିର୍ବାଚନ । ସେହିଦିନ ସନ୍ଧ୍ୟାରେ ଆସିଥିଲା ବୁଥବାହୁଡା ମତ ଅର୍ଥାତ ଏକଜିଟ୍ ପୋଲ ।
ଆଉ ଏଥିରେ ମହାମେଣ୍ଟ ଭଲ ପ୍ରଦର୍ଶନ ସହ ସରକାର କରୁଥିବା ଜଣାପଡିଛି । ତେଣୁ ତେଜସ୍ୱୀଙ୍କୁ ଜନ୍ମଦିନ ଶୁଭେଚ୍ଛା ଦେବାକୁ ନେତାମାନଙ୍କ ମଧ୍ୟରେ ପ୍ରତିଯୋଗିତା ଦେଖିବାକୁ ମିଳିଛି । ଏହି ତାଲିକାରେ ରାହୁଲ ଗାନ୍ଧୀ, ରାଜବବ୍ବର, ହେମନ୍ତ ସୋରେନ, ଅଖିଲେଶ ଯାଦବ ଏବଂ ଅରବିନ୍ଦ କେଜ୍ରିୱାଲ ପ୍ରମୁଖ ଅଛନ୍ତି । ହେଲେ ଜଣଙ୍କ ଟୁଇଟ୍ କୁ ନେଇ ଭାରି ଚର୍ଚ୍ଚା ହେଉଛି । ତାହା ହେଉଛି ଏଲଜେପି ନେତା ଚିରାଗ ପାଶୱାନଙ୍କ ଟୁଇଟ୍ ।
जन्मदिन की ढेर सारी शुभकामनाएं।ईश्वर से प्रार्थना है आप दीर्घायु हों और अपने जीवन को सफल बनाने मे कामयाब रहे।आज आप का जन्मदिन है भगवान के दर्शन व आशीर्वाद से आप का दिन शुभ हो।@yadavtejashwi
— युवा बिहारी चिराग पासवान (@iChiragPaswan) November 9, 2020
ଚିରାଗ ଟୁଇଟ୍ କରି ତେଜସ୍ୱୀଙ୍କୁ ଜନ୍ମଦିନର ଶୁଭେଚ୍ଛା ଜଣାଇଥିଲେ । ଚିରାଗ କହିଥିଲେ ଯେ, ଜନ୍ମଦିନର ବହୁତ ବହୁତ ଅଭିନନ୍ଦନ ।ଇଶ୍ୱରଙ୍କୁ ପ୍ରାର୍ଥନା କରୁଛି ଆପଣ ଦୀର୍ଘାୟୁ ହୁଅନ୍ତୁ । ଆପଣ ଜୀବନରେ ସବୁ ସଫଳତା ପାଆନ୍ତୁ ବୋଲି ଚିରାଗ କହିଛନ୍ତି । ଚିରାଗ କରିଥିବା ଏହି ଟୁଇଟ୍ କୁ ଚିରାଗ ଧନ୍ୟବାଦ ଭାଇ ବୋଲି ଲେଖି ରିଟୁଇଟ୍ କରିଛନ୍ତି । ନିର୍ବାଚନ ଫଳାଫଳର ଗୋଟିଏ ଦିନ ପୂର୍ବରୁ ଚିରାଗ ଏହି ଟୁଇଟ୍ ବିଭିନ୍ନ ରାଜନୈତିକ ଆଲୋଚନାକୁ ଜନ୍ମ ଦେଇଛି ।
धन्यवाद भाई https://t.co/gy0GSoghVz
— Tejashwi Yadav (@yadavtejashwi) November 9, 2020
