ବୌଦ୍ଧ: ରାଜ୍ୟରେ ସରୁନି ମଣ୍ଡି ଟେନସନ। ବୌଦ୍ଧ ଜିଲ୍ଲା କଣ୍ଟାମାଳ ବ୍ଲକର ବିଭିନ୍ନ ମଣ୍ଡିରେ ଏବେ ଅଭାବନୀୟ ଚିତ୍ର ଦେଖିବାକୁ ମିଳିଛି। ମଣ୍ଡିକୁ ଗାଡ଼ି ଆସୁ ନଥିବାରୁ ଚାଷୀଙ୍କ ଧାନ ଉଠିପାରୁ ନାହିଁ, ଯାହାଫଳରେ ଖୋଲା ଆକାଶ ତଳେ ହଜାର ହଜାର କୁଇଣ୍ଟାଲ ଧାନ ପଡ଼ି ରହି ନଷ୍ଟ ହେବାକୁ ବସିଲାଣି।
ଟୋକନ ଅବଧି: ଆଉ ମାତ୍ର କିଛି ଦିନ ପରେ ଜୁନ୍ ମାସ ଶେଷ ହେବାକୁ ଯାଉଛି। ଏହା ସହିତ ଚାଷୀଙ୍କ ଧାନ ବିକ୍ରି ପାଇଁ ଥିବା ଟୋକନର ଅବଧି ମଧ୍ୟ ଶେଷ ହୋଇଯିବ।
ଖରିଫ୍ ଚାଷ ସଙ୍କଟ: ଧାନ ବିକ୍ରି ନହେଲେ ଚାଷୀଙ୍କ ହାତକୁ ପଇସା ଆସିବ ନାହିଁ। ଏଭଳି ସ୍ଥିତିରେ ଆଗାମୀ ଖରିଫ ଚାଷ ପାଇଁ ସେମାନେ କେମିତି ପ୍ରସ୍ତୁତ ହେବେ, ତାକୁ ନେଇ ଚାଷୀକୁଳ ଗଭୀର ଚିନ୍ତାରେ ଅଛନ୍ତି।
